1 Ts 2:11 - Nuevo Testamento Toba Sombrero Negro

¹¹ Nataq'aen auayachiñe da'me yataqata ami jañaĝadijeguem, chayovida'a da'me yataqata ami jichoĝodenaq, onolqa'tape da'me ami, ena'am ga'me net'a nale ee'teque gaa'me c'oqo'te.

Nuevo Testamento Toba Sur

¹¹ Nataq'en qauaÿajñiite' qomi' co'ollaq qami' souaqta'agueta, qalaq se'enaxataqteguem ca shiÿaxaua da i'añaqchit qataq ÿanem da lamaiquiaxac ca llalec.

La'aqtaqa Ñim Lo'onatac 'Enauacna 2013

¹¹ Nataqa'en qauaỹaañite' qomi' co'ollaq qami' souaqta'agueta, qalaq se'enaxataqteguem ca yo'oqchigui nta'a da huo'o ca ỹo'otec ca llalec. Qami' sa'añaqchetaqta'ape, qataq qami' sanaxama da qaramaicỹaxaqui.

1 Ts 2:11 Referans Kwoze

Hebreos 13:22

Ami yaqaya'olqa, ami ñachoĝodenoto da'me auacoñiyeguet jenjo' yaqataĝac 'me ami jamaĝalo nayi, qa'a ch'e jaleca da'me jo'ne jediñe.

1 Timoteo 5:21

Da'me yaqataĝac am janem nayi queda'me yataqata qo'mi yec'ate'tape joñe'me Dios choqoñe'me Jesucristo nataq'aen jogaa'me ja 'nalo'te piyem laje', qaedi yataqata oquetapegue'to naa'me yamaĝajoĝonaĝaco. Qama'le ena'te aua'uo adiquiyac uotaĝa adoqopich'i ta'le onolec ga'me auanem.

2 Ts 3:12

Ñe'me Qadejaliaĝanec Jesucristo qo'mi yanema da'me lañoqotaĝanaĝac qaedi jaqataĝalo naa'me naajo' jiyaĝa'u, qama'le jamaĝajoĝolo'te da'me 'noota ta'le t'onataĝa'n, qaedi yauata ga'me nali'j.

1 Ts 5:11

Qama'le nayi, a'nañaĝachiyapega't nataq'aen anecochiyapega't, oqui'tague da'me dojo' jo'ne joote auauoyitac nayi.

1 Ts 2:7

Qalaĝaja ta'le ami jenaqateque da'me dojo' jo'ne ami jaloĝonaĝalo ga'me t'adaic nejaliaĝa jo'ne qo'mi ue'tajopa da'me qo'mi lamaĝa's joñe'me Cristo, qalaĝaja da'me qo'mi nach'edata da'me jadenaĝataq da'me qo'mita jaqayi't nale ami jouaqatauelo, ena'am jaga'me nat'e nale yataqata netela ga'me yataqata c'oqo'te.

Tito 2:15

'Noota qom nach'eda auapaĝaguenataĝanec da'me dojo', a'uañaqataĝan nataq'aen 'noota qom 'uo da'me adañoqotaĝanaĝac 'me chiyaqayi joñe'me Dios nale avicochaqataĝanec ga'me qoyejamaĝatalegue. 'Noota qom qaya'te gamachaqaega ta'le am 'yotatac.

Tito 2:6

Nataq'aen 'noota qom a'uañaqate'tape jogaa'me joĝodipi qaedi joĝodayaqa da'me 'loyaĝa'j,

1 Timoteo 6:17

Qama'le jogaa'me 'uo da'me leuoyaĝa'j jena'me jenjo' aleua, a'uaĝatema qaedi ja 'yoĝodenaĝayaqa nataq'aen ja e'n 'te p'ajodaye ga'me yauata, qa'a da'me neuoyaĝac qaya'te chiyaqayi, mac da'me 'noota ta'le yate'm da'me leuataqataĝanaĝa'j joñe'me Dios jo'ne naqaeñe nale chiyoqo'ot yema joga'me jouenaqatac, qama'le en jalcote nale, qaedi yataqata qo'mi made'tape.

1 Timoteo 6:13

Qama'le da'me lec'atenaĝanaĝac ñe'me Dios jo'ne naqaeñe ya'uo 'loyaĝac yema ga'me uetalegue jena'me aleua, choqoñe'me Jesucristo jo'ne yataqata ja t'oiya'aguet ca'li joñe'me Poncio Pilato da'me 'yaĝatem da'me eja, qama'le nayi am jamaĝalegue

1 Timoteo 6:2

Nataq'aen qom p'etaqadaic ga'me adadipa, yataqata auanem da'me adoqopich'i choqoda'me adichoĝodenataĝanaĝac, qa'a jenjo' mach'e adaqaya da'me 'uo ga'me adepe'e. Mac da'me a'uetec da'me yataqata alecochiya, qa'a jenjo' at'onatac nataq'aen qoyen 'lonatac, chiyaqa'alo jiyaĝa'u jo'ne p'iida'a ñe'me Dios, chane'eja 'noota ta'le yataqata aviyamaĝatetac ga'me aue'et. Daa'me daajo' 'noota qom yataqata auapaĝaguenataĝaneque nataq'aen auamaĝajoĝolo'te.

1 Timoteo 5:7

Chane'eja 'noota qom auamaĝalo'te da'me dojo', qaedi gaa'me p'ail male qaya'te lejamaĝataĝa'j.

1 Ts 4:1

Qama'le nayi, ami yaqaya'olqa, ami ñachoĝodenoqoto chayovida'a da'me ami jaqataĝalo queda'me jaconaĝa joda'me lañoqotaĝanaĝac ñe'me mach'e Qadejaliaĝanec Jesús, qaedi male yemeda naa'me naajo' noloqo'ote yataqata anichiquitaye, qa'a yataqata aueñi 'noota joga'me at'oyaĝaqui, nataq'aen da'me auauoyi yema joga'me auayachiñe jo'ne ami japaĝaguenaĝaque ca'li, qa'a jena'me jenjo' jo'ne auayachiñe naqaena jena'me yataqata 'yamaqaten joñe'me Dios, jena'me jenjo' jo'ne joote auauoyitac yataqata 'noota.

Hechos 20:2

Dejapichiyalo ena'uaque gaa'me 'nachaqa'te nataq'aen gaa'me 'laqataqa 'yañaqate'tape jogaa'me qadaqaya'olqa; ua'edi yovida'a di'me Grecia.

Tito 2:9

Auapaĝagueneque jogaa'me nelataqa qaedi naeda'ac ta'le yoqocha'alo jogaa'me ladi'p; 'noota ta'le qopitaĝanaqataqayaqa nataq'aen ja ataĝayaqa.

Efesios 4:17

Da'me jayem lamaĝajec ñe'me Qadejaliaĝanec, qama'le nayi jenjo' ami ja'aĝatema: ami jachitatatapegalo ta'le ja auadenaĝachi gaa'me jo'ne ja p'iida'a joñe'me Dios, jo'ne que'teguelo gaa'me ch'e lelnataĝaco jo'ne ja 'noe'n.

Lucas 16:28

jo'ne ueteda'a gaa'me cinco yanoqolqa, da'me uaqatalo gaa'me qaedi ja nach'e ena'ama nec'adeta jenjo' joue'ta jo'ne nachoĝodaqa'.»

1 Ts 4:6

Ena'te ta'le 'uo joga'me ch'e eetapega yoqovin joga'me laqaya uotaĝa ta'le ee'tec ga'me ja no'en, qa'a joñe'me Qadet'a yataqata ja 'yamaqaten da'me dojo', qama'le ya'uo jo' qomle joga'me laviyaĝajet. Qalaĝaja yema jena'me jenjo' joote ami ja'aĝataĝama ca'li.

1 Ts 5:14

Nataq'aen ami qadaqaya'olqa, yitaĝa ami jaqataĝalo da'me 'noota qom auojeyapegue'to jogaa'me choĝolaĝayaqa qaedi nach'e ena'am t'onataĝa'n, 'noota qom auañiyijeguem jogaa'me ja t'añi'y naa'me lai'li, nataq'aen alecochiiyalo jogaa'me yataqata qaya'te 'lañaĝa'j nataq'aen aneualaĝañi'ye' yema ga'me jiyaĝadipi.

3 Juan 1:4

Nataq'aen da'me dojo' yamaic jo'ne p'ajaye queda'me jayate'n jogaa'me yalaqapi queda'me 'nañaĝatela'ajalo quetedalegue da'me jo'ne chimaqachiñe.

2 Ts 2:5

Anetoviñetac jena'me jenjo' joote ami ja'aĝatapema ca'li maliaĝa ami jouetauelo.