1 Ts 1:5 - Nuevo Testamento Toba Sombrero Negro

⁵ Qa'a ca'li ami ja'aĝataĝama jena'me jenjo' 'noota, ja nach'edata da'me ch'e jojaqatac, dite da'me nach'e ena'am auec'achiñe joga'me jauoqo, da'me jaloĝonaq da'me lañoqotaĝanaĝac joñe'me Dios, nataq'aen da'me lajoĝonataĝanaĝac joñe'me Dios Lepaqal, nataq'aen da'me t'adaic lichoĝodenataĝanaĝac joñe'me. Qalaĝaja jena'me jenjo' joote auayachiñe ca'li ami jouaqatauelo, qama'le joote auec'achiñe da'me yataqata ami jecochaĝalo.

Nuevo Testamento Toba Sur

⁵ Cha'ayi qomi' co'ollaq qami' sa'axataxama da n'aqtac mayi chigaqaigui da nca'alaxa, qalaq sa ishit da ndoxoiqa naua qadtaxaÿaxac. Cha'ayi qomi' hueta'agueta da l'añaxac so Espíritu Santo, qataq saÿajnaqta da ÿataqta 'eesa dam sa'axataqtac. Qataq qami' ÿataqta qauaÿajñiita da qadataxac no'on co'ollaq qami' souaqta'agueta. Qaq damayi naigui da maichi qanaÿamaxataxaqui.

La'aqtaqa Ñim Lo'onatac 'Enauacna 2013

⁵ Cha'aye co'ollaq qami' sa'aqtaxanaxama da no'on na'axaỹaxac qalaq saishet da ndotre'c naua qara'aqtaqa. Nachaqrata da co'ollaq qami' souaqta'agueta qalaq qami' sachaxanaxalo da qomi' hueto'oto da la'añaxac Ñim Lo'onatac 'Enauacna qataq So Saqcha'a Na'añaxac Qui'itta da do'onataxaatapoigui da shenaqta, qaq damaye naigui da maiche qanaỹamaxataxaqui.

1 Ts 1:5 Referans Kwoze

Marcos 16:20

Jogaa'me lapaĝaguenataqa male eque' ca'li qaedi 'yaĝatetedac da'me 'naqataĝanaĝac jo'ne onaĝaic yema joga'me jiyaĝadipi; nataq'aen joñe'me Jaliaĝanec lecochiyalo jogaa'me, nataq'aen yauo'oe jodaa'me nañoqotaĝanaĝaco jo'ne p'ajodaye, jo'ne yotaua'n da'me 'naqataĝanaĝac.

1 Ts 2:13

Chane'eja da'me qo'mi, nach'e eta't da'me janemaĝam da'me qadamaic joñe'me Dios, yajouaĝat da'me auomachiiya ca'li ga'me qadapaĝaguenataĝanaĝac, jo'ne mach'e 'laqataqa ñe'me Dios, qama'le yataqata auacoñiyeguet ga'me, ja aueñetapega ta'le ch'e jiyaĝaua 'laqatac. Qa'a eja yataqata Dios mach'e 'laqataqa, qama'le yataqata eja 'uo joga'me ami chiyaqayilo, da'me ami jo'ne male yataqata eja auep'iiya'a.

1 Pedro 1:12

Qalaĝaja ñe'me Dios yayatenaĝanaĝaneque jogaa'me da'me ja naqaegaua ta'le loĝo't joda'me jo'ne 'yaĝatetedac, dite da'me naqa'ami jo'ne ami yapaĝague'n. Chane'eja gaa'me Dios 'laqataĝanaĝanaqa jo'ne joote ami yapaĝagueneque da'me 'laqataĝanaĝac joñe'me Dios, da'me chiyaqayi da'me lañoqotaĝanaĝac joñe'me Dios Lepaqal jo'ne uetayelo, naqaegaua jo'ne ami 'yaĝatema nayi da'me dojo' 'naqataĝanaĝac jo'ne chiyaqayi da'me nec'alaĝa. ¡Nach'eda da'me dojo' jo'ne jetaque yayate'n jogaa'me Dios lamaĝa's jo'ne piyem laje'!

