1 Ts 4:13 - Nuevo Testamento Toba Sombrero Negro

¹³ Ami yaqaya'olqa, ja qadelnataĝac ta'le ja auayachiñe ga'me ladiquiyaĝa'j jogaa'me joote yele'u, qaedi ja ami 'te totelo'te, da'me ja aueñiya'ama jogaa'me jo'ne qaya'te lajoĝonataĝanaĝa'j.

Nuevo Testamento Toba Sur

¹³ Qami' qadqaÿa't, sa saÿamaxadenaq da sa qauaÿajñi ca lliquiaxac na mashi qanmataxanaxaneec, yaqto' sa ishit da huo'o ca daquicota, i'enaxattapeguem ca saxanaxa da da'amqajnataxan mayi saqca ca naquitaxac.

La'aqtaqa Ñim Lo'onatac 'Enauacna 2013

¹³ Qami' qarqaỹa't, sa saỹamaxarenaq da sa qauaỹaañi ca llecỹaxac na mashe qanmataxanaxanec, yaqto' saishet da huo'o ca daquicota da 'eeta'am ca saxanaxa da da'amqaanataxan maye saqca ca naquitaxac.

1 Ts 4:13 Referans Kwoze

1 Ts 5:10

Jesucristo nach'eñe ca'li qo'mi nemelo'te ca'li yeleu uetalegue jaga'me sodoso, qaedi nach'e eta't da'me qadec'aetayejop joñe'me, uotaĝa maliaĝa qadec'aletalegue jena'me aleua uotaĝa joote qadeleu.

1 Ts 4:15

Chane'eja ami ja'aĝataĝama jena'me jenjo' jo'ne yataqata lapaĝaguenataĝanaĝac joñe'me Qadejaliaĝanec, queda'me qo'mi jo'ne maliaĝa qanec'aletaye chayovida'a qom 'niyelaq joñe'me Qadejaliaĝanec, ja je'uauaĝañe da'me qo'mi da'me jec'ataĝaje'ma di'me piyem, dite da'me 'uaediñe jodia'me joote yele'u.

Efesios 2:12

da'me ja ami 'te judiopi jo'ne ja auatetoñi ca'li joñe'me Cristo, ja ovitaue jogaa'me lec'oqo'tepi joñe'me, qama'le ja ovitauelo naa'me lamaĝajoĝonaĝaco uotaĝa ga'me leyalaqataĝanaĝac joñe'me Dios, ca'li yanema jogaa'me lec'oqo'tepi. Chane'eja temaq'aen ami uo'oe ca'li, qalaĝaja ja auatetoñi joñe'me Dios nataq'aen yataqata qaya'te adajoĝonataĝanaĝaqui.

2 Pedro 3:4

da'me denataĝa'tape: “¿Jach'e ga'me eeta da'me 'yaĝatetac ñe'me Cristo, da'me eetapega 'niyelaĝaquena? Nayi joote yele'u jodia'me mach'e qadet'al, qama'le chiyoqotelegue joca'li yemta qoye'et jena'me aleua, maliaĝa queta yemeda daa'me jo'ne uo'oe.”

1 Corintios 15:6

nataq'aen ca'li nalo'ta't joga'me quinientos 'me quetedapegue' ca'li qama'le naloĝonegueta —yamta'le yemeda joga'me maliaĝa uo'oe, mate mane'e uo'oe dia'me joote qayaua—

Hechos 7:60

Yem qama'le yejoidiñe naa'me leliquetel, netenec ga'me 'laqatac: “¡Am Jaliaĝanec, ena'te aueloyi qomle da'me lajouaĝaje't jena'me jiyaĝadipi!” Da'me joote nenaĝategue da'me dojo', qama'le yeleu.

2 Corintios 1:8

Ami yaqaya'olqa, jepagaqatapega ta'le auayachiñe da'me dojo' queda'me yataqachiñe jalcote qayoĝode' gaa'me qadaqalaico 'me qo'mi ualo'te ca'li jouaqa'a di'me aleua jo'ne Asia. Qanapiyenaguec jo'ne yataqachiñe t'añi jo'ne yamta'le ja qadalo'oguet, nataq'aen chayovida'a ja jenaqatapega qadec'aletaye da'me qolaqa'e di'me aleua.

