1 Ts 3:12 - Nuevo Testamento Toba Sombrero Negro

¹² Nach'e ena'am 'noota ta'le Qadejaliaĝanec yataqata ami yanema da'me jalcote da'me nichiguegue da'me adoqopich'ii, qaedi nichigaĝategue da'me anoqopichiyapega't nataq'aen da'me adoqopichiyalo yema ga'me jiyaĝadipi, chayovida'a da'me qo'mi auadenaĝachi da'me yataqata ami qadoqopitalo nale da'me ami.

Nuevo Testamento Toba Sur

¹² Qaq ñim qadataxala' Jesús nañaxat qataq chochi huañi naq'en da qadsoxoyiqui, yaqto' qanchoxonñiÿa't qataq qavidaxachiÿauga 'enauac na shiÿaxauapi, 'eeta'ama qomi' da ÿataqta qami' sauotaxaque.

La'aqtaqa Ñim Lo'onatac 'Enauacna 2013

¹² Nataqa'en seỹaxanaqtacot Som Qarataxala' Jesús da qami' ỹo'oteque da qanauochiỹa't qataq nataqa'en qauauochec 'enauac na laỹepi shiỹaxauapi. 'Eeta'ama qomi' da ỹataqta qami' sauotaxaque.

1 Ts 3:12 Referans Kwoze

Filipenses 1:9

Ñachoĝodetapecot joñe'me Dios qaedi nach'e eta't en nichiquetedaye da'me anoqopich'iya't, qaedi yataqata qoyayaten nataq'aen qaya'te ami qoyec'ateneque,

Mateo 22:39

Nataq'aen uoja'e jenjo' p'ayet ena'am ga'me 'uaeñe; enaac: «Adoqopita ga'me adaqaya nach'e naq'aeta nale anoqopitela't.»

1 Ts 5:15

Auelaĝañitapema ena'uaque jogaa'me jo'ne te'me lelnataĝa'j da'me jetaque yauote lovi' joga'me laqaya, qa'a jena'me jenjo' yataqata ja no'en, dite da'me a'nañaĝachi da'me yataqata a'vichi joga'me 'noota ladic, qa'a jena'me jenjo' yataqata 'noota, da'me mach'e ami anoqopichiila't ena'uaque, nataq'aen aueñe'tema naa'me adaqayadi' jo'ne qaya'alo jo'ne neda'ña jena'me jenjo' aleua.

Romanos 13:8

Ja 'noota qom 'uo joga'me anep'iyaĝaua dite da'me aueñi anep'iyaĝaiqui da'me 'uo da'me adoqopich'ii, qa'a joga'me noqopitalo yemeda jogaa'me laqaya' joote yataqata quetede'egue da'me ya'uo naajo' namaĝajoĝonaĝaco.

2 Ts 1:3

Ami yaqaya'olqa, 'noota qom yemeda naa'me naajo' noloqo'ote janemaĝam da'me qadamaic joñe'me Dios, jouaĝat da'me ami. Nach'ena jena'me jenjo' ta'le jauoqo, qa'a da'me ami male yataqata auep'iiya'a joñe'me Dios, nataq'aen da'me di'yoq yataqata anoqopich'iya't, da'me ami naqaya' onolqa'tape da'me ami.

Gálatas 5:22

Qalaĝaja ñe'me Lepaqal ñe'me Dios qo'mi noqopitaĝanaĝaneque jogaa'me qadaqaya'olqa, nach'e eta't jouaqataue da'me qo'mi made'tape nataq'aen jouaqataue da'me qat'emaĝac da'me jouaqa'tajopa gaa'me qadaqaya'. Qo'mi e'n ñapogaĝadenaq nataq'aen qo'mi qopitaĝanaqataqayaqa, nataq'aen nach'e eta't 'noota ga'me je'etaĝaque jogaa'me qadaqaya', jep'iyaqa ñe'me Dios.

