1 Timoteo 3:1 - Nuevo Testamento Toba Sombrero Negro

¹ Da'me dojo' yataqata eja: ga'me jetaque yelolegue ga'me Dios c'oqo'tepi, qama'le yataqata onaĝaic da'me dojo' jo'ne en 'lonatac.

Nuevo Testamento Toba Sur

¹ De'eda ÿataqta 'eesa: Da huo'otaq huo'o ca nshitaique da lataxala' na 'amqajnataxanaxaicpi, qalaq ÿataqta ÿaÿamaqchiguiñi 'onaxaic yim tategueu'a n'onataxanaxac.

La'aqtaqa Ñim Lo'onatac 'Enauacna 2013

¹ Ỹataqta 'eesa da huo'otaq huo'o ca nshetaique da lataxala' na 'amqaanataxanaxaicpi, qalaq ỹataqta ỹaỹamaqchiguiñi, 'onaxaic yem tategueua'a no'onataxanaxac.

1 Timoteo 3:1 Referans Kwoze

Tito 1:7

Ñe'me jo'ne nepoda'tape gaa'me p'etaqadaiquipi 'noota ta'le qaya'te lejamaĝataĝac, qa'a netela da'me Dios 'lonataĝanaĝac. Nataq'aen 'noota ta'le ja pagaĝalaic da'me damaĝajoĝonaĝac, 'noota ta'le ja lemataqaic, ja yomaĝaic, uotaĝa ta'le ja dodinataĝanac, uotaĝa ena'am ta'le ch'e naquitetapega da'me nejetenaguec.

Hechos 20:28

Chane'eja 'noota qom a'vicheta't adechiliyalo ena'uaque ga'me p'etaqadaiquipi, nach'eda jo'ne Dios Lepaqal ami e'n 'naĝanaĝate neuatoqo'tpi qaedi adechiliyalo ena'uaque ga'me Dios lec'oqo'tepi jo'ne nach'eñe en lajo'vi jaga'me letauo' ñe'me mach'e lec'oĝot da'me ecot.

1 Pedro 5:2

'Noota qom yataqata adechiliyalo jogaa'me 'naĝanaĝatel jo'ne Dios lec'oqo'tepi 'me ami qoyanema qaedi adechiliyalo. 'Noota qom anoualaĝañetape'to, qa'a naqaeda da'me jo'ne Dios 'yamaqaten, qama'le ena'te aueñe'tem da'me ch'e ami qoyamaqatalo'te, uotaĝa ta'le aueñi adelnataĝaqui da'me ami qoyejeteneque jaga'me laicaua, dite da'me nach'e eta't da'me anejapachita.

1 Timoteo 1:15

Jenjo' yataqata eja, qama'le 'noota ta'le yema jep'iyaqa, queda'me Cristo Jesús nec'ata ca'li jena'me aleua qaedi nec'alaĝatedegue jogaa'me loeco lo'olpi, qama'le jayem tachigui da'me naqayem loeco lo'o t'adaic.

1 Pedro 2:25

Qa'a da'me ami joca'li aueñiya'ama gaa'me 'naĝanaĝatel jo'ne yejoma'ape, qalaĝaja nayi joote a'niyelaqaeya joñe'me Cristo, jo'ne ami netelalo qama'le ena'am ga'me 'naĝanaĝate nouatoqo't jo'ne nach'e eta't da'me nelotaye qaedi ami yelo'ogueta.

Hebreos 12:15

Nach'e eta't da'me adechilela't qaedi qaya'te 'uo joga'me jetaque yeguem da'me loqopich'i joñe'me Dios, uotaĝa ta'le 'uo joga'me jetaque ami 'naĝa't, qa'a dojo' yelagaĝa'j jena'me qadayi qama'le ena'am jaga'me nana jo'ne 'uo ga'me pata' jo'ne chem, da'me t'aĝanataĝanac da'me yedo'n jogaa'me.

