1 Pedro 4:4 - Nuevo Testamento Toba Sombrero Negro

⁴ Qalaĝaja nayi da'me male ja aualequechiñe da'me napacalo'te ja 'noe'n q'ae'n da'me nejiyaĝauayaĝa'j jogaa'me ja p'etaqadayaqa; qo'che' jogaa'me male loualeteguet qama'le ami ye'ue'tape.

Nuevo Testamento Toba Sur

⁴ Qaq namayipi ÿataqta nhualeguet da qami' sa ishit da qaualliquiitau'a nam chochaq tateec qauem mayi i'ottac. Qaq ÿoqo'oyi namayipi sa qami' iyacna'pe da qami' detaxaÿalo.

La'aqtaqa Ñim Lo'onatac 'Enauacna 2013

⁴ Qalaxaye nagui qami' mashe saishet da qaualliquiitaigui namayepi, ỹoqo'oye namayepi saishet da qami' iyacna'ape da qami' detaqtegalo.

1 Pedro 4:4 Referans Kwoze

1 Pedro 3:16

Qalaĝaja 'noota qom aueñe'tem ta'le qaya'te adi'yoĝodiqui nataq'aen da'me ami machidiñe. Nataq'aen da'me aueñi da'me adelnataĝaqui jo'ne 'uo da'me 'nemaĝac, qaedi gaa'me jo'ne ami ye'ue'tape yajouaĝat da'me auep'iiya'a joñe'me Cristo, mach'e nepocoĝolo'te jo' qomle naa'me mach'e 'laqataqa.

1 Pedro 2:12

A'nañaĝachiyec da'me 'noota qom ovitauelo jogaa'me ja p'etaqadayaqa, qaedi jogaa'me, mate mane'e uo'oe gaa'me 'laqataqa nayi da'me e'n ami laute'u, qama'le ena'am ta'le naqa'ami jo'ne te'me ja 'noe'n da'me at'onataqadi', qalaĝaja qom yauata ga'me 'noota jo'ne auauoyi qama'le 'nonaĝachidegue joñe'me Dios qom yovita ga'me nolo' jo'ne p'ategue, qom qonaloqote'n naa'me mach'e 'lonataqa onolqa'tape jena'me jiyaĝadipi.

Hechos 18:6

Qalaĝaja jogaa'me paja'a nalo'ta't da'me qonauteneguet nataq'aen queda'me qoye'uetac; chane'eja Pablo nechiyoĝodiñe ga'me leuo en 'lanec da'me licoqotaĝanaĝac, nataq'aen enaac: —Da'me mach'e ami anajouaĝachiyoue da'me mach'e adejomaĝaqui; ja naqayem ta'le ami jajouaĝa't. Qama'le chiyoqotelegue nayi da'me male jec'atalo ga'me jo'ne ja judiopi.

Judas 1:10

Qalaĝaja jenjo' jiyaĝadipi yataqata ja 'noe'n gaa'me 'laqataqa jo'ne yedaĝatapegalo jogaa'me jo'ne ja yateto'n. Nataq'aen ga'me te'me latetonaĝanaĝa'j ena'am ga'me jiyac jo'ne qaya'te yatetonac, qama'le qom 'uo ga'me yauote, nach'ega jo'ne 'naĝa't jogaa'me.

Hechos 13:45

Qalaĝaja joga'me judiopi, ca'li yauata ga'me jiyaĝadipi, qama'le yataqachiñe nejaĝayelo da'me lep'aguenataĝanaĝa'j. Chane'eja paja'a en ja 'noe'n q'ae'n gaa'me 'laqataqa da'me yejouetedac ñe'me Pablo.

2 Pedro 2:22

Qalaĝaja nach'egaua jogaa'me jo'ne tachiguilo da'me eja jo'ne qo'yaĝatetac: “Ga'me pioq 'viyelaĝa ga'me jo'ne mach'e lolaĝat,” qama'le nach'e ena'am: “Jaga'me cooche qom yemta qoyiyo qama'te yitaĝa necouaye ga'me jenal.”

2 Pedro 2:12

Naajo' jiyaĝa'u jo'ne ena'ama ga'me yejidipi: qaya'te layatenaĝanaĝa'j, ch'e quetedapegue' da'me lec'atenaĝanaĝa'j, qama'le niyidiñe qaedi taida'a da'me qoyaconalo nataq'aen da'me qoyala't, nataq'aen da'me yojoue'n da'me jo'ne ja yayate'n. Qalaĝaja yele'u jo' qomle qama'le qo'eetema gaa'me yejidi da'me qoyala't,

Romanos 13:13

'Noota qom onaĝaic nataq'aen yoqovita ga'me jauoqo queda'me jouaqaue ga'me yoqochiñe, ena'te auec'achiya ga'me neualaĝayaĝac jo'ne ja yataĝalegue, chayovida'a da'me ena'te ami taĝayaqa nataq'aen da'me ja no'en qom 'uo joga'me jetaque yejam, laqaya da'me 'noota ta'le qaya'te qadamanaĝa jo'ne ja no'en.

Lucas 15:13

Ja copa'alo gaa'me noloqo'ote jo'ne yenoĝodegue ñe'me c'oĝot 'me nejoq yemen yema ga'me mach'e qoyen loĝot, qama'le dajoyi ga'me aleua laqaya jo'ne qaya'ague, ua'a da'me ja yoden jaga'me naicaua ja nauecala't da'me nejiyaĝauayaĝac.

Efesios 5:18

Ena'te ami taĝayaqa, qa'a gaa'me jo'ne jalcote da'me niyo'm male ja yayate'n joga'me yauote, dite da'me nach'e eta't anajeñe'teguet joñe'me Dios Lepaqal qaedi ami najaqachiguilo chayovida'a da'me ami yaloĝonalo yema joga'me auauoyi nale.

Mateo 23:25

“¡Degueja da'me adachoĝodequi qomle ami judiopi napaĝaguenoqo'tpi nataq'aen fariseopi! Ami jo'ne ja ami 'te ejoda, jo'ne ch'e aviyoyii ga'me p'aye jaga'me yomaĝaiqui nataq'aen ga'me coqui, qalaĝaja ¡naa'me lai'li najaqachiguilo da'me necachaĝac nataq'aen da'me nepitaqataĝanaĝac!