1 Timoteo 2:8 - Nuevo Testamento Toba Sombrero Negro

⁸ Chane'eja, nale yema'a't gaa'me p'etaqadayaqa, 'uaediñe jepaquetapegalo ta'le gaa'me le'mi nodidijeguem naa'me loua' da'me yauote ga'me netamenaĝa'j. 'Noota qom yoqovichiguilo gaa'me lai'li, nataq'aen 'noota ta'le ja dalemata'y nataq'aen ja dapete'tape.

Nuevo Testamento Toba Sur

⁸ Ÿoqo'oyi ñishitaique da 'enauac na ÿallippi da nqouagaxauen, qalaq ÿachaxaatrashigue'm naua lhua'q. Qalaxayi ÿataqta iqui'itaxatte' naua lquiyaqte, sa ishit da huetacot ca lalemataic, huo'otaq da ncotatague' ca lÿa.

La'aqtaqa Ñim Lo'onatac 'Enauacna 2013

⁸ Ỹoqo'oye sauotaique da na ỹalleppi maye do'onaxaatac, da ivita da nqouagaxauen qalaq ỹachaxaato'oto naua lhua'q Ñim Lo'onatac 'Enauacna qataq ỹaxaañi da ncotatega't qataq da nnota'a't.

1 Timoteo 2:8 Referans Kwoze

Hebreos 10:22

Chane'eja 'noota qom ñichiyaĝa'uo joñe'me Dios, da'me yoqovichiguilo naa'me qadai'li nataq'aen qaya'te 'uo ga'me qadoqoleguetaĝanaĝac da'me yataqata jep'iyaqa joñe'me, da'me joote qoye'n yoqovite' naa'me mach'e qadelnataĝaco, nach'e ena'am da'me joote qoyiyodingui naa'me mach'e qadoje' ga'me noĝop jo'ne qaya'te lale'gue.

Tito 3:8

Dojo' yataqachiñe eja, nataq'aen jepaquetapega ta'le a'viyelaĝatalo'te jogaa'me, qaedi jogaa'me jo'ne p'iida'a joñe'me Dios yemeda'a da'me yauote ga'me jo'ne 'noota; dojo' napaĝaguenataĝanaĝac yataqachiñe onaĝaic nataq'aen ena'uaque yiyamaĝatem.

Santiago 4:8

Aueñi qoyoqo'ta joñe'me Dios, qaedi joñe'me en ami qoyode'talo, nataq'aen da'me aviyoyii jonaa'me adoua'adi jo'ne uetayelo jonaa'me adoecodi', choqoda'me auemedegue jona'me paĝachigui jo'ne uetayelo naa'me adai'lidi', qa'a ami jo'ne jetaque adoqopichiya joñe'me Dios nataq'aen jena'me ua'ña jena'me aleua.

Lucas 24:50

Chane'eja Jesús en p'adegue jogaa'me, chayovida'a di'me Betania, qama'le nodidijeguem naa'me loua' da'me netamelo'te jogaa'me.

1 Pedro 3:7

Qama'le naq'aeta da'me ami le'mi jo'ne joote a'uoñi, 'noota qom auayachiñe da'me aueloyeguet joda'me adouayaĝaqui, qama'le auañema da'me netelaĝac jo'ne mach'e loĝot, yajouaĝat da'me ja ena'am da'me 'lañaĝa'j jogaa'me yauo'. Nataq'aen 'noota qom qo'nonaĝachidegue gaa'me yauo', qa'a nach'e ena'ama da'me qoyiyaĝanalo qaedi ne'uaĝada'uo da'me nec'alaĝa jo'ne chiyaqayi da'me lichoĝodenataĝanaĝac ñe'me Dios. 'Noota qom naq'aeta da'me aueñe'teque qaedi qaya'te 'uo ga'me nauanegueta jogaa'me jo'ne mach'e anetamenaĝacodi'.

1 Timoteo 5:14

Chane'eja jepaquetapega ta'le jogaa'me p'ail jo'ne jona'li 'yaĝainadi', 'noota ta'le yitaĝa yauote gaa'me loua', qama'le yitaĝa uo'oe gaa'me c'oqo'te, nataq'aen male 'uo ga'me mach'e 'lachaqa'yaĝa'j jo'ne qoyen 'lonata'j, qama'le qaya'te en ladic gamachaqaega ga'me nojaĝac jo'ne ja no'en nale chiyoqo'ot ñe'me payac.

Hechos 21:5

Qalaĝaja yitaĝa qolaq ca'li male yenoĝodegue jaa'me siete noloqo'ote. Ena'uaque gaa'me jiyaĝa'u, gaa'me ñoqolqapi, nataq'aen gaa'me yauo' qo'mi qonaequetapegue'to chayovida'a jovidaĝa'ya ga'me p'aye di'me noic, qama'le jouaqa'edi ga'me noĝop lae da'me jejogaĝadiñe naa'me qadeliquetel qama'le ñetamenaq.

Hechos 10:4

Cornelio yelo'ta ñe'me piyem le'ec nataq'aen t'oiyapega, qama'le yena't: —¿Jach'ega, jaliaĝanec? Joñe'me piyem le'ec enaac: —Dios naquiaĝatapegalo daa'me anetamenaĝaco joote ueteda'ajop ñe'me Dios, nataq'aen yauanalo gaa'me jo'ne auauo'oe da'me qaedi alecochiyalo gaa'me jo'ne 'uo da'me louenaĝanaĝa'j.

