1 Timoteo 3:11 - Nuevo Testamento Toba Sombrero Negro

¹¹ Nataq'aen jogaa'me yauo' jo'ne jetaque uedaue jena'me jenjo', 'noota ta'le yauo' jo'ne onaĝayaqa loec, ja 'noota ta'le quejaĝail, 'noota ta'le yataqata joĝodail, uotaĝa yataqata ejoda nale 'uo ga'me yauote.

Nuevo Testamento Toba Sur

¹¹ Aca 'alo nataq'en iuen da no'on da n'aqtaguec, qataq sa ishit da n'aqtaqa l'o'. Chaqdata da sa daÿactac, qataq ipactelec 'enauac da l'onataxanaxac.

La'aqtaqa Ñim Lo'onatac 'Enauacna 2013

¹¹ Aca 'alo nataqa'en iuen da no'on da na'aqtaguec, qataq saishet da na'aqtaqa lo'o'. Nachaqrata da sa daỹactac, qataq da huo'o ca camachaqca, nache qaipi'iỹa'a.

1 Timoteo 3:11 Referans Kwoze

Tito 2:3

Nach'e naq'aete' gaa'me 'yaĝainadi' 'noota qom yataqatelegue da'me 'loyaĝa'j, nataq'aen ja quejaĝail, uotaĝa ta'le lataĝa lete'. 'Noota qom yauote da'me onaĝaic qaedi qoyadenaĝa't

Tito 3:2

'Noota qom ja ja 'noe'n naa'me 'laqataqa jo'ne yachalo'te gaa'me laqaya'olqa, ja loequiaĝayaqa, nataq'aen 'noota qom choĝodenataĝanaĝayaqa, nataq'aen ja en 'te 'yoĝodenaĝaic da'me 'loyaĝa'j nale dajoya'agueta gaa'me laqaya'olqa.

1 Timoteo 3:2

Qama'le ga'me jiyaĝaua jo'ne 'lonatac jena'me jenjo', 'noota ta'le qaya'te lejamaĝataĝac. 'Noota qom jiyaĝaua jo'ne onole jaga'me loua, yataqata joĝodaic, nataq'aen loqotenaĝanaĝaic, nataq'aen uategaĝaic ga'me ja yelo'teguet ga'me 'lonatac. 'Lonatac laqaya 'noota ta'le yelo'oguet ga'me jiyaĝadipi qom yec'adeta ga'me 'lachaqa'; nataq'aen yataqata yayaten da'me lapaĝaguenataĝanaĝac.

1 Pedro 5:8

Ena'te a'uochiitac, dite da'me a'nañaĝachela't, qa'a ñe'me adauteuai jo'ne payac ena'am ga'me jauaĝaic da'me 'loĝoyaĝac qama'le nomitetaque ga'me jetaque nolaĝachiñe.

2 Timoteo 3:3

Naqaegaua jiyaĝa'u jo'ne qaya'te loqopich'i, nataq'aen qaya'te lichoĝodenataĝanaĝac, male qovinaĝanaĝayaqa, nataq'aen ja yaqanate't ta'le ja yauote ga'me lamanaĝanaĝa'j, yataqata qaleuaĝayaqa, male nauteta da'me 'noota.

2 Timoteo 4:5

Qalaĝaja da'me am Timoteo, yataqata adetela da'me at'onataĝanaĝac, a'nañaĝateta jogaa'me adachoĝodeco, mac joda'me nach'e eta't auapaĝaguenataĝatac jena'me jenjo' 'noota, yataqata aviyamaĝatetac da'me qoyen at'onatac.

1 Timoteo 6:2

Nataq'aen qom p'etaqadaic ga'me adadipa, yataqata auanem da'me adoqopich'i choqoda'me adichoĝodenataĝanaĝac, qa'a jenjo' mach'e adaqaya da'me 'uo ga'me adepe'e. Mac da'me a'uetec da'me yataqata alecochiya, qa'a jenjo' at'onatac nataq'aen qoyen 'lonatac, chiyaqa'alo jiyaĝa'u jo'ne p'iida'a ñe'me Dios, chane'eja 'noota ta'le yataqata aviyamaĝatetac ga'me aue'et. Daa'me daajo' 'noota qom yataqata auapaĝaguenataĝaneque nataq'aen auamaĝajoĝolo'te.

1 Timoteo 1:12

Nach'e eta't janem da'me yamaic ñe'me Cristo Jesús mach'e Qadejaliaĝanec jo'ne nach'e eta't ya'uo 'yañaĝac, qa'a jouaĝat queda'me yataqata eja en jayem lamaĝajec, nataq'aen ya'uo di'me en 'yonatac jo'ne onaĝaic,

Juan 6:70

Jesús male 'yateguet: —Da'me ami doce, ¿qo'li ja naqayem jo'ne ami yiquiyaqa? Qalaĝaja, nach'e ena'am da'me ami 'uo ga'me onolec jo'ne yataqachiñe payac.

Mateo 4:1

Yem qama'le joñe'me Dios Lepaqal yauegue ñe'me Jesús ga'me aleua jo'ne totapega't, qaedi ñe'me payac yapiyen joñe'me.

Romanos 1:29

Yataqachiñe nejaqachiguilo da'me 'letaĝaloĝo'j jogaa'me, da'me nequejeguetaĝa, nemite'tae jana'me laicaua, nataq'aen da'me ja no'enpi. P'aguenataĝanaĝayaqa, lataĝanaĝayaqa, loequiaĝaiquipi, qovinaĝanaĝaiquipi, denataĝanaĝaiquipi.