1 Ts 2:8 - Nuevo Testamento Toba Sombrero Negro

⁸ Qo'mi yataqata jalcote da'me ami qadoqopitalo. Chane'eja ja nach'edata da'me 'laqataĝanaĝac ñe'me Dios jo'ne jetaque ami janemaĝama, dite da'me nach'e ena'am jetaque ami janemaĝama da'me mach'e qat'oyaĝac. Qa'a ¡nayi yataqata ami qanauotaĝa'u!

Nuevo Testamento Toba Sur

⁸ Qomi' ÿataqta saq llalcolec da qadauotaxanaqtaic da qoñiita. Ÿoqo'oyi saqdata da qami' sanaxama da no'on qad'axaÿaxac mayi chigoqo'ot ñi Dios. Nataq'en huac da ÿataqta qami' sanaxama da maichi qanachaalataxac, souaxat da ÿataqta qami' qanauochaxa'u.

La'aqtaqa Ñim Lo'onatac 'Enauacna 2013

⁸ Ỹataqta lta'araic da qarauotaxanaqtaic da qoñiita. Qataq sauoqtaique da saishet da nachaqrata da qami' sa'aqtaxanaxama da no'on na'axaỹaxac maye chegoqo'ot Ñim Lo'onatac 'Enauacna, maye nataqa'en qomi' lhuotte' da sanaq da qanachaalataxac souaxat da qoñiita.

1 Ts 2:8 Referans Kwoze

1 Juan 3:16

Jayatenaq da'me jo'ne yataqata noqopich'i qa'a ena'am ta'le noqopich'i ñe'me Jesucristo, ca'li yanegue da'me nejiyaĝauayaĝac da'me qoyalat qa'a jouaĝat qo'mi. Chane'eja, nach'e naq'aeta qo'mi, 'noota qom yecochaĝanaĝanegueta da'me qanejiyaĝauayaĝac jogaa'me qadaqaya'olqa.

2 Corintios 12:15

Qama'le da'me jayem ja'amaqaten da'me yema jo'onataĝana ga'me jo'ne jauana, chayovida'a da'me mach'e 'yoyaĝac jo'onataĝanaĝa, da'me ami yecochiyalo. Da'me yataqachiñe jalcote ami joqopitalo, qama'te ami ¿toqoch'e ja yataqachiñe jayem adoqopichiya?

Filipenses 2:17

Da'me jayem uotaĝa male jayem qoyalat qomle, qama'le da'me yeleuaĝa ena'am ta'le qoyen najaqajec jo'ne qoyecodelegue da'me mach'e adajaqajec 'me chiyaqayi da'me adepi'i. Qama'le qom naq'aeta jena'me jenjo', male yataqata jayem matac jo' qomle, qama'le ami ñetauanaĝa'u da'me yamaic, onolqa'tape da'me ami.

Hebreos 13:17

Ñaa'me adajoĝola'chidi', 'noota qom auoqochiiyalo, nataq'aen da'me aueñi eja ga'me ami yapaĝagueneque, qa'a nach'eñaua jo'ne ja 'nomatedegue da'me ami netelalo, queda'me yayate'n da'me Dios naloqoten qomle da'me mach'e 'lonataĝanaĝa'j. Chane'eja anapogoĝoiñitapec da'me 'uo da'me lamai'j joñaa'me nale yauote da'me dojo', ena'te aueñi co'yaq da'me 'lonata'j, qa'a ta'le naq'aeta qama'le qaya'te 'uo da'me anaviquila't.

Filipenses 4:1

Ami yaqaya'olqa, jalcote da'me ami joqopitalo qama'le yataqata ami ñetonata'n. Yataqata jayem matac, qa'a ena'am ta'le ami yi'yoĝodaqa'te nayi. Chane'eja, ¡ena'te aĝañiñi da'me oqui'tegue joñe'me Qadejaliaĝanec!

Gálatas 4:19

Ena'am ta'le ami yalaqa da'me ami joqopitalo, qalaĝaja qom cha'li ja auovidiya'a da'me aueñiya'am ñe'me Cristo, qama'le jalcote auauoyi yachoĝodec, ena'am lachoĝodec jaga'me yauo nale yemta niyiñe ga'me c'oĝot.

