1 Timoteo 4:3 - Nuevo Testamento Toba Sombrero Negro

³ Naajo' jiyaĝa'u male uo'oe gaa'me ja yaje'n da'me 'uonat, nataq'aen uo'oe gaa'me ja yaje'n gaa'me niqui'yaqa'te. Qalaĝaja Dios ye't ca'li yemeda gaa'me niqui'yaqa'te qama'le yanema nale jogaa'me c'oqo'te qaedi yali'j qama'le yate'm da'me lamai'j nale. Nach'egaua lec'oqo'te jo'ne yateto'n da'me eja,

Nuevo Testamento Toba Sur

³ Ne'ena shiÿaxauapi sa ÿashin da nadonaxac, nataq'en huo'o na sa ÿashin nallicpi da qanallic. Qalaxayi ñi Dios i'ot 'enauac na nallic, yaqto' ishit da chictac nam da'amqajnataxan qataq mashi ÿauatton da 'eesa lataxac, da ÿanem da n'achiquiaxac ñi Dios.

La'aqtaqa Ñim Lo'onatac 'Enauacna 2013

³ Ne'ena shiỹaxauapi sa ỹashen da naronaxac, qataq huo'o na nallecpi na sa ỹashen da qanallec, maye Ñim Lo'onatac 'Enauacna ỹo'ot co'ollaxa namayepi da yaqto' na 'amqaanataxanaxaicpi qataq na ỹauatton da 'eesa lataxac, ishet da chec qalaq ỹaatac da na'achecỹaxac.

1 Timoteo 4:3 Referans Kwoze

1 Timoteo 4:4

qa'a jayatenaq queda'me yema joga'me Dios 'lonatac yataqachiñe onaĝaic, qama'le ja 'noota ta'le qoyeguem, mac da'me jaconaĝaguet qama'le janemaĝam da'me qadamaic joñe'me Dios,

Hebreos 13:4

Nach'e ena'am da'me ademiya'a da'me aviyamaĝachetac da'me adouayaĝaqui, nataq'aen jogaa'me nooua' youen da'me nach'e eta't da'me niyamaĝatela'ajalo da'me mach'e 'lonáĝa'j, qa'a ñe'me Dios ya'uo qomle ga'me ne'uaĝanague'j jogaa'me quejeguetaĝayaqa choqogaa'me jo'ne leua'u gaa'me ja loua'.

Romanos 14:6

Joga'me jo'ne yamaqaten da'me 'uo joga'me nolo' jo'ne yataqata yiyamaĝatetac, qama'le naq'aeta da'me 'nonaĝachigui joñe'me Dios. Nach'e ena'am joga'me jo'ne yema yalic nale nataq'aen yi'yoĝoden joñe'me Dios qama'le yatem da'me lamaic joñe'me, nach'e ena'ama jogaa'me nale yejamaĝa't da'me yalic na'me nanal jala, nataq'aen yi'yoĝoden joñe'me Qadet'a Dios nataq'aen yatem joda'me netonaĝac joñe'me.

Colosenses 2:16

Chane'eja 'noota qom qaya'te ami yajouaĝatetapeque ga'me aualiqui uotaĝa aniyomiyigui, uotaĝa chiyaqayilo gaa'me noloqo'ote jo'ne neualaĝayaĝaiqui' nale dalaĝaic ñe'me auoĝoic, uotaĝa ga'me nolo' 'me niyamaqatac.

1 Corintios 8:8

Qalaĝaja da'me chiyaqayi da'me Dios qo'mi yaconegueta ja yajouaĝat ga'me jo'ne jaliguinaq; ja naqaeda ta'le qo'mi lama'ajoda ja 'noe'n ta'le jaliguinaq, uotaĝa yataqachiñe qo'mi 'noote' ta'le jaliguinaq.

Colosenses 3:17

Nataq'aen ena'uaque gaa'me jo'ne auauoyi uotaĝa anenaĝachiyegue, a'viche'tape nale jogaa'me qa'a jouaĝat da'me ademii'teguet joñe'me Qadejaliaĝanec Jesucristo. Nataq'aen auañem da'me adamaiqui ñe'me Dios nale, yajouaĝat da'me jo'ne Cristo ami yanema.

1 Corintios 7:28

Qalaĝaja, qom auo'on ja naqaeda ta'le adoec; nach'e naq'aeta jaga'me q'añole jo'ne a'uoneguet ja naqaeda ta'le ya'uo loec. Qalaĝaja ja copa'alo da'me 'uo ga'me laqalaje't jogaa'me, nach'eda jo'ne jetaque ja ami 'te yedalo'te.

Romanos 14:3

Qalaĝaja joga'me yaqanatet da'me yema yalic, ja 'noota ta'le ye'ue'tape jogaa'me laqaya' jo'ne qaya'te 'lañaĝa'j, qama'le nach'e ena'am joga'me yalic na'me nanal jala, ja 'noota ta'le ye'ue'tape joga'me yema yalic, qa'a joñe'me Dios nataq'aen yaconegueta, qaya'te yiyota'a.

