1 Ts 1:3 - Nuevo Testamento Toba Sombrero Negro

³ Nataq'aen queda'me jouaqa'tot joñe'me Qadet'a Dios, nach'e eta't jenataqa'ta joda'me yataqata ja aĝañiñi jena'me jenjo' jo'ne adepi'i, da'me onaĝaic adoqopich'i nataq'aen da'me yataqata ami 'uañaĝayaqa nale te'me 'uo ga'me ami qoyachalo'te jo'ne ja no'en, qa'a jouaĝat da'me yataqata auache'ta joñe'me Jaliaĝanec Jesucristo.

Nuevo Testamento Toba Sur

³ Qaq ñim qadta'a Dios mayi souaqto'ot, ñimayi mayi ÿaÿateeta da qadhuennataxa da tachigui qadhuel da l'onataxanaxac da qadpi'iÿaxaqui, qataq da qadsoxoyiqui da qoviitague' na qadqaÿañicpii, qataq da qoquiito'ot qanaquitaxaqui ñi qadataxala' Jesucristo.

1 Ts 1:3 Referans Kwoze

1 Corintios 13:13

Chane'eja uo'oe naajo' tres jo'ne qaya'te loiquiaqa't: da'me nepe'e, da'me najoĝonataĝanaĝac nataq'aen joda'me noqopich'i. Qalaĝaja da'me yataqachiñe p'ajaye naa'me naajo' tres mach'e noqopich'i.

Apocalipsis 2:19

Joote jayaten yema da'me auauoyi, nach'e ena'am da'me jayaten da'me 'uo da'me adoqopich'ii choqoda'me adepi'i, choqoda'me ami chimadichidiñe, qama'le nach'e ena'am da'me nach'e eta't da'me oquitalegue da'me at'onataĝanaĝaqui, nataq'aen jayaten da'me jo'ne auauoyi nayi yataqata napacalegue da'me at'onataĝanaĝac jo'ne 'uaechiñe.

Gálatas 5:6

Qom joqotaĝaguet ñe'me Cristo, male ja p'ajaye da'me joote jaconaĝaguet ga'me 'nanaĝajet 'me nichaĝajoĝonaĝac uotaĝa qom ja naq'aeta. Da'me jo'ne p'ajaye ta'le jep'iyaqa ñe'me Cristo, nataq'aen da'me dojo' qadepi'iyaĝac qo'mi tauelo q'ae'n da'me qadoqopitalo jogaa'me qadaqaya'olqa.

2 Ts 1:11

Nataq'aen yemeda naa'me noloqo'ote da'me ami jajelaĝanaĝalo'te, da'me ñachoĝodenoqot joñe'me Dios qaedi ami e'n adaloyeguet da'me 'noyaĝac jo'ne auacoñiyeguet ca'li ami qoyiyaĝanalo, nataq'aen qaedi ami yanema ena'uaque daa'me 'noote' jo'ne auepaquitapegalo, qaedi yataqata ami onaĝayaqa nataq'aen qaedi auomachi' gaa'me at'onataqadi' 'me chiyoqodayi da'me adepi'i, qa'a nach'eñe jo'ne qaya'te yaqalaatac.

1 Juan 5:3

Nach'eda queda'me ta'le qadoqopita ñe'me Dios, qama'le jiyamaĝata' jodaa'me lamaĝajoĝonaĝaco. Nataq'aen jodaa'me lamaĝajoĝonaĝaco yataqata ja dajali',

Gálatas 6:9

Chane'eja, 'noota qom ja qadeli'ñejop da'me jauoqo da'me 'noota, qa'a qom qolaqatalegue, Dios qo'mi yanema ga'me qanejetenaguec ga'me nolo' 'me laloqo' q'aen.

Romanos 15:13

'Noota qom ñe'me Dios 'me chiyaqayi da'me neuataqataĝanaĝac, ami nejaqachiguilo q'ae'n da'me ami made'tape, da'me 'nemaĝac ami uetauelo, ami jo'ne auep'iiya'a joñe'me. Nataq'aen ami yanema ga'me alidaq 'me najoĝonataĝanaĝac 'me chiyaqayi da'me 'lañaĝac ñe'me Lepaqal jo'ne ja 'nalegue.

1 Juan 3:3

Nataq'aen ena'uac joga'me ue'tajop da'me dojo' najoĝonataĝanaĝac joñe'me Cristo, 'noota qom ja en 'te 'nalegue da'me 'loyaĝac joga'me, nach'e naq'aeta queda'me ja 'nalegue joñe'me Cristo.

