1 Pedro 5:3 - Nuevo Testamento Toba Sombrero Negro

³ Ena'te aueñe'tem ta'le yataqachiñe auoqochiyaja'am jogaa'me jo'ne ch'e adouataldi', dite da'me auepaquitapega da'me naqa'ami jo'ne laloqotenaĝanaĝaiqui jogaa'me,

Nuevo Testamento Toba Sur

³ Qataq sa ishit da qami' maxasoxonaxaiqa da qami' qauamaqaitac nam qami' qaipataxalguete 'amqajnataxanaxaicpi. Chaqdato' da qami' laloqnaxanqa'te namayipi,

La'aqtaqa Ñim Lo'onatac 'Enauacna 2013

³ Saishet da 'eeta'am qanqa'eñi da qami' na'aco'ye nam qami' ipataxagueta Ñim Lo'onatac 'Enauacna da qauloỹeegue; nachaqrato' da qanpogoxoiñiỹapegue' da qami' laloqnaxanaqa'ate namayepi.

1 Pedro 5:3 Referans Kwoze

2 Ts 3:9

Te'me 'uo da'me ladic da'me ami jajelaĝanoqoto gamachaqaega qaedi qo'mi alecochiiyalo, qalaĝaja ja jauoqo jena'me jenjo' dite da'me jenaqatapega 'noota da'me jo'onataĝanaĝatac. Qa'a jetaque jaloĝonaq da'me qat'onatac, qaedi qo'mi auadenaĝachi' jo' qomle.

Filipenses 3:17

Ami yaqaya'olqa, 'noota qom jayem auadenaĝachi, nataq'aen aueloyegueta jogaa'me jo'ne queteda'ague da'me 'noota ladic 'me joote ami japaĝaguenaĝaque.

2 Corintios 1:24

Ja naqaeda ta'le ena'am da'me qadoĝot ga'me adepi'i; da'me jo'ne jepagaqatapega nach'eda ami yecochaĝalo qaedi 'uo da'me ami uetauelo da'me adamaiqui, qa'a ami joote adaloyeguet da'me adepi'i.

Tito 2:7

nataq'aen nach'e eta't aua'uo da'me 'noota qaedi am yadenaĝa't jogaa'me. 'Noota qom qaya'te lale'gue da'me adapaĝaguenataĝanaĝac, nataq'aen yachimaqachiñe,

1 Timoteo 4:12

At'oiya'aguet qom uo'oe gaa'me ja am 'te 'yamaqate'n queda'me am yaloĝo'n da'me am nejoqolec, mac da'me auaconeguet da'me onaĝaic anejiyaĝauayaĝac, qaedi yataqata am yelodelegue gaa'me Dios lec'oqo'te, qa'a jouaĝat da'me onaĝaic adojaĝac choqoda'me at'oyaĝac, chayovida'a da'me adoqopich'i, da'me t'adaic adepe'e, nataq'aen da'me yataqata am yauata da'me am jiyaĝaua jo'ne yataqata qaya'te auepita'a jena'me aleua.

Hechos 20:28

Chane'eja 'noota qom a'vicheta't adechiliyalo ena'uaque ga'me p'etaqadaiquipi, nach'eda jo'ne Dios Lepaqal ami e'n 'naĝanaĝate neuatoqo'tpi qaedi adechiliyalo ena'uaque ga'me Dios lec'oqo'tepi jo'ne nach'eñe en lajo'vi jaga'me letauo' ñe'me mach'e lec'oĝot da'me ecot.

Filipenses 4:9

Yataqata a'vichi yema jo'ne joote ami japaĝagueneque quelqaya. 'Noota qom auacoñiyeguet yema da'me jo'ne ñenaĝategue nale ami jojetapegue'to, nataq'aen jayem auadenaĝachi da'me jauotac nale. Qom naq'aeta da'me auauoyi, qama'le joñe'me Dios jo'ne ami yanema da'me at'emaĝaqui, nach'eñe ami uetauelo yemeda naa'me noloqo'ote.

2 Corintios 4:5

Nale japaĝaguenataĝanaq ja mach'e qo'mi ñapaĝaguenaqatapela't. Ja naq'aeta, dite da'me ja'aĝataqatac queda'me Jesucristo mach'e Qadejaliaĝanec, nataq'aen naqaqo'mi ami ñechataqata'ñijopa da'me ami yecochaĝalo, qa'a qolaĝague joñe'me Jesucristo.

1 Corintios 11:11

Qalaĝaja, nayi da'me male joqotaqa'taguet ñe'me Jaliaĝanec, gaa'me yauo' male yataqachiñe yema'agueta gaa'me jiyaĝa'u nataq'aen gaa'me jiyaĝa'u male yataqachiñe yema'agueta gaa'me yauo',

1 Pedro 2:9

Qalaĝaja ami yataqata ami liquiyaqa ñe'me Dios, nataq'aen ami qoye'n letaĝayaĝanaĝanaqa joga'me jiyaĝadipi da'me auajoyi'tot ñe'me nejaliaĝanec, nataq'aen da'me ami noic let'adaic jo'ne ja 'nalegue, ami jo'ne onolec noic jo'ne loĝot joñe'me Dios. Qama'le naq'aeta da'me jo'ne ya'uo joñe'me qaedi a'uaĝache'tape naa'me 'lonataqa jo'ne onaĝayaqa, ñe'me jo'ne ami yachiyoĝotauelo ga'me 'lalaĝa qaedi male ayoue da'me onaĝaic yoqochiñe jo'ne chiyoqo'ot joñe'me.

1 Corintios 3:9

Qa'a jayem nataq'aen Apolo qo'mi necochaĝa'u da'me 'lonataĝanaĝac ñe'me Dios, qama'le da'me ami aueñiya'am ga'me lanaĝanaqa' ñe'me Dios, nach'e ena'am aueñiya'am ga'me emec 'me 'noĝojeguem ñe'me Dios.

1 Corintios 3:5

¿Toqoch'e qo'nonaĝachigui ñe'me Apolo? ¿Toqoch'e jayem qo'nonaĝachigui? Ch'e qo'mi lamaĝa's joñe'me Dios, jo'ne qo'mi auachiyoĝochiyayelo da'me male auep'iiya'a ñe'me Dios. Je'etaq ga'me 'nonatac jo'ne qo'mi yanema ñe'me Jaliaĝanec:

Juan 13:15

Da'me jayem joote ami jaloĝonalo dojo' qaedi nach'e ena'am auauoyi joga'me ami je'eteque.

1 Ts 1:7

Qama'le naq'aeta da'me ami yelolo'te ca'li yema joga'me p'etaqadaiquipi 'me 'lachaqa't di'me aleua jo'ne Macedonia, chayovida'a jena'me jenjo' Acaya.