1 Pedro 5:12 - Nuevo Testamento Toba Sombrero Negro

¹² Joñe'me Silvano mach'e yaqaya jo'ne yataqatelegue, nach'eñe joñe'me jo'ne jayem lecochiya qaedi jediñe jenjo' yediijec. Qama'le nayi ami jamaĝalo jenjo' jo'ne jaqaloq qaedi ami jaqatalo nataq'aen qaedi ami japaĝagueneque da'me yataqachiñe eja jo'ne lichoĝodenataĝanaĝac joñe'me Dios, nach'eda jo'ne joote auacoñiyeguet qaedi oqui'tegue.

Nuevo Testamento Toba Sur

¹² Qaq ana ÿide mayi shiyiñi da qami' samaxalo, chigoqchigui da ÿiyiñi ñaq'en ñi Silvano ñim ÿaqaÿa mayi ÿataqta ipe'et. Da qami' saqatalo qataq da ÿoqta 'eesa ñaq'en da qanchoxonnataguiiqui mayi qauacoñiiguet, qaq damayi nachida da ÿoqta 'eesa naq'en da lauotaxanaqtaic ñi Dios. Qaq damayi ÿataqta qoquiitelec qome.

La'aqtaqa Ñim Lo'onatac 'Enauacna 2013

¹² Ñi Silvano maye aỹem itauaatac da ỹiyiñi ana'ana saq aloc ỹere. Ñimaye samata'ac da ỹataqta sa naralaxat da lataxac da quetague' So Cristo, qataq taiguet da qaipi'iỹa'a. Qami' samaxalo ana ỹere da qami' seqatalo qataq ỹataqta 'eesa da 'enauac nam 'onaxaic maye qami' ỹanema Ñim Lo'onatac 'Enauacna ỹachaxan Ñimaye da ỹataqta lta'araic da lauoche da qoñiita. ¡Qaq ỹoqo'oye saishet qome da qauqolliguichi da lsoxoyec Ñim Lo'onatac 'Enauacna!

1 Pedro 5:12 Referans Kwoze

Hebreos 13:22

Ami yaqaya'olqa, ami ñachoĝodenoto da'me auacoñiyeguet jenjo' yaqataĝac 'me ami jamaĝalo nayi, qa'a ch'e jaleca da'me jo'ne jediñe.

Hechos 11:23

Ca'li yovita, Bernabé yauana da'me lichoĝodenataĝanaĝac ñe'me Dios jo'ne uetauelo jogaa'me, qama'le jalcote da'me lamaic ñe'me. Noqoteteneque jogaa'me queda'me yataqachiñe yachimaĝachichidiñe naa'me lai'li da'me quetegue ñe'me Jaliaĝanec.

2 Corintios 1:19

Qa'a Jesucristo, Lec'oĝot ñe'me Dios, nach'eñe jo'ne qo'yaĝatetac ca'li Silvano choqoñe'me Timoteo nataq'aen jayem jo'ne ami japaĝaguenaqatapeque, ja naqaeda ta'le “jaja'a” qama'te ua'edi paja'a enaac “aja'y.” Dios yanem ñe'me Cristo da'me nach'e eta't eja jo'ne ja yitaĝa yem,

1 Corintios 15:1

Ami yaqaya'olqa, jetaque ami ñetouenaĝanaĝaneque da'me onaĝaic 'naqatac jo'ne ami jaqataĝana'aque ca'li, da'me jo'ne auacoñiyeguet ca'li, nataq'aen da'me nach'eda chiyaqayi da'me ami chimadichidiñe.

Hechos 20:24

Qalaĝaja jayem qaya'te jen chiyaqayi da'me ta'le jen diyachigui jena'me yeuel qa'a jouaĝat da'me 'yoyaĝac, nach'eda eeta da'me taya'ague da'me yeloiquiaĝac nataq'aen jepaquetelegue da'me 'yonataĝanaĝac jo'ne jayem yanem ñe'me Jaliaĝanec, queda'me qaedi ja'aĝatetac da'me onaĝaic 'naqataĝanaĝac jo'ne 'yaĝat da'me lichoĝodenataĝanaĝac ñe'me Dios.

2 Ts 1:1

Mach'e qo'mi Pablo, Silvano nataq'aen Timoteo, yataqata t'adaic jena'me qadamaic ami jamaĝajaĝalo, ami qadaqaya'olqa p'etaqadayaqa jo'ne Tesalónica laje', naqa'ami jo'ne Dios lec'oqo'tepi nataq'aen da'me ademii'teguet ñe'me Qadejaliaĝanec Jesucristo:

1 Ts 1:1

Mach'e qo'mi, jayem Pablo, choqoñe'me Silvano, chayovida'a ñe'me Timoteo, qadamaic ami janemaĝama, da'me ami p'etaqadaiquipi jo'ne at'achaqadi' di'me noic Tesalónica, jo'ne yataqata ademii'teguet ñe'me Dios Qadet'a choqoñe'me Qadejaliaĝanec Jesucristo. 'Noota qom Dios ami yanema da'me anichoĝodenataguequi nataq'aen da'me at'emaĝaqui.

Judas 1:3

Ami yaqaya'olqa, jayem jalcote da'me yamaic ta'le jediñe joda'me lajoĝoc da'me qat'oyaĝac 'me dalaĝaic jo'ne joote ena'uaque qo'mi uetauelo. Qalaĝaja nayi male jela'a da'me qoyouetaque da'me ami jamaĝalo da'me dojo' qaedi ami ñachoĝodenouelo da'me aueloquiaĝanaĝañi da'me adepi'i, da'me jo'ne qoye'uauaĝanouelo joca'li ga'me lec'oqo'tepi joñe'me Dios.

3 Juan 1:12

Qama'le ena'uaque dechoqotaĝatec ñe'me Demetrio jalcote 'noota ga'me 'naqataguec, nataq'aen da'me eja qo'mi yayatenaĝaneque queda'me yataqachiñe 'noota ñe'me. Choqoda'me qo'mi nach'e ena'am 'noota ga'me qat'aqatac jo'ne jotauanaq joñe'me, qama'le auayaten queda'me ja'aĝataqatac da'me jo'ne chimaqachiñe.

2 Pedro 2:15

'Uo da'me lejomaĝa'j queda'me yaĝadegue ga'me naq'aec jo'ne chimaqategue. Qama'le quetegue da'me lapaĝaguenataĝanaĝac jodi'me 'naqataĝanaĝanec jo'ne Balaam, c'oĝot di'me Bosor, jo'ne ya'uo joca'li da'me ja no'en yajouaĝat da'me jetaque yauana jaga'me lomataĝanaqate jo'ne laicaua.

2 Pedro 1:12

Chane'eja nach'e eta't da'me ja jaĝañi da'me ami ñetouenaĝanaĝaneque yema da'me dojo', queda'me joote yataqachiñe auayachiñe nataq'aen da'me nach'e eta't da'me oquitalegue da'me eja jo'ne joote ami qoyapaĝagueneque.

Colosenses 4:9

Na'me nach'e ena'am lequiaĝaua ñe'me Onésimo, mach'e jauotec nataq'aen qadaqaya jo'ne 'uañaĝaic, jo'ne ami chiyaqauelo ca'li. Jogaa'me ami 'yaĝatema qomle yema ga'me jo'ne 'uo jena'me jenjo'.

Colosenses 4:7

Ñe'me qadaqayolec Tíquico, yecochaĝaua jo'ne 'uañaĝaic nataq'aen nalo'taguet da'me t'onataĝaneuo'o ñe'me Jaliaĝanec, nach'eñe ami 'yaĝatema qomle ena'uaque daa'me yep'iquenataĝanaĝaco.

Colosenses 1:7

Dojo' ami yapaĝagueneque ca'li ñe'me qadaqaya Epafras, nach'eñe jo'ne qat'onataĝanaĝaua nataq'aen Cristo nejoĝonec jo'ne yataqatelegue, nach'eñe jo'ne adiyamaqai'tem.

Efesios 6:21

Nayi ami jamaĝalo na'me Tíquico, jenjo' qadaqaya jo'ne onaĝaicaloec, mach'e Qadejaliaĝanec lalemaĝajet jo'ne yataqatelegue. Jenjo' jo'ne ami yec'atalo male ami 'yaĝatema jo' qomle yema ga'me 'uo, joga'me eeta da'me ñejiyaĝauayaĝac nataq'aen joga'me je'etetac nayi.

Efesios 3:3

Dios male jayem yaloĝona jena'me jenjo' lelnataĝac jo'ne te'me qoyoĝochiñe ca'li, nach'ena jo'ne male jedetapiñe nayi.

2 Corintios 1:24

Ja naqaeda ta'le ena'am da'me qadoĝot ga'me adepi'i; da'me jo'ne jepagaqatapega nach'eda ami yecochaĝalo qaedi 'uo da'me ami uetauelo da'me adamaiqui, qa'a ami joote adaloyeguet da'me adepi'i.

Romanos 5:2

Chane'eja chiyaqayi da'me qadepe'e, ñe'me Jesucristo qo'mi yanema da'me qadadiiuo qaedi jaqanatetaq da'me jec'ataĝa ñe'me Dios, nach'eñe jo'ne yataqata qo'mi yichoĝode'n, qama'le qo'mi t'añidañe nataq'aen ñi'yoĝodenaqatapela't queda'me 'uo da'me qadeuataqataĝanaĝac da'me jouaqaue qomle da'me 'lañaĝac ñe'me Dios.

Juan 21:21

Mane'e joca'li Pedro yauana, qama'le yenatec joñe'me Jesús: —Jaliaĝanec, qama'le da'me dojo', ¿jach'e jogamaĝa eeta qomle?

Hechos 15:22

Jogaa'me namaĝa's nataq'aen jogaa'me 'yaĝaicachidi, choqoga'me ena'uaque ga'me p'etaqadaiquipi, 'yamaqate'n ta'le uo'oe gaa'me yiyaĝanalo 'me chiyaqauelo jogaa'me qaedi qoyamaĝata di'me Antioquía, qoyapetenouelo ñe'me Pablo nataq'aen Bernabé. Chane'eja qoyiyaĝana ñe'me Judas, jo'ne nach'e ena'am lenaĝat Barsabás, nataq'aen Silas, jiyaĝa'u jo'ne di'yaĝalo jogaa'me qadaqaya'olqa,

1 Pedro 1:13

Chane'eja 'noota qom aneloyitaye nataq'aen aniyamaĝacheta't qaedi auauoyi gaa'me at'onataqadi' jo'ne onaĝayaqa, qama'le auachiyaue yema da'me mach'e adeuataqataĝanaĝaqui da'me lichoĝodenataĝanaĝac joñe'me Dios jo'ne ami qoyanema qom yovita ga'me nolo' p'ategue qom yataqata di'yo'quena joñe'me Jesucristo.

1 Pedro 4:10

Nataq'aen joote auacoñiyegueta gaa'me leyalaqataĝanaĝaco joñe'me Dios, onolqa'tape da'me ami. Chane'eja 'noota qom a'uonataĝañiya qaedi yataqata alecochiiyalo gaa'me adaqayadi', qa'a yataqata auayachiñe da'me aueloyiye jena'me yodapecache jo'ne lichoĝodenataĝanaĝaco joñe'me Dios.