Gálatas 5:6

Qom joqotaĝaguet ñe'me Cristo, male ja p'ajaye da'me joote jaconaĝaguet ga'me 'nanaĝajet 'me nichaĝajoĝonaĝac uotaĝa qom ja naq'aeta. Da'me jo'ne p'ajaye ta'le jep'iyaqa ñe'me Cristo, nataq'aen da'me dojo' qadepi'iyaĝac qo'mi tauelo q'ae'n da'me qadoqopitalo jogaa'me qadaqaya'olqa.

1 Ts 2:8

Qo'mi yataqata jalcote da'me ami qadoqopitalo. Chane'eja ja nach'edata da'me 'laqataĝanaĝac ñe'me Dios jo'ne jetaque ami janemaĝama, dite da'me nach'e ena'am jetaque ami janemaĝama da'me mach'e qat'oyaĝac. Qa'a ¡nayi yataqata ami qanauotaĝa'u!

2 Pedro 1:7

Nach'e ena'am avichoĝodeñi' gaa'me adaqayadi' qama'le yataqata adoqopichiya ena'uac.

Mateo 7:12

“Chane'eja ga'me jo'ne jetaque auepaquitapega ta'le ami qo'yeteque, 'noota qom nach'e naq'aeta da'me a'vichiyeque jogaa'me adaqayadi'. Qa'a nach'eda da'me dojo' jo'ne yemata'a't daa'me Dios lamaĝajoĝonaĝaco nataq'aen da'me lapaĝaguenataĝanaĝa'j dia'me Dios 'laqataĝanaĝanaqa.

2 Pedro 3:18

Qalaĝaja 'noota da'me yataqachiñe auatetoñi ñe'me Qadejaliaĝanec mach'e Qadec'alaĝaiqui Jesucristo, qama'le da'me ami nichiguegue da'me adoqopich'i. ¡'Noota qom qoyauana da'me 'lonaĝa joñe'me, nayi jenjo' nolo' nataq'aen yemeda naa'me noloqo'ote, nach'e eta't ja pal! Jaja'a, nach'e naq'aeta da'me dojo'.

Santiago 1:17

qa'a yema da'me jo'ne onaĝaic nataq'aen da'me qaneme qoyen jo'ne ja 'nalegue 'me qo'mi qoyanema, yema chiyoĝogue di'me p'ajeguem jo'ne neta'ña joñe'me Dios, joñe'me jo'ne yauo'oe naa'me jo'ne 'uo da'me laqaselegaĝa'j jo'ne lecoyadaĝanaqate q'aen di'me piyem, joñe'me Dios jo'ne ja nadalaĝatela't, qama'le ja ena'am ga'me nepaqaliaĝala' da'me nach'e eta't da'me nichiquetapiyet ga'me nepaqal.

1 Ts 4:1

Qama'le nayi, ami yaqaya'olqa, ami ñachoĝodenoqoto chayovida'a da'me ami jaqataĝalo queda'me jaconaĝa joda'me lañoqotaĝanaĝac ñe'me mach'e Qadejaliaĝanec Jesús, qaedi male yemeda naa'me naajo' noloqo'ote yataqata anichiquitaye, qa'a yataqata aueñi 'noota joga'me at'oyaĝaqui, nataq'aen da'me auauoyi yema joga'me auayachiñe jo'ne ami japaĝaguenaĝaque ca'li, qa'a jena'me jenjo' jo'ne auayachiñe naqaena jena'me yataqata 'yamaqaten joñe'me Dios, jena'me jenjo' jo'ne joote auauoyitac yataqata 'noota.

Lucas 17:5

Jogaa'me namaĝa's yiyaĝatot ñe'me Jaliaĝanec: —Qo'mi alecochiyalo qaedi yataqachiñe am jep'iyaqa.

2 Corintios 9:10

Dios jo'ne ya'uo jaga'me petapi jo'ne qoyaañi nale nataq'aen ga'me niqui'yaĝat jo'ne qoyalic nale, nach'e ena'am ami yanema yema ga'me jo'ne auoviñetaque, nataq'aen nichiyaĝataye ga'me ami yanema, qaedi auaqanachichi ta'le alecochiiyalo jogaa'me adaqayadi'.