1 Ts 3:6 - Nuevo Testamento Toba Sombrero Negro

⁶ Qama'le nayi joote 'niyelaq joñe'me Timoteo, chiyoĝogue di'me Tesalónica, qama'le yataqata onaĝaic ga'me 'laqataĝanaĝac, da'me ami yataqata t'añi nayi joga'me adepi'i, chayovida'a da'me adoqopich'ii jo'ne ami uetauelo. Choqoda'me qo'mi t'aqataĝatapema da'me nach'e eta't qo'mi auenachetapegalo da'me qo'mi, yataqata ja qo'mi 'te auapalaĝache'talo, nach'e eta't qo'mi avichoĝodeñi, chayovida'a da'me 'uo ga'me lamaic da'me yitaĝa qo'mi auañiyalo, qama'le nach'e ena'am da'me qo'mi 'uo da'me qadamaic da'me yitaĝa ñauanaĝa't qomle.

Nuevo Testamento Toba Sur

⁶ Qaq can nvi' so Timoteo da chigaqa'a na Tesalónica, nachi qomi' nda'alo da 'onaxaic qad'axaÿaxac da qadpi'iÿaxaqui, qataq da qadsoxoyiqui. Qataq qomi' da'aqtaxanema da saqalota da qadhuennataxaqui da shinaqta, qataq huo'o da qadyaqai da qomi' qanauañiito. Nachi 'en'am qomi' nataq'en huo'o da qadyaxa da qami' ñauanaxato.

La'aqtaqa Ñim Lo'onatac 'Enauacna 2013

⁶ Qaq can nvi' ñi Timoteo da chegaqa'a na Tesalónica, nache qomi' da'aqtaxaateguema da qami' ỹataqta qanauochiỹa't qataq saq qaỹa'axañiiuec da qarpi'iỹaxaqui Ñim Lo'onatac 'Enauacna. Nataqa'en qomi' da'aqtaxaateguema da qomi' qauennachetrapigui souaxat da qarauotaxanaqtaiqui da shenaqta, qataq huo'o da qaryaqai da qomi' qanauañito, 'ena'ama qomi' da huo'o da qaryaxa da qami' ñauanaxato.

1 Ts 3:6 Referans Kwoze

1 Corintios 11:2

Ami ñetotapeque qa'a nach'e eta't anetoviñetaque yema gaa'me 'yonataqa nataq'aen 'yamaqatenataĝanaĝaco ca'li, nataq'aen yataqachiñe oqui'teguelo daa'me yapaĝaguenataĝanaĝaco jo'ne ami janema.

1 Ts 1:3

Nataq'aen queda'me jouaqa'tot joñe'me Qadet'a Dios, nach'e eta't jenataqa'ta joda'me yataqata ja aĝañiñi jena'me jenjo' jo'ne adepi'i, da'me onaĝaic adoqopich'i nataq'aen da'me yataqata ami 'uañaĝayaqa nale te'me 'uo ga'me ami qoyachalo'te jo'ne ja no'en, qa'a jouaĝat da'me yataqata auache'ta joñe'me Jaliaĝanec Jesucristo.

Hechos 18:5

Ca'li Silas nataq'aen Timoteo yovi't chiyoqoda'a di'me Macedonia, Pablo yataqachiñe yema'eguet da'me 'yaĝatetac da'me 'naqataĝanaĝac nataq'aen yechoĝotetapema joga'me judiopi queda'me Jesús mach'e Dios Liquiyac.

Filipenses 1:8

Dios joote yayaten da'me yataqata eja da'me ami ñetonata'n, nataq'aen da'me yataqata ami joqopitalo, nach'eda da'me yoqopich'i jo'ne jayem yanem ca'li joñe'me Jesucristo.

1 Juan 3:23

Nach'eda da'me lamaĝajoĝonaĝac, qaedi jep'iyaqa joñe'me Lec'oĝot Jesucristo nataq'aen 'noota qom ñoqopitaqapega't. Naq'aeta da'me qo'mi yamaĝalo'te ca'li.

Hebreos 13:7

Anetoviñetaque ñaa'me mach'e adajoĝola'chidi', naqaeñaua jo'ne ami 'yaĝatema ca'li daa'me 'laqataqa ñe'me Dios. Auenachelegue da'me jo'ne chiyaqayi da'me 'loyaĝa'j joñaa'me, qama'le oqui'tegue da'me ee'tec da'me mach'e lepi'iyaĝa'j.

Hebreos 13:3

Anetoviñetaque gaa'me adaqayadi' jo'ne netedaue jaga'me coñetaĝanaĝaiqui, qama'le ena'am aueñi da'me uotaĝa ena'am ta'le anecoñetaĝa'udi' jogaa'me, nataq'aen da'me auenache'talo gaa'me jo'ne joote ja no'en da'me qo'yeteque, queda'me uotaĝa nach'e ena'am da'me ami qo'yeteque qomle.

Filemón 1:5

Qa'a jep'iquilegue da'me yataqata auep'iya'a ñe'me Qadejaliaĝanec Jesús nataq'aen queda'me adoqopitalo ena'uaque jogaa'me Dios lec'oqo'tepi.

2 Timoteo 1:3

Ñetamenaĝaco nale jauo'oe gaa'me noloqo'ote nataq'aen gaa'me pi'yaĝadi yataqata ja am 'te japalaĝate'ta, mac da'me yamaic janem ñe'me Dios jo'ne naqaeñe jo'onataĝatape'uo, qama'le qaya'te yelnataĝac laqaya mac da'me yataqata jen yoqovichigui jena'me yeuel, qa'a naq'aeta da'me 'lonataĝanaĝa'j dia'me yet'al joca'li.

1 Timoteo 1:5

Nataq'aen joga'me paquetapega jenjo' 'yelopaĝac: 'noota ta'le noqopitetapega't onolqa'tape jogaa'me, qa'a yataqata eja 'uo da'me loqopich'i jo'ne chiyaqayi ga'me mach'e lai'li jo'ne yataqata onaĝaic, chayovida'a da'me 'uo joga'me lepe'e' jo'ne yataqata eja.

2 Ts 1:3

Ami yaqaya'olqa, 'noota qom yemeda naa'me naajo' noloqo'ote janemaĝam da'me qadamaic joñe'me Dios, jouaĝat da'me ami. Nach'ena jena'me jenjo' ta'le jauoqo, qa'a da'me ami male yataqata auep'iiya'a joñe'me Dios, nataq'aen da'me di'yoq yataqata anoqopich'iya't, da'me ami naqaya' onolqa'tape da'me ami.

1 Ts 2:17

Ami yaqaya, cha'li jeetapega qo'mi qolaĝayelo cha'li ja paja'a qanauanaĝa't jo' qomle. Da'me ami, mate mane'e ja jalcote nale ta'le ami jauanaĝalo, qalaĝaja nach'e eta't ami ñetouenaqataque, yataqata na'me qadauel ja ami 'te yapalaĝate'talo, qama'le yataqata 'uo da'me lamaic da'me ami jajoĝoguelo, qaedi yitaĝa ami jauanaĝalo.

1 Ts 2:9

Ami yaqaya'olqa, anetoviñetac ga'me qat'onataĝanaĝac ca'li, choqoga'me yataqata qadepagaĝac qaedi maqachaĝa 'uo ga'me qadomataĝanaĝac ga'me 'noyaĝac, yataqata 'uo ga'me qat'onataĝanaĝac gaa'me noloqo'ote chayovida'a gaa'me pi'yaĝadi, qaedi ja ami 'te qaueladetalo'te ca'li da'me ami, da'me cha'li ami ja'aĝataqatapema joga'me 'naqatac jo'ne yataqata chiyoqo'ot joñe'me Dios.

Colosenses 4:18

Jayem Pablo, mach'e ñepoquena ledii's dojo' yamaic jo'ne ami jedenaqatenalo. Anetoviñetac queda'me jayem necoñetaejec. 'Noota qom Dios ami yanema da'me anichoĝodenataguequi, ena'uaque da'me ami.

Colosenses 1:4

qa'a joote janomaqa da'me yataqachiñe auep'iiya'a joñe'me Cristo Jesús, nataq'aen queda'me adoqopichiyalo ena'uaque joga'me Dios lec'oqo'tepi.

Gálatas 5:6

Qom joqotaĝaguet ñe'me Cristo, male ja p'ajaye da'me joote jaconaĝaguet ga'me 'nanaĝajet 'me nichaĝajoĝonaĝac uotaĝa qom ja naq'aeta. Da'me jo'ne p'ajaye ta'le jep'iyaqa ñe'me Cristo, nataq'aen da'me dojo' qadepi'iyaĝac qo'mi tauelo q'ae'n da'me qadoqopitalo jogaa'me qadaqaya'olqa.

1 Corintios 13:13

Chane'eja uo'oe naajo' tres jo'ne qaya'te loiquiaqa't: da'me nepe'e, da'me najoĝonataĝanaĝac nataq'aen joda'me noqopich'i. Qalaĝaja da'me yataqachiñe p'ajaye naa'me naajo' tres mach'e noqopich'i.

Hechos 18:1

Ca'li yem da'me dojo', Pablo ca'e di'me Atenas qama'le yec'ata di'me Corinto.

Hechos 16:1

Pablo yovita di'me Derbe nataq'aen Listra, nach'edi ua'a da'me uada'aguet ñe'me p'etaqadaic lenaĝat Timoteo, c'oĝot jañe'me yauo judía nataq'aen let'a ga'me griego,

1 Ts 3:7

Qama'le nayi, ami yaqaya', nayi da'me 'uo joga'me qo'mi nauatapeguet jo'ne qoyen qadachoĝodec choqoga'me qadouenaĝanaĝac, qalaĝaja nayi yataqata qo'mi machidiñe yajouaĝat da'me male ami jayatenaq da'me maliaĝa oquitalegue jena'me jenjo' qadepe'e ladic.