1 Ts 2:10 - Nuevo Testamento Toba Sombrero Negro

¹⁰ Qama'le naqa'ami 'me auatetoñi ga'me 'yonatac, nataq'aen ñe'me Dios nach'eñe 'me joote yayaten da'me yema joga'me jauoqo yataqata ja ch'e qanequejaĝac, yataqata ja 'nalegue, yataqata chimaqachiñe, choqoda'me yataqata ami lecochiyalo da'me ami p'etaqadayaqa.

Nuevo Testamento Toba Sur

¹⁰ Qataq qami' 'amqajnataxanaxaiqa mashi qauaÿajñiite' qomi', qataq ñi Dios qomi' ÿaÿateete' co'ollaq qami' souaqta'agueta, qalaq ÿataqta qui'itta qataq no'on da qadataxac. Sa ishit ñaq'enaq da huo'o ca qan'aqtaguec sa ÿaÿamaxañi.

La'aqtaqa Ñim Lo'onatac 'Enauacna 2013

¹⁰ Qami' huo'o da qarpi'iỹaxaqui Ñim Lo'onatac 'Enauacna qataq qomi' co'ollaq qami' souaqta'agueta, qalaq ỹataqta no'on da qarataxac. Qaq Ñimaye ỹataqta ỹaỹateeta da 'eesa de'era, nataqa'en qami'. Ỹoqo'oye qaica ca ishet da huo'o ca qomi' ỹasaxaleguete ca qarasouaxashet.

1 Ts 2:10 Referans Kwoze

1 Pedro 5:3

Ena'te aueñe'tem ta'le yataqachiñe auoqochiyaja'am jogaa'me jo'ne ch'e adouataldi', dite da'me auepaquitapega da'me naqa'ami jo'ne laloqotenaĝanaĝaiqui jogaa'me,

1 Ts 1:5

Qa'a ca'li ami ja'aĝataĝama jena'me jenjo' 'noota, ja nach'edata da'me ch'e jojaqatac, dite da'me nach'e ena'am auec'achiñe joga'me jauoqo, da'me jaloĝonaq da'me lañoqotaĝanaĝac joñe'me Dios, nataq'aen da'me lajoĝonataĝanaĝac joñe'me Dios Lepaqal, nataq'aen da'me t'adaic lichoĝodenataĝanaĝac joñe'me. Qalaĝaja jena'me jenjo' joote auayachiñe ca'li ami jouaqatauelo, qama'le joote auec'achiñe da'me yataqata ami jecochaĝalo.

2 Corintios 1:12

'Uo da'me chiyaqayi da'me qani'yoĝodenaĝac, nach'eda da'me qadetadenataĝanaĝac qo'mi 'yaĝatema queda'me yataqachiñe ja 'nalegue da'me qadajoĝoc nataq'aen ja jauoqo 'te lale'gue jo'ne ua'ña jena'me aleua, nataq'aen p'ajaye dojo' jo'ne ami joqote'tagueta. Qo'mi ja ñajenaqa'teguet ta'le qo'mi yaue'j da'me ch'e jiyaĝaua layatenaĝanaĝac, dite da'me jep'iyaqa ñe'me Dios da'me 'uo da'me leyalaqataĝanaĝac.

2 Timoteo 3:10

Qalaĝaja da'me am, joote auaconegueta yemeda daa'me yapaĝaguenataĝanaĝaco, nataq'aen da'me auadenaĝat da'me 'yoyaĝac nataq'aen ga'me jetaque ja'uo nale, da'me yepi'iyaĝac, da'me ñapogaĝadenaĝac, da'me yoqopich'i nataq'aen da'me qoyen 'yañaĝac qaedi yema jalo'oguet nale.

Hechos 20:18

Ca'li yovi't qama'le enaac: —Da'me ami auayachiñe da'me eeta da'me 'yoyaĝac, chiyoqotelegue jo'me nolo' 'uaechiñe ca'li ñovita jena'me aleua jo'ne Asia.