2 Ts 2:14

Dios ami yiyaĝanalo ca'li jouaĝat da'me yataqata auacoñiyeguet jena'me jenjo' onaĝaic 'naqataĝanaĝac jo'ne ami ja'aĝataĝama ca'li, qaedi nataq'aen male oviyaue da'me 'lonaĝac ñe'me Qadejaliaĝanec Jesucristo.

Colosenses 2:2

Jeloquitac qaedi 'uo da'me 'lañaĝa'j naa'me adai'lidi' nataq'aen qaedi a'nañaĝachiyec da'me noqopich'i jo'ne ami nalotapega't q'ae'n nataq'aen nejaqachiguilo da'me yataqatelegue netadenataĝanaĝac, qaedi auaqanachichi ta'le auatetoñi joda'me lelnataĝac ñe'me Dios jo'ne ja di'yoq joca'li, jo'ne nach'eñe ñe'me Cristo.

1 Corintios 4:20

Qa'a ja naqaedaua daa'me ch'e 'laqataqa ga'me jiyaĝaua yaloĝon ta'le eja uetaue da'me Dios lejaliaĝa joga'me, dite da'me 'lonataqa.

Efesios 3:20

Dios yataqata yaqanatet ta'le yauo'oe gaa'me jo'ne napacalo'te jogaa'me jajelaĝanaqaque uotaĝa ta'le ch'e jenataqatapegalo, qa'a jouaĝat joda'me 'lañaĝac jo'ne qo'mi t'onataĝanouelo.

Romanos 1:16

Ja jepocoĝolegue da'me dojo' onaĝaic 'naqataĝanaĝac, qa'a nach'eda lañoqotaĝanaĝac ñe'me Dios qaedi ena'uaque gaa'me jo'ne p'iida'a yededalegue da'me qonec'alaĝatedegue, nach'egaua joga'me judiopi jo'ne 'uaediñe, qama'le nach'e ena'ama yema joga'me jiyaĝadipi.

Hechos 11:21

Joda'me lañoqotaĝanaĝac ñe'me Jaliaĝanec uetauelo jogaa'me, qama'le naq'aeta da'me qayoĝode' gaa'me jo'ne yaĝadegue ga'me toye's lepe'eco qama'le p'iida'a ñe'me Jaliaĝanec.

2 Timoteo 2:10

qama'le jalcote qoye'n yachoĝodeco, qaedi gaa'me dalaĝayaqa Dios lec'oqo'tepi male nec'alaĝatedegue nataq'aen yacoteguet ga'me 'noyaĝac jo'ne ja 'naidena'a, nach'ena jenjo' yanegue joñe'me Cristo Jesús.

2 Timoteo 2:8

Anetouetac nale ñe'me Jesucristo jo'ne nach'eñe ca'li 'niyelaĝajeguem, chiyaqa'ña di'me napa'lpi 'lachaqa', nataq'aen da'me chiyoĝoguet jodi'me jaliaĝanec David. Naq'aeta da'me onaĝaic 'naqataĝanaĝac jo'ne qoyen ja'aĝatetac nale.

Filipenses 4:9

Yataqata a'vichi yema jo'ne joote ami japaĝagueneque quelqaya. 'Noota qom auacoñiyeguet yema da'me jo'ne ñenaĝategue nale ami jojetapegue'to, nataq'aen jayem auadenaĝachi da'me jauotac nale. Qom naq'aeta da'me auauoyi, qama'le joñe'me Dios jo'ne ami yanema da'me at'emaĝaqui, nach'eñe ami uetauelo yemeda naa'me noloqo'ote.

2 Pedro 1:10

Chane'eja ami yaqaya'olqa, yajouaĝat da'me Dios ami yiyaĝanalo ca'li qama'le nayi male ami liquiyaqa, 'noota qom auepaquitapega da'me dojo' qaedi nach'e eta't nichiquetajeguem da'me adepi'i, qa'a qom naq'aeta da'me auauoyi qama'le ja yitaĝa ta'le auapolegaĝañi.

