1 Timoteo 1:12 - Nuevo Testamento Toba Sombrero Negro

¹² Nach'e eta't janem da'me yamaic ñe'me Cristo Jesús mach'e Qadejaliaĝanec jo'ne nach'e eta't ya'uo 'yañaĝac, qa'a jouaĝat queda'me yataqata eja en jayem lamaĝajec, nataq'aen ya'uo di'me en 'yonatac jo'ne onaĝaic,

Nuevo Testamento Toba Sur

¹² Sanot da ñi'achiquiaxac ñi qadataxala' Jesucristo mayi aÿim ÿanem co'olloxochiyi da i'añaxac da souapegue' de'eda, cha'ayi ñimayi saq llalcolec da lpe'e naq'en aÿim, qataq aÿim ipataxalec da l'onataxanaxac.

La'aqtaqa Ñim Lo'onatac 'Enauacna 2013

¹² Sanot da ña'achecỹaxac So Qarataxala' Jesucristo, cha'aye Somaye huo'o da naquitaxac aỹem qataq aỹem ỹami' da ỹa'añaxac da so'onataxanot Somaye.

1 Timoteo 1:12 Referans Kwoze

Filipenses 4:13

Nach'eñe ñe'me Cristo jo'ne ya'uo joga'me 'yañaĝac qaedi male jeloquetape'to naa'me naajo' qat'oyaĝaco da'me jouaqa'ta jena'me aleua.

2 Timoteo 4:17

Qalaĝaja joñe'me Jaliaĝanec yataqata jayem lecochiya nataq'aen da'me ya'uo da'me 'yañaĝac, qama'le yataqata jaqanatet da'me ja'aĝatema naa'me Dios 'laqataĝanaĝaco jogaa'me ja p'iida'a jena'me jenjo' 'noota. Qama'le ñe'me Jaliaĝanec en ñec'alegue male jeca'e ga'me nedegaĝat ñe'me jauaĝaic.

Colosenses 1:25

Dios jayem 'yetec da'me qaedi jayem lecochoqo't ga'me p'etaqadaiquipi, qama'le jayem 'yelopec da'me adiyamaqai'tem, qaedi ja'aĝatetac da'me mach'e 'laqataĝanaĝac.

Filipenses 2:11

qaedi male yema qo'yaĝatetedac queda'me nach'eñe joñe'me Jesucristo naqaeñe jo'ne Qadejaliaĝanec. Qama'le naq'aeta da'me yataqata qo'nonaĝachigui joñe'me Dios mach'e Qadet'a.

2 Corintios 4:1

Qo'che' ja qadoual, qa'a ñe'me Dios jo'ne choĝodenataĝanaĝaic qo'mi 'yelopeque jenjo' 'nonatac.

1 Corintios 7:25

Nayi japaĝague'n jogaa'me jamaĝayaqa: dojo' qaya'te lapaĝaguenataĝanaĝac ñe'me Jaliaĝanec ta'le yeloĝonaĝa'teguet joda'me, qalaĝaja ami janema da'me mach'e yelnataĝac, nach'eda lelnataĝac ga'me jo'ne joote yedalegue da'me Dios lichoĝodenataĝanaĝac, qama'le auaqanachichi da'me a'uamaqachiñe.

Hechos 9:22

Qalaĝaja Saulo netenec da'me lojaĝac, nataq'aen en naqalanapiye'ajalo ga'me judiopi jo'ne neda'ña di'me Damasco, yaloĝotapegalo queda'me Jesús mach'e Dios Liquiyac.

Hechos 9:15

Qalaĝaja ñe'me Jaliaĝanec enaac: “Oc, qa'a nach'eñe ja'atelegue ñe'me jiyaĝaua qaedi jayem 'yaĝate'tapema ena'uaque ga'me jiyaĝadipi jo'ne uetedalegue jena'me aleua, choqoga'me lejaliaĝanaqa nataq'aen nach'e ena'ama ga'me israelpi.

Hechos 16:15

Qonachilaĝan ca'li nataq'aen ena'uaque gaa'me jo'ne mach'e laqaya'. Ca'li yem qama'le qo'mi nachoĝodenoto: —Qom aueñetapega queda'me yataqachiñe jep'iya'a ñe'me Jaliaĝanec, qama'le jayem anec'achiya qaedi oviya'a di'me 'yachaqa'. Qama'le qo'mi paquetapegue'to qaedi jouaqa'tedi.

1 Timoteo 1:11

Nach'ena jenjo' napaĝaguenataĝanaĝac onaĝaic uetaue da'me 'nonaĝac nec'alaĝaiqui jo'ne Dios 'me ja 'nalegue jayem yamaĝalegue.

1 Corintios 15:10

Qalaĝaja nach'eñe ñe'me Dios jo'ne jayem yichoĝoden, ya'uo da'me qaedi nayi male jayem lamaĝajec joñe'me Cristo, nataq'aen da'me lichoĝodenataĝanaĝac ñe'me Dios 'uo da'me jalayaĝac, qa'a yataqachiñe t'adaic da'me 'yonataĝanaĝac, ja jena'ama gaa'me namaĝa's laqaya'. Qalaĝaja ja mach'e 'yonataĝanaĝac, dite da'me jayem 'yonataĝanaĝan da'me lichoĝodenataĝanaĝac ñe'me Dios.

Juan 5:23

qaedi yema jayem qo'nonaĝachigui, da'me nach'e ena'am qo'nonaĝachigui da'me jo'ne yanem joñe'me Taĝadena'. Qa'a joga'me jo'ne ja jayem 'te 'nonaĝachichigui, nach'e ena'am ja 'nonaĝachichigui ñe'me Taĝadena', joñe'me jo'ne nach'eñe 'me jayem namaĝaquena.

1 Corintios 3:5

¿Toqoch'e qo'nonaĝachigui ñe'me Apolo? ¿Toqoch'e jayem qo'nonaĝachigui? Ch'e qo'mi lamaĝa's joñe'me Dios, jo'ne qo'mi auachiyoĝochiyayelo da'me male auep'iiya'a ñe'me Dios. Je'etaq ga'me 'nonatac jo'ne qo'mi yanema ñe'me Jaliaĝanec:

Gálatas 3:26

Ami joote auep'iiya'a ñe'me Jesucristo, qo'che' ena'uaque ami joote ami Dios lec'oqo'tepi,

Gálatas 3:28

Chane'eja male ja p'ajaye da'me ami judiopi uotaĝa ja ami 'te judiopi, qom ami nelataqa uotaĝa uojotedañi, uotaĝa ami le'emdipi uotaĝa ami yauodipi, qa'a ena'uaque ami qoyapetenegueta ñe'me Cristo qama'le ena'uac nalo'ta't.

1 Timoteo 1:1

Mach'e jayem Pablo, jayem Jesucristo lamaĝajec choqoda'me en jayem liquiyac joñe'me Dios qaedi ja'aĝa'tape jodaa'me lamaĝajoĝonaĝaco, jo'ne nach'eñe ca'li 'uaechiñe Qadec'alaĝaiqui choqoñe'me Cristo Jesús jo'ne mach'e naqaeñe jeuataqa'tac.

1 Timoteo 1:2

Yamaic am janem, am Timoteo jo'ne yataqata am yalec queda'me aua'uo da'me yepe'e. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanema da'me anichoĝodenataguec choqoda'me anecochaguec nataq'aen da'me at'emaĝac.

1 Timoteo 6:13

Qama'le da'me lec'atenaĝanaĝac ñe'me Dios jo'ne naqaeñe ya'uo 'loyaĝac yema ga'me uetalegue jena'me aleua, choqoñe'me Jesucristo jo'ne yataqata ja t'oiya'aguet ca'li joñe'me Poncio Pilato da'me 'yaĝatem da'me eja, qama'le nayi am jamaĝalegue

2 Timoteo 2:2

Nataq'aen jenjo' joote jayem auomachitapega ca'li japaĝague'tape gaa'me jiyaĝadipi, qama'le nayi jetaque nach'ena jenjo' auapaĝagueneque gaa'me qadaqaya' jo'ne yataqata auep'etapegalo, qaedi naajo' naqaenaua qomle yapaĝague'n gaa'me laqaya'.

Tito 1:4

Yamaic am janem am Tito, am jo'ne ena'am ta'le yataqachiñe am yalec qa'a qademaye da'me dojo' qadepe'e. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanem da'me anichoĝodenataguec nataq'aen da'me at'emaĝac.

Filemón 1:9

qalaĝaja jetaque ch'e am ñachoĝodenot, qa'a 'uo da'me adoqopich'i. Jayem Pablo, male jayem 'yaĝaicachigui, nataq'aen nayi jayem necoñetaejec da'me yajouaĝat joñe'me Cristo Jesús.

Mateo 20:4

Qama'le dojapegue'to, enaac: «Nach'e ena'am ami auecaechiya di'me yanaĝanaqa' qaedi a'uonataĝañi, qama'le ami jejeteneque ga'me mach'e adajo'vii.» Jogaa'me eque' ca'li.