1 Timoteo 4:6 - Nuevo Testamento Toba Sombrero Negro

⁶ Qom auapaĝaguenataĝaneque naa'me naajo' namaĝajoĝonaĝaco jogaa'me adaqaya', qama'le am yataqata eja nataq'aen onaĝaic lamaĝajec joñe'me Cristo Jesús. Qa'a nataq'aen yataqata aue'n ejoda naa'me 'naqataqa jo'ne en t'añi da'me qadepe'e, nach'enaua jo'ne joote oquetapegue'to 'me napaĝaguenataĝanaĝaco jo'ne yataqata onaĝayaqa.

Nuevo Testamento Toba Sur

⁶ Da 'am 'auapaxaguenec na qadqaÿañicpi de'eda shiitega, qaq 'am ÿataqta no'on l'onataxanaxanec so Jesucristo. Qataq 'am i'añaqchi't naua lqataxaco da qad'amqajnataxanaxac, qataq da ÿaÿamaqchiguiñi 'anapaxaguenataguec mayi qoquetalec.

La'aqtaqa Ñim Lo'onatac 'Enauacna 2013

⁶ Da 'auapaxaguenec de'era 'eesa nam 'amqaanataxanaxaicpi, nache ỹataqta 'am no'on lo'onataxanaxanec So Jesucristo. Cha'aye da qanapaxaguena qataq qaỹalaxaguet dam napaxaguenataguec na quetague' So Cristo 'eeta'am dam 'auo'ottac, nache damaye 'eeta'am da no'on nquia'axac.

1 Timoteo 4:6 Referans Kwoze

Colosenses 3:16

'Noota qom Cristo 'laqataĝanaĝac nach'e eta't jaqachiguilo q'ae'n naa'me adai'lidi'. Nataq'aen ami yatenaĝanaĝayaqa da'me anapaĝagueñiya't nataq'aen anequeuoquitalo nale gaa'me adaqayadi'. Nataq'aen da'me 'uo da'me lamai'j naa'me adai'lidi' qama'le a'nonaĝachigui joñe'me Dios, a'uoñe'tape joga'me nalaco jo'ne Dios Lepaqal ami yanema.

Tito 2:1

Da'me am qamqa'me 'noota ta'le nach'eda a'uaĝatetac da'me yataqatelegue 'naqataĝanaĝac.

Colosenses 4:7

Ñe'me qadaqayolec Tíquico, yecochaĝaua jo'ne 'uañaĝaic nataq'aen nalo'taguet da'me t'onataĝaneuo'o ñe'me Jaliaĝanec, nach'eñe ami 'yaĝatema qomle ena'uaque daa'me yep'iquenataĝanaĝaco.

Mateo 13:52

Chane'eja Jesús 'yaĝatema jogaa'me, enaac: —Qom 'uo ga'me judiopi napaĝaguenoqo't male yaconeguet da'me lejaliaĝa jodi'me piyem, ena'am da'me ladipa ga'me emec jo'ne yayaten da'me yachiyoĝotedaue jaga'me neuoyaĝac lae't gaa'me dalaĝayaqa choqogaa'me toye's.

Judas 1:5

Mate mane'e joote auayachiñe da'me dojo', qalaĝaja jetaque ami ñetouenaĝanaĝaneque da'me jo'ne ya'uo joca'li ñe'me Jaliaĝanec, queda'me jetaque nec'alaĝatedegue gaa'me Israel lec'oqo'tepi. Qama'le ya'uo da'me naqatedegue jogaa'me, yachiyoĝotauelo jogaa'me Egipto laje', qalaĝaja ca'li yem da'me dojo' qama'le yapalaĝa't jogaa'me jo'ne ja p'iida'a joñe'me.

2 Juan 1:9

Qom 'uo ga'me eetapela't noqotetenegue da'me jo'ne joote Cristo dapaĝaguenataĝanec, nach'ega ja ue'tajop joñe'me Dios. Qalaĝaja ga'me jo'ne 'nañaĝateque daa'me daajo' Cristo lapaĝaguenataĝanaĝaco, nach'ega ue'tajop joñe'me Qadet'a nataq'aen joñe'me Lec'oĝot.

