1 Pedro 4:6 - Nuevo Testamento Toba Sombrero Negro

⁶ Qa'a nach'e ena'am qo'yaĝatema ca'li da'me 'naqataĝanaĝac jo'ne onaĝaic dia'me jiyaĝadipi jo'ne joote yele'u joca'li, qaedi da'me 'loyaĝa'j jo'ne ja di'yoq nach'e ena'am yaqanatet da'me nec'aletaye, da'me ena'am da'me mach'e 'loyaĝac joñe'me Dios, mate mane'e joca'li uetedalegue jena'me aleua joote 'uo da'me nec'atenague'j, jo'ne ena'am da'me taida'a yema joga'me jiyaĝadipi.

Nuevo Testamento Toba Sur

⁶ Cha'ayi nam mashi ileu, qalaq ivida'a da qai'aqtaxanem da n'aqtac, yaqto' da nachaalataxac saq cha'a ishit da nca'altauec da 'eeta'am da nachaalataxac ñi Dios. Qaq nai'ctaxa da co'ollaq huetalec ana 'alhua, qaq sogote da qanmit da 'eeta'am 'enauac na shiÿaxauapi.

La'aqtaqa Ñim Lo'onatac 'Enauacna 2013

⁶ Cha'aye nachera da huo'omshe So Cristo ỹa'axat da no'on na'axaỹaxac ivira'a da da'aqtaxanem na mashe ileu: da yaqto' Ñim Lo'onatac 'Enauacna da mashe ime da nmit nam ỹo'ottacpi namayepi co'ollaq ñaq nca'altauec, nache so saqcha'a lca'alaxa somayepi ishet da hueta'aguet Ñim Lo'onatac 'Enauacna.

1 Pedro 4:6 Referans Kwoze

Romanos 8:2

Qa'a da'me 'lañaĝac ñe'me Dios Lepaqal jo'ne yanegue da'me 'noyaĝac 'me chiyaqayi ñe'me Cristo Jesús, jayem chiyoĝotalegue ga'me lamaĝajoĝonaĝac da'me etaĝaloĝoc nataq'aen da'me neleuaĝa jo'ne jayem yecoñedeta't.

1 Pedro 3:19

Qama'le naq'aeta da'me ec ca'li qaedi 'yaĝatema da'me nec'alaĝa jogaa'me nepaqa'li jo'ne necoñetae's,

Gálatas 5:25

Ta'le ñe'me Dios Lepaqal yadalaĝat da'me loec da'me qat'oyaĝac, 'noota qom yema joqochaĝa.

Mateo 24:9

“Chane'eja ami qoyadeuo qomle qaedi ja no'en ga'me ami qo'yeteque; nataq'aen ami qoyala't, nataq'aen yema jena'me aleua ami qoniquiya'alo qomle qa'a jouaĝat da'me jayem oquiyegue.

Gálatas 2:19

Gaa'me namaĝajoĝonaĝaco jayem yachetalegue da'me neleuaĝa, qama'le ena'am ta'le jeleu, qa'a jouaĝat gaa'me namaĝajoĝonaĝaco. Qalaĝaja ¡nayi ñec'aletaye q'aen ñe'me Dios! Yataqachiñe eja da'me ena'am ta'le jayem qoyep'enajeguem, jouetalegue jaga'me sodoso, joueta'ñe' ñe'me Jesucristo,

Apocalipsis 14:18

Qama'le yitaĝa 'uo ga'me piyem le'ec laqaya jo'ne chiyaqaue ga'me c'atoĝonaĝala', nach'ega jo'ne yaqanatet da'me yelolegue ga'me dole', qama'le netenec da'me 'laqatac da'me yiyaĝana ga'me jo'ne yachitac ga'me ledaĝanaĝat jo'ne yaec, eetac: “¡Avichaĝañi na'me adedaĝanaĝat, qama'le auen yichaĝadegue gaa'me lichidiqui jo'ne na'ñalo joga'me uva jala jo'ne uetalegue jena'me aleua, qa'a joote yi jena'me uva jala!”

1 Pedro 1:12

Qalaĝaja ñe'me Dios yayatenaĝanaĝaneque jogaa'me da'me ja naqaegaua ta'le loĝo't joda'me jo'ne 'yaĝatetedac, dite da'me naqa'ami jo'ne ami yapaĝague'n. Chane'eja gaa'me Dios 'laqataĝanaĝanaqa jo'ne joote ami yapaĝagueneque da'me 'laqataĝanaĝac joñe'me Dios, da'me chiyaqayi da'me lañoqotaĝanaĝac joñe'me Dios Lepaqal jo'ne uetayelo, naqaegaua jo'ne ami 'yaĝatema nayi da'me dojo' 'naqataĝanaĝac jo'ne chiyaqayi da'me nec'alaĝa. ¡Nach'eda da'me dojo' jo'ne jetaque yayate'n jogaa'me Dios lamaĝa's jo'ne piyem laje'!

1 Pedro 3:18

Qa'a nach'e ena'am ñe'me Cristo 'uo da'me lachoĝodec ca'li yeleu, yajouaĝa't naa'me adoecodi', onolec da'me naloĝola't qama'le ja yitaĝa ta'le di'yoq. Ñe'me jo'ne qaya'te ta'le laviyaĝajet qalaĝaja nach'e ena'am 'uo da'me lachoĝodec q'aen yajouaĝat da'me ami loeco lo'ol, qaedi ami yauegalo joñe'me Dios. Qama'le ja qalaq da'me male pal da'me ch'e nejiyaĝauayaĝac ca'li yeleu, qalaĝaja yitaĝa 'niyelaĝajeguem queda'me 'uo da'me 'loyaĝac jo'ne ja di'yoq 'me qaya'te loiquiaqa'.