1 Ts 2:4 - Nuevo Testamento Toba Sombrero Negro

⁴ Qa'a nach'eñe joñe'me Dios joote qo'mi yiyamaĝade'n nataq'aen qo'mi 'yelopeque qaedi ja'aĝataqatac jena'me jenjo' 'noota ladic qama'le nach'ena jena'me jenjo' jo'ne ja'aĝataqatac. Qalaĝaja ja jenaqatapega ta'le ga'me jiyaĝadipi male yataqata 'yamaqaten ga'me ja'aĝataqatac, dite ta'le yataqata qo'mi yiyamaĝaden joñe'me Dios, qa'a naqaeñe male yec'ate'tape naa'me qadai'li.

Nuevo Testamento Toba Sur

⁴ Chaqdata da ñi Dios qomi' ÿi'igue'n. Qaq co'olla qomi' ÿaÿamaxadeete' nachi qomi' ipataxalguete da sa'axataq da l'aqtac mayi chigaqaigui da nca'alaxa. Qa nachida da huo'o mshi sa'aqtaxanaqtac. Sa ishit da ñimitaqtaique da chochi qomi' ÿaÿamaxadeeta'pe naua qadquiyaqte.

La'aqtaqa Ñim Lo'onatac 'Enauacna 2013

⁴ Nachaqrata da Ñim Lo'onatac 'Enauacna qomi' ỹaỹamaxareete', nache qomi' ipataxaleguete da sa'axataq da no'on na'axaỹaxac, qaq nachera dam so'otaqtac. Saishet da sauoqtaique da qomi' ỹaỹamaxareete' ca choche shiỹaxaua, nachaqñita Ñim Lo'onatac 'Enauacna, cha'aye nacheñi Ñi imeteetac 'enauac da qarvilỹaxac qataq da qarhuennataxac.

1 Ts 2:4 Referans Kwoze

Gálatas 1:10

Ja jelotaque ta'le jiyaĝadipi 'yamaqate'n ga'me ñenaĝategue, uotaĝa ta'le jelotaque da'me qaedi gamachaqaega jayem yiyamaĝaden. Ta'le naq'aeta da'me ja'uo qama'le ena'am ta'le ja jayem 'te Cristo lalemaĝajet. Qalaĝaja da'me mach'e jayem, ¡ga'me jo'ne jen p'ajaye ta'le nach'eñe ñe'me Dios jayem yiyamaĝaden!

Romanos 8:27

Nataq'aen ñe'me Dios 'me yec'ate'tape naa'me qadai'li, yayaten ga'me jo'ne 'yaĝatetac ñe'me Lepaqal nale netamelo'te gaa'me Dios lec'oqo'tepi, qa'a da'me nachoĝodenaĝac ñe'me Nepaqal mach'e loequenataĝanaĝac ñe'me Dios.

Gálatas 2:7

Jogaa'me yayate'n queda'me Pedro qoyanem da'me 'nelopaguec da'me 'yaĝatetac dojo' onaĝaic 'naqataĝanaĝac 'me qoyanema jogaa'me judiopi, nataq'aen jayem qamqa'me jayem qo'yelopec da'me ja'aqataĝanema ena'uaque gaa'me jo'ne ja judiopi.

2 Timoteo 1:14

Yataqata adetela jona'me Dios Lepaqal jo'ne qo'mi ue'tajopa, qa'a nach'ena am lecochiya qomle qaedi ja aĝadiñi naa'me naajo' napaĝaguenataĝanaĝaco.

Efesios 6:6

Qama'le nach'ena jena'me jenjo' nach'e eta't auauoyi, ja nach'edata da'me auauoyi nale ami yec'ate'tape jogaa'me adejaliaĝanaqadi'. Da'me ami nach'e ena'am ami lalemaĝaje'te joñe'me Cristo, qama'le 'noota qom yataqata a'nañaĝachi da'me auauoyi ga'me loequenataĝanaĝac joñe'me Dios.

