1 Ts 1:1 - Nuevo Testamento Toba Sombrero Negro

¹ Mach'e qo'mi, jayem Pablo, choqoñe'me Silvano, chayovida'a ñe'me Timoteo, qadamaic ami janemaĝama, da'me ami p'etaqadaiquipi jo'ne at'achaqadi' di'me noic Tesalónica, jo'ne yataqata ademii'teguet ñe'me Dios Qadet'a choqoñe'me Qadejaliaĝanec Jesucristo. 'Noota qom Dios ami yanema da'me anichoĝodenataguequi nataq'aen da'me at'emaĝaqui.

Nuevo Testamento Toba Sur

¹ Aÿim Pablo, aÿim soota'agueta naua Silvano qataq Timoteo. Qaq nagui qami' samaxalo ana ÿide, qami' ÿaqaÿañicpi 'amqajnataxanaxaicpi mayi qoñiitaña na la ciudad Tesalónica. Qami' mashi qan'ayiitau'a ñi qadta'a Dios qataq so qadataxala' Jesucristo. Ñishitaique da qauacoñiiguet da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

La'aqtaqa Ñim Lo'onatac 'Enauacna 2013

¹ Qami' ñauochaxau' ỹaqaỹa't, qami' 'amqaanataxanaxaicpi maye qarmaye na Tesalónica: Aỹem Pablo, Silvano qataq ñi Timoteo, qami' sequinaqta'ape maye qami' lalamaqa'ate Ñim Lo'onatac 'Enauacna maye Nta'a qataq So Qarataxala' Jesucristo. Ỹataqta qarquiyaqteỹaxac da huo'o da qaryaxa da Ñim Lo'onatac 'Enauacna qami' nlaxatchiguilo da lsoxoyec qataq da l-lagaxayec.

1 Ts 1:1 Referans Kwoze

Romanos 1:7

Dios ami noqopitalo, nataq'aen ami qoyapetenegueta gaa'me Dios lec'oqo'tepi. 'Noota qom Dios mach'e Qadet'a nataq'aen ñe'me Qadejaliaĝanec Jesucristo ami yanema da'me anichoĝodenataguequi nataq'aen da'me at'emaĝaqui.

2 Ts 1:1

Mach'e qo'mi Pablo, Silvano nataq'aen Timoteo, yataqata t'adaic jena'me qadamaic ami jamaĝajaĝalo, ami qadaqaya'olqa p'etaqadayaqa jo'ne Tesalónica laje', naqa'ami jo'ne Dios lec'oqo'tepi nataq'aen da'me ademii'teguet ñe'me Qadejaliaĝanec Jesucristo:

Hechos 20:4

Equegue ñe'me Sópatro, Berea le'ec, c'oĝot ñe'me Pirro, nataq'aen Aristarco choqoñe'me Segundo, Tesalónica le'ec, Gayo jo'ne Derbe le'ec, Timoteo, nach'e ena'am Tíquico nataq'aen Trófimo, jo'ne 'lachaqa't di'me aleua Asia.

Hechos 18:5

Ca'li Silas nataq'aen Timoteo yovi't chiyoqoda'a di'me Macedonia, Pablo yataqachiñe yema'eguet da'me 'yaĝatetac da'me 'naqataĝanaĝac nataq'aen yechoĝotetapema joga'me judiopi queda'me Jesús mach'e Dios Liquiyac.

Judas 1:1

Jayem Judas 'me jayem lalemaĝajet joñe'me Jesucristo, nataq'aen jayem lanoqolec joñe'me Santiago, ami janema naa'me naajo' yedii's, da'me ami jo'ne ami noqopitalo joñe'me Qadet'a Dios nataq'aen ami netelalo joñe'me Jesucristo, qa'a joote ami yiyaĝanalo joñe'me Qadet'a, ami yiyota'alo qaedi yataqachiñe ami e'n lec'oqo'tepi.