Hechos 10:2

Nach'eñe ñe'me jiyaĝaua jo'ne choĝodenataĝanaĝaic joca'li, jo'ne nalo'ta'ajalo gaa'me mach'e 'lachaqadiaĝa'u da'me 'nonaĝachidegue joñe'me Dios. Nataq'aen jalcote jaga'me naicaua yanegue qaedi lecochaĝanaĝanegueta joga'me judiopi nataq'aen nach'e eta't netametapecot joñe'me Dios.

Hechos 7:60

Yem qama'le yejoidiñe naa'me leliquetel, netenec ga'me 'laqatac: “¡Am Jaliaĝanec, ena'te aueloyi qomle da'me lajouaĝaje't jena'me jiyaĝadipi!” Da'me joote nenaĝategue da'me dojo', qama'le yeleu.

1 Corintios 7:7

'Yamaqatenataĝanaĝac ta'le ena'uaque jayem aueñiya'am, qalaĝaja yodapecache gaa'me jo'ne Dios ami yeyala'aque: uo'oe gaa'me joote Dios yeyala'aque qaedi 'uo ga'me lajoĝo'j nataq'aen gaa'me laqaya' ga'me lajoĝo'j laqaya.

Hechos 10:31

Qama'le jayem t'aqataĝanem, enaac: «Cornelio, Dios naquiaĝatapegalo daa'me anetamenaĝaco joote ueteda'ajop ñe'me Dios, nataq'aen yauanalo gaa'me jo'ne auauo'oe da'me qaedi alecochiyalo gaa'me jo'ne 'uo da'me louenaĝanaĝa'j.

Juan 4:21

Jesús 'yateguet: —Am yaqayole, ena'te jayem auoqoleguet queda'me novi' qomle ga'me nolo' da'me male ja yitaĝa ta'le anec'achiya jenjo' qajoĝonaĝa qom anetameñiyot joñe'me Qadet'a, nataq'aen da'me ja yitaĝa auajoyigui di'me Jerusalén.

Lucas 23:34

Jesús enaac: —Taĝadena', auapalaĝat da'me dojo' laviyaĝa'j, qa'a ja yayate'n ga'me yauote. Qama'le jogaa'me coico laje' nalichiguilo ga'me leuo ñe'me Jesús qaedi ua'ajop da'me tachigui.

Mateo 21:21

Jesús 'yategueta: —Eja ami ja'aĝatema queda'me qom eja 'uo da'me adepi'i nataq'aen ja auoqoleguechi, qama'le ja nach'edata da'me auaqanachichi ta'le auauoyi da'me dojo' jo'ne je'etem jaga'me higuera, dite da'me qom aueñiyapega jenjo' qajoĝonaĝa: «Oca'e na'me oneta'ña, añgui jena'me noĝop», qama'le naq'aeta da'me yepaquichigui.

Mateo 5:44

Qalaĝaja ami ja'aĝatema: Adoqopichiyalo gaa'me jo'ne ami niquiya'alo, nataq'aen auajelaĝañilo'te ga'me jo'ne ami yachoĝode'tape.

Mateo 6:12

Auapalaĝa't gaa'me ja 'noe'n jo'ne jauoqo'oe, Nach'e naq'aeta nale japalaĝata' gaa'me ja 'noe'n jo'ne qo'mi qo'yeteque.

1 Corintios 1:2

ami janema da'me qadamaic, ami jo'ne yataqachiñe Dios lec'oqo'tolqa 'me oñiya'ña di'me Corinto, ami jo'ne joote yoqovite' qa'a auacoñiyeguet ñe'me Cristo Jesús, nataq'aen ami qoyiyaĝanalo qaedi ami qoyapetenegueta joga'me Dios lec'oqo'tepi 'me ja 'nalo'te nach'e ena'ama ena'uaque jogaa'me jo'ne napi'ñalo naa'me ale'u lael 'me 'yaĝatetedac da'me lenaĝat ñe'me Jesucristo mach'e Qadejaliaĝanec nataq'aen joga'me Dios lec'oqo'tepi 'me ja 'nalo'te.

2 Corintios 2:14

Jalcote janem da'me yamaic ñe'me Dios queda'me qo'mi yapetede'uo da'me lomataĝanaĝac ñe'me Cristo, nataq'aen queda'me qo'mi yanema da'me ja'aqataĝanaqatapema ena'uaque gaa'me ale'u lael da'me 'laqataĝanaĝac qaedi naq'aeta da'me ena'uaque yateto'n ñe'me Cristo. Ja'aĝataqatac da'me onaĝaic 'naqataĝanaĝac ena'am ta'le jelagaĝataĝalegue ena'uaque gaa'me ale'u lael ga'me jama da'me laetayaĝac ena'am ga'me yoĝoqui jo'ne davioĝon.

Filipenses 1:12

Ami yaqaya'olqa, 'noota qom auayachiñe joda'me jayem qo'eetec quelqaya, qa'a jenjo' ma'ejama'le jayem lecochiya da'me ja'aĝatetac jena'me jenjo' 'noota ladic.

1 Ts 1:8

Qama'le ami chiyaqauelo ga'me 'laqatac joñe'me Jaliaĝanec jo'ne male nelagaĝategue, male ja onolec di'me Macedonia nataq'aen na'me Acaya, male yema jena'me aleua qoyayaten, yataqata qoyayaten da'me eeta da'me auep'iiya'a joñe'me Dios, qama'le nayi male qaya'te qat'aqatac ta'le ami ja'aĝataqatac.