1 Pedro 2:2

Ena'am ga'me notolec jo'ne yemta niyiñe netaque da'me lamaic jaga'me lochi', qama'le nach'e ena'am da'me ami, 'noota qom anechiyaque da'me lamaic da'me 'laqatac ñe'me Dios, qaedi ga'me jo'ne chiyaqayi en anichiquitajeguem nataq'aen da'me 'uo da'me adec'alaĝaqui,

2 Timoteo 4:3

Qa'a uo'oe jo' qomle gaa'me noloqo'ote jo'ne nate', male jena'me jiyaĝadipi yataqata ja naquiaĝana naa'me naajo' 'naqataqa, mac joda'me queteda'ague jogaa'me chiyoĝo's nichiyoĝojoĝoco. Nataq'aen male mach'e yelodaque gaa'me napaĝaguenoqo't, qaedi male qoyapaĝagueneque joga'me mach'e paquetedaque domachita.

2 Timoteo 3:10

Qalaĝaja da'me am, joote auaconegueta yemeda daa'me yapaĝaguenataĝanaĝaco, nataq'aen da'me auadenaĝat da'me 'yoyaĝac nataq'aen ga'me jetaque ja'uo nale, da'me yepi'iyaĝac, da'me ñapogaĝadenaĝac, da'me yoqopich'i nataq'aen da'me qoyen 'yañaĝac qaedi yema jalo'oguet nale.

2 Timoteo 1:6

Chane'eja yitaĝa am ja'aĝatem qaedi ena'te aĝañi da'me auen t'onataĝan na'me jo'ne Dios am yanem ca'li youa' am jecodelegue.

1 Timoteo 6:3

Qom 'uo ga'me dapaĝaguenataĝaneque gaa'me mach'e lelnataĝaco jo'ne ja 'yamaqate'n da'me napaĝaguenataĝanaĝac jo'ne yataqata eja 'me chiyoqo'ot joñe'me mach'e Qadejaliaĝanec Jesucristo, chayovida'a ja yeuaten da'me mach'e qadepe'e ladic,

1 Timoteo 4:16

Yataqata anetelela't nataq'aen aviyamaĝatetac da'me adapaĝaguenataĝanaĝac nale auanema gaa'me adaqaya'. Qama'le qom nach'e eta't da'me aua'uo da'me dojo', male yataqata nec'alaĝa am ue'tajop, nataq'aen jogaa'me jo'ne am naquiaĝata, nach'e ena'am tadoue ga'me nec'alaĝa.

1 Timoteo 1:10

nataq'aen jogaa'me quejeguetaĝayaqa, uotaĝa mach'ega uo'oe jogaa'me le'mi jo'ne 'uona't, nataq'aen uotaĝa yauo en loua jaga'me ena'am yauo laqaya, nataq'aen nale joga'me jiyaĝaua yeme'n neua'acapi, gaa'me pecayaqa, nataq'aen jogaa'me ja yataĝalo'te ga'me eetedapega yauote nale, nataq'aen jogaa'me ja yiyamaĝade'n da'me onaĝaic napaĝaguenataĝanaĝac.

1 Ts 3:2

qama'le jamaĝajoq ñe'me Timoteo, qa'a jayatenaq da'me yataqata lalemaĝajet joñe'me Dios, nataq'aen qadecochaĝaua da'me ja'aĝataqatac da'me onaĝaic 'laqataĝanaĝac joñe'me Jesús, mach'e Cristo. Jamaĝajoq ñe'me qadaqaya qaedi male yataqata ami 'yañaĝateque chayovida'a da'me male t'añi joda'me adepi'i,

Colosenses 2:19

Nach'enaua ja yoqoteteda'aguet ñe'me qadaqaic jo'ne mach'e Cristo, nach'eñe jo'ne en naqaloĝodetajeguem q'aen yema ga'me lapat, nataq'aen yapatenegueta ena'uaque gaa'me jo'ne mach'e lael, nach'e naq'aeta da'me joote 'yaeñi joñe'me Dios.

Filipenses 3:16

Nach'edata da'me dojo' jo'ne qoyouetaque: 'noota qom qolaqa'tegue da'me qadepe'e ladic jo'ne joote jedaqalegue.

Efesios 6:21

Nayi ami jamaĝalo na'me Tíquico, jenjo' qadaqaya jo'ne onaĝaicaloec, mach'e Qadejaliaĝanec lalemaĝajet jo'ne yataqatelegue. Jenjo' jo'ne ami yec'atalo male ami 'yaĝatema jo' qomle yema ga'me 'uo, joga'me eeta da'me ñejiyaĝauayaĝac nataq'aen joga'me je'etetac nayi.

2 Corintios 6:4

Yema ga'me jauoqo nale, jaloĝonaq queda'me qo'mi lamaĝa's ñe'me Dios, nataq'aen 'uo da'me qanapogaĝadenaĝac da'me yema ñeualaĝaenaĝaguet. Jalcote 'uo da'me qadachoĝodec nataq'aen jalcote gaa'me qadaqalaico choqodaa'me qadouenaĝanaĝaco. Joote qo'mi qoye'uaĝaneque jaga'me 'uaĝanaĝanaqate.

