1 Timoteo 1:11 - Nuevo Testamento Toba Sombrero Negro

¹¹ Nach'ena jenjo' napaĝaguenataĝanaĝac onaĝaic uetaue da'me 'nonaĝac nec'alaĝaiqui jo'ne Dios 'me ja 'nalegue jayem yamaĝalegue.

Nuevo Testamento Toba Sur

¹¹ Qaq de'eda napaxaguenataxanaxac mayi no'oita ÿataqta nateeteguet da n'aqtac mayi chigaqaigui da nca'alaxa mayi ÿapac da lyaquiaxac. Damayi chigoqtot ñi Dios mayi hueto'ot da namaxayic. Qaq damayi aÿim qaipataxalec da sa'axateec.

La'aqtaqa Ñim Lo'onatac 'Enauacna 2013

¹¹ dam ỹo'oxoraq la'aqtaxanaxac Ñim Lo'onatac 'Enauacna, maye aỹem ỹamaxalec da sa'axatec.

1 Timoteo 1:11 Referans Kwoze

Gálatas 2:7

Jogaa'me yayate'n queda'me Pedro qoyanem da'me 'nelopaguec da'me 'yaĝatetac dojo' onaĝaic 'naqataĝanaĝac 'me qoyanema jogaa'me judiopi, nataq'aen jayem qamqa'me jayem qo'yelopec da'me ja'aqataĝanema ena'uaque gaa'me jo'ne ja judiopi.

Tito 1:3

Chane'eja ca'li yovita ga'me nolo' jo'ne tachigui q'aen, Dios yaloĝon da'me 'laqataĝanaĝac jo'ne na'yalo q'ae'n jodaa'me lapaĝaguenataĝanaĝaco gaa'me lamaĝa's, dojo' 'naqataĝanaĝac nach'e ena'am jayem qo'yelopec qaedi ja'aĝatetac; naq'aeta da'me jayem yamaĝalegue ñe'me Dios mach'e Qadec'alaĝaiqui.

1 Timoteo 6:15

Male yovita qomle ga'me nolo' qom ñe'me Dios en di'yoq jena'me jenjo', qa'a naqaeñe onolec Jaliaĝanec jo'ne qaya'te loiquiaqa'; yataqata napacalo'te jogaa'me jaliaĝanaqa jena'me aleua, nataq'aen yataqata nejaliaĝatelo'te jogaa'me.

2 Corintios 4:4

Da'me onaĝaic 'naqataĝanaĝac qo'mi 'yaĝatema da'me 'lonaĝac ñe'me Cristo, nataq'aen Cristo p'ayet da'me qo'mi yaloĝonalo da'me 'lonaĝac joñe'me Dios. Dojo' 'naqataĝanaĝac ena'am jaga'me coyadaĝanaqate da'me laqaselegaĝac; qalaĝaja gaa'me jo'ne ja p'iida'a ja yaqanate't da'me yec'ate'n, qa'a ñe'me Satanás ja yaje'tema.

Romanos 2:16

Ga'me nolo' p'ategue qom Dios ya'uo da'me lec'atenaĝanaĝac da'me nemitaque ga'me lelnataĝacopi 'me ja di'yo't ga'me jiyaĝadipi chiyaqayi q'aen ñe'me Cristo Jesús nach'e naq'aeta da'me onaĝaic 'naqataĝac 'me ja'aĝatetac.

2 Timoteo 2:2

Nataq'aen jenjo' joote jayem auomachitapega ca'li japaĝague'tape gaa'me jiyaĝadipi, qama'le nayi jetaque nach'ena jenjo' auapaĝagueneque gaa'me qadaqaya' jo'ne yataqata auep'etapegalo, qaedi naajo' naqaenaua qomle yapaĝague'n gaa'me laqaya'.

2 Timoteo 1:14

Yataqata adetela jona'me Dios Lepaqal jo'ne qo'mi ue'tajopa, qa'a nach'ena am lecochiya qomle qaedi ja aĝadiñi naa'me naajo' napaĝaguenataĝanaĝaco.

2 Timoteo 1:11

Dios en jayem lamaĝajec nataq'aen en jayem paĝaguenataĝanaĝaic qaedi ja'aĝatetac da'me dojo' 'laqataĝanaĝac jo'ne onaĝaic.

1 Timoteo 6:20

Am yaqaya Timoteo, yataqata adetela da'me dojo' am qoyanem jo'ne am qo'yamaqatenec. Ena'te anaquiaĝanalo jogaa'me jiyaĝa'u jo'ne ja 'noe'n gaa'me 'laqataqa, jo'ne ye'uetedac joñe'me Dios nataq'aen yataqata ochichiguilo. Nach'egaua eetapela'ajalo yatenaĝanaĝayaqa, qalaĝaja ja naq'aeta.

1 Timoteo 2:7

Nach'ena jenjo' qoyen ja'aĝatetac uotaĝa jayem aqataĝanaĝaic naa'me naajo' 'naqataqa, qama'le jayem yamaĝalo joga'me ja judiopi qaedi japaĝaguetapeque gaa'me ejoda jo'ne 'laqataĝanaĝaco joñe'me Jesús. Jenjo' jo'ne ja'aĝatetac yataqata eja, ja joqovinaĝatac.

1 Ts 2:4

Qa'a nach'eñe joñe'me Dios joote qo'mi yiyamaĝade'n nataq'aen qo'mi 'yelopeque qaedi ja'aĝataqatac jena'me jenjo' 'noota ladic qama'le nach'ena jena'me jenjo' jo'ne ja'aĝataqatac. Qalaĝaja ja jenaqatapega ta'le ga'me jiyaĝadipi male yataqata 'yamaqaten ga'me ja'aĝataqatac, dite ta'le yataqata qo'mi yiyamaĝaden joñe'me Dios, qa'a naqaeñe male yec'ate'tape naa'me qadai'li.

Colosenses 1:25

Dios jayem 'yetec da'me qaedi jayem lecochoqo't ga'me p'etaqadaiquipi, qama'le jayem 'yelopec da'me adiyamaqai'tem, qaedi ja'aĝatetac da'me mach'e 'laqataĝanaĝac.

Efesios 3:10

Qama'le nayi male 'uo jena'me jenjo' Dios lec'oqo'tepi jo'ne qoyemata'a't, qama'le chiyaqayi da'me dojo' male qoyayatenaĝanaĝaneque yema gaa'me jaliaĝanaqa jo'ne piyem laje' da'me eeta da'me layatenaĝanaĝac let'adaic joñe'me Dios jo'ne qaya'te nalo'taguet.

Efesios 2:7

Ee'tec jena'me jenjo' qaedi naa'me naajo' noloqo'ote jayatenaq da'me eja 'uo da'me loqopich'i nataq'aen leyalaqataĝanaĝac jo'ne chiyaqayi ñe'me Lec'oĝot Jesucristo, nach'eñe jo'ne qo'mi nec'alaĝatedegue.

Efesios 1:12

Dios yataqata paquetapega da'me qo'mi jo'ne judío laje' yataqata je'uauaqachiñe da'me eja jep'iyaqa joñe'me Cristo, qaedi male yataqata qa'nonaĝachigui da'me lañoqotaĝanaĝac t'adaic ñe'me Qadet'a Dios.

Efesios 1:6

Chane'eja 'noota qom yataqata 'ñonaĝataĝaye joñe'me jouaĝat jena'me jenjo' t'adaic 'lonaĝac, 'me chiyaqayi da'me onaĝaic loqopich'i jo'ne qo'mi yanema. Jayatenaq da'me yataqata eja da'me loqopich'i, qa'a joote qo'mi yanema joga'me qadec'alaĝac chiyaqayi joñe'me onolec lec'oĝot ca'li namaĝaquena.

2 Corintios 4:6

Ca'li Dios ye'et jena'me aleua, enaac: “'Noota qom 'uo da'me laqaselegaĝac ga'me yoqochiñe jo'ne nayi 'uo ga'me 'lalaĝa.” Qama'le ca'li qo'mi yaje'tema da'me jayatenaq da'me onaĝaic 'naqataĝanaĝac, nach'e ena'am yecoyadelegue da'me qadetadenataĝanaĝac, qaedi male jatetonaq da'me 'lonaĝac ñe'me Dios 'me chiyoqotelegue na'me latajoĝoc ñe'me Cristo.

1 Corintios 9:17

Qom da'me dojo' je'et chiyaqayi da'me mach'e yelnataĝac, chane'eja 'uo ga'me ñejetenaguec; qalaĝaja eja queda'me ja naq'aeta da'me yelnataĝac joca'li, qama'le je'et qa'a Dios jayem 'yelopec.

Lucas 2:14

“¡Qo'nonaĝachigui joñe'me Dios jo'ne na'ague di'me p'ajeguem! ¡'Nemaĝac neda'ña jena'me aleua uetouelo joga'me jiyaĝadipi, nach'egaua jo'ne Dios yichoĝode'n!”