1 Timoteo 2:2 - Nuevo Testamento Toba Sombrero Negro

² Nataq'aen anetameñilo'te nale gaa'me p'ajodaye nataq'aen jogaa'me jaliaĝanaqa, qaedi 'uo da'me qat'achaqa'yaĝac 'me 'noota, uotaĝa qo'mi yataqata machidiñe, choqoda'me 'uo da'me qadepe'e chayovida'a onaĝaic da'me qadoec.

Nuevo Testamento Toba Sur

² Nataq'en ñishitaique da qanqouagaxaueelec na nta'alpi mayi lta'adaicpi qataq 'enauac na ltauapi, yaqto' da qanachaalataxac qaica camachaqca. Nda'a't da qadamachiguiñi, selagaqtapiguiñi, cha'ayi ÿataqta ñañanqot ñi Dios, qataq no'on da qanmejnaguec.

La'aqtaqa Ñim Lo'onatac 'Enauacna 2013

² Nataqa'en 'am seqata da 'anqouagaxaueetalec na nta'alpi maye 'amaqtaqaicpi qataq 'enauac na ltauapi, yaqto' selagaqtapiguiñi qataq qaica ca da. Nachaqrata da ỹataqta salaxasoxoguet Ñim Lo'onatac 'Enauacna, qataq ỹataqta no'on da qarataxac da salegaqtaigui na laỹepi shiỹaxauapi.

1 Timoteo 2:2 Referans Kwoze

1 Ts 4:11

A'nañaĝachela't da'me ami machidiñe, nataq'aen ademiya'a ga'me jo'ne mach'e at'onataqui, nataq'aen a'uonataĝanaĝañi naa'me adoua'adi, nach'e ena'am queda'me joote ami jamaĝalo'te ca'li.

Hebreos 12:14

Anepogoĝoiñetapegue' da'me nach'e eta't ami uetauelo da'me 'nemaĝac, ena'uaque da'me ami, nataq'aen da'me nach'e eta't da'me ami ja 'nalo'te, qa'a qom qaya da'me qat'oyaĝac jo'ne ja 'nalegue qama'le ja jaqanatetaq ta'le jauanaĝa joñe'me Jaliaĝanec.

Romanos 12:18

Qom maqachaĝa ja qalaq ga'me adaloi'taguet da'me auañema gaa'me adaqayadi', auauoyi ga'me maqachaĝa yaqanate't qaedi onolqa'tape uetedaue da'me 'lemaĝa'j.

Filipenses 4:8

Ami yaqaya'olqa, jeetapega naq'aeta jenjo' 'yaqatac nayi. 'Noota qom analoqochiñe nale jena'me jenjo' 'noota ladic, chayovida'a da'me jo'ne yataqata qo'nonaĝachigui. Qama'le nach'e eta't auenache'ta da'me eja nataq'aen da'me chimaqachiñe, da'me yataqatelegue nataq'aen da'me ja 'nalegue, da'me onaĝaic nataq'aen da'me qoyiyamaĝaden.

Hechos 24:16

Qama'le jouaĝat da'me dojo' nach'e eta't 'ñañaĝat qaedi yoqovita jena'me yeuel qama'le ja jepocoĝoguet ñe'me Dios nataq'aen gaa'me jiyaĝa'u.

Hechos 10:22

Jogaa'me 'yadeteguet: —Jachiyajaqa'a ñe'me coico le'ec lajoĝola' Cornelio, jiyaĝaua jo'ne chimaqachiñe, jo'ne 'nonaĝachigui ñe'me Dios nataq'aen nach'eñe jo'ne ena'uaque ga'me judiopi 'yamaqate'n nataq'aen noqopideta. 'Uo jo'me piyem le'ec jo'ne chiyoĝogue ñe'me Dios t'aqataĝanem qaedi am niyaĝana, qaedi auec'ata di'me 'lachaqa' qaedi naquiaĝana ga'me jo'ne a'uaĝatem.

Lucas 2:25

Joca'li gaa'me noloqo'ote 'uo ñe'me jiyaĝaua jo'ne na'ña di'me Jerusalén, lenaĝat Simeón, jo'ne yataqatelegue nataq'aen choĝodenataĝanaĝaic, nataq'aen 'uo da'me leuataqataĝanaĝac da'me qoyiyamaĝachiñe ga'me Israel laje'pi. Joñe'me Dios Lepaqal ue'tajop joñe'me,

Lucas 1:6

Ñe'me Dios yauana queda'me chimadichidiñe jogaa'me, qa'a yoqocha'alo jodaa'me Dios yepaquetapegalo choqodaa'me lamaĝajoĝonaĝaco joñe'me, nataq'aen qaya'te gamachaqaega ta'le lejamaĝataĝa'j jogaa'me.