1 Pedro 1:3

'Ñonaĝataĝaye joñe'me Qadet'a Dios jo'ne Let'a joñe'me mach'e Qadejaliaĝanec Jesucristo, qa'a naqaeñe jo'ne yataqachiñe choĝodenataĝanaĝaic, qama'le qo'mi yanema da'me qat'oyaĝac jo'ne dalaĝaic. Chane'eja male 'uo da'me qadeuataqataĝanaĝac jo'ne ja yitaĝa ta'le pal, yajouaĝat da'me joote 'niyelaĝajeguem joñe'me Jesucristo ca'li chiyaqauelo ga'me napa'lpi.

Hebreos 6:11

Da'me qo'mi yataqata 'uo da'me qadamaic ta'le onolqa'tape da'me ami nach'e eta't oquitalegue da'me adaloĝonataĝanaĝaqui chayovida'a qom yovita ga'me nolo' jo'ne p'ategue, qaedi yataqata yepaquichigui yema da'me mach'e adeuataqataĝanaĝaqui.

Filipenses 2:13

Qa'a nach'eñe joñe'me Dios jo'ne ami yanouelo da'me nelnataĝaco jo'ne onaĝayaqa nataq'aen ami yanema da'me at'añaĝaqui qaedi aueñi di'yoq da'me yepaquetapega joñe'me.

Efesios 2:10

Da'me qo'mi mach'e qo'mi 'lonataqa joñe'me Dios, qama'le joqo'taqataguet joñe'me Jesucristo qaedi jauoqo'oe jogaa'me qat'onataqa jo'ne 'noote', nach'egaua jo'ne Dios joote yiyamaĝateta'ajalo qaedi je'etaqa'tape.

Gálatas 5:5

Qo'mi qamqa'me, ñe'me Dios Lepaqal 'me ja 'nalegue qo'mi yayataĝade'teque da'me Dios qo'mi yaconegueta qomle, jouaĝat da'me jep'iyaqa ñe'me Cristo.

2 Corintios 3:6

Nayi Dios qo'mi yaqataĝata'ajalo da'me yiyamaĝateta'ajalo qaedi jaqanatetaq ta'le ja'aĝataqatac da'me dalaĝaic yamaĝataĝac jo'ne qo'mi yanema joñe'me. Dojo' dalaĝaic yamaĝataĝac ja chiyaqayilo gaa'me namaĝajoĝonaĝaco, dite ñe'me Lepaqal joñe'me Dios. Qa'a da'me namaĝajoĝonaĝaco yepoleguelegue da'me leleuaĝa ga'me jiyaĝaua loeco lo'o, qalaĝaja ñe'me Lepaqal ñe'me Dios qamqa'me yanegue da'me 'noyaĝac.

1 Corintios 10:33

ena'am jayem, jo'ne jepaquetapega ta'le ena'uaque jen made'tape. Ja jelotaque ga'me mach'e yiyamaĝac, dite da'me ena'uaque 'uo da'me liyamaĝa'j qaedi qonec'alaĝatedegue qom'te jogaa'me.

1 Corintios 3:16

¿Qo'li ja auayachiñe queda'me aueñiya'am ga'me 'lemec ñe'me Dios nataq'aen da'me ami uetauelo ñe'me Lepaqal?

1 Corintios 3:6

ena'am ta'le je'uaelegue jaañi da'me dojo' 'naqataĝanaĝac ca'li, ua'edi novi' ñe'me Apolo qama'le yepetelegue jaga'me jala, qalaĝaja nach'eñe ñe'me Dios jo'ne ye'et ca'li da'me anichiquitajeguem.

1 Corintios 1:24

Qalaĝaja gaa'me jo'ne Dios yiyaĝanalo, naqaegaua ga'me judiopi uotaĝa ga'me griegopi, jayatenaq da'me Cristo mach'e lañoqotaĝanaĝac nataq'aen layatenaĝanaĝac ñe'me Dios.

Romanos 2:16

Ga'me nolo' p'ategue qom Dios ya'uo da'me lec'atenaĝanaĝac da'me nemitaque ga'me lelnataĝacopi 'me ja di'yo't ga'me jiyaĝadipi chiyaqayi q'aen ñe'me Cristo Jesús nach'e naq'aeta da'me onaĝaic 'naqataĝac 'me ja'aĝatetac.

Hechos 16:14

'Uo jaga'me lenaĝat Lidia; nach'aga jo'ne 'lachaqa' di'me Tiatira nataq'aen yemanac ga'me ualoq jo'ne yataqata no'en 'me yemalaqalegue da'me 'loyaĝac. Janjo' yauo jo'ne 'nonaĝachigui joñe'me Dios nataq'aen jo'ne naquiaĝan ca'li, joñe'me Jaliaĝanec yataqachiñe yedaĝat ca'li qama'le naquiaĝatelegue ga'me jo'ne Pablo 'yaĝatetac.

Hechos 2:33

Qama'le Dios yana'ña di'me yayaten, nataq'aen yi'yoĝoden, nataq'aen yanem ñe'me Lepaqal 'me ja 'nalegue jo'ne joote 'yaĝatetapem ca'li. Qama'le ñe'me nach'eñe chiyoqo'tot da'me qo'mi yeyala'aque: dojo' nach'eda auañiya nataq'aen auomachiya nayi.

2 Pedro 1:19

Qama'le jenjo' jo'ne yataqachiñe 'yaediñi daa'me nedii's jo'ne lapaĝaguenataĝanaĝaco jodia'me Dios 'laqataĝanaĝanaqa. Chane'eja yataqata auacoñiyegueta naa'me naajo' qama'le auoqochiiyalo, qa'a naa'me naajo' napaĝaguenataĝanaĝaco eda'am jaga'me coyadaĝanaqate qom yecoyadelegue ga'me 'nachaqa' jo'ne 'uo da'me 'lalaĝa. Yataqata auoqochiiya chayovida'a da'me yeda'aguet ga'me nete' qama'le nenoĝojeguem jaga'me uaqachiñi jo'ne ni'chije qaedi yecoyadelo'te naa'me adai'lidi'.

1 Pedro 5:3

Ena'te aueñe'tem ta'le yataqachiñe auoqochiyaja'am jogaa'me jo'ne ch'e adouataldi', dite da'me auepaquitapega da'me naqa'ami jo'ne laloqotenaĝanaĝaiqui jogaa'me,

Hebreos 10:22

Chane'eja 'noota qom ñichiyaĝa'uo joñe'me Dios, da'me yoqovichiguilo naa'me qadai'li nataq'aen qaya'te 'uo ga'me qadoqoleguetaĝanaĝac da'me yataqata jep'iyaqa joñe'me, da'me joote qoye'n yoqovite' naa'me mach'e qadelnataĝaco, nach'e ena'am da'me joote qoyiyodingui naa'me mach'e qadoje' ga'me noĝop jo'ne qaya'te lale'gue.

Lucas 1:1

Am Teófilo jo'ne am p'ajaye: Joote auayaten queda'me uo'oe gaa'me Dios 'lonataqa jo'ne yepacalo'te ca'li, jo'ne qo'mi di'yoĝoma. Qama'le uo'oe gaa'me qayoĝode' jo'ne te'me jetaque 'yaĝatetedac da'me dojo',

Romanos 15:13

'Noota qom ñe'me Dios 'me chiyaqayi da'me neuataqataĝanaĝac, ami nejaqachiguilo q'ae'n da'me ami made'tape, da'me 'nemaĝac ami uetauelo, ami jo'ne auep'iiya'a joñe'me. Nataq'aen ami yanema ga'me alidaq 'me najoĝonataĝanaĝac 'me chiyaqayi da'me 'lañaĝac ñe'me Lepaqal jo'ne ja 'nalegue.

1 Corintios 9:14

Nach'e naq'aeta da'me damaĝajoĝolegue ñe'me Jaliaĝanec, qaedi gaa'me jo'ne 'yaĝatetedac da'me onaĝaic 'naqataĝanaĝac qoyanema nale ga'me jo'ne youetedaque.