1 Timoteo 2:1 - Nuevo Testamento Toba Sombrero Negro

¹ Chane'eja cha'li ami je'elopeque da'me anachoĝodeñilo'te yema ga'me jiyaĝadipi, anetameñilo'te jogaa'me, auajelaĝañilo'te choqoda'me auañem adamaiqui ñe'me Dios queda'me netelalo ena'uac.

Nuevo Testamento Toba Sur

¹ Qaq da hua'auchiguiñi i'aqtac 'eeta': Ñishitaique da saqata da qanayictot da qouagaxaunaxac, da qanqouagaxaueelec 'enauac na shiÿaxauapi, da qanqouagaxaunot ñi Dios, nataq'en da qoÿanot da 'achiquiaxac.

La'aqtaqa Ñim Lo'onatac 'Enauacna 2013

¹ Qaq da hua'auchiguiñi iqataxac 'eeta': Ñeshetaique da qoqueto'ot da 'anqouagaxaueetalec 'enauac na shiỹaxauapi ana 'alhua, qataq 'aatacot da 'ana'achecỹaxac Ñim Lo'onatac 'Enauacna souaxat 'enauac nam 'am ỹo'otec qataq 'aỹaxanot da 'am ỹachaxana da lqouagaxanaqtaic qataq da 'am itaua'n.

1 Timoteo 2:1 Referans Kwoze

2 Ts 1:3

Ami yaqaya'olqa, 'noota qom yemeda naa'me naajo' noloqo'ote janemaĝam da'me qadamaic joñe'me Dios, jouaĝat da'me ami. Nach'ena jena'me jenjo' ta'le jauoqo, qa'a da'me ami male yataqata auep'iiya'a joñe'me Dios, nataq'aen da'me di'yoq yataqata anoqopich'iya't, da'me ami naqaya' onolqa'tape da'me ami.

Santiago 5:16

Qo'che' 'noota qom auechoĝochiyema gaa'me adaqayadi' ga'me adoequi, nataq'aen da'me anetameñilo'te onolqa'tape jogaa'me adaqayadi' qaedi en yemedegue q'ae'n. Qa'a da'me netamenaĝac joga'me jiyaĝaua jo'ne yataqatelegue, nach'eda jo'ne 'uo da'me lañoqotaĝanaĝac da'me lepe'e.

Efesios 5:20

Nataq'aen nach'e eta't auañem da'me adamaiqui joñe'me Dios jo'ne mach'e Qadet'a, jouaĝat da'me ademii'teguet joñe'me Qadejaliaĝanec Jesucristo.

2 Timoteo 2:24

Qa'a joga'me Dios lalemaĝajet ja 'noota ta'le uetaue ga'me neloiquiaĝac, mac da'me 'noota ta'le yaloĝon loqopich'i jo'ne yanema yema ga'me layi. 'Uo da'me layatenaĝanaĝac da'me dapaĝaguenataĝan, nataq'aen pogaĝadenaĝaic joga'me.

1 Timoteo 2:4

jo'ne yataqata paquetapega da'me qonec'alaĝatedegue yema gaa'me jiyaĝadipi nataq'aen yataqata qoyateton da'me eja jo'ne chiyoqo'ot ñe'me.

Filipenses 1:3

Ami yaqaya'olqa, nale ami jenate'talo nach'e eta't janem da'me yamaic joñe'me Dios.

Hebreos 6:11

Da'me qo'mi yataqata 'uo da'me qadamaic ta'le onolqa'tape da'me ami nach'e eta't oquitalegue da'me adaloĝonataĝanaĝaqui chayovida'a qom yovita ga'me nolo' jo'ne p'ategue, qaedi yataqata yepaquichigui yema da'me mach'e adeuataqataĝanaĝaqui.

Tito 3:2

'Noota qom ja ja 'noe'n naa'me 'laqataqa jo'ne yachalo'te gaa'me laqaya'olqa, ja loequiaĝayaqa, nataq'aen 'noota qom choĝodenataĝanaĝayaqa, nataq'aen ja en 'te 'yoĝodenaĝaic da'me 'loyaĝa'j nale dajoya'agueta gaa'me laqaya'olqa.