1 Corintios 10:1

Ami yaqaya'olqa, 'noota qom anetoviñetaque dia'me jachiyojoĝogueta qadapidi jo'ne quetedapegue' ca'li di'me Moisés: ena'uaque jogaa'me dajotedalegue ga'me piyem lo'oc, nataq'aen ena'uaque paidiñgui ga'me noĝop let'a jo'ne lenaĝat da'me Noĝop Tomaĝadaic.

Romanos 1:13

Ami yaqaya'olqa, jepaquetapega ta'le auayachiñe da'me uaĝa'aegue jetaque ja'uo da'me yeuoĝoc qaedi ami jauanalo, qalaĝaja chayovida'a nayi nach'e eta't jayem nedalegue ga'me jo'ne jayem nauaneguet nale. Da'me yamaic, ena'am ta'le jetaque jatoĝon ga'me jalayaĝac ñe'me Dios Lepaqal 'me ami uetauelo, ena'am da'me joote jatoĝon gaa'me ale'u lael laqaya'.

Hechos 13:36

Chane'eja, da'me eja queda'me David yelo'ogue ga'me mach'e layi, nach'e naq'aeta da'me jo'ne Dios yamaĝalegue. Yem qama'le yeleu, qoyacha'ajopa dia'me let'al nataq'aen queda'me nec'oechiñe ga'me lapat.

Juan 11:24

Marta 'yateguet joñe'me: —Jaja'a, eja jayaten da'me yitaĝa nec'alegue qom qo'niyelaĝachidijeguem jodia'me jo'ne joote yele'u, qom yovita ga'me nolo' jo'ne p'ategue.

2 Pedro 3:8

Nataq'aen da'me laqaya, ami yaqaya'olqa, eet'oi: ena'te auapalaĝache'ta da'me ee'tec ñe'me Qadejaliaĝanec, ga'me onolec nolo' en ena'am ga'me mil na'me 'uoidi, qama'le ga'me mil na'me 'uoidi ena'am ga'me onolec nolo'.

Hechos 8:2

Uo'oe gaa'me jiyaĝa'u jo'ne choĝodenataĝanaĝayaqa yijediñi Esteban nataq'aen noyetedapelegue joga'me.

Mateo 27:52

Nataq'aen 'nouatedegue jogaa'me napa'l lete'; qama'le qayoĝode' dia'me jiyaĝa'u 'me ja 'nalo'te jo'ne joote yele'u yitaĝa 'niyelaĝadijeguem ca'li.

1 Corintios 12:1

Ami yaqaya'olqa, nayi jetaque ami japaĝagueneque gaa'me chiyaqayilo da'me nañoqotaĝanaĝac 'me yanegue ñe'me Dios Lepaqal 'me ja 'nalegue.

Efesios 2:3

Nach'e ena'am da'me qo'mi: ca'li yataqata naq'aeta da'me mach'e qanejiyaĝauayaĝac, jauoqo joga'me ch'e qadelnataĝac uotaĝa qadamanaĝanaĝac jo'ne yataqata ja no'en, qama'le yataqata jouaqatoue joga'me lalemataic ñe'me Dios, jenaqa'ama gaa'me jiyaĝa'u laqaya' jo'ne ja 'noe'n.

1 Ts 4:14

Qa'a nach'ena jena'me jenjo' joote jayatenaq, ca'li yeleu joñe'me Qadejaliaĝanec Jesús qama'le nec'alijeguem ca'li, qama'le nach'e ena'am yataqata jep'iyaqa ñe'me Dios nec'alaĝachidijeguem jo' qomle jogaa'me jo'ne p'iida'a ñe'me Jesús ca'li yele'u.

1 Ts 5:6

Chane'eja 'noota ta'le ja jo'ochaq, ena'te jadenaĝataq joga'me ochaĝayaqa, dite da'me nach'e eta't ñeloqotaye nataq'aen yataqata jeloqo'tegue da'me qadadiquiyaĝac.