1 Ts 3:6

Qama'le nayi joote 'niyelaq joñe'me Timoteo, chiyoĝogue di'me Tesalónica, qama'le yataqata onaĝaic ga'me 'laqataĝanaĝac, da'me ami yataqata t'añi nayi joga'me adepi'i, chayovida'a da'me adoqopich'ii jo'ne ami uetauelo. Choqoda'me qo'mi t'aqataĝatapema da'me nach'e eta't qo'mi auenachetapegalo da'me qo'mi, yataqata ja qo'mi 'te auapalaĝache'talo, nach'e eta't qo'mi avichoĝodeñi, chayovida'a da'me 'uo ga'me lamaic da'me yitaĝa qo'mi auañiyalo, qama'le nach'e ena'am da'me qo'mi 'uo da'me qadamaic da'me yitaĝa ñauanaĝa't qomle.

1 Juan 3:18

Ami yalaqapi, ena'te ch'e jenaĝa qat'aqatac queda'me qadoqopitalo gaa'me qadaqaya'olqa, dite da'me jenaĝa di'yo't daa'me qat'onataqa queda'me eja jechoĝodena' jogaa'me.

Hebreos 10:36

Qa'a maliaĝa auoviñetaque da'me a'nañaĝachiyeguet da'me adachoĝodequi, qaedi auomachi da'me auauoyi da'me laqataĝac joñe'me Dios, qama'le auacoñiyeguet qomle da'me jo'ne joote ami qo'yaĝatema.

1 Corintios 15:58

Chane'eja, ami yaqaya'olqa jo'ne jalcote joqopitalo, 'noota qom a'nañaĝachela't, ja ami 'te damichidiñe, nataq'aen nach'e eta't a'vichiye da'me 'lonatac ñe'me Jaliaĝanec, nataq'aen auayachiñe queda'me qom adaloi'ta't da'me a'uonataĝañiuo'o ñe'me Jaliaĝanec qama'le ja yijamaĝajaye.

2 Ts 1:3

Ami yaqaya'olqa, 'noota qom yemeda naa'me naajo' noloqo'ote janemaĝam da'me qadamaic joñe'me Dios, jouaĝat da'me ami. Nach'ena jena'me jenjo' ta'le jauoqo, qa'a da'me ami male yataqata auep'iiya'a joñe'me Dios, nataq'aen da'me di'yoq yataqata anoqopich'iya't, da'me ami naqaya' onolqa'tape da'me ami.

1 Juan 3:21

Ami yaqaya'olqa, qom qaya'te 'uo ga'me uetayelo naa'me qadai'li, qama'le machiñe da'me qadepe'e da'me jouaqat'ot joñe'me Dios.

1 Pedro 3:4

dite ga'me jo'ne p'auo, da'me uetaue na'me adai'lidi', 'me 'uo da'me 'lonaĝa jo'ne ja pal, nach'eda da'me at'oyaĝaqui 'me joĝodaic nataq'aen da'me 'uo da'me 'nemaĝac. Jenjo' jo'ne yataqatelegue, 'uo da'me lajo'viyaĝac let'adaic 'me 'yamaqaten ñe'me Dios.

Hebreos 11:17

Ñe'me Abraham yataqata eja da'me p'iya'a ñe'me Dios, qama'le yacona ñe'me lec'oĝot Isaac qaedi en lajaqajec ca'li Dios ya'uo da'me yapiyenec, qama'le qaya'te ta'le yaqalatapega da'me en lajaqajec ñe'me onolec jo'ne mach'e lec'oĝot, mate mane'e da'me 'uo ca'li da'me 'laqatac ñe'me Dios

Hebreos 6:15

Qama'le ñe'me Abraham 'uo da'me napogaĝadenaĝac let'adaic, chayovida'a da'me yovida'a da'me male yaconeguet da'me jo'ne Dios joote 'yaĝatem.

1 Timoteo 2:3

Qa'a da'me dojo' yataqata 'noota nataq'aen 'yamaqaten joñe'me Qadet'a mach'e Qadec'alaĝaiqui

Gálatas 5:13

Ami yaqaya'olqa, Dios ami yiyaĝanalo qaedi ami uojotedañi. Qalaĝaja ena'te aueñetapela't adoĝochi da'me ami uojotedañi ta'le taue q'aen da'me a'vichi ga'me ja no'en. Dite da'me anecochiyapega't qa'a 'uo da'me adoqopich'ii.

Gálatas 1:4

Jesucristo nach'e eta't yoqo'cha ñe'me Qadet'a Dios, qama'le yaconeguet da'me leleuaĝa qaedi qoyapalaĝa't naa'me qadoeco, qama'le qo'mi yachiyoĝotedaue jena'me aleua 'me ja no'en da'me qo'mi nec'alaĝatedegue.

Romanos 16:6

Auep'iyeñi jañe'me María jo'ne jalcote da'me 'lonataĝanaĝac jouaĝat ami.

Romanos 15:4

Qa'a ena'uaque gaa'me qoyediñe joca'li gaa'me noloqo'ote 'me joote yenoĝodegue, qoyedidiñe qaedi qo'mi yapaĝague'n, qaedi chiyaqayilo jogaa'me male qanañaĝaden nataq'aen da'me qo'mi qoloyaĝanate't qaedi 'uo da'me qadeuataqataĝanaĝac.

Romanos 12:12

Ami made'tape nale qa'a 'uo da'me adajoĝonataĝanaĝaqui 'me ami uetauelo; 'noota qom auacoñiyeguet da'me at'añaĝaqui nale uo'oe gaa'me adachoĝodequi; ena'te anaĝañiyañi da'me anetamenaĝaqui.

Romanos 2:7

Yanem da'me 'loyaĝac 'me ja 'naidena'a jogaa'me jo'ne 'nañaĝadetec da'me yelodaque, da'me 'lonaĝac ñe'me Dios da'me ja yitaĝa pal.

Hechos 10:31

Qama'le jayem t'aqataĝanem, enaac: «Cornelio, Dios naquiaĝatapegalo daa'me anetamenaĝaco joote ueteda'ajop ñe'me Dios, nataq'aen yauanalo gaa'me jo'ne auauo'oe da'me qaedi alecochiyalo gaa'me jo'ne 'uo da'me louenaĝanaĝa'j.

Hechos 3:19

Chane'eja, a'niyelaqaeya ñe'me Qadejaliaĝanec Dios nataq'aen auep'iiya'a ñe'me, qaedi yapalaĝa't jodaa'me adoecodi',

Juan 14:15

Yitaĝa enaac ñe'me Jesús: —Qom yataqata jayem adoqopichiya, qama'le auoqochiya'alo naa'me yamaĝajoĝonaĝaco.

Hebreos 13:21

Joñe'me Dios en ami yataqatelo'te q'ae'n, qaedi oqui'tegue da'me jo'ne mach'e lelnataĝac joñe'me, qama'le qo'mi ee'teque da'me jo'ne mach'e 'lamaqatenataĝanaĝac, da'me jo'ne chiyaqayi joñe'me Jesucristo, qaedi nach'eñe joñe'me jo'ne 'uo da'me 'lonaĝa jo'ne ja yitaĝa ta'le pal. Jaja'a, nach'e naq'aeta da'me dojo'.

Hebreos 4:11

Chane'eja da'me qo'mi, 'noota qom 'ñañaĝataq qaedi jañoĝotaq da'me jenoĝonaĝauo'o da'me 'nomataĝaiqui joñe'me Dios, qaedi qaya'te ta'le onolec jo'ne ja yenoĝoneuo'o yajouaĝat da'me que'teguelo jogaa'me jo'ne ja p'iida'a joñe'me Dios.

2 Corintios 2:17

Qo'mi ja naqaeda ta'le jauoqo lajo'vi da'me 'laqataĝanaĝac ñe'me Dios, jo'ne qayoĝode' naq'aeta da'me yauote; ja naq'aeta, dite da'me Dios qo'mi yauanalo queda'me qaya'te jenaq lale'gue da'me ja'aqataĝanaqatac, qa'a nach'eñe ñe'me Dios qo'mi lamaĝa's nataq'aen qa'a yataqachiñe qademe'teguet ñe'me Cristo.

Romanos 16:26

Qalaĝaja nayi chiyoqotelo'te naa'me ledii's dia'me Dios 'laqataĝanaĝanaqa da'me qoyajeta da'me qoyaloĝon, naq'aeta da'me lamaĝajoĝonaĝac ñe'me Dios 'me ja 'naidena'a. Dojo' ja di'yoq 'me 'yaeñi ñe'me Dios male qoyatetonaĝaneque ena'uaque gaa'me ale'u lael, qaedi p'iida'a nataq'aen yoqochideta.

Juan 15:10

Qom auoqochiyalo naa'me yamaĝajoĝonaĝaco, da'me yoqopich'i nach'e eta't ami uetauelo, qama'le ena'am da'me jayem jo'ne joqocha'alo naa'me lamaĝajoĝonaĝaco ñe'me Taĝadena', qama'le nach'e eta't jouetaue da'me mach'e loqopich'i.

Apocalipsis 3:10

Da'me ami yataqata auoqochiya'a da'me 'yaqatac queda'me yataqata anapogaĝadeñi. Chane'eja yataqata ami ñetelalo qomle, qom yovita ga'me laloqo' qom 'uo ga'me lachoĝodaiqui' joga'me jiyaĝadipi, da'me qoyapiye'n yema joga'me aleua laje'pi.

1 Timoteo 1:14

Qalaĝaja joñe'me Qadejaliaĝanec yataqachiñe t'adaic ga'me lichoĝodenataĝanaĝac jo'ne jayem yanem, qama'le yataqata 'uo da'me yepe'e jo'ne janem ñe'me, choqoga'me yoqopich'iyaĝac jo'ne onaĝaic, nach'eda jo'ne qo'mi uauelo qom jep'iyaqa joñe'me Qadec'alaĝaiqui Cristo Jesús.