Tito 2:11

Naq'aeta da'me auapaĝagueneque ena'uaque joga'me p'etaqadaiquipi, qa'a joote yaloĝon da'me lichoĝodenataĝanaĝac joñe'me Dios, nach'eda ja qalaĝa q'aen da'me lec'alaĝa'j ena'uaque joga'me jiyaĝadipi.

1 Timoteo 5:5

Jaga'me yataqata p'ai jo'ne onola, joote yanem da'me leuataqataĝanaĝac ñe'me Dios, qama'le ja yaĝañi da'me nachoĝodenaĝac, chayovida'a lajelaĝanaĝac yemeda naa'me noloqo'ote, nataq'aen pi'yaĝadi.

1 Corintios 15:3

Qa'a ca'li 'uaechiñe ami janema da'me napaĝaguenataĝanaĝac jo'ne joote jayem qoyanem, nach'eda 'yaĝatetac ñe'me Cristo queda'me yeleu qaedi yapalaĝa't joda'me qadoeco, naq'aeta da'me 'yaĝatetedac gaa'me nedii's jo'ne 'laqatac ñe'me Dios.

Hechos 17:30

Qalaĝaja Dios ja yeloyelo gaa'me noloqo'ote ca'li cha'li qaya'te letadenataĝanaĝa'j ga'me jiyaĝadipi, qalaĝaja nayi yamaĝalo'te ena'uaque ga'me jiyaĝadipi qaedi 'niyelaĝadetot joñe'me ena'uaque gaa'me ale'u lael.

1 Ts 3:12

Nach'e ena'am 'noota ta'le Qadejaliaĝanec yataqata ami yanema da'me jalcote da'me nichiguegue da'me adoqopich'ii, qaedi nichigaĝategue da'me anoqopichiyapega't nataq'aen da'me adoqopichiyalo yema ga'me jiyaĝadipi, chayovida'a da'me qo'mi auadenaĝachi da'me yataqata ami qadoqopitalo nale da'me ami.

Romanos 6:17

Qalaĝaja yamaic janem ñe'me Dios yajouaĝat da'me ami, ca'li ami lelataqa daa'me adoecodi', nayi naa'me adai'lidi' yoqochideta da'me 'loyaĝac da'me napaĝaguenataĝanaĝac 'me auacoñiyeguet.

Romanos 1:8

Da'me 'uaeñe ja'aĝatetac, chiyaqayi ñe'me Jesucristo da'me janem yamaic ñe'me Dios jouaĝat onolqa'tape ami, qa'a yema qo'yaĝatetac da'me adepi'i.

2 Corintios 8:6

Tito nach'eñe 'uaeñe ami yachiyoĝotauelo jaga'me adajaqajai ca'li qaedi qoya'uo jaga'me necochaĝanaqate. Qo'che' ñachoĝodenoqot qaedi quetalegue da'me 'yetetac.

Efesios 3:13

Chane'eja, ami yaqaya'olqa, male ami ñachoĝodenouelo nayi da'me ena'te lichiguilo naa'me adai'lidi' jouaĝat da'me yachoĝodec, qa'a naa'me naajo' yataqata ami 'nonaĝachiguilo.

Efesios 6:18

Nach'e eta't anetameñetapecot joñe'me Dios; nale aviyaĝañiyot joñe'me, auomachii'ta joñe'me Lepaqal qaedi nach'eñe ami netamenaĝanaĝa'n. Ena'te ami lichiguilo qama'le auajelaĝañilo'te yema ga'me Dios lec'oqo'tepi.

Filipenses 4:6

Ena'te aueñi lichiguilo naa'me adai'lidi' nale, dite da'me nach'e eta't anetameñetac, qama'le anachoĝodeñitapecot joñe'me Qadet'a Dios nale 'uo joga'me auoviñetaque, nataq'aen auañem da'me adamaiqui nale.