Tito 1:3

Chane'eja ca'li yovita ga'me nolo' jo'ne tachigui q'aen, Dios yaloĝon da'me 'laqataĝanaĝac jo'ne na'yalo q'ae'n jodaa'me lapaĝaguenataĝanaĝaco gaa'me lamaĝa's, dojo' 'naqataĝanaĝac nach'e ena'am jayem qo'yelopec qaedi ja'aĝatetac; naq'aeta da'me jayem yamaĝalegue ñe'me Dios mach'e Qadec'alaĝaiqui.

Efesios 3:8

Da'me jayem, ena'am ta'le jayem jaqayi, ja jalo'ogueta gaa'me Dios lec'oqo'tepi laqaya', qalaĝaja Dios yataqata jayem nichoĝodichi'ña, qaedi male ja'aĝatema jena'me jenjo' 'laqatac jo'ne yataqata onaĝaic jogaa'me ja judiopi, ja'aĝa'tape yema jogaa'me Jesucristo lichoĝodenataĝanaĝaco jo'ne yataqata alidaq.

2 Corintios 4:2

Qaya'te gamachaqaega ta'le janomaĝaguet da'me qadepocoĝo, uotaĝa joĝotaqatapiñi ga'me qat'onatac. Ja jauoqo da'me ta'le joqovinaq ga'me jiyaĝadipi uotaĝa jaeyaĝanaq da'me 'laqataĝanaĝac ñe'me Dios. Ja naq'aeta, dite da'me nach'eñe ñe'me Dios qa'naĝatoqo't queda'me onolec da'me eja ñenaĝataĝaye. Qo'che' ena'uaque qo'mi qop'eteque.

1 Corintios 9:17

Qom da'me dojo' je'et chiyaqayi da'me mach'e yelnataĝac, chane'eja 'uo ga'me ñejetenaguec; qalaĝaja eja queda'me ja naq'aeta da'me yelnataĝac joca'li, qama'le je'et qa'a Dios jayem 'yelopec.

Lucas 16:11

Chane'eja, qom ja a'nonaĝachita da'me aueloyilegue da'me dojo' ja 'noe'n neuoyaĝaco jena'me aleua, qama'le ¿jach'e jogamaĝa ami yepataĝaeta gaa'me chimadichidiñe neuoyaĝaco?

Apocalipsis 2:23

Qama'le nach'e ena'am jala't qomle jogaa'me jo'ne ueteda'ajop jañe'me, qaedi yema ga'me Dios lec'oqo'tepi male yayate'n da'me naqayem jo'ne jayaten chayovida'a ga'me p'auo joga'me jiyaĝaua laqaic nataq'aen joga'me lauel. Qama'le da'me ami, onolqa'tape janema ga'me nejetenaguec jo'ne nalo'tagueta jogaa'me 'lonataqa.

Hebreos 4:13

Gaa'me 'lonataqa joñe'me Dios, qaya'te onolec ta'le yaqanatet ta'le nañoĝochiñejop joñe'me, dite da'me yataqata di'yoq ena'uac. Chane'eja qom male jajoqo'tot joñe'me, qama'le nach'eda da'me 'laqatac joñe'me jo'ne qo'mi naloqote'n qama'le qo'mi dechoqotaĝaneque.

1 Timoteo 6:20

Am yaqaya Timoteo, yataqata adetela da'me dojo' am qoyanem jo'ne am qo'yamaqatenec. Ena'te anaquiaĝanalo jogaa'me jiyaĝa'u jo'ne ja 'noe'n gaa'me 'laqataqa, jo'ne ye'uetedac joñe'me Dios nataq'aen yataqata ochichiguilo. Nach'egaua eetapela'ajalo yatenaĝanaĝayaqa, qalaĝaja ja naq'aeta.

Colosenses 3:22

Ami nelataqa, auoqochiyalo jogaa'me adadipaidi' jena'me jenjo' aleua, ja nach'edata da'me qom ami yec'ate'tape, qaedi ami yiyamaĝade'n jogaa'me, dite da'me yataqachiñe yataqatelo'te naa'me adai'lidi', yajouaĝat da'me at'oiyapega joñe'me Jaliaĝanec.

