1 Ts 2:3 - Nuevo Testamento Toba Sombrero Negro

³ Qa'a ja qadejometac ca'li ami japaĝaguenaq, nataq'aen ja chiyaqayi ga'me qadelnataĝac jo'ne paĝachigui, uotaĝa ga'me qadoqovinaĝanaĝac.

Nuevo Testamento Toba Sur

³ Cha'ayi qomi' saÿajnaqta da sa ishit da nsomaxac da sa'axataqtac, qataq sa ishit da sa ÿaÿamaxañi ca shinaqtapeguec, qataq sa ishit da qadhuennataxa da qami' satenachitaqta'pe.

La'aqtaqa Ñim Lo'onatac 'Enauacna 2013

³ Qataq da sa'axataqtac damaye, nache ỹataqta 'eesa da qara'aqtaxanaxac, qataq da shenaqtapeguec ỹataqta ỹaỹamaqchiguiñi. Saishet da sauoqtaique da satenataxanaqtac.

1 Ts 2:3 Referans Kwoze

2 Corintios 4:2

Qaya'te gamachaqaega ta'le janomaĝaguet da'me qadepocoĝo, uotaĝa joĝotaqatapiñi ga'me qat'onatac. Ja jauoqo da'me ta'le joqovinaq ga'me jiyaĝadipi uotaĝa jaeyaĝanaq da'me 'laqataĝanaĝac ñe'me Dios. Ja naq'aeta, dite da'me nach'eñe ñe'me Dios qa'naĝatoqo't queda'me onolec da'me eja ñenaĝataĝaye. Qo'che' ena'uaque qo'mi qop'eteque.

2 Corintios 2:17

Qo'mi ja naqaeda ta'le jauoqo lajo'vi da'me 'laqataĝanaĝac ñe'me Dios, jo'ne qayoĝode' naq'aeta da'me yauote; ja naq'aeta, dite da'me Dios qo'mi yauanalo queda'me qaya'te jenaq lale'gue da'me ja'aqataĝanaqatac, qa'a nach'eñe ñe'me Dios qo'mi lamaĝa's nataq'aen qa'a yataqachiñe qademe'teguet ñe'me Cristo.

1 Ts 4:7

Qa'a auayachiñe joñe'me Qadet'a qo'mi yiyaĝanalo qaedi yataqata ja 'nalegue da'me qat'oyaĝac. Chane'eja ena'te oquiyegue joga'me yataqata ja no'en.

2 Corintios 7:2

¡'Noota jouaqatouelo naa'me adai'lidi' qom auauoyi qadedaqa'! Qa'a qaya'te gamachaqaega ami jauoqo lachoĝodec, qaya'te joqovinaq, qaya'te 'ñaĝataq.

2 Corintios 4:5

Nale japaĝaguenataĝanaq ja mach'e qo'mi ñapaĝaguenaqatapela't. Ja naq'aeta, dite da'me ja'aĝataqatac queda'me Jesucristo mach'e Qadejaliaĝanec, nataq'aen naqaqo'mi ami ñechataqata'ñijopa da'me ami yecochaĝalo, qa'a qolaĝague joñe'me Jesucristo.

2 Pedro 1:16

Joote ami japaĝaguenaĝaque da'me lañoqotaĝanaĝac ñe'me Qadejaliaĝanec Jesucristo nataq'aen da'me eeta da'me 'liyelaĝajoĝoc, qama'le jenjo' napaĝaguenataĝanaĝac jo'ne ami janemaĝam ja chiyaqayi ga'me 'naqataĝanaĝac jo'ne ch'e qoya'uo uotaĝa ga'me jo'ne ch'e qoyepetetapega, qa'a da'me qo'mi yataqata jauanaĝa ca'li ñe'me Jaliaĝanec da'me yataqachiñe let'adaic da'me lañoqotaĝanaĝac.

2 Ts 2:11

Chane'eja joñe'me Dios yataqata yaje'tema da'me cha'li nejaliaĝatoue joga'me noqovinaĝanaĝac, chayovida'a da'me yataqata qo'yamaqaten da'me 'lonatac joñe'me qovinaĝanaĝaic,

1 Ts 2:11

Nataq'aen auayachiñe da'me yataqata ami jañaĝadijeguem, chayovida'a da'me yataqata ami jichoĝodenaq, onolqa'tape da'me ami, ena'am ga'me net'a nale ee'teque gaa'me c'oqo'te.

2 Corintios 11:13

Qa'a jogaa'me nach'edata da'me pecayaqa 'me eetapela'ajalo namaĝa's, nataq'aen qovinaĝanaĝayaqa jo'ne ch'e nojomaĝaquidi'ña da'me eetapela'ajalo Cristo lamaĝa's.

Hechos 4:36

Nach'eda da'me eeta ca'li ñe'me lecochaĝaua' gaa'me tamenaĝaiqui lo'ol jo'ne lenaĝat José, mach'e yataqachiñe 'lachaqa' jaga'me nepe jo'ne Chipre, qama'le jogaa'me namaĝa's e'n lenaĝat laqaya Bernabé (jo'ne yelo'teguet: “C'oĝot da'me noyaĝanataĝanaĝac.”)

Hechos 13:15

Ca'li yem da'me qodojelo'te gaa'me nedii's jo'ne lamaĝajoĝonaĝaco ñe'me Dios nataq'aen ledii's gaa'me Dios 'laqataĝanaĝanaqa, qama'le jogaa'me lejaliaĝanaqa ga'me nemaĝaiqui dojapegue'to jogaa'me, enapega't: —Ami qadaqaya'olqa, qom 'uo ga'me jetaque anenaĝachiyegue qaedi a'uañaqachichi' jena'me jiyaĝadipi, qama'le anenaĝachiyegue nayi.

2 Corintios 6:8

'Uo ga'me ua'a maqachaĝa qo'mi qo'nonaĝachiguilo, qalaĝaja 'uo ga'me ua'a qo'mi qo'yota'n nataq'aen ja no'en ga'me qo'mi qo'yeteque. 'Uo ga'me ua'a onaĝaic ga'me qa'nenaguec, nataq'aen 'uo ga'me ua'a ja no'en ga'me qa'nenaguec. Mate mane'e ja'aĝataqatac da'me eja, qo'mi qo'enapegalo qovinaĝanaĝayaqa.