2 Timoteo 2:11

Da'me dojo' 'naqatac yataqata eja: Qom joote yeleu na'me qanejiyaĝauayaĝac toijec yajouaĝat da'me qademe'teguet joñe'me Jesús, qama'le nach'e ena'am qadec'ale'tajop jo' qomle.

1 Timoteo 4:9

Jenjo' yataqata eja, qama'le 'noota ta'le yema jep'iyaqa.

Filipenses 1:1

Jayem Pablo nataq'aen ñe'me Timoteo, da'me qo'mi Jesucristo lamaĝa's, yataqata jalcote da'me qadamaic ami qauamaĝalo, da'me ami Filipos laje' jo'ne ademii'teguet joñe'me Jesucristo. Nach'eda da'me qadamaic jo'ne janemaĝama gaa'me jo'ne yelolo'te ga'me Dios lec'oqo'tepi choqogaa'me necochaĝa'u nataq'aen yema ga'me Dios lec'oqo'tepi.

Lucas 15:10

Ami ja'aĝatema queda'me nach'e ena'am jalcote da'me lamai'j joñaa'me piyem laje' jouaĝat ga'me onolec loeco lo'o jo'ne 'niyeloqot joñe'me Dios.”

Tito 3:8

Dojo' yataqachiñe eja, nataq'aen jepaquetapega ta'le a'viyelaĝatalo'te jogaa'me, qaedi jogaa'me jo'ne p'iida'a joñe'me Dios yemeda'a da'me yauote ga'me jo'ne 'noota; dojo' napaĝaguenataĝanaĝac yataqachiñe onaĝaic nataq'aen ena'uaque yiyamaĝatem.

Efesios 4:12

Ya'uo ca'li da'me dojo' qaedi yema da'me qo'mi jo'ne jouaqaue jena'me Dios lec'oqo'tepi, jo'ne nach'e ena'am ta'le qo'mi Cristo lapat, yataqata chimaqachiñe da'me qat'onataĝanaĝac, qaedi jauoqo 'lañaĝac ga'me qadepi'iyaĝa'u laqaya'.

Hechos 1:20

“Qa'a uo'oe gaa'me nedii's jo'ne joote 'yaĝatetedac di'me Judas, 'me uedaye nede jo'ne lenaĝat Nalacpi, enaac: «'Noota qom ga'me 'lachaqa' taya da'me aleua jo'ne totapega't, nataq'aen qaya'te en 'lachaqa'.» Ua'edi enaac: «'Noota qom jiyaĝaua laqaya ye'et ga'me jo'ne te'me qoyen 'lonataqa.»

1 Pedro 4:15

Da'me ami, qom 'uo da'me adachoĝodequi, 'noota qom ja chiyaqayi da'me naqa'ami jo'ne ami lataĝanaĝayaqa, uotaĝa ta'le ami cachaĝayaqa, uotaĝa ta'le auauoyi gamachaqaega ga'me ja no'en, uotaĝa ta'le anedeñiya'a gamachaqaega jo'ne ja adoĝochi.

1 Ts 5:14

Nataq'aen ami qadaqaya'olqa, yitaĝa ami jaqataĝalo da'me 'noota qom auojeyapegue'to jogaa'me choĝolaĝayaqa qaedi nach'e ena'am t'onataĝa'n, 'noota qom auañiyijeguem jogaa'me ja t'añi'y naa'me lai'li, nataq'aen alecochiiyalo jogaa'me yataqata qaya'te 'lañaĝa'j nataq'aen aneualaĝañi'ye' yema ga'me jiyaĝadipi.

Romanos 11:13

Qalaĝaja 'uo ga'tae'me jetaque ami ja'aĝatema, jo'ne ja ami 'te judiopi laje'pi, jo'ne Dios jayem yamaĝalo gaa'me ja judiopi, 'uo da'me let'adaic yauo'chi jenjo' 'yonatac.