2 Corintios 5:11

Qa'a joote jayatenaq queda'me 'noota ta'le joqochaĝa joñe'me Dios nataq'aen da'me 'ñonaĝataĝaye. Qo'che' ja'aedenaqatac da'me ñauegaĝala'ajalo jo' gaa'me jiyaĝa'u laqaya' qaedi nach'e ena'am p'iida'a joñe'me. Ñe'me Dios yataqachiñe qo'mi yateto'n, qama'le jepaquetapega ta'le nach'e ena'am da'me ami yataqachiñe qo'mi auatetoñi'.

2 Timoteo 2:2

Nataq'aen jenjo' joote jayem auomachitapega ca'li japaĝague'tape gaa'me jiyaĝadipi, qama'le nayi jetaque nach'ena jenjo' auapaĝagueneque gaa'me qadaqaya' jo'ne yataqata auep'etapegalo, qaedi naajo' naqaenaua qomle yapaĝague'n gaa'me laqaya'.

2 Corintios 5:16

Chiyoqotelegue nayi ja yitaĝa jenaĝa lajo'vi ga'me ch'e qadec'atenaĝanaĝac jo'ne aleua le'ec. Mate mane'e naq'aeta ga'me jec'atenaĝac ca'li ñe'me Cristo, male ja yitaĝa jauoqo da'me dojo'.

1 Corintios 7:25

Nayi japaĝague'n jogaa'me jamaĝayaqa: dojo' qaya'te lapaĝaguenataĝanaĝac ñe'me Jaliaĝanec ta'le yeloĝonaĝa'teguet joda'me, qalaĝaja ami janema da'me mach'e yelnataĝac, nach'eda lelnataĝac ga'me jo'ne joote yedalegue da'me Dios lichoĝodenataĝanaĝac, qama'le auaqanachichi da'me a'uamaqachiñe.

Juan 21:17

Male tres da'me yenat: —Simón jo'ne am lec'oĝot ñe'me Juan, ¿qo'li jayem auauotec? Ñe'me Pedro male ja matac qa'a tres da'me qoyenatetapec da'me eeta da'me yataqachiñe noqopita joñe'me Jesús, qama'le yitaĝa 'yateguet: —Jaliaĝanec, joote auayaten ena'uac: auayaten da'me am jauotec. Ñe'me Jesús male enaac: —Adetelalo naa'me yoqotel jo'ne ena'am ta'le yelopi 'naĝanaĝatel.

Lucas 12:42

Ñe'me Jaliaĝanec 'yateguet: —Jega: ¿jach'e jogamaĝa ga'me namaĝajec da'me yataqata yepaquetelegue ga'me 'lonatac nataq'aen 'uo da'me yayaten, da'me uotaĝa ga'me ladipa yamaĝalegue qaedi yiqui'yaĝa'tape gaa'me ueteda'a ga'me 'lachaqa' nale yovita ga'me laloqo' da'me niqui'yaĝac?

2 Corintios 2:17

Qo'mi ja naqaeda ta'le jauoqo lajo'vi da'me 'laqataĝanaĝac ñe'me Dios, jo'ne qayoĝode' naq'aeta da'me yauote; ja naq'aeta, dite da'me Dios qo'mi yauanalo queda'me qaya'te jenaq lale'gue da'me ja'aqataĝanaqatac, qa'a nach'eñe ñe'me Dios qo'mi lamaĝa's nataq'aen qa'a yataqachiñe qademe'teguet ñe'me Cristo.

1 Pedro 4:11

Qom 'uo ga'me yayaten da'me t'aqataĝan, qama'le 'noota qom 'yaĝatema gaa'me 'laqataqa joñe'me Dios. Nach'e ena'am qom 'uo ga'me laqaya jo'ne lecochiyalo gaa'me laqaya', qama'le 'noota qom yapoteneguet da'me 'lañaĝac jo'ne yanem joñe'me Dios. Yema ga'me 'noota jo'ne a'vichetac, 'noota qom a'vichi qaedi male nach'e ena'am qo'nonaĝachigui joñe'me Dios, yajouaĝat da'me nach'eñe joñe'me Jesucristo jo'ne loĝot da'me 'noyaĝac choqoda'me nañoqotaĝanaĝac jo'ne ja pal. Jaja'a, nach'e naq'aeta da'me dojo'.