1 Ts 1:6 - Nuevo Testamento Toba Sombrero Negro

⁶ Qama'le da'me ami, yataqata oquiyegue ca'li joga'me jauoqotac mach'e qat'onataĝanaĝac, nataq'aen joga'me 'lonataĝanaĝac joñe'me Jaliaĝanec, chayovida'a da'me auacoñiyeguet ga'me 'naqatac. Qama'le auachiyoĝotedaue joga'me adamaiqui jo'ne ami yanema ñe'me Dios Lepaqal da'me chiyaqaue ga'me adachoĝodequi.

Nuevo Testamento Toba Sur

⁶ Qaq qami' da machi qoñiitec co'ollaq qoquiigue da no'on qadataxala' Jesús. Co'ollaq qauacoñiiguet da n'aqtac, nachi so Espíritu Santo qami' ÿanema da qantonaxaqui. Qaq ÿoqo'oyi nai'ctaxa da saqalota da qanque'ejnaxaqui.

La'aqtaqa Ñim Lo'onatac 'Enauacna 2013

⁶ Qami' qoquiigue da qarataxac qataq da no'on lataxac So Qarataxala', na'aictaxa da qalota da qanque'eenaxaqui, qalaxaye co'ollaq qauacoñiiguet da na'aqtac maye qami' ỹanema So Saqcha'a Na'añaxac Qui'itta qalaq huo'o da qantonaxaqui.

1 Ts 1:6 Referans Kwoze

1 Corintios 11:1

Oqui'teguelo gaa'me 'yonataqa jo'ne joote ami jaloĝonalo, nach'e naq'aeta da'me jeque'teguelo gaa'me 'lonataqa 'me jayem yaloĝonalo ñe'me Cristo.

1 Corintios 4:16

Qama'le ami ñachoĝodenoto queda'me oquiyegue ga'me jayem auec'achiñiyec.

Hechos 13:52

Qalaĝaja joga'me p'etaqadaiquipi yataqachiñe jalcote da'me lamai'j nataq'aen najaqachiguilo ñe'me Dios Lepaqal.

Gálatas 5:22

Qalaĝaja ñe'me Lepaqal ñe'me Dios qo'mi noqopitaĝanaĝaneque jogaa'me qadaqaya'olqa, nach'e eta't jouaqataue da'me qo'mi made'tape nataq'aen jouaqataue da'me qat'emaĝac da'me jouaqa'tajopa gaa'me qadaqaya'. Qo'mi e'n ñapogaĝadenaq nataq'aen qo'mi qopitaĝanaqataqayaqa, nataq'aen nach'e eta't 'noota ga'me je'etaĝaque jogaa'me qadaqaya', jep'iyaqa ñe'me Dios.

2 Ts 3:9

Te'me 'uo da'me ladic da'me ami jajelaĝanoqoto gamachaqaega qaedi qo'mi alecochiiyalo, qalaĝaja ja jauoqo jena'me jenjo' dite da'me jenaqatapega 'noota da'me jo'onataĝanaĝatac. Qa'a jetaque jaloĝonaq da'me qat'onatac, qaedi qo'mi auadenaĝachi' jo' qomle.

3 Juan 1:11

Am yaqaya jo'ne am joqopita, ena'te auanaya'alo jogaa'me ja 'noe'n jo'ne qoyadenaĝa't nale, dite gaa'me jo'ne 'noote'. Qa'a joñe'me jo'ne ya'uo da'me 'noota, nach'eñe chiyaqayi joñe'me Dios, qalaĝaja ga'me jo'ne ya'uo ga'me ja no'en qamqa'me ja yateton joñe'me Dios.

Efesios 5:1

Chane'eja queda'me yataqata ami lec'oqo'tepi joñe'me Dios nataq'aen yataqata ami noqopitalo, qama'le 'noota qom auadenaĝachi joñe'me.

Juan 8:12

Jesús yitaĝa yapaĝague'n jogaa'me jiyaĝadipi, qama'le enaac: —Naqayem jo'ne lecoyadaĝanaĝat jogaa'me aleua laje'pi; gaa'me jo'ne jayem quetegue ja yitaĝa uetedaue da'me 'lalaĝa, dite da'me male yauata da'me yoqochiñe jo'ne nec'alaĝa.

Mateo 16:24

Yem qama'le dojapegue'to jogaa'me lapaĝaguenataqa, enaac: —Qom 'uo gamachaqaega jo'ne jetaque jayem ue'tajop qaedi yapaĝaguenatac, 'noota qom ja yitaĝa nenatetala't, qama'le yachi jaga'me nesodoso da'me jayem equegue.

1 Pedro 3:13

¿Jach'e jogamaĝa yaqanatet ta'le ami 'naĝa't, qom nach'e eta't da'me oquitalegue da'me a'vichetac da'me 'noota?

