1 Ts 3:10 - Nuevo Testamento Toba Sombrero Negro

¹⁰ Pi'yaĝadi choqoga'me noloqo'ote 'uo joga'me qanachoĝodenaĝac janemaĝam joñe'me Qadet'a Dios qaedi qo'mi yaje'tema da'me yitaĝa ami jauanaĝalo qomle, nataq'aen da'me male ami yecochaĝalo qaedi yataqata nalochiñe da'me adepi'iyaĝaqui.

Nuevo Testamento Toba Sur

¹⁰ Qaq ÿoqo'oyi naua na'axa'te qataq naua pesa'chi ñoqouagaxaunaqtacot ñi Dios, da ishit da qomi' ÿanema da qami' ñauanaxato, yaqto' qami' setaunaxaque da ÿataqta nalochiguiñi da qadpi'iÿaxaqui.

La'aqtaqa Ñim Lo'onatac 'Enauacna 2013

¹⁰ Ye na'a'q qataq ye pe seỹaxanaqtacot Ñim Lo'onatac 'Enauacna da qomi' ỹanema da qaltaq ishet da qami' ñauanaxato, da yaqto' qami' setauana'q da ỹataqta qaumachiỹo'ot da qarpi'iỹaxaqui Ñimaye.

1 Ts 3:10 Referans Kwoze

2 Corintios 13:9

Qo'che' jaconaĝaguet da'me qadamaic nale qo'mi choĝolaĝayaqa, qom yataqata ami 'uañaĝayaqa. Qama'le jaldata qolaqatalegue da'me qanetamenaĝac qaedi auovidiya'a da'me yataqachiñe ami yataqatelo'te.

1 Ts 3:11

Qadamaic ta'le Qadet'a Dios nach'eñe choqoñe'me Qadejaliaĝanec mach'e Jesús yataqata qo'mi lecochiyalo qaedi 'uo da'me qat'añaĝac da'me yitaĝa ami jajoĝoguelo qomle choqoda'me ami jejapichaĝalo.

2 Corintios 1:24

Ja naqaeda ta'le ena'am da'me qadoĝot ga'me adepi'i; da'me jo'ne jepagaqatapega nach'eda ami yecochaĝalo qaedi 'uo da'me ami uetauelo da'me adamaiqui, qa'a ami joote adaloyeguet da'me adepi'i.

2 Timoteo 1:3

Ñetamenaĝaco nale jauo'oe gaa'me noloqo'ote nataq'aen gaa'me pi'yaĝadi yataqata ja am 'te japalaĝate'ta, mac da'me yamaic janem ñe'me Dios jo'ne naqaeñe jo'onataĝatape'uo, qama'le qaya'te yelnataĝac laqaya mac da'me yataqata jen yoqovichigui jena'me yeuel, qa'a naq'aeta da'me 'lonataĝanaĝa'j dia'me yet'al joca'li.

2 Ts 1:11

Nataq'aen yemeda naa'me noloqo'ote da'me ami jajelaĝanaĝalo'te, da'me ñachoĝodenoqot joñe'me Dios qaedi ami e'n adaloyeguet da'me 'noyaĝac jo'ne auacoñiyeguet ca'li ami qoyiyaĝanalo, nataq'aen qaedi ami yanema ena'uaque daa'me 'noote' jo'ne auepaquitapegalo, qaedi yataqata ami onaĝayaqa nataq'aen qaedi auomachi' gaa'me at'onataqadi' 'me chiyoqodayi da'me adepi'i, qa'a nach'eñe jo'ne qaya'te yaqalaatac.

Filipenses 1:25

Qama'le yataqata eja ami jouetauelo jaĝa'te, qaedi ami yecochitapegalo, qaedi yataqata auep'iiya'a joñe'me Dios, nataq'aen male yataqata ami made'tape.

2 Corintios 1:15

Jep'iyaqa da'me dojo', jayem joote jenatetapega da'me ami jec'atalo qaedi ami jauanalo, qama'le naq'aeta da'me ami jichoĝodeneque da'me dos ami jejapichiyalo.

