1 Timoteo 1:9 - Nuevo Testamento Toba Sombrero Negro

⁹ Qa'a qo'mi qonetouenaĝanaĝaneque queda'me gaa'me lamaĝajoĝonaĝaco ñe'me Dios ja qoye'n nelo'talo nale gaa'me eetapega 'noote', dite da'me e'n yelo'talo jogaa'me maliaĝa ja yacoteguet joñe'me, uotaĝa gaa'me qaleuaĝayaqa, nataq'aen jogaa'me jo'ne ja p'iida'a joñe'me Dios, choqogaa'me 'yetedac da'me ja no'en, nataq'aen jogaa'me yataqata ja 'nonaĝachidegue joñe'me Dios, chayovida'a da'me ja t'oita, nataq'aen gaa'me jo'ne 'yeualaĝae'n nale da'me qadepe'e ladic, nataq'aen jogaa'me yala't jogaa'me let'al, nataq'aen yemeda jogaa'me lataĝanaĝayaqa nach'egaua qoyen nelo'talo naa'me naajo' namaĝajoĝonaĝaco,

Nuevo Testamento Toba Sur

⁹ Cha'ayi mashi qaÿaÿateeta da sa ishit da qai'ot na nqataxacpi da nmit ca shiÿaxaua da ÿataqta no'on. Chaqcata ca shiÿaxaua da sa i'ot na nqataxacpi, qataq sa ÿalaq, qataq qauemaic, 'itaxaloxoic, sa iyacnapec ñi Dios nataq'en da n'amqajnataxanaxac, qataq ca ÿalauat ca lta'a, huo'otaq aca late'e, huo'otaq camachicague't shiÿaxaua.

La'aqtaqa Ñim Lo'onatac 'Enauacna 2013

⁹ Ỹoqta 'eesa da na namaxasoxonaxacpi saishet da qaỹo'ot da qanmit ca no'on da lataxac, nachaqcata ca sa ỹalaq, qataq qauemaic, qataq 'etaxaloxoic, qataq ca qaica ca 'enec naqa'en Ñim Lo'onatac 'Enauacna, qataq da na'amqaanataxanaxac. Nataqa'en naamaye talec cam ỹalauat cam 'ena'am shiỹaxaua qataq ca ỹalaua't caua yo'oqchiguilo lta'al.

1 Timoteo 1:9 Referans Kwoze

Gálatas 3:19

Chane'eja ¿jach'e ga'me yelo'teguet da'me namaĝajoĝonaĝac? Ca'li yem da'me ya'uo da'me dojo' 'laqatac jo'ne yaqataĝañi 'me yanem ñe'me Abraham, Dios qo'mi yanema daa'me lamaĝajoĝonaĝaco qaedi qo'mi yaloĝonalo queda'me je'etaqatac da'me ja no'en. Qalaĝaja gaa'me namaĝajoĝonaĝaco 'uo da'me lajo'viyaĝa'j chayovida'a ca'li novi' ñe'me Abraham c'oĝot jo'ne nach'eñe Dios tachigui q'aen ga'me yaqataĝañi 'laqatac. Dios na'yalo q'ae'n gaa'me piyem laje' gaa'me namaĝajoĝonaĝaco ca'li yanema ñe'me Moisés, qaedi ñe'me qo'mi yanema.

1 Pedro 4:18

Naa'me nedii's jo'ne qoyedidiñe joca'li, eet'oi: “Te'me 'uo da'me laqalai'j gaa'me yataqatelo'te ta'le qonec'alaĝatedegue. Qama'le, ¿jach'e jogamaĝa eeta ga'me loiquiaqa't jogaa'me qaya'te lepe'e' choqoga'me loeco lo'olpi?”

Romanos 5:20

Da'me qoyapeteneuo da'me napaĝaguenataĝanaĝac qaedi yañodelo'te gaa'me loeco ga'me jiyaĝadipi; qalaĝaja ca'li ma'ejama'le nichidegue gaa'me noeco, qama'le ñe'me Dios yaloĝon da'me lichoĝodenataĝanaĝac.

Gálatas 5:23

Qo'mi joĝodayaqa, nataq'aen jayatenaq da'me ñomata' gaa'me ch'e qadamaico. Qom naq'aeta da'me qat'oyaĝac, qama'le ja qoyouetaque ga'me namaĝajoĝonaĝac.

Tito 3:3

Qa'a joca'li nach'e ena'am qo'mi chiyoĝo's nataq'aen qoleguetaĝanaĝaiquipi; qadejometac ca'li nataq'aen qo'mi lecoñetae's yema gaa'me yodapecache 'me lamaico jena'me aleua. Jouaqatauelo ca'li gaa'me ja 'noe'n nataq'aen nep'aguenataĝanaĝaco, qo'mi qoniquiyatapegalo nataq'aen qo'mi quiyaĝanataqaiquipi.