1 Pedro 1:8

Da'me ami joote adoqopichiya joñe'me Jesucristo, mate mane'e ja auañiya, qama'le nayi auep'iiya'a joñe'me mate mane'e ja aueloi'yot. Chane'eja yataqata ami made'tape nayi, yataqachiñe let'adaic da'me adamaiqui jo'ne ja qoyaqanatet ta'le qouenate'ta qaedi qo'yaĝatetac,

1 Pedro 1:6

Chane'eja 'noota qom yataqata ami najaĝayelo da'me adamaiqui, temaqaedi da'me nayi naa'me naajo' noloqo'ote cha'li uo'oe gaa'me anapiyenaguequi' jo'ne yodapecache.

Hebreos 10:34

Qa'a da'me ami yataqata avichoĝodeñi' ca'li jogaa'me jo'ne netedaue jaga'me coñetaĝanaĝaiqui, nataq'aen da'me maliaĝa ami made'tape ca'li qodoĝotaĝaneque gaa'me adadiyamaqataqadi', qa'a auayachiñe da'me 'uo da'me adoĝochi laqaya jo'ne yaguegue da'me 'lonaĝac nataq'aen da'me nach'e eta't ja pal.

2 Ts 1:4

Qama'le nayi yataqata 'uo da'me qadamaic nale ami jenataqa'talo nataq'aen ami ja'aĝataqa'tape nale 'uo ga'me jouaqa'ta na'me tamenaĝaiqui jena'me jenjo' aleua jo'ne mach'e Dios 'lemaqa. Nataq'aen da'me jayatenaq na'me ovi'ta yataqata 'uo ga'me laqalaic da'me jenjo' 'noota, chayovida'a da'me 'uo ga'me adachoĝodequi, qalaĝaja yataqata ami ejoda da'me auep'iiya'a joñe'me Qadet'a Dios.

Filipenses 3:17

Ami yaqaya'olqa, 'noota qom jayem auadenaĝachi, nataq'aen aueloyegueta jogaa'me jo'ne queteda'ague da'me 'noota ladic 'me joote ami japaĝaguenaĝaque.

2 Corintios 8:5

Uoja'eda yaguegue ga'me yauote jo'ne ja naq'aeta ga'me qadelnataĝac. 'Uaeñe mach'egaua nemetot ñe'me Jaliaĝanec; yem qama'le qo'mi nemetot. Naq'aeta da'me dojo' jo'ne Dios dajo'talo qaedi yauote jogaa'me.

Romanos 15:13

'Noota qom ñe'me Dios 'me chiyaqayi da'me neuataqataĝanaĝac, ami nejaqachiguilo q'ae'n da'me ami made'tape, da'me 'nemaĝac ami uetauelo, ami jo'ne auep'iiya'a joñe'me. Nataq'aen ami yanema ga'me alidaq 'me najoĝonataĝanaĝac 'me chiyaqayi da'me 'lañaĝac ñe'me Lepaqal jo'ne ja 'nalegue.

Hechos 9:31

Chane'eja gaa'me uetedaue ga'me 'naqataĝanaĝac 'me dalaĝaic, yema di'me aleua Judea, Galilea nataq'aen Samaria, 'uo da'me 'lamaĝa'j nataq'aen naqaloĝodetajeguem da'me lepe'e. Yataqatelo'te t'onataĝade'uo ñe'me Jaliaĝanec, nataq'aen queda'me qolecochaĝanaĝanegueta ñe'me Dios Lepaqal jo'ne ja 'nalegue nach'e eta't nichiquetaye ga'me p'etaqadaiquipi.

Hechos 5:41

Jogaa'me Jesús lamaĝa's yenoĝodegue, queda'ae ga'me ueteda'a gaa'me jaliaĝanaqa, yataqachiñe made'tape queda'me Dios yaje'tem da'me qoya'uo lachoĝode'j qa'a yajouaĝat da'me lenaĝat ñe'me Jesús.

1 Corintios 11:2

Ami ñetotapeque qa'a nach'e eta't anetoviñetaque yema gaa'me 'yonataqa nataq'aen 'yamaqatenataĝanaĝaco ca'li, nataq'aen yataqachiñe oqui'teguelo daa'me yapaĝaguenataĝanaĝaco jo'ne ami janema.

2 Corintios 6:10

Ena'am ta'le qo'mi totelo'te, qalaĝaja nach'e eta't qo'mi made'tape. Ena'am ta'le qo'mi choĝodache, qalaĝaja qayoĝode' gaa'me jenaĝa neuoyaĝadi. Ena'am ta'le qaya'te jauanaĝa, qalaĝaja joote yema jauanaĝa.

2 Ts 3:7

Nataq'aen joote auayachiñe da'me jo'ne jauoqo, qama'le 'noota qom qo'mi auadenaĝachi', qa'a nale ami jouaqatauelo nach'eda da'me jauoqo ga'me qat'onatac, ja qo'mi 'te choĝolaĝayaqa.

2 Timoteo 4:2

'Noota qom auapaĝaguenataĝaneque naa'me naajo' Dios 'laqataqa yemeda naa'me noloqo'ote, nataq'aen a'viyelaqatapelegue nale maqachaĝa am qonaquiaĝana, nataq'aen ena'am nale ja am 'te qonaquiaĝana. Aualoĝonalo gaa'me jiyaĝadipi da'me lejomaĝa'j nataq'aen da'me anavidijeguem, qama'le auapaĝague'n, ena'te adoualalo.