1 Timoteo 4:12

At'oiya'aguet qom uo'oe gaa'me ja am 'te 'yamaqate'n queda'me am yaloĝo'n da'me am nejoqolec, mac da'me auaconeguet da'me onaĝaic anejiyaĝauayaĝac, qaedi yataqata am yelodelegue gaa'me Dios lec'oqo'te, qa'a jouaĝat da'me onaĝaic adojaĝac choqoda'me at'oyaĝac, chayovida'a da'me adoqopich'i, da'me t'adaic adepe'e, nataq'aen da'me yataqata am yauata da'me am jiyaĝaua jo'ne yataqata qaya'te auepita'a jena'me aleua.

2 Ts 3:7

Nataq'aen joote auayachiñe da'me jo'ne jauoqo, qama'le 'noota qom qo'mi auadenaĝachi', qa'a nale ami jouaqatauelo nach'eda da'me jauoqo ga'me qat'onatac, ja qo'mi 'te choĝolaĝayaqa.

1 Ts 2:5

Qa'a ami joote auayachiñe da'me ja auañiya ta'le ch'e ji'yoĝodenaqatac ga'me qadojaĝac, uotaĝa ta'le 'uo ga'me qadapaĝaguenataĝanaĝac jo'ne jenaĝa chiyaqayi ga'me qo'mi qoyejete'n. Jena'me jenjo' yataqata Dios joote yayaten nach'eñe qo'mi nelota'ñalo.

2 Corintios 11:11

¿Toqoch'e naq'aeta ga'me 'yaqatac? ¿Qo'li ja ami 'te joqopitalo? Aja'y. ¡Dios yayaten queda'me yataqachiñe ami joqopitalo!

2 Corintios 7:2

¡'Noota jouaqatouelo naa'me adai'lidi' qom auauoyi qadedaqa'! Qa'a qaya'te gamachaqaega ami jauoqo lachoĝodec, qaya'te joqovinaq, qaya'te 'ñaĝataq.

Hechos 24:16

Qama'le jouaĝat da'me dojo' nach'e eta't 'ñañaĝat qaedi yoqovita jena'me yeuel qama'le ja jepocoĝoguet ñe'me Dios nataq'aen gaa'me jiyaĝa'u.

Hechos 20:26

Qo'che' nayi jetaque ami ja'aĝatema queda'me ja janomeguet ga'me yaviyaĝajet 'me ami chiyaqayilo,

2 Corintios 11:31

Ñe'me Dios nataq'aen Let'a ñe'me Qadejaliaĝanec Jesús, jo'ne nach'eñe qoyanem da'me nach'e eta't qo'nonaĝachigui, nach'eñe yayaten queda'me ja joqovinaĝatac.

2 Corintios 5:11

Qa'a joote jayatenaq queda'me 'noota ta'le joqochaĝa joñe'me Dios nataq'aen da'me 'ñonaĝataĝaye. Qo'che' ja'aedenaqatac da'me ñauegaĝala'ajalo jo' gaa'me jiyaĝa'u laqaya' qaedi nach'e ena'am p'iida'a joñe'me. Ñe'me Dios yataqachiñe qo'mi yateto'n, qama'le jepaquetapega ta'le nach'e ena'am da'me ami yataqachiñe qo'mi auatetoñi'.

2 Corintios 4:2

Qaya'te gamachaqaega ta'le janomaĝaguet da'me qadepocoĝo, uotaĝa joĝotaqatapiñi ga'me qat'onatac. Ja jauoqo da'me ta'le joqovinaq ga'me jiyaĝadipi uotaĝa jaeyaĝanaq da'me 'laqataĝanaĝac ñe'me Dios. Ja naq'aeta, dite da'me nach'eñe ñe'me Dios qa'naĝatoqo't queda'me onolec da'me eja ñenaĝataĝaye. Qo'che' ena'uaque qo'mi qop'eteque.

Lucas 23:41

Qo'mi yataqachiñe chimaqachiñe da'me 'uo da'me qadachoĝodec, qa'a jaconaĝaguet da'me lajo'vi gaa'me jauoqo'oe; qalaĝaja jenjo' jiyaĝaua qamqa'me ja ya'uo ga'me ja no'en.