Hechos 26:7

Nataq'aen ena'uaque joga'me lec'oqo'tepi joga'me doce Jacob c'oqo'te jo'ne nach'egaua israelpi let'al, 'uo da'me leuataqataĝanaĝa'j ta'le di'yoĝoma da'me dojo' qo'yaĝatema joca'li: qo'che' pi'yaĝadi nataq'aen noloqo'ote da'me 'nonaĝachidegue nataq'aen t'onataĝadeuo'o joñe'me Dios. Nach'eda dojo' neuataqataĝanaĝac, am jaliaĝanec Agripa, joga'me judiopi jayem yaviyaĝatedapec nayi.

Filemón 1:22

Yitaĝa uoja'ega, aviyamaĝatetac jo' qomle ga'me 'yochaqa', qa'a yeuataqataĝanaĝac da'me ami jauanalo qom 'yategueta daa'me anetamenaĝacodi' joñe'me Dios, qom yajeta da'me cha'li ami jec'atalo.

Colosenses 4:12

Ami yamaĝalo lamaic ñe'me Epafras, mach'e lalemaĝajet ñe'me Cristo Jesús; nach'eñe jo'ne ami chiyaqauelo ca'li, qama'le nach'e eta't ami nachoĝodelo'te nale yauo'oe gaa'me netamenaĝaco, qaedi a'nañaĝachiyec da'me ami chimadichidiñe, yataqachiñe anaviquila't da'me qaedi auauoyi joda'me loequenataĝanaĝac joñe'me Dios.

Colosenses 1:28

Chane'eja da'me qo'mi male ja'aĝataqatac joñe'me Cristo, jaqataqatapegalo ena'uaque joga'me jiyaĝadipi nataq'aen japaĝaguenaqatapeque joda'me layatenaĝanaĝac joñe'me Cristo, qaedi onolqa'tape joga'me jiyaĝadipi yataqata yemetede'eguet joñe'me Cristo nataq'aen joote yi't da'me lepi'iyaĝa'j nale dajotedo'ot ñe'me Dios.

Lucas 2:37

qama'le male p'ai chayovida'a ochenta y cuatro gaa'me ne'uoidi. Nach'e eta't yec'ata ga'me tamenaĝaiqui, noloqo'ote, pi'yaĝadi, yema'a ñe'me Jaliaĝanec, choqoda'me noqouaqatetapela't nataq'aen gaa'me netamenaĝaco jo'ne yauo'oe.

Apocalipsis 4:8

Onolqa'tape jogaa'me yejidipi uo'oe gaa'me laua' jo'ne seis, 'me yapadichiñe jana'me 'lae'tepi jo'me p'aye jaa'me laua' choqojo'me p'auo. Nataq'aen da'me yema ga'me nolo' choqoga'me pi'yaq da'me ja yaĝadiñi da'me 'yotedac: “¡Yataqata ja 'nalegue joñe'me, Naqaeñe joñe'me Jaliaĝanec Dios jo'ne qaya'te yacalaatac, Joñe'me jo'ne jalchi'ena 'uo nataq'aen nach'e eta't da'me qo'mi ue'tajopa!”

2 Corintios 13:11

Ami yaqaya'olqa, queda'me nach'e jana'ña ga'me 'yaqatac nayi, jepaquetapega ta'le ami made'tape, aueloyaque da'me liyamaĝac joda'me at'oyaĝaqui. Auacoñiyeguet da'me at'añaĝaqui nataq'aen adaloitapega't da'me adajoĝoqui nataq'aen da'me 'nemaĝac. Ñe'me Dios 'me chiyoqo'ot da'me noqopich'i choqoda'me 'nemaĝac, nach'eñe jo'ne nach'e eta't ami uetauelo.

Apocalipsis 7:15

Chane'eja nayi male dajotedo'ot jañe'me neje'onaĝaiqui joñe'me Dios queda'me t'onataĝa'tape, t'onataĝadoue joga'me jo'ne mach'e netamenaĝaiqui. Qama'le joñe'me jo'ne netañgui jañe'me je'onaĝaiqui male nach'e eta't da'me uetauelo qaedi de'uolo'te.