2 Corintios 6:1

Da'me qo'mi male je'etaq ga'me 'lonatac ñe'me Dios; qo'che' ami ñachoĝodenaqatapecoto qaedi ena'te aualajaĝañiya yema da'me loqopich'i ñe'me Dios jo'ne ami yaloĝonalo.

Filemón 1:1

Jayem Pablo, jo'ne necoñetaejec qa'a yajouaĝat da'me japaĝaguenataĝanec da'me dalaĝaic 'naqataĝanaĝac jo'ne onaĝaic 'me chiyaqayi joñe'me Cristo Jesús. Jayem nataq'aen ñe'me qadaqaya Timoteo ja'uo jenjo' yediijec qaedi am jedenaqatena, am qadaqaya Filemón, jo'ne mach'e am qat'onataĝanaĝaua jo'ne am jauotaĝac,

Colosenses 4:12

Ami yamaĝalo lamaic ñe'me Epafras, mach'e lalemaĝajet ñe'me Cristo Jesús; nach'eñe jo'ne ami chiyaqauelo ca'li, qama'le nach'e eta't ami nachoĝodelo'te nale yauo'oe gaa'me netamenaĝaco, qaedi a'nañaĝachiyec da'me ami chimadichidiñe, yataqachiñe anaviquila't da'me qaedi auauoyi joda'me loequenataĝanaĝac joñe'me Dios.

Colosenses 1:28

Chane'eja da'me qo'mi male ja'aĝataqatac joñe'me Cristo, jaqataqatapegalo ena'uaque joga'me jiyaĝadipi nataq'aen japaĝaguenaqatapeque joda'me layatenaĝanaĝac joñe'me Cristo, qaedi onolqa'tape joga'me jiyaĝadipi yataqata yemetede'eguet joñe'me Cristo nataq'aen joote yi't da'me lepi'iyaĝa'j nale dajotedo'ot ñe'me Dios.

Colosenses 1:7

Dojo' ami yapaĝagueneque ca'li ñe'me qadaqaya Epafras, nach'eñe jo'ne qat'onataĝanaĝaua nataq'aen Cristo nejoĝonec jo'ne yataqatelegue, nach'eñe jo'ne adiyamaqai'tem.

Filipenses 2:20

Nach'eñeta ñe'me Timoteo jo'ne 'uo da'me lelnataĝac ena'am da'me mach'e yelnataĝac, qaya'te 'uo ga'me laqaya. Qama'le yataqata 'uo da'me lepagaĝac joda'me ami, qa'a jouaĝat da'me yataqata ami noqopitalo.

Romanos 15:29

Nataq'aen jayaten da'me qom ami jejapichiyalo, ami jeda'alo da'me let'adaic lichoĝodenataĝanaĝac ñe'me Cristo.

Romanos 10:1

Ami yaqaya'olqa, da'me lamaic jena'me yeuel nataq'aen daa'me ñetamenaĝaco nale jajelaĝanot ñe'me Dios qaedi ga'me Israel c'oqo'tepi yovidalegue da'me lec'alaĝa'j.

Filipenses 1:8

Dios joote yayaten da'me yataqata eja da'me ami ñetonata'n, nataq'aen da'me yataqata ami joqopitalo, nach'eda da'me yoqopich'i jo'ne jayem yanem ca'li joñe'me Jesucristo.

Lucas 7:2

Nach'edi na'ña ñe'me Roma le'ec jo'ne coicopi lajoĝola', jo'ne 'uo ga'me lalemaĝajet jo'ne yataqachiñe noqopita; joga'me 'uo da'me lapite'na jo'ne yamta'le yovidaĝa'ta da'me leleuaĝa.

Romanos 1:1

Jayem Pablo lalemaĝajet ñe'me Cristo Jesús, nach'eñe jo'ne jayem yiyaĝana qaedi jayem lamaĝajec, jayem qoyiyota'a qaedi ja'aĝatetac da'me onaĝaic 'laqataĝanaĝac ñe'me Dios, ami janema da'me yamaic.