1 Timoteo 5:15 - Nuevo Testamento Toba Sombrero Negro

¹⁵ Qa'a jouaĝat da'me joote uo'oe jogaa'me p'ail jo'ne joote queda'e da'me lepe'e', male quetegue ñe'me Satanás.

Nuevo Testamento Toba Sur

¹⁵ Cha'ayi mashi huo'o ana pa'ai mayi ca'ai so Cristo da quegue so Satanás.

La'aqtaqa Ñim Lo'onatac 'Enauacna 2013

¹⁵ Cha'aye mashe huo'o ana pa'ai da ca'ai So Cristo da quegue so pa'aguenataxanaxaic.

1 Timoteo 5:15 Referans Kwoze

2 Pedro 2:2

Qama'le uo'oe qomle jalcote jogaa'me jiyaĝadipi quetegue jogaa'me, nataq'aen da'me en 'loyaĝa'j da'me manaĝanaĝayaqa, qama'le nach'egaua jo'ne yajouaĝa't da'me yataqata qoye'uetac qomle da'me qadepe'e ladic jo'ne yataqatelegue.

1 Juan 2:19

Nach'egaua jo'ne qo'mi ueteda'ajopa mañaĝa, qalaĝaja ja eja da'me qo'mi chiyoqodayilo, qama'le qo'mi ca'ae jogaa'me. Gamachaqaega jo'ne yataqata qo'mi chiyaqayilo, nach'ega qamqa'me nach'e eta't qo'mi uetauelo. Qalaĝaja, 'uo da'me dojo' qaedi di'yoqo'teque queda'me yema jogaa'me ja qo'mi 'te yotaua'n.

2 Timoteo 4:10

qa'a ñe'me Demas jayem ca'e, en p'ajaye da'me loqopich'i jena'me ua'ña jena'me aleua, qama'le dajoyi di'me Tesalónica. Jo'me Crescente dajoyi di'me aleua Galacia, qama'le ñe'me Tito yec'ata di'me aleua Dalmacia.

1 Timoteo 1:20

Daajo' yajouaĝat jaa'me Himeneo choqoñe'me Alejandro, qama'le naajo' jamaĝalo'te joñe'me payac Satanás, qaedi male yataqata yayate'n queda'me ja 'noota qom ch'e ye'uetedac joñe'me Dios.

Apocalipsis 12:9

qama'le qoyamaĝaye ñe'me jiyac let'adaic jo'ne ena'am ta'le ñaĝadiaq da'me 'loyaĝac, nach'eñe ñe'me nanaic jo'ne 'uaechiñe 'uo joca'li jo'ne lenaĝat da'me Payac nataq'aen lenaĝat laqaya da'me Satanás, jo'ne yoqovi'n yema ga'me aleua laje'pi. Ñe'me Satanás nataq'aen ena'uaque jogaa'me mach'e lalemaĝajetpi male qonajaĝadi'ña jena'me aleua.

2 Pedro 3:16

Onole'tape jogaa'me jo'ne mach'e lediijel joñe'me, da'me joote 'yaĝate'tape da'me dojo', mate mane'e uo'oe jogaa'me 'laqataĝanaĝaco jo'ne 'uo da'me laqalaico ta'le qoyayate'n, qama'le jogaa'me qaya'te layatenaĝanaĝa'j nataq'aen da'me qaya'te 'lañaĝac da'me lepe'e', nach'egaua jo'ne yajaĝadiñe naa'me naajo' napaĝaguenataĝanaĝaco, qama'le nach'e ena'ama q'aen jogaa'me Dios 'laqataĝanaĝaco laqaya' da'me yajaĝadiñe, qama'le 'uo qomle da'me mach'e laviyaĝaje't.

2 Timoteo 2:18

qama'le joote nepate'n da'me yataqata eja, qama'le nenaĝatetedapegue da'me joote yem da'me 'niyelaĝadijeguem gaa'me jiyaĝa'u, male nach'ena jenjo' 'yaĝatetedac jo'ne joote 'uo da'me en ca'e da'me qadepe'e ladic.

2 Timoteo 1:15

Joote auayaten da'me qadaqaya' jo'ne neteda'ña na'me Asia jayem queda'e, nataq'aen jaa'me Figelo chayovida'a Hermógenes.

Mateo 4:10

Qalaĝaja Jesús 'yateguet: —Am payac Satanás, jayem oca'e, qa'a da'me Dios 'laqatac enaac: «A'nonaĝachigui joñe'me Adejaliaĝanec jo'ne Anedios nataq'aen nach'eñeta a'uonataĝaneuo'o joñe'me.»