1 Ts 2:5 - Nuevo Testamento Toba Sombrero Negro

⁵ Qa'a ami joote auayachiñe da'me ja auañiya ta'le ch'e ji'yoĝodenaqatac ga'me qadojaĝac, uotaĝa ta'le 'uo ga'me qadapaĝaguenataĝanaĝac jo'ne jenaĝa chiyaqayi ga'me qo'mi qoyejete'n. Jena'me jenjo' yataqata Dios joote yayaten nach'eñe qo'mi nelota'ñalo.

Nuevo Testamento Toba Sur

⁵ Cha'ayi qami' qauaÿajñiita da qomi' sa ishit da chochi samaicna'q naua qadtaxaÿaxaco, qataq sa ishit da chochi ñapoqtaña ca qadatenataxanaxac da ñaqataq añi plata. Qaq damayi ÿaÿateeta ñi Dios.

La'aqtaqa Ñim Lo'onatac 'Enauacna 2013

⁵ Cha'aye qami' qauaỹaañita da qomi' saishet da choche ño'onaxata'q naua qartaxaỹaxaco da sauoqtaique da qomi' qauaỹamaxayiñiite', qataq saishet da qami' satenachetaqta'ape da sauoqtaique da ñeqataq aca qo'omi. Qaq Ñim Lo'onatac 'Enauacna ỹaỹaten da ỹataqta 'eesa de'era.

1 Ts 2:5 Referans Kwoze

2 Corintios 12:17

Qalaĝaja ja ami 'te joqovi'n queda'me uo'oe gaa'me jiyaĝa'u 'me ami jedenaqatenalo.

Romanos 1:9

Ñe'me Dios jo'ne nach'eñe jo'onataĝaneuo'o, qama'le yataqata 'ñañaĝatec da'me japaĝaguenataĝatapec da'me 'laqataĝanaĝac ñe'me C'oĝot, nach'eñe yayaten da'me nach'e eta't ami ñetouetapeque.

Hechos 20:33

Qaya'te jepaquetaque qaedi mach'e yoĝot uotaĝa laicaua uotaĝa loĝot gamachaqaega;

Gálatas 1:20

Yataqachiñe eja da'me dojo' ami ja'aĝatema. ¡Dios jayem yayaten queda'me ja joqovinaĝatac!

2 Pedro 2:3

Yajouaĝat da'me lamai'j jaga'me laicaua, ami yapaĝagueneque da'me jo'ne ja ejoda qaedi yañoĝo't da'me naqa't jana'me anaicauai. Qalaĝaja jogaa'me ja yaĝa'n da'me ne'uaĝanague'j jo'ne male dajo'talo jogaa'me, qa'a jalchi'ena joca'li da'me joote qoyaqataĝañi.

1 Pedro 5:2

'Noota qom yataqata adechiliyalo jogaa'me 'naĝanaĝatel jo'ne Dios lec'oqo'tepi 'me ami qoyanema qaedi adechiliyalo. 'Noota qom anoualaĝañetape'to, qa'a naqaeda da'me jo'ne Dios 'yamaqaten, qama'le ena'te aueñe'tem da'me ch'e ami qoyamaqatalo'te, uotaĝa ta'le aueñi adelnataĝaqui da'me ami qoyejeteneque jaga'me laicaua, dite da'me nach'e eta't da'me anejapachita.

Tito 1:7

Ñe'me jo'ne nepoda'tape gaa'me p'etaqadaiquipi 'noota ta'le qaya'te lejamaĝataĝac, qa'a netela da'me Dios 'lonataĝanaĝac. Nataq'aen 'noota ta'le ja pagaĝalaic da'me damaĝajoĝonaĝac, 'noota ta'le ja lemataqaic, ja yomaĝaic, uotaĝa ta'le ja dodinataĝanac, uotaĝa ena'am ta'le ch'e naquitetapega da'me nejetenaguec.

1 Ts 2:10

Qama'le naqa'ami 'me auatetoñi ga'me 'yonatac, nataq'aen ñe'me Dios nach'eñe 'me joote yayaten da'me yema joga'me jauoqo yataqata ja ch'e qanequejaĝac, yataqata ja 'nalegue, yataqata chimaqachiñe, choqoda'me yataqata ami lecochiyalo da'me ami p'etaqadayaqa.

2 Corintios 7:2

¡'Noota jouaqatouelo naa'me adai'lidi' qom auauoyi qadedaqa'! Qa'a qaya'te gamachaqaega ami jauoqo lachoĝodec, qaya'te joqovinaq, qaya'te 'ñaĝataq.

