1 Pedro 4:3 - Nuevo Testamento Toba Sombrero Negro

³ Qayoĝode' jaa'me noloqo'ote da'me nach'e ena'am a'viche'tape jogaa'me uo'oe jo'ne 'lonataqa joga'me jo'ne ja p'etaqadaiquipi, queda'me ovitauelo daa'me namanaĝanaĝaco choqogaa'me namaico jo'ne ja 'noe'n, nataq'aen da'me neualaĝayaĝac choqoda'me 'notaĝa, qaya'te loiquiaqa' da'me yomaĝac, nataq'aen da'me qonetametapecot gaa'me nequi'il 'me ja qoyaje'n.

Nuevo Testamento Toba Sur

³ Cha'ayi mashi 'eeso'oya' da soua hua'a'u vi'iyi da qau'ochiitac nam nqopita nam sa ishit da ÿauatton ñi Dios. Se'esoua vi'iyi qami' qoviitaigui nam namanaxanaqtaiguesat, qauem qoÿiitapegueguesat, ntaxa, qataq nam nqui'axaguesat, qataq ÿomaxac chochaq tateec, qataq qanatamñiitacot na nqolacpi mayi sa qaÿashin.

La'aqtaqa Ñim Lo'onatac 'Enauacna 2013

³ Cha'aye mashe qalote' soua na'axa'te da qauo'ocheetac nam qauem maye ỹo'ottac nam saishet da ỹa'amaqten Ñim Lo'onatac 'Enauacna. Se'esoua na'axa'te qami' qoviitaigui nam ỹotta'a't namanaxanaqtaiguesat, qataq na qauem nqopitaxanaqtaiguesat, qataq qami' taxaiqa, qataq qaualliquiitaua'a na naponaxacpi maye ishet da huaigui da qaỹo'ot ca qauem, qaq dam ỹataqta ỹactec da qauem maye qauo'ocheetac, nachera dam qanatamñeetacot na ne'enaqtacpi maye saq 'en.

1 Pedro 4:3 Referans Kwoze

1 Corintios 6:11

Uo'oe gaa'me naq'aeta ca'li da'me 'loyaĝa'j. Qalaĝaja male ami qonachilaĝa'n; male joote ami qoyiyota'alo qaedi oviyo'ot ñe'me Dios; male ami qoye'n yataqatelo'te q'ae'n; nach'eda lañoqotaĝanaĝac ñe'me Jaliaĝanec Jesucristo nataq'aen Lepaqal 'me ja 'nalegue ñe'me Qanedios jo'ne ami 'yetema da'me dojo'.

Efesios 5:18

Ena'te ami taĝayaqa, qa'a gaa'me jo'ne jalcote da'me niyo'm male ja yayate'n joga'me yauote, dite da'me nach'e eta't anajeñe'teguet joñe'me Dios Lepaqal qaedi ami najaqachiguilo chayovida'a da'me ami yaloĝonalo yema joga'me auauoyi nale.

1 Ts 4:5

'Noota qom ch'e aualajaĝañi jena'me jenjo' jo'ne yataqata ja no'en; ena'te auadenaĝachi' jogaa'me jiyaĝa'u jo'ne yataqata ja yateto'n joñe'me Dios.

1 Pedro 1:14

Ena'am ga'me nec'oĝot jo'ne yoqochiyeguet da'me namaĝajoĝoc, ena'te auauoyapiye jonaa'me adamaicodi' 'me jalchi'ena ami uetauelo joca'li jona'li auatetoñi joñe'me Dios,

Gálatas 5:21

Yataqachiñe p'aguenataĝanaĝayaqa jogaa'me, chayovida'a yala't gaa'me laqaya'; yacota ga'me lataĝa qama'le taĝayaqa, nale yovita ga'me nolo' da'me yauote ga'me netonaĝa'j qama'le yacota ga'me laláĝa'j na'le deualaĝai'tape, nataq'aen qayoĝode' gaa'me ja 'noe'n yauo'oe. Ami jaqatalo, naq'aeta ga'me joote ami janema ca'li, da'me gaa'me jo'ne naq'aeta ga'me yauote qama'le ja yaqanate't ta'le tadoue da'me lejaliaĝa ñe'me Dios.

Gálatas 5:19

Qaya'te laqalaic nale qoyec'ate'n gaa'me quetapegue'to daa'me lapa'che lamaico; ja yataĝalegue da'me 'lonáĝac, 'uo ga'me lequejeguetaĝa, nataq'aen yauapiye gaa'me paĝachiguilo ja 'noe'n namanaĝanaĝaco.

Judas 1:4

Qa'a uo'oe gaa'me jo'ne ch'e ami yeuomaĝanouelo joda'me loqovinaĝanaĝaco qaedi ami tauelo. Nach'egaua jo'ne joote uaqatetelo'te daa'me nedii's jo'ne Dios 'laqataqa joca'li, queda'me joote qoyeloĝonaĝateda'a da'me Dios le'uaĝanaĝanaĝac, nach'egaua ga'me jiyaĝadipi jo'ne yataqachiñe etaĝaloĝoiquipi. Nataq'aen ch'e yacoteguet da'me lichoĝodenataĝanaĝac joñe'me Dios qama'le ena'am ta'le ch'e yayaquiaĝa'n qaedi 'yete'tape naa'me mach'e loeco jo'ne lequejeguetaĝa. Nataq'aen nematedapec joñe'me Qadadipa mach'e Qadejaliaĝanec Jesucristo.

Hechos 17:30

Qalaĝaja Dios ja yeloyelo gaa'me noloqo'ote ca'li cha'li qaya'te letadenataĝanaĝa'j ga'me jiyaĝadipi, qalaĝaja nayi yamaĝalo'te ena'uaque ga'me jiyaĝadipi qaedi 'niyelaĝadetot joñe'me ena'uaque gaa'me ale'u lael.

Tito 3:3

Qa'a joca'li nach'e ena'am qo'mi chiyoĝo's nataq'aen qoleguetaĝanaĝaiquipi; qadejometac ca'li nataq'aen qo'mi lecoñetae's yema gaa'me yodapecache 'me lamaico jena'me aleua. Jouaqatauelo ca'li gaa'me ja 'noe'n nataq'aen nep'aguenataĝanaĝaco, qo'mi qoniquiyatapegalo nataq'aen qo'mi quiyaĝanataqaiquipi.

2 Corintios 12:21

Nach'e ena'am jo'oyapega nale jenate'ta, qom ami jejapichiