1 Ts 3:3 - Nuevo Testamento Toba Sombrero Negro

³ nataq'aen qaedi male ami yataqata qaya'te yoqovi'n, jena'me jenjo' 'uo nayi naa'me naajo' noloqo'ote, qa'a joote ami yataqata auayachiñe queda'me male qo'mi yedalo'te jo' qomle naa'me naajo' qadachoĝodeco.

Nuevo Testamento Toba Sur

³ yaqto' qaica ca 'oonolec da qoñiita da nañaxanapiguiñi da lpi'iÿaxac souaxat da que'ejnaxac. Cha'ayi qami' mashi qauaÿajñiita da nachi qoyiquiaxac da ñique'etaxanaxagui ne'ena que'ejnaxaguesat.

La'aqtaqa Ñim Lo'onatac 'Enauacna 2013

³ yaqto' qaica ca 'oonolec da qoñiita da nañaxanapiguiñi da lpi'iỹaxac souaxat da que'eenaxac. Cha'aye qami' mashe qauaỹaañita da, nache qoyecỹaxac da ñeque'etaxanaxagui ne'ena que'eenaxaguesat.

1 Ts 3:3 Referans Kwoze

Hechos 14:22

Naa'me naajo' ale'u 'yañaqate'tape joga'me p'etaqadaiquipi nataq'aen 'yelopetapeque da'me 'nañaĝatela'ajalo da'me quetedalegue da'me lepe'e', qama'le yaqateque jogaa'me da'me qoyouetaque da'me naje'tegueta ga'me yodapecache 'me lachitataico, qaedi yaqanate't ta'le tadoue da'me Dios lejaliaĝa.

Romanos 5:3

Nataq'aen ja jaldata da'me dojo', dite da'me nach'e ena'am ñi'yoĝodetapela't da'me uo'oe gaa'me qadachoĝodeco; qa'a jayatenaq queda'me qadachoĝodec qo'mi yanema da'me qadalo'oguet da'me qanapogaĝadenaĝac.

Hechos 9:16

Qa'a jaloĝona qomle queda'me jalcote da'me lachoĝodec qa'a jouaĝat da'me yenaĝat.”

Juan 16:33

Joote ami ja'aĝatema yema daa'me daajo' qaedi ami uetauelo da'me 'nemaĝac da'me adaloi'ta't queda'me jayem ovi'tajop. Ga'me aleua laje'pi ami yachalo'te qomle da'me adachoĝodequi, qalaĝaja 'noota qom a'nañaĝachi qa'a da'me jayem joote ñomat ñe'me jo'ne nejaliaĝatelo'te ga'me aleua laje'pi.

1 Corintios 15:58

Chane'eja, ami yaqaya'olqa jo'ne jalcote joqopitalo, 'noota qom a'nañaĝachela't, ja ami 'te damichidiñe, nataq'aen nach'e eta't a'vichiye da'me 'lonatac ñe'me Jaliaĝanec, nataq'aen auayachiñe queda'me qom adaloi'ta't da'me a'uonataĝañiuo'o ñe'me Jaliaĝanec qama'le ja yijamaĝajaye.

Hechos 21:13

Qalaĝaja Pablo 'yategueta: —¿Toqoch'e anoyeñitac nataq'aen jayem a'vichiyec da'me jayem totelegue? Jayem joote ñiyamaĝateta't ja nach'edata da'me jayem qoyecoñe' dite da'me nach'e ena'am jeleu qom joue'ta di'me Jerusalén, qa'a jajouem ñe'me Jaliaĝanec Jesús.

1 Ts 5:9

Qa'a joñe'me Dios ja qo'mi 'te yiyaĝanalo qaedi qo'mi dalemata'yalo, dite da'me jaconaĝaguet da'me nec'alaĝa 'me chiyoqo'ot ñe'me mach'e Qadec'alaĝaiqui Jesucristo.

1 Corintios 4:9

Qa'a ñe'me Dios qo'mi yeloĝonaĝateda'a ga'me p'ategue, qo'mi jo'ne lamaĝa's ñe'me Cristo, qalaĝaja ena'am ta'le qo'mi qoyepolegueta da'me neleuaĝa, qaedi ena'uaque qo'mi qoyec'ate'n, jogaa'me piyem laje' nataq'aen joga'me jiyaĝadipi 'me aleua laje'pi.

1 Pedro 2:21

Qa'a naqaeda da'me 'uo da'me ami qoyiyaĝanalo, qa'a ñe'me Cristo 'uo da'me lachoĝodec yajouaĝat joda'me ami, qama'le qoyaloĝon da'me nach'eñe jo'ne jetaque qoyadenaĝat qaedi qota'ya da'me ladic.

Colosenses 1:23

Qom yataqachiñe ami ejoda da'me a'nañaĝachela't da'me ami t'añidañe q'ae'n joda'me adepi'i, 'noota qom ja auaĝañiyegue da'me adeuataqataĝanaĝaqui jo'ne chiyaqayi da'me onaĝaic 'naqataĝanaĝac ca'li yemta auomachiiya. Nach'eda da'me 'naqataĝanaĝac jo'ne joote qoyapaĝagueneque ena'uaque jogaa'me noyaqa jo'ne neda'ña jena'me aleua, nataq'aen jo'ne ja'aĝatetac da'me jayem nale japaĝaguenataĝan.

Efesios 3:13

Chane'eja, ami yaqaya'olqa, male ami ñachoĝodenouelo nayi da'me ena'te lichiguilo naa'me adai'lidi' jouaĝat da'me yachoĝodec, qa'a naa'me naajo' yataqata ami 'nonaĝachiguilo.

Hechos 2:25

Qa'a ñe'me David 'yaĝatetac ca'li ñe'me Jesús, eet'oi: «Jauana ñe'me Jaliaĝanec da'me jayem dajo'taguet; Qa'a nach'e eta't jayem ue'tajop, Qaedi qaya'te gamachaqaega jayem yedaĝat.

Juan 16:2

Qa'a male ami qoyamaĝadegue qomle jogaa'me tamenaĝaiqui', nataq'aen yovida'a qomle da'me 'uo ga'me ami yala't queda'me eetedapega naq'aeta da'me loequenataĝanaĝac joñe'me Dios.

Lucas 21:12

“Qalaĝaja nadi'ta da'me uo'oe naa'me naajo', ami qoyecoñede'tape qomle nataq'aen 'uo da'me anecanaguequi. Ami qoyaue'ualo gaa'me nemaĝaiqui' qaedi anenaĝachiyegue ga'me ami yajouaĝa't, ami qoyanedaue jaga'me coñetaĝanaĝaiqui nataq'aen ami qoyajoĝona'agueta gaa'me jaliaĝanaqa jo'ne p'ajodaye choqogaa'me jaliaĝanaqa jo'ne yelolo'te gaa'me ale'u lael, qa'a yajouaĝat da'me ami yapaĝaguenataqa.

2 Timoteo 1:8

Chane'eja ena'te anepocoĝolegue da'me dojo', da'me a'uaĝate'tape jogaa'me chiyaqayilo joñe'me Qadejaliaĝanec, nataq'aen ena'te jayem anepocoĝolegue, da'me jayem necoñetaejec, jayem qoyajouaĝatec joñe'me Qadejaliaĝanec. Qama'le qomle male am qoyanem ga'me adachoĝodec, am qoyajouaĝatec da'me 'noota; Dios am nelochi'ña jo' qomle, ya'uo at'añaĝac.

2 Ts 1:4

Qama'le nayi yataqata 'uo da'me qadamaic nale ami jenataqa'talo nataq'aen ami ja'aĝataqa'tape nale 'uo ga'me jouaqa'ta na'me tamenaĝaiqui jena'me jenjo' aleua jo'ne mach'e Dios 'lemaqa. Nataq'aen da'me jayatenaq na'me ovi'ta yataqata 'uo ga'me laqalaic da'me jenjo' 'noota, chayovida'a da'me 'uo ga'me adachoĝodequi, qalaĝaja yataqata ami ejoda da'me auep'iiya'a joñe'me Qadet'a Dios.

Apocalipsis 2:13

Joote jayaten da'me oñiita'ña di'me na'ña joga'me lejaliaqa' ñe'me Satanás, qalaĝaja da'me ami nach'edata da'me jayem oquitalegue, ja anemachiyapec da'me jayem auep'iiya'a, temaqaedi da'me qoyalat joca'li di'me Antipas, 'yaqataĝanaĝanec jo'ne yataqatelegue, nach'edi jo'ne ua'ña di'me noic jo'ne neta'ña ñe'me Satanás.

Apocalipsis 2:10

Ena'te at'oiya ga'me jo'ne qoyen adachoĝodequi qomle, queda'me nac qomle joñe'me payac da'me yanauelo jaga'me coñetaĝanaĝaiqui jogaa'me qayoĝode' da'me ami, qaedi ena'uac da'me ami qoyapiye'n, qama'le nach'e ena'am da'me qoye'n adachoĝodequi chayovida'a da'me yenoĝodegue gaa'me diez noloqo'ote. Chane'eja 'noota qom nach'e aueñeta't da'me oquitalegue da'me adepi'i jo'ne yataqatelegue chayovida'a qom adeleviyalegue, qama'le da'me jayem male ami janema da'me adec'alaĝaqui jo'ne adomataĝanaĝachi.

Filipenses 1:28

Ena'te at'oyiyalo jogaa'me adauteuaidi', dite da'me nach'e eta't ami 'uañaĝayaqa, qa'a male di'yoq da'me qoyapalaĝa't qomle jogaa'me. Da'me ami qamqa'me male di'yoq da'me adec'alaqai, naqaeda jo'ne chiyoqo'ot joñe'me Dios.

Hechos 21:11

Mane'e da'me qo'mi yovitalo, naqat ga'me najataĝaiqui ñe'me Pablo, qama'le yecoñetec ñe'me naa'me loua' nataq'aen naa'me lapia'te, qama'le enaac: —Joñe'me Dios Lepaqal 'yaĝatetac joga'me judiopi jo'ne 'lachaqa't di'me Jerusalén queda'me naq'aeta da'me yecoñe't qomle ga'me loĝot jena'me jataĝaiqui, qama'le qoyanouelo qomle ga'me jiyaĝadipi jo'ne ja 'lachaqa'tena.