Romanos 6:14

Qama'le naq'aeta da'me male qaya'te lañoqotaĝanaĝa'j gaa'me adoecodi' qaedi ami nejaliaĝatelo'te, qa'a ja ovi'tot ga'me namaĝajoĝonaĝac dite da'me lichoĝodenataĝanaĝac ñe'me Dios.

Romanos 1:30

Ja 'nonaĝachiguilo naa'me mach'e laqaya', nauteta ñe'me Dios, c'onaĝanaĝaiquipi, 'yoĝodenaĝaiquipi, eetedapela't p'ajodaye, chiyaqapiyilo da'me ja no'en, ja yoqocha'alo naa'me let'al jogaa'me.

Apocalipsis 22:15

Qalaĝaja joga'me p'aye nach'ega jo'ne ueteda'a jogaa'me jo'ne jomayaqa, nach'egaua jo'ne yeda'n gaa'me laqaya', choqogaa'me jo'ne 'yetetedac da'me nequejeguetaĝa, qama'le nach'e ena'ama jogaa'me lataĝanaĝayaqa nataq'aen jogaa'me p'iya'alo jogaa'me ch'e nequi'il nataq'aen jogaa'me noqopideta da'me napaĝagueteguet da'me noqovinaĝanaĝac.

Apocalipsis 21:8

Qalaĝaja jogaa'me jo'ne qolanaqaiquipi choqoga'me qoleguetaĝanaĝaiquipi, nataq'aen gaa'me jo'ne qodaqaequeda'a, choqoga'me lataĝanaĝaiquipi nach'e ena'am da'me quejeguetaĝaiquipi nataq'aen gaa'me jo'ne yeda'n gaa'me laqaya', choqogaa'me jo'ne netametot nale ga'me nequi'i, choqoga'me ena'uac joga'me pecaiquipi, yema jogaa'me yovidedeta qomle da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

Tito 1:16

Eetapela'ajalo yateto'n joñe'me Dios, qalaĝaja gaa'me 'lonataqa yaloĝo'n queda'me ja naq'aeta; yataqachiñe quiyaĝanataqayaqa, ja yoqochideta joñe'me Dios nataq'aen ja yaqanate't ta'le yauote gamachaqaega chimaqachiñe.

1 Pedro 3:20

nach'egaua gaa'me qoleguetaĝanaĝayaqa jaa'me noloqo'ote joca'li 'uo ñe'me Noé. Joca'li ñe'me Dios yeuate'talo ga'me jiyaĝadipi ta'le uotaĝa 'niyelaĝadetot joñe'me, chayovida'a da'me qoye'et jaga'me nelicota lat'edai. Yem qama'le uo'oe ocho gaa'me jiyaĝa'u jo'ne nec'alaĝatedegue joca'li da'me qoyachiyoĝotedañgui ga'me noĝop.

Hebreos 11:31

Jañe'me Rahab jo'ne quejeguetaĝai yataqata p'iya'a joñe'me Dios joca'li, qama'le ja ueta'ñoto dia'me loeco lo'olpi da'me qoyala't ca'li, qa'a jañe'me nach'añe jo'ne yaconegueta joca'li jogaa'me lec'atenaĝanaĝanaqa ñe'me Josué, yataqata yiyamaĝate'tape jogaa'me.

2 Ts 2:8

Chane'eja qom male qaya ñe'me 'nelaĝatetañe, qama'le yataqata di'yoq joñe'me jo'ne yataqata ja no'en. Qalaĝaja joñe'me Qadejaliaĝanec Jesús yapalaĝat qomle, yalatec na'me layat jo'ne na'ya na'me nedegaĝat da'me yepetetot ga'me, nataq'aen qom di'yoq da'me 'lonaĝac joñe'me Jesús ena'am ta'le qonolaĝachiñe joñe'me jo'ne ja no'en.

Romanos 4:13

Qa'a ñe'me Dios 'uo ga'me 'yaĝatem ca'li di'me Abraham nataq'aen gaa'me c'oqo'tepi qom'te qoyanema jena'me aleua. Qalaĝaja dojo' 'naqatac 'me qoyaloĝotapega di'me Abraham ja naqaeda ta'le yoqotelo'te ga'me namaĝajoĝonaĝacpi nale qodique'teguelo jogaa'me, dite da'me yataqatelegue 'me chiyaqayi da'me nepe'e.

Mateo 10:21

“Jogaa'me mach'e naqaya' dachinataĝalo'te qomle jogaa'me mach'e laqaya' qaedi qoyala't, nataq'aen jogaa'me net'al yadegue gaa'me mach'e c'oqo'te; nataq'aen jogaa'me nec'oqo'te nautenalo gaa'me mach'e let'al qaedi qoyala't.

