1 Timoteo 2:3 - Nuevo Testamento Toba Sombrero Negro

³ Qa'a da'me dojo' yataqata 'noota nataq'aen 'yamaqaten joñe'me Qadet'a mach'e Qadec'alaĝaiqui

Nuevo Testamento Toba Sur

³ Qaq de'eda qouagaxaunaxac ÿataqta 'eesa lataxac, ÿaÿamaxadeeta ñi Dios mayi qadca'alaxaqui.

La'aqtaqa Ñim Lo'onatac 'Enauacna 2013

³ Qaq de'era qouagaxaunaxac, nachera da ỹataqta ỹaỹamaqchiguiñi qataq laỹamaxannatac Ñim Lo'onatac 'Enauacna maye Qarca'alaxaqui,

1 Timoteo 2:3 Referans Kwoze

Hebreos 13:16

Nach'e ena'am ena'te aĝañiñi da'me auauoyi da'me 'noota, nataq'aen da'me anecolaĝachiyalo gaa'me adaqayadi' ga'me youetedaque, qa'a nach'eda da'me qadajaqajec jo'ne 'yamaqaten joñe'me Dios.

1 Timoteo 1:1

Mach'e jayem Pablo, jayem Jesucristo lamaĝajec choqoda'me en jayem liquiyac joñe'me Dios qaedi ja'aĝa'tape jodaa'me lamaĝajoĝonaĝaco, jo'ne nach'eñe ca'li 'uaechiñe Qadec'alaĝaiqui choqoñe'me Cristo Jesús jo'ne mach'e naqaeñe jeuataqa'tac.

1 Pedro 2:20

Qama'le qom naq'aeta da'me 'uo da'me ane'uaĝanaguequi queda'me auauoyapiye gaa'me ja 'noe'n, ¿jach'e ga'me adajo'viyaĝaqui da'me anapogaĝadeñi choqoda'me a'nañaĝachela't? Qalaĝaja qom 'uo da'me adachoĝodequi yajouaĝat da'me auauoyi da'me 'noota, nataq'aen da'me anapogaĝadeñi qama'le a'nañaĝachela't, nach'eda jo'ne 'yamaqaten joñe'me Dios.

Romanos 14:18

Qama'le jogaa'me jo'ne naq'aeta da'me t'onataĝadeuo'o joñe'me Jesucristo, nach'egaua eja da'me male yataqata yiyamaĝade'n joñe'me Dios, nataq'aen jena'me jiyaĝadipi nach'e ena'am da'me qouatec'alo.

1 Pedro 2:5

Nataq'aen da'me ami, ena'am ta'le ami qadi jo'ne nec'aletedaye, naqa'ami jo'ne 'lonataqa joñe'me Dios da'me 'noĝojeguem ga'me tamenaĝaiqui jo'ne ja 'nalegue, qaedi ami jo'ne ademii'teguet joñe'me Jesucristo male ami qoye'n letaĝayaĝanaĝanaqa ga'me jiyaĝadipi, da'me auajaqaedeuo joga'me najaqajecpi 'me ja di'yo't, nach'egaua jo'ne yataqata 'yamaqate'n joñe'me Dios.

1 Ts 4:1

Qama'le nayi, ami yaqaya'olqa, ami ñachoĝodenoqoto chayovida'a da'me ami jaqataĝalo queda'me jaconaĝa joda'me lañoqotaĝanaĝac ñe'me mach'e Qadejaliaĝanec Jesús, qaedi male yemeda naa'me naajo' noloqo'ote yataqata anichiquitaye, qa'a yataqata aueñi 'noota joga'me at'oyaĝaqui, nataq'aen da'me auauoyi yema joga'me auayachiñe jo'ne ami japaĝaguenaĝaque ca'li, qa'a jena'me jenjo' jo'ne auayachiñe naqaena jena'me yataqata 'yamaqaten joñe'me Dios, jena'me jenjo' jo'ne joote auauoyitac yataqata 'noota.

Colosenses 1:10

Qaedi auaqanachichi ta'le 'noota ga'me auauoyi, nach'e naq'aeta ga'me yauote nale jogaa'me quetegue joñe'me Jaliaĝanec, nach'e eta't auauoyi ga'me jo'ne yiyamaĝaden joñe'me, auauoyi jala gaa'me yodapecache 'me onaĝayaqa at'onataqadi', nataq'aen aueñi nichiquetaye da'me yataqata auatetoñi joñe'me Dios.

Lucas 1:47

nataq'aen najaqachigui da'me yamaic, yajouaĝat ñe'me Dios mach'e Yec'alaĝaiqui,

Filipenses 1:11

Chane'eja joda'me lecochaĝac joñe'me Jesucristo male ami yaloĝonalo joda'me 'noota ta'le a'vichi, qaedi yataqata qo'nonaĝachigui joñe'me Dios chayovida'a da'me yataqata qonenaĝachijeguem joda'me lenaĝat joñe'me.

1 Timoteo 5:4

Qalaĝaja jaga'me p'ai jo'ne uo'oe gaa'me c'oqo'te uotaĝa laua', 'noota ta'le naqaegaua 'uaediñe joote yayate'n ga'me qoyen 'lonata'j da'me lecochiyalo ga'me layi, qa'a ca'li jañe'me yataqata ami noqopitalo, qama'le jena'me jenjo' yataqata Dios yiyamaĝaden.

Filipenses 4:18

Joote jaconeguet yema joga'me jayem anamaqaiya, nach'ega jo'ne yataqata alidaq. Qama'le jalcote da'me jauana nayi, qa'a jada'me adajaqaje jo'ne jayem neda'a ñe'me Epafrodito, jaga'me yataqata napacalegue ga'me jouetaque. Da'me adichoĝodenataĝanaĝaqui yataqata jalcote onaĝaic, ena'am joga'me neme jo'ne jama da'me laeta da'me qoyanem joñe'me Dios, qama'le yiyamaĝaden da'me yaconeguet.

2 Timoteo 1:9

Dios joote qo'mi nec'alaĝatedegue nataq'aen nach'eñe qo'mi yiyaĝanalo qaedi jouaqauelo gaa'me lec'oqo'te jo'ne ja 'nalo'te. Jouaĝat taĝa da'me qat'onataĝanaĝac, mac joñe'me Dios nach'eñe lelnataĝac da'me dojo', qa'a joote qo'mi noqopitalo ca'li maliaĝa ja ye'et jena'me aleua, qama'le qo'mi yamaĝalo joñe'me Cristo Jesús.

1 Timoteo 4:10

Qama'le nayi nach'eda 'uo da'me qat'onatac nataq'aen qadeloiquiaĝac, qa'a jouaĝat da'me janemaĝam da'me qadeuataqataĝanaĝac joñe'me Dios jo'ne ja pal, jo'ne nach'eñe mach'e Lec'alaĝaiqui yema jena'me jiyaĝadipi, qama'le yataqata nec'alaĝatedegue jogaa'me jo'ne p'iida'a joñe'me.