2 Pedro 2:18

Nataq'aen da'me 'uo da'me lajamaĝa let'adaic ga'me jo'ne 'yaĝatetedac qalaĝaja qaya'te ta'le chiyaqayi, nataq'aen yejomaĝana'ape naa'me mach'e lamaico choqonaa'me lamanaĝanaĝaco da'me ch'e nejiyaĝauayaĝa'j naa'me jo'ne yemta yañoĝo't da'me ca'ae jogaa'me jo'ne uetedaue da'me lepatenaĝanaĝa'j.

1 Timoteo 3:8

Nach'e naq'aeta gaa'me necochaĝa'u, 'noota ta'le jiyaĝa'u jo'ne onaĝayaqa loec. 'Noota qom jiyaĝa'u jo'ne ja pecayaqa, nataq'aen ja lataĝa lete', nataq'aen ja ch'e naquitetedapega da'me nejetenague'j.

1 Timoteo 3:3

'Noota qom ja lataĝa lae't, uotaĝa ta'le ja dodinataĝanac, dite da'me yataqata qopitaĝanaqataqaic, napogaĝadeneguet ga'me ja no'en, nataq'aen ja en 'te p'ajaye jaga'me laicaua.

2 Corintios 4:2

Qaya'te gamachaqaega ta'le janomaĝaguet da'me qadepocoĝo, uotaĝa joĝotaqatapiñi ga'me qat'onatac. Ja jauoqo da'me ta'le joqovinaq ga'me jiyaĝadipi uotaĝa jaeyaĝanaq da'me 'laqataĝanaĝac ñe'me Dios. Ja naq'aeta, dite da'me nach'eñe ñe'me Dios qa'naĝatoqo't queda'me onolec da'me eja ñenaĝataĝaye. Qo'che' ena'uaque qo'mi qop'eteque.

2 Corintios 2:17

Qo'mi ja naqaeda ta'le jauoqo lajo'vi da'me 'laqataĝanaĝac ñe'me Dios, jo'ne qayoĝode' naq'aeta da'me yauote; ja naq'aeta, dite da'me Dios qo'mi yauanalo queda'me qaya'te jenaq lale'gue da'me ja'aqataĝanaqatac, qa'a nach'eñe ñe'me Dios qo'mi lamaĝa's nataq'aen qa'a yataqachiñe qademe'teguet ñe'me Cristo.

Romanos 16:18

qa'a ja t'onataĝade'uo ñe'me Cristo mach'e Qadejaliaĝanec, dite da'me mach'e liqui'yaĝa'j, uo'oe gaa'me 'laqataqa jo'ne uayote' nataq'aen jama't qaedi yoqovi'n gaa'me lai'li jogaa'me jo'ne jaleca da'me letadenataĝanaĝa'j.

Romanos 9:1

Queda'me jep'iya'a ñe'me Cristo, male ja'aĝatetac da'me eja yataqatelegue, ja joqovinaĝatac. Uoja'eda, da'me yetadenataĝanaĝac 'me equegue ñe'me Dios Lepaqal jayem yayataĝadenec queda'me yataqachiñe eja da'me dojo'.

Mateo 23:13

“¡Degueja da'me adachoĝodequi qomle ami judiopi napaĝaguenoqo'tpi nataq'aen fariseopi 'me ja ejoda! Ami jo'ne auapadiñigueta gaa'me jiyaĝa'u laqaya' queda'me jetaque tadoue da'me lejaliaĝa joñe'me Dios, naqa'ami jo'ne ja auaqanachichi ta'le ayoue joda'me, choqoda'me ja auajeñe'tema gaa'me jo'ne jetaque tadoue.

Mateo 22:16

Qama'le yamaĝata ñe'me Jesús jogaa'me mach'e lalemaĝaje'te, nach'e ena'ama gaa'me lauegaqataqa ñe'me Herodes, qaedi yachimaĝadeta, enapega't: —Jaliaĝanec, jayatenaq queda'me a'uaĝatetac da'me yataqachiñe eja, nataq'aen auapaĝaguenataĝanec ga'me nadic jo'ne yelo'ta ñe'me Dios, nataq'aen ja anajetoue da'me ta'le oquegue ga'me jo'ne nenaĝatedapeguegue ga'me jiyaĝadipi, qa'a ja anenaĝategue gamachaqaega qaedi ch'e am qoyiyamaĝaden.

Judas 1:11

¡Degueja qom'te da'me lachoĝode'j jogaa'me! Qa'a quetede'egue di'me Caín, nataq'aen da'me eda'am di'me Balaam queda'me jetaque nauedela't jaga'me laicaua, qama'le dajediñe. Nataq'aen qoleguetaĝanaĝayaqa jogaa'me, eda'am di'me Coré joca'li, qama'le nimichidiñe jo' qom'te.