1 Timoteo 1:20 - Nuevo Testamento Toba Sombrero Negro

²⁰ Daajo' yajouaĝat jaa'me Himeneo choqoñe'me Alejandro, qama'le naajo' jamaĝalo'te joñe'me payac Satanás, qaedi male yataqata yayate'n queda'me ja 'noota qom ch'e ye'uetedac joñe'me Dios.

Nuevo Testamento Toba Sur

²⁰ Qanachi 'eetec da huaiguilo soua Himeneo nataq'en so Alejandro. Ÿoqo'oyi soomayi sangueta so Satanás, yaqto' sa ishit da nachi 'eetra'ac da quetralec da sa iyacna'pe ñi Dios.

La'aqtaqa Ñim Lo'onatac 'Enauacna 2013

²⁰ Qaq nache 'eetec da huaiguilo soua Himeneo nataqa'en so Alejandro. Ỹoqo'oye soomaye sanegueta so pa'aguenataxanaxaic, yaqto' saishet da nache 'eetra'ac da quetralec da sa iyacna'ape Ñim Lo'onatac 'Enauacna.

1 Timoteo 1:20 Referans Kwoze

2 Timoteo 2:17

nataq'aen da'me lapaĝaguenataĝanaĝa'j ena'am jaga'me 'nautaqate jo'ne yaliquetac na'me qadapat. Qama'le nach'ena jo'ne uetaue joñe'me Himeneo nataq'aen ñe'me Fileto,

1 Corintios 11:32

mate mane'e ñe'me Jaliaĝanec 'uo ga'me qo'mi ye'uaĝaneque, qama'le qo'mi yapaĝague'n, qaedi ja qo'mi 'te qoyapetenegueta ga'me aleua laje'pi qom qoyegue'm joga'me.

2 Ts 3:15

Qalaĝaja ena'te aueñe'tem da'me adauteuai, dite da'me yataqata auapaĝagueñi, aueñe'tem ga'me adaqayaija.

Apocalipsis 3:19

Da'me jayem jachimaĝategue da'me 'loyaĝa'j yema jogaa'me jo'ne joqopitalo, nataq'aen japaĝaguenataĝa'n jogaa'me. Chane'eja 'noota qom yataqata a'nañaĝachi qama'le a'niyelaqaeyot ñe'me Dios.

Hechos 19:33

Qalaĝaja uo'oe gaa'me 'me 'yaĝadetem da'me eeta da'me nemaĝac ñe'me Alejandro, qama'le naqaeñe qoyamaqauo qaedi dajoya'agueta yema ga'me jiyaĝadipi. Qanach'e ñe'me yajeguem na'me louaq da'me qaedi 'nemaĝadiñe q'ae'n ga'me jiyaĝadipi, qama'le jetaque 'yaĝate'tape ga'me judiopi da'me ja lajouaĝaje't da'me dojo'.

Apocalipsis 13:1

Yem qama'le yitaĝa jauana da'me nenoĝojeguem ga'me jiyac polio', chiyaqañgui joga'me noĝop. Uo'oe naa'me laqai'go jo'ne siete choqojaa'me lepeel jo'ne diez, qama'le onolqa'tape naa'me lepeel uo'oe naa'me noqop'al, nach'e ena'am jaa'me laqai'go uo'oe daa'me lenaqa'te jo'ne yejoue'n joñe'me Dios.

2 Timoteo 3:2

qa'a male uo'oe qomle gaa'me jiyaĝa'u jo'ne ch'e noqopitela'ajalo, quetedapegue' loqopich'i jaga'me laicaua, 'yoĝodenaĝayaqa, otanaĝanaĝayaqa, nataq'aen 'uenaĝanaĝayaqa. Male ja naquiaĝanalo jogaa'me let'al, yataqata chiyoĝo's, nataq'aen male jetaque yapalaĝa't da'me qadepe'e.

2 Timoteo 2:14

Nach'e eta't anetouenaĝanaĝaneque jogaa'me adaqaya' jena'me jenjo'; nataq'aen queda'me yataqata am yec'atetac ñe'me Qadet'a, a'uelopeque jogaa'me jiyaĝadipi qaedi qaya'te napetaĝac, qa'a da'me dojo' yataqata qaya'te yelo'teguet, mac joda'me 'naĝa't nale gaa'me maqachaĝa te'me naquiaĝatedapega da'me dojo' 'naqatac.

2 Corintios 10:6

Joote ñiyamaĝataqata't qaedi jauoqo ne'uaĝanague'j yemeda gaa'me jo'ne ja yoqochideta ñe'me Cristo, ami chiyoqotelo'te chayovida'a ga'me nolo' qom male auoqochiya joñe'me.

Hechos 13:45

Qalaĝaja joga'me judiopi, ca'li yauata ga'me jiyaĝadipi, qama'le yataqachiñe nejaĝayelo da'me lep'aguenataĝanaĝa'j. Chane'eja paja'a en ja 'noe'n q'ae'n gaa'me 'laqataqa da'me yejouetedac ñe'me Pablo.

2 Corintios 13:10

Ja'uo janjo' yediije jo'ne ami jedenaqatenalo qa'a yauaqa'a da'me ami jec'atalo, qaedi qom ami jec'atalo ja ami 'te jauaĝalo'te ena'am da'me ami ñejaliaĝatelo'te. Ñe'me Jaliaĝanec jayem yanem da'me qaedi ami ñaqaloĝotetedajeguem, ja naqaeda ta'le jetaque ami ñejoyidiñe.

Mateo 18:17

Qom nach'edi ja naquiaĝanalo gaa'me, qama'le a'uaqataĝanema joga'me nepi'iyaĝa'upi; qama'le qom nach'edi ja naquiaĝanalo joga'me nepi'iyaĝa'upi, chane'eja aualoqochichigui ga'me jo'ne ja p'iida'a ñe'me Dios uotaĝa ga'me lo'o da'me nejetenaguec di'me Roma.

1 Timoteo 5:15

Qa'a jouaĝat da'me joote uo'oe jogaa'me p'ail jo'ne joote queda'e da'me lepe'e', male quetegue ñe'me Satanás.

Hebreos 12:5

Nataq'aen joote auapalaĝache'ta da'me jo'ne ami yapaĝagueneque joñe'me Dios, da'me yataqachiñe ami lec'oqo'te, naq'aeta da'me jo'ne qoyediñe ca'li, enaac: “Am yalec, ena'te jetaque ja a'uamaqaten da'me anapaĝaguenataguec, Da'me am yapaĝaguen joñe'me Jaliaĝanec. Ena'te jetaque ch'e anacheta qomle 'uo ga'me am yicochaq.