1 Pedro 5:12

Joñe'me Silvano mach'e yaqaya jo'ne yataqatelegue, nach'eñe joñe'me jo'ne jayem lecochiya qaedi jediñe jenjo' yediijec. Qama'le nayi ami jamaĝalo jenjo' jo'ne jaqaloq qaedi ami jaqatalo nataq'aen qaedi ami japaĝagueneque da'me yataqachiñe eja jo'ne lichoĝodenataĝanaĝac joñe'me Dios, nach'eda jo'ne joote auacoñiyeguet qaedi oqui'tegue.

2 Corintios 1:19

Qa'a Jesucristo, Lec'oĝot ñe'me Dios, nach'eñe jo'ne qo'yaĝatetac ca'li Silvano choqoñe'me Timoteo nataq'aen jayem jo'ne ami japaĝaguenaqatapeque, ja naqaeda ta'le “jaja'a” qama'te ua'edi paja'a enaac “aja'y.” Dios yanem ñe'me Cristo da'me nach'e eta't eja jo'ne ja yitaĝa yem,

Hechos 19:22

Chane'eja ye'uauaĝate' daa'me dojolqa 'me lecochaĝa'u di'me Macedonia, Timoteo nataq'aen Erasto, ñe'me qamqa'me cha'li uo'oe gaa'me noloqo'ote da'me ue'ta di'me Asia.

Hechos 17:11

Naajo' judiopi jo'ne yataqachiñe onaĝaic ga'me letadenataĝanaĝa'j ja ena'ama gaa'me neda'ña di'me Tesalónica, yataqachiñe 'uo da'me lamaic ta'le yacoteguet da'me 'naqataĝanaĝac, qama'le noloqo'ote, noloqo'ote napaĝaguenalo daa'me nedii's qaedi yayaten qom yataqachiñe eja ga'me jo'ne Dios 'yaĝatetac.

Hebreos 13:23

Auayachiñe nayi ga'me mach'e qadaqaya Timoteo da'me joote qoyejoye, qama'le qom ja uayaloq da'me jayem novita, qama'le qolaq qomle da'me ami jec'ataĝalo.

2 Timoteo 1:2

Yamaic yitaĝa am janem, am Timoteo jo'ne ena'am ta'le am yalec 'me yataqata am joqopita. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanema da'me anichoĝodenataguec choqoda'me anecochaguec nataq'aen da'me at'emaĝac.

1 Timoteo 1:2

Yamaic am janem, am Timoteo jo'ne yataqata am yalec queda'me aua'uo da'me yepe'e. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanema da'me anichoĝodenataguec choqoda'me anecochaguec nataq'aen da'me at'emaĝac.

Colosenses 1:1

Jayem Pablo jo'ne jayem lamaĝajec ñe'me Jesucristo, qa'a naq'aeta da'me yepaquetapega joñe'me Dios. Da'me jayem choqoñe'me Timoteo male ami jep'iyena',

Filipenses 1:1

Jayem Pablo nataq'aen ñe'me Timoteo, da'me qo'mi Jesucristo lamaĝa's, yataqata jalcote da'me qadamaic ami qauamaĝalo, da'me ami Filipos laje' jo'ne ademii'teguet joñe'me Jesucristo. Nach'eda da'me qadamaic jo'ne janemaĝama gaa'me jo'ne yelolo'te ga'me Dios lec'oqo'tepi choqogaa'me necochaĝa'u nataq'aen yema ga'me Dios lec'oqo'tepi.

Efesios 1:2

'Noota qom Dios mach'e Qadet'a nataq'aen ñe'me Qadejaliaĝanec Jesucristo ami yanema da'me anichoĝodenataguequi nataq'aen da'me at'emaĝaqui.

Gálatas 1:22

Jaa'me jaajo' noloqo'ote gaa'me p'etaqadaiquipi jo'ne p'iida'a ñe'me Cristo jo'ne neda'ña di'me Judea maliaĝa jona'li jayem yateto'n.

Gálatas 1:2

Ami yaqaya'olqa 'me p'etaqadaiquipi jo'ne at'achaqadi' di'me aleua jo'ne Galacia: jayem nataq'aen jogaa'me jayem ueteda'ajop jo'ne qadepi'iyaĝa'u ami janemaĝama da'me qadep'iyenataĝanaĝac.

2 Corintios 1:1

Jayem Pablo 'me jayem lamaĝajec ñe'me Cristo Jesús, qa'a naq'aeta da'me loequenataĝanaĝac ñe'me Dios. Ami jep'iye'tape nayi, nach'e ena'am ñe'me qadaqaya Timoteo, da'me ami qadaqaya' p'etaqadaiquipi jo'ne Dios lec'oqo'tolqa 'me oñiya'ña di'me Corinto, nataq'aen uoja'aegaua qadaqaya' 'me neda'ña di'me aleua jo'ne Acaya.

1 Corintios 1:2

ami janema da'me qadamaic, ami jo'ne yataqachiñe Dios lec'oqo'tolqa 'me oñiya'ña di'me Corinto, ami jo'ne joote yoqovite' qa'a auacoñiyeguet ñe'me Cristo Jesús, nataq'aen ami qoyiyaĝanalo qaedi ami qoyapetenegueta joga'me Dios lec'oqo'tepi 'me ja 'nalo'te nach'e ena'ama ena'uaque jogaa'me jo'ne napi'ñalo naa'me ale'u lael 'me 'yaĝatetedac da'me lenaĝat ñe'me Jesucristo mach'e Qadejaliaĝanec nataq'aen joga'me Dios lec'oqo'tepi 'me ja 'nalo'te.

Hechos 16:29

Chane'eja ga'me vitaĝaic yiyaĝanaque ga'me coyadaĝanaqate, naqalegoq ca'li qama'le yenoĝoneuo. Yataqata diviloĝo'taguet da'me loqolanaĝa, qama'le yejoidiñe naa'me leliquetel da'me yauana ñe'me Pablo nataq'aen Silas.

Hechos 16:25

Qalaĝaja ca'li yedete'eguet joga'me pi'yaĝa laeñi, ca'li Pablo nataq'aen Silas cha'li netame'tape choqoda'me t'onaĝa'tape, 'nonachidegue joñe'me Dios, qama'le jogaa'me necoñetae's laqaya' naquiaĝatapegalo ca'li.

Hechos 16:19

Qalaĝaja gaa'me ladi'p ca'li yauata queda'me male ja naqachidiñe jaga'me laicaua jo'ne chiyoĝotedayi jaga'me, qama'le yacota ñe'me Pablo nataq'aen ñe'me Silas qama'le qoyaue'ualo jogaa'me jaliaĝanaqa joga'me p'ajodaye ga'me noic.

Hechos 15:40

qaale Pablo, da'me mach'e ya'uo, yelotelegue ñe'me Silas qama'le jogaa'me qadaqaya'olqa qoyaloĝolo'te da'me lichoĝodenataĝanaĝac ñe'me Jaliaĝanec, eque' ca'li.

Hechos 15:27

Chane'eja ami jamaĝajaĝalo ñe'me Judas nataq'aen Silas: naajo' yataqachiñe ami dojetapegue'to qomle qaedi ami noqoteteneque ena'uaque naa'me naajo' qat'aqataqa.

1 Juan 1:3

Qama'le naq'aeta da'me ami jechoĝotaqatapema da'me jo'ne joote jauanaĝa nataq'aen jomachaĝa, qaedi qo'mi ademii'tegueta, nach'e naq'aeta da'me qadema'aguet joñe'me Dios jo'ne Qadet'a nataq'aen ñe'me Lec'oĝot Jesucristo.

Hechos 15:22

Jogaa'me namaĝa's nataq'aen jogaa'me 'yaĝaicachidi, choqoga'me ena'uaque ga'me p'etaqadaiquipi, 'yamaqate'n ta'le uo'oe gaa'me yiyaĝanalo 'me chiyaqauelo jogaa'me qaedi qoyamaĝata di'me Antioquía, qoyapetenouelo ñe'me Pablo nataq'aen Bernabé. Chane'eja qoyiyaĝana ñe'me Judas, jo'ne nach'e ena'am lenaĝat Barsabás, nataq'aen Silas, jiyaĝa'u jo'ne di'yaĝalo jogaa'me qadaqaya'olqa,