1 Ts 2:6 - Nuevo Testamento Toba Sombrero Negro

⁶ Yataqata ja jeloqotac ta'le 'uo ga'me qo'mi 'nonaĝachiguilo, uotaĝa ta'le ami uotaĝa gamachaqaega ta'le qo'mi 'nonaĝachiguilo: ja naq'aeta.

Nuevo Testamento Toba Sur

⁶ Qataq sa ishit da qomi' ñimitaqtaique da qomi' qavi'oxoyiñi', huo'otaq na ÿaqauga shiÿaxauapi, nai'ctaxa da qomi' lamaxa'shi so Cristo. Qalaxayi ñaqaiyita sa ishit da nachida da shigaqtega da yaqto' qomi' qauloigueta.

La'aqtaqa Ñim Lo'onatac 'Enauacna 2013

⁶ Ỹauano' da sauoqtaique da qami', huo'otaq ca lỹa shiỹaxaua da qomi' ỹamata'aque da qomi' 'amaqtaqaiqa.

1 Ts 2:6 Referans Kwoze

Gálatas 1:10

Ja jelotaque ta'le jiyaĝadipi 'yamaqate'n ga'me ñenaĝategue, uotaĝa ta'le jelotaque da'me qaedi gamachaqaega jayem yiyamaĝaden. Ta'le naq'aeta da'me ja'uo qama'le ena'am ta'le ja jayem 'te Cristo lalemaĝajet. Qalaĝaja da'me mach'e jayem, ¡ga'me jo'ne jen p'ajaye ta'le nach'eñe ñe'me Dios jayem yiyamaĝaden!

1 Ts 2:9

Ami yaqaya'olqa, anetoviñetac ga'me qat'onataĝanaĝac ca'li, choqoga'me yataqata qadepagaĝac qaedi maqachaĝa 'uo ga'me qadomataĝanaĝac ga'me 'noyaĝac, yataqata 'uo ga'me qat'onataĝanaĝac gaa'me noloqo'ote chayovida'a gaa'me pi'yaĝadi, qaedi ja ami 'te qaueladetalo'te ca'li da'me ami, da'me cha'li ami ja'aĝataqatapema joga'me 'naqatac jo'ne yataqata chiyoqo'ot joñe'me Dios.

Juan 5:44

¿Teua'atoqo' jayem auep'iiya'a da'me ami, qom auacoñiyeguet ga'me li'yoĝodenataĝanaĝa'j jogaa'me adaqayadi', qama'te ja aueloyaque ga'me ni'yoĝodenataĝanaĝac jo'ne chiyoĝogue ñe'me Dios jo'ne onolec?

Juan 5:41

“Jayem ja jouetaque ta'le jaconeguet ga'me li'yoĝodenataĝanaĝa'j ga'me jiyaĝadipi,

1 Timoteo 5:17

Gaa'me 'yaĝaicachidi jo'ne yataqata yiyamaĝatetedac nale joga'me tamenaĝaiqui 'lonatac, nach'egaua 'noota ta'le yataqata qoye'n p'ajodaye: jogaa'me aqataĝanaĝayaqa uotaĝa paĝaguenataĝanaĝayaqa jo'ne 'yaĝa'tape naa'me Dios 'laqataqa.

Gálatas 5:26

'Noota qom ja qo'mi 'te 'yoĝodenaĝayaqa, ena'te qo'mi chiyaqayilo da'me 'uo ga'me yalemataĝanaĝatac uotaĝa 'uo da'me lep'aguenataĝanaĝac ga'me qadaqaya, qom jenaĝa qadelnataĝac da'me qo'mi 'noote' ja jenaqa'am ga'me qadaqaya.

2 Corintios 13:10

Ja'uo janjo' yediije jo'ne ami jedenaqatenalo qa'a yauaqa'a da'me ami jec'atalo, qaedi qom ami jec'atalo ja ami 'te jauaĝalo'te ena'am da'me ami ñejaliaĝatelo'te. Ñe'me Jaliaĝanec jayem yanem da'me qaedi ami ñaqaloĝotetedajeguem, ja naqaeda ta'le jetaque ami ñejoyidiñe.

2 Corintios 4:5

Nale japaĝaguenataĝanaq ja mach'e qo'mi ñapaĝaguenaqatapela't. Ja naq'aeta, dite da'me ja'aĝataqatac queda'me Jesucristo mach'e Qadejaliaĝanec, nataq'aen naqaqo'mi ami ñechataqata'ñijopa da'me ami yecochaĝalo, qa'a qolaĝague joñe'me Jesucristo.

1 Corintios 11:9

Nataq'aen ñe'me le'em ja naqaeda ta'le qoye'et joca'li qa'a jouaĝat da'me yauo youetaque ga'me, dite jaga'me yauo qoye'et joca'li qa'a jiyaĝaua youetaque jaga'me.

Juan 12:43

Qa'a ja en 'te p'ajaye da'me 'nonaĝac jo'ne yanem joñe'me Dios, dite da'me jo'ne chiyaqayilo jogaa'me ch'e jiyaĝa'u.

Juan 7:18

Ga'me jo'ne mach'e 'naĝatetapela't, nach'ega jo'ne yelotaque da'me jo'ne mach'e 'lonaĝac. Qalaĝaja da'me jayem jo'ne jelotaque da'me 'lonaĝac ñe'me jo'ne jayem namaĝaquena, qama'le ñenaĝategue da'me eja, qa'a da'me jayem qaya'te 'yaqatac ta'le ja no'en.

Gálatas 6:13

Jogaa'me joote 'uo ga'me 'nanaĝajet, qalaĝaja ja que'teguelo daa'me Moisés lamaĝajoĝonaĝaco. Jaldata da'me yepaquetedapega jogaa'me da'me jetaque auacoñiyeguet da'me 'nanaĝajet qaedi 'uo da'me ni'yoĝodenaĝa'j 'me 'yaĝatetedac da'me ami yaqanate't auacoñiyeguet da'me nichaĝajoĝonaĝac.