Hebreos 13:9

Qama'le ena'te auajeñeta ta'le ami qoyauequeteda'alo gaa'me napaĝaguenataĝanaĝaco jo'ne yodapecache 'me ja qoyateto'n. Nach'edata da'me lañoqotaĝanaĝac joñe'me Dios jo'ne yataqata 'yañaqate't naa'me mach'e adai'lidi'. Chane'eja ena'te oqui'teguelo naa'me namaĝajoĝonaĝaco jo'ne qoye'n ladiquiyaĝac da'me niqui'yaĝac, qa'a jogaa'me jo'ne quetede'egue da'me dojo' qaya'te ta'le 'uo ga'me naueguedela't.

1 Timoteo 2:4

jo'ne yataqata paquetapega da'me qonec'alaĝatedegue yema gaa'me jiyaĝadipi nataq'aen yataqata qoyateton da'me eja jo'ne chiyoqo'ot ñe'me.

1 Corintios 6:13

Nataq'aen aueñiyapega chimaqachiñe ga'me adoequi nale aueñiyapega't: “Ga'me jaliguinaq qoya'uo qaedi taue jana'me qadeta'am, nataq'aen jana'me qadeta'am qoya'uo qaedi jenaĝa taue ga'me jaliguinaq.” Jaja'a, yataqachiñe eja da'me dojo', qalaĝaja Dios yapalaĝa't qomle jana'me qadeta'am nataq'aen ga'me jaliguinaq. Qama'le nach'e ena'am na'me qadapat: 'noota ta'le ja jenaĝa taue da'me nequejeguetaĝa, dite da'me qolaĝague ñe'me Jaliaĝanec, qa'a nach'eñe ñe'me jo'ne qo'mi yanema ga'me jouenaqataque.

Romanos 14:17

Joda'me lejaliaĝa ñe'me Dios ja qoyelo'ogue joga'me niqui'yaĝac uotaĝa joga'me qoniyomigui, nach'edata da'me yataqata qoyen p'ajaye da'me qoye'et joda'me 'noota nataq'aen da'me 'uo da'me 'nemaĝac choqoda'me namaic 'me chiyoqo'ot joñe'me Dios Lepaqal.

Mateo 15:36

yaconalo gaa'me siete paan nataq'aen jogaa'me niya', qama'le queda'me joote yanem da'me lamaic joñe'me Dios, yecolaĝatapiyelo qama'le yanema jogaa'me lapaĝaguenataqa, qanach'e gaa'me yanouelo joga'me jiyaĝadipi.

Mateo 14:19

Chane'eja yamaĝalegue ga'me jiyaĝadipi qaedi ñichidiñe, nedalegue ga'me lolelaĝai. Yem qama'le yaconalo ga'me cincole paan nataq'aen dojolqa niya' qama'le yajoĝolo'te da'me lajelaĝanaĝac nataq'aen yecolaĝatapiyelo gaa'me paan, yanouelo joga'me lapaĝaguenataqa qama'le jogaa'me yanouelo joga'me jiyaĝadipi.

Hechos 27:35

Ca'li nenaĝategue da'me dojo', Pablo yacona ga'me pan, yanem da'me lamaic joñe'me Dios da'me dajo'tagueta jogaa'me. Yecolaĝatapiye qama'le yalic.

Juan 6:23

Qalaĝaja uo'oe jogaa'me licotal laqaya' jo'ne novi't, chiyoĝotegue di'me Tiberias, di'me noic jo'ne yauoqo'ta di'me ua'ña ca'li ya'uo da'me lajelaĝanaĝac joñe'me Jaliaĝanec, dajelaĝalegue joga'me pan da'me male qoyalic.

Lucas 24:30

Qama'le ca'li dajotedalegue ga'me niqui'yaĝala', Jesús yacona ga'me pan; ca'li joote yanem da'me lamaic ñe'me Dios, qama'le yecolaĝatapiye qaedi yanouelo gaa'me.

Mateo 15:11

Ga'me taue ga'me jiyaĝaua nedegaĝat ja naqaega ta'le en paĝachigui ga'me, dite ga'me jo'ne chiyaqaue ga'me nedegaĝat, naqaega en paĝachigui.

1 Timoteo 5:14

Chane'eja jepaquetapega ta'le jogaa'me p'ail jo'ne jona'li 'yaĝainadi', 'noota ta'le yitaĝa yauote gaa'me loua', qama'le yitaĝa uo'oe gaa'me c'oqo'te, nataq'aen male 'uo ga'me mach'e 'lachaqa'yaĝa'j jo'ne qoyen 'lonata'j, qama'le qaya'te en ladic gamachaqaega ga'me nojaĝac jo'ne ja no'en nale chiyoqo'ot ñe'me payac.