1 Pedro 2:7

Ami jo'ne auep'iiya'a joñe'me yataqata a'uamaqachiñe da'me 'uo da'me lajo'viyaĝac let'adaic. Qalaĝaja uo'oe gaa'me jo'ne ja p'iida'a, qama'le yepaquichigui da'me 'yaĝatetedac jonaa'me nedii's jo'ne qoyedidiñe joca'li, eet'oi: “Ga'me qa' jo'ne 'yota'n jogaa'me onataĝanaĝayaqa, Male taue da'me neleguemaĝata ga'me qa' 'me t'añiyapeguet ga'me emec.”

Hebreos 12:16

Ena'te ami quejeguetaĝayaqa, chayovida'a da'me ena'te a'uotañi ga'me jo'ne chiyoqo'ot joñe'me Dios, qa'a naq'aeta da'me ya'uo ca'li ñe'me Esaú, da'me yemen jo'me te'me qoyen mach'e loĝot queda'me nach'eñe ñe'me nec'oĝot jo'ne nipiloĝot, ca'li en tayí da'me ya'uo onolec niqui'yaĝac.

Gálatas 5:21

Yataqachiñe p'aguenataĝanaĝayaqa jogaa'me, chayovida'a yala't gaa'me laqaya'; yacota ga'me lataĝa qama'le taĝayaqa, nale yovita ga'me nolo' da'me yauote ga'me netonaĝa'j qama'le yacota ga'me laláĝa'j na'le deualaĝai'tape, nataq'aen qayoĝode' gaa'me ja 'noe'n yauo'oe. Ami jaqatalo, naq'aeta ga'me joote ami janema ca'li, da'me gaa'me jo'ne naq'aeta ga'me yauote qama'le ja yaqanate't ta'le tadoue da'me lejaliaĝa ñe'me Dios.

Gálatas 5:18

Qalaĝaja qom auauoyi ga'me yepaquetapega ñe'me Dios Lepaqal, male ja naqaegaua gaa'me namaĝajoĝonaĝaco auajoitalo'te.

1 Timoteo 4:7

Ena'te aua'uo 'laqataqa jogaa'me ch'e nojaĝaco jo'ne ja 'noe'n uotaĝa ch'e jenaĝac ja no'en, mac da'me auen da'me nichoĝodenataĝanaĝac chayovida'a aua'uo joga'me Dios yiyamaĝaden.

1 Timoteo 6:20

Am yaqaya Timoteo, yataqata adetela da'me dojo' am qoyanem jo'ne am qo'yamaqatenec. Ena'te anaquiaĝanalo jogaa'me jiyaĝa'u jo'ne ja 'noe'n gaa'me 'laqataqa, jo'ne ye'uetedac joñe'me Dios nataq'aen yataqata ochichiguilo. Nach'egaua eetapela'ajalo yatenaĝanaĝayaqa, qalaĝaja ja naq'aeta.

2 Timoteo 2:16

Ena'te aualequete'n jogaa'me jo'ne ja 'noe'n gaa'me 'laqataqa nataq'aen ochichiguilo, qa'a naa'me naajo' 'naqataqa qaya'te chiyaqayi, mac joda'me tadoue ga'me ja no'en 'lonataĝanaĝa'j,

2 Timoteo 3:2

qa'a male uo'oe qomle gaa'me jiyaĝa'u jo'ne ch'e noqopitela'ajalo, quetedapegue' loqopich'i jaga'me laicaua, 'yoĝodenaĝayaqa, otanaĝanaĝayaqa, nataq'aen 'uenaĝanaĝayaqa. Male ja naquiaĝanalo jogaa'me let'al, yataqata chiyoĝo's, nataq'aen male jetaque yapalaĝa't da'me qadepe'e.

Tito 1:6

'Noota qom qaya'te lejamaĝataĝac ga'me 'yaĝaicachigui, 'noota qom onole jaga'me loua, nataq'aen joĝodayaqa gaa'me c'oqo'tolqa, ja qoyec'ateneque ta'le ja 'noe'n da'me 'loyaĝa'j uotaĝa ta'le ja yoqocha'alo jogaa'me let'al.

Tito 1:10

Qa'a qayoĝode' gaa'me uo'oe nayi jo'ne otanaĝanaĝaiquipi, 'me dapaĝaguenataĝatedapec ga'me qaya'te chiyaqayi nataq'aen qovinaĝanaĝaiquipi, choqoda'me mach'egaua p'etaqadayaqa jo'ne judiopi yauote da'me dojo'.

Judas 1:15

qaedi 'uo da'me nemitague'j choqoda'me nec'atenague'j ena'uaque joga'me jiyaĝadipi, qaedi qoyanema da'me ne'uaĝanague'j ena'uaque joga'me etaĝaloĝoiquipi, yajouaĝat yema gaa'me ja 'noe'n jo'ne yauo'oe nale, nataq'aen ena'uaque ga'me loeco lo'olpi jo'ne nenaĝatedegue jogaa'me 'laqataqa jo'ne ja chimadichidiñe q'ae'n nale eetedapega joñe'me Jaliaĝanec.”