2 Corintios 3:6

Nayi Dios qo'mi yaqataĝata'ajalo da'me yiyamaĝateta'ajalo qaedi jaqanatetaq ta'le ja'aĝataqatac da'me dalaĝaic yamaĝataĝac jo'ne qo'mi yanema joñe'me. Dojo' dalaĝaic yamaĝataĝac ja chiyaqayilo gaa'me namaĝajoĝonaĝaco, dite ñe'me Lepaqal joñe'me Dios. Qa'a da'me namaĝajoĝonaĝaco yepoleguelegue da'me leleuaĝa ga'me jiyaĝaua loeco lo'o, qalaĝaja ñe'me Lepaqal ñe'me Dios qamqa'me yanegue da'me 'noyaĝac.

1 Corintios 4:17

Qo'che' joote ami jamaĝalo ñe'me Timoteo, jo'ne joqopita, ena'am ga'me yalec 'me equegue ñe'me Jaliaĝanec, nataq'aen jep'etec ñe'me. Nach'eñe ami netouenaĝaneque qomle da'me yadic queda'me jequegue ñe'me Jesucristo, da'me jo'ne nach'e eta't japaĝaguenataĝanec ena'uaque gaa'me nemaĝaiqui' gaa'me jec'atapegalo.

Romanos 15:15

Temaqaedi ja'uo jenjo' yediijec queda'me uo'oe gaa'me ami ja'aĝatema qaedi ja auapalaĝache'talo, ja'uo da'me dojo' qa'a da'me lichoĝodenataĝanaĝac ñe'me Dios jayem yamaĝalegue.

Hechos 20:35

Nach'e eta't ami japaĝagueneque queda'me 'noota qom naq'aeta da'me a'uonataĝañi, qaedi auaqanachichi ta'le alecochiiyalo gaa'me jo'ne 'uo da'me louenaĝanaĝa'j. Anetoviñetapega gaa'me 'laqataqa ca'li ñe'me Jaliaĝanec Jesús: «P'ajaye namaic da'me 'uo ga'me qoyanegue, ja ena'am da'me 'uo ga'me qonauela't.»”

Hechos 20:31

'Noota qom a'vicheta't; anetoviñe'teque jaa'me tres 'uoidi, noloqo'ote nataq'aen pi'yaĝadi uo'oe ga'me yachi' da'me ja ñañaĝanañi da'me onolqa'tape ami ñoqotetapeque.

Lucas 1:3

Qo'che' nach'e ena'am da'me jayem yataqachiñe jayataĝade'tegue ga'me chiyoqochiñe da'me dojo', qama'le yataqatelegue da'me dojo' yediijec jo'ne am jedenaqatena,

Hechos 1:15

'Uo ga'me ua'a ca'li yenoĝodegue gaa'me noloqo'ote, Pedro ñijeguem ca'li uañe laeñi jogaa'me laqaya'olqa jo'ne yema'a't, nach'egaua nalo'taguet ciento veinte ga'me jiyaĝadipi, qama'le enaac:

2 Corintios 11:23

¿Qo'li Cristo lalemaĝaje'te? Jayem nach'e ena'am, ñapacalo'te jogaa'me, mate mane'e da'me ñenaĝategue da'me dojo' ena'am ta'le jayem chiyoĝojeta't. Da'me 'yonataĝanaĝac napacalo'te jogaa'me, ñapacalo'te jogaa'me da'me nach'e eta't jayem qoyecoñe', ñapacalo'te jogaa'me da'me nach'e eta't jayem qoye'uaĝan, nataq'aen ñapacalo'te jogaa'me da'me nach'e eta't jayem qoyadetapelegue da'me jetaque jayem qoyalat.

Filipenses 2:20

Nach'eñeta ñe'me Timoteo jo'ne 'uo da'me lelnataĝac ena'am da'me mach'e yelnataĝac, qaya'te 'uo ga'me laqaya. Qama'le yataqata 'uo da'me lepagaĝac joda'me ami, qa'a jouaĝat da'me yataqata ami noqopitalo.

Filipenses 2:22

Qalaĝaja da'me ami joote auayachiñe joda'me 'loyaĝac joñe'me Timoteo, yataqata 'noota joñe'me, ena'am ta'le yalec, qama'le yataqata jayem lecochiya ca'li qadalo'ta't da'me ja'aĝataqatac da'me Dios 'laqataĝanaĝac.