1 Pedro 5:5 - Nuevo Testamento Toba Sombrero Negro

⁵ Nach'e ena'am da'me ami joĝodipi, 'noota qom a'nonaĝachiguilo jogaa'me 'yaĝaicachidi jo'ne 'uo da'me lejaliaqa'. Nach'e ena'ama ena'uaque da'me ami, a'nonaĝachiguilo onolqa'tape gaa'me adaqayadi' qama'le ena'te ami 'yoĝodenaĝayaqa, qa'a naa'me nedii's jo'ne joote qoyedidiñe joca'li eet'oi: “Joñe'me Dios en lauteua jogaa'me 'yoĝodenaĝayaqa, Qalaĝaja jogaa'me choĝodache lecochaĝanegueta da'me lichoĝodenataĝanaĝac.”

Nuevo Testamento Toba Sur

⁵ Qaq nachi 'en'am nataq'en qami' nsoxotpi ÿataqta qaualaqaiguet qome ca 'enapec na ÿi'axaiquipi. Qataq 'enauac na shiÿaxauapi iuen da ñi 'oonolec ÿataqta nañanguet da ÿalaxaguet ca lÿa qataq sa n'amaqten. Cha'ayi naua ñiyigui'shi n'aqtaqa 'eeta': Ñi Dios nachaata'aguet ca n'amqajnaxaic, qalaxayi nqouaguec da itauan ca sa n'amaqten.

La'aqtaqa Ñim Lo'onatac 'Enauacna 2013

⁵ Qaq nache 'ena'am nataqa'en qami' nsoxoppi, ỹataqta qaualaqaiguet ca la'aqtac na lataxala'pi na ỹa'amaqten So Jesús. Qataq 'enauac da qoñiita saishet da qana'amaqchiñi, cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹataqta dataỹa'aguet na na'amqaanaxaicpi, qalaxaye ỹami' ca ntaunaguec nam saishet da na'amaqten.»

1 Pedro 5:5 Referans Kwoze

Santiago 4:6

Qalaĝaja ñe'me Dios yataqata qo'mi lecochiyalo qa'a 'uo da'me lichoĝodenataĝanaĝac jo'ne let'adaic, qama'le naa'me nedii's eet'oi: “Dios ja 'yamaqate'n jogaa'me 'yoĝodenaĝayaqa, qalaĝaja yanema da'me lichoĝodenataĝanaĝac jogaa'me jo'ne joĝodayaqa naa'me lai'li.”

Efesios 5:21

Nataq'aen anecochiyapega't nale onolqa'tape da'me ami, yajouaĝat da'me yataqata a'nonaĝachiyegui joñe'me Cristo.

Romanos 12:10

Ena'am da'me mach'e adanogaĝa'u gaa'me adaqayadi' da'me yataqachiñe adoqopichiyalo, 'uo da'me auepaquitapegalo nale nataq'aen nach'e eta't auaquiya ga'me adaqaya.

Filipenses 2:3

Ena'te ani'yoĝodeñila't uotaĝa ch'e aueloiquiitapega't, dite da'me onolqa'tape da'me ami 'noota qom joĝodaic na'me lauel, qaedi nach'e eta't eetapegalo gaa'me laqaya' ta'le yataqata p'ajodaye.

Colosenses 3:12

Dios ami noqopitalo, nataq'aen ami yatetelo'te qaedi ovitauelo joga'me c'oqo'tepi joñe'me. Chane'eja anaviquila't da'me qaedi ami choĝodenataĝanaĝayaqa, nataq'aen ami qopitaĝanaqataqayaqa nataq'aen ami pogaĝadenaĝayaqa. Ena'te ami 'yoĝodenaĝayaqa, uotaĝa ta'le ami co'yaqayaqa.

Romanos 13:14

Ena'te jelaqaque joga'me neloiquiaĝac, dite da'me janaĝaiñe da'me Jaliaĝanec Jesús nataq'aen ena'te ñetaqaque gaa'me aleua lamaico.

1 Pedro 4:5

Qalaĝaja gaa'me male taida'a da'me 'yaĝadetem yema joga'me 'yetetedac joñe'me Jesucristo, nach'eñe jo'ne joote niyamaĝateta't qaedi naloqote'n joga'me jiyaĝadipi jo'ne nec'aletedaye choqodia'me joote yele'u.

Hebreos 13:17

Ñaa'me adajoĝola'chidi', 'noota qom auoqochiiyalo, nataq'aen da'me aueñi eja ga'me ami yapaĝagueneque, qa'a nach'eñaua jo'ne ja 'nomatedegue da'me ami netelalo, queda'me yayate'n da'me Dios naloqoten qomle da'me mach'e 'lonataĝanaĝa'j. Chane'eja anapogoĝoiñitapec da'me 'uo da'me lamai'j joñaa'me nale yauote da'me dojo', ena'te aueñi co'yaq da'me 'lonata'j, qa'a ta'le naq'aeta qama'le qaya'te 'uo da'me anaviquila't.

1 Pedro 4:1

Chane'eja joñe'me Cristo 'uo ca'li da'me lachoĝodec qoyen da'me nejiyaĝauayaĝac, qama'le da'me ami 'noota qom nach'e ena'am oqui'tegue da'me jo'ne ami qoyamaĝalo'te. Qa'a joga'me jo'ne neualaĝae'ye' da'me qoyen lachoĝodec da'me nejiyaĝauayaĝac, nach'ega male ja en 'te lajo'vi naa'me loeco,

Lucas 22:26

Qalaĝaja queda'me mach'e ami, 'noota qom ja naq'aeta, dite da'me joñe'me jo'ne jetaque napacalo'te gaa'me laqaya'olqa 'noota da'me yaconeguet da'me ena'am ta'le 'naja, nataq'aen ñe'me jo'ne jetaque damaĝajoĝonac 'noota da'me naje'teguet da'me ena'am ta'le ch'e nalemaĝajet.

1 Timoteo 5:1

Ena'te anetenec da'me at'aqatac nale auojapegue' ga'me 'yaĝaicachigui, mac da'me 'noota ta'le alecochiya, uotaĝa aualoĝona da'me 'noota, ena'am ta'le adet'a; qama'le jogaa'me joĝodipi, 'noota ta'le aue'n adaqaya'.

1 Pedro 3:8

Chane'eja, 'noota qom aueñi onolec da'me adelnataĝaqui, choqoda'me joĝodayaqa naa'me adai'lidi', nataq'aen da'me ami qopitaĝanaqataqayaqa, choqoda'me ami choĝodenataĝanaĝayaqa, nataq'aen da'me ja ami 'te 'yoĝodenaĝayaqa.