1 Ts 1:2 - Nuevo Testamento Toba Sombrero Negro

² Nach'eda da'me janemaĝam qadamaic ñe'me Dios jouaĝat da'me ami chayovida'a da'me ja ami 'te japalaĝataqa'talo nale jauoqo ga'me qanetamenaĝac.

Nuevo Testamento Toba Sur

² Nachi 'eetai' da sanaqtacot da qan'achiquiaxac ñi Dios, cha'ayi ñitonaqtapeguec 'enauac da qoñiita. Ÿoqo'oyi da ñoqouagaxaunaqtac, nachi qaltaq tachigui qadhuel da qoñiita.

La'aqtaqa Ñim Lo'onatac 'Enauacna 2013

^2-3 Nache 'eetai' da sanaqtacot da qana'achecỹaxac Ñim Lo'onatac 'Enauacna maye Qarta'a, qataq da ñeqouagaxaunaqtac qalaq seỹaxanaqtacot Ñimaye da qami' itaua'n. Cha'aye saỹatenaqta da 'enauac nam qauo'oche namayepi ỹachaxan da huo'o da qarpi'iỹaxaqui Ñim Lo'onatac 'Enauacna, qataq da qarauotaxanaqtaiqui Ñimaye. Ivira'a da huo'o da qanque'eenaxaqui qalaq saishet da qami' qaỹayego't, nachaqrata da qauacheeta'a da So Qarataxala' Jesucristo qami' nca'alaxatre'c.

1 Ts 1:2 Referans Kwoze

Filemón 1:4

Am yaqaya Filemón, nach'e eta't am jenate'ta nale jauo'oe gaa'me ñetamenaĝaco, qama'le janem da'me yamaic joñe'me Dios.

Colosenses 1:3

Nale ami jajelaĝanaĝalo'te qama'le janemaĝam da'me qadamaic joñe'me Dios, jo'ne Let'a ñe'me Jesucristo mach'e Qadejaliaĝanec,

1 Corintios 1:4

Nach'e eta't ami jenate'talo chane'eja janem yamaic joñe'me Dios qa'a ami yaloĝonalo da'me lichoĝodenataĝanaĝac chiyoqotelegue ca'li yemta oquiyegue joñe'me Jesucristo.

Romanos 6:17

Qalaĝaja yamaic janem ñe'me Dios yajouaĝat da'me ami, ca'li ami lelataqa daa'me adoecodi', nayi naa'me adai'lidi' yoqochideta da'me 'loyaĝac da'me napaĝaguenataĝanaĝac 'me auacoñiyeguet.

1 Ts 2:13

Chane'eja da'me qo'mi, nach'e eta't da'me janemaĝam da'me qadamaic joñe'me Dios, yajouaĝat da'me auomachiiya ca'li ga'me qadapaĝaguenataĝanaĝac, jo'ne mach'e 'laqataqa ñe'me Dios, qama'le yataqata auacoñiyeguet ga'me, ja aueñetapega ta'le ch'e jiyaĝaua 'laqatac. Qa'a eja yataqata Dios mach'e 'laqataqa, qama'le yataqata eja 'uo joga'me ami chiyaqayilo, da'me ami jo'ne male yataqata eja auep'iiya'a.

1 Ts 3:9

Qama'le ¿jach'e ga'me jenaqatec qaedi yataqata jalcote da'me janemaĝam da'me qadamaic joñe'me Qadet'a Dios, queda'me ami chiyaqauelo joga'me t'adaic qadamaic nale yataqata qo'mi nelochi'ñalo joñe'me Qadejaliaĝanec?

2 Ts 1:3

Ami yaqaya'olqa, 'noota qom yemeda naa'me naajo' noloqo'ote janemaĝam da'me qadamaic joñe'me Dios, jouaĝat da'me ami. Nach'ena jena'me jenjo' ta'le jauoqo, qa'a da'me ami male yataqata auep'iiya'a joñe'me Dios, nataq'aen da'me di'yoq yataqata anoqopich'iya't, da'me ami naqaya' onolqa'tape da'me ami.