1 Timoteo 6:3 - Nuevo Testamento Toba Sombrero Negro

³ Qom 'uo ga'me dapaĝaguenataĝaneque gaa'me mach'e lelnataĝaco jo'ne ja 'yamaqate'n da'me napaĝaguenataĝanaĝac jo'ne yataqata eja 'me chiyoqo'ot joñe'me mach'e Qadejaliaĝanec Jesucristo, chayovida'a ja yeuaten da'me mach'e qadepe'e ladic,

Nuevo Testamento Toba Sur

³ Da huo'o ca dapaxaguenataxaatapeguec na 'onataxacpi mayi sa lataxac, qataq sa iuona'aguet da napaxaguenataxanaxac no'oita mayi chigoqo'ot so qadataxala' Jesucristo, qataq da qad'amqajnataxanaxac mayi sapaxaguenataxanaqtapeguec,

La'aqtaqa Ñim Lo'onatac 'Enauacna 2013

³ Da huo'o ca dapaxaguenataxaatapeguec cam dataỹa'aguet dam no'oita napaxaguenataxanaxac maye chegoqo'ot So Qarataxala' Jesucristo qataq da 'eesa lataxac da qara'amqaanataxanaxac,

1 Timoteo 6:3 Referans Kwoze

1 Timoteo 1:3

Yitaĝa am je'elopec joga'me joote am ja'aĝatem quelqaya da'me jajoyi jodi'me aleua Macedonia qama'le jenaac: “Ch'e oue'ta jo' jena'me Éfeso,” qaedi auamaĝalo'te jogaa'me jiyaĝa'u jo'ne ja yataĝalo'te, queda'me ja 'noota ta'le dapaĝaguenataĝatec joga'me ch'e lelnataĝa'j jo'ne yataqachiñe ja no'en.

1 Timoteo 1:10

nataq'aen jogaa'me quejeguetaĝayaqa, uotaĝa mach'ega uo'oe jogaa'me le'mi jo'ne 'uona't, nataq'aen uotaĝa yauo en loua jaga'me ena'am yauo laqaya, nataq'aen nale joga'me jiyaĝaua yeme'n neua'acapi, gaa'me pecayaqa, nataq'aen jogaa'me ja yataĝalo'te ga'me eetedapega yauote nale, nataq'aen jogaa'me ja yiyamaĝade'n da'me onaĝaic napaĝaguenataĝanaĝac.

Tito 1:9

'Noota ta'le yataqachiñe nematala't da'me yataqatelegue 'naqataĝanaĝac jo'ne qoyapaĝaguenec, qaedi nach'e ena'am yaqanatet ta'le yapaĝagueneque joda'me yataqatelegue gaa'me laqaya'olqa nataq'aen 'yañaqatetapeque qaedi nach'e eta't quetedalegue, nataq'aen qaedi yaqanatet ta'le noqotetapegalo gaa'me jo'ne te'me nautetedapega.

2 Timoteo 4:3

Qa'a uo'oe jo' qomle gaa'me noloqo'ote jo'ne nate', male jena'me jiyaĝadipi yataqata ja naquiaĝana naa'me naajo' 'naqataqa, mac joda'me queteda'ague jogaa'me chiyoĝo's nichiyoĝojoĝoco. Nataq'aen male mach'e yelodaque gaa'me napaĝaguenoqo't, qaedi male qoyapaĝagueneque joga'me mach'e paquetedaque domachita.

Romanos 16:17

Ami ñachoĝodenoto, ami yaqaya'olqa, qaedi aueloi'tegueta jogaa'me jo'ne chiyaqayilo da'me nelagaĝac choqogaa'me naqalaico nataq'aen nauteta da'me napaĝaguenataĝanaĝac jo'ne ami auacoñiyeguet ca'li. 'Noota qom oquiya'ae jogaa'me,

Tito 1:1

Jayem Pablo, jo'ne lalemaĝajet ñe'me Dios, nataq'aen jayem Jesucristo lamaĝajec qaedi jeda'alo da'me 'laqataĝanaĝac jogaa'me jo'ne joote yiyota'alo ñe'me Dios, qaedi p'iida'a joñe'me, nataq'aen qaedi yateto'n da'me yataqatelegue. Nach'eda jo'ne yapaĝagueneque jogaa'me da'me qaedi ye't ga'me jo'ne yepaquetapega joñe'me Dios,

2 Timoteo 1:13

'Noota ta'le oque'teguelo naa'me 'yaqataqa jo'ne ejoda, da'me yapaĝaguenataĝanaĝac jo'ne joote am janem, nataq'aen ena'te aĝañi joda'me qadepe'e ladic choqoda'me noqopich'i jo'ne chiyoqo'ot ñe'me Cristo Jesús.

1 Timoteo 1:6

Joote uo'oe gaa'me qadaqaya' jo'ne qolaĝadegue, queda'ae jena'me jenjo' onaĝaic ladic, qama'le ga'me en lejomaĝac yataqachiñe qaya'te chiyaqayi, qa'a jouaĝa't da'me lapetaĝa'j.

1 Ts 4:8

Chane'eja, joga'me jiyaĝaua jo'ne 'yota'n naa'me naajo' napaĝaguenataĝanaĝaco, ja ena'am ta'le 'yotan ga'me ch'e jiyaĝaua, dite da'me 'yotan joñe'me Dios, ñe'me jo'ne joote qo'mi yanema joñe'me Lepaqal jo'ne ja 'nalegue.

Mateo 28:20

nataq'aen auapaĝagueñi' qaedi quetede'egue yema ga'me jo'ne joote ami jamaĝalo'te. Qama'le jayem nach'e eta't da'me ami joue'tajopa chayovida'a qom loiquiaqa' jena'me aleua.

Tito 3:8

Dojo' yataqachiñe eja, nataq'aen jepaquetapega ta'le a'viyelaĝatalo'te jogaa'me, qaedi jogaa'me jo'ne p'iida'a joñe'me Dios yemeda'a da'me yauote ga'me jo'ne 'noota; dojo' napaĝaguenataĝanaĝac yataqachiñe onaĝaic nataq'aen ena'uaque yiyamaĝatem.

Mateo 22:21

Jogaa'me 'yadeteguet: —Nach'eñe ñe'me lejaliaĝane'j ga'me Roma laje'pi. Chane'eja ñe'me Jesús enapegalo: —Qama'te auañem ñe'me lejaliaĝane'j ga'me Roma laje'pi ga'me jo'ne mach'e loĝot, nataq'aen auañem ñe'me Dios ga'me jo'ne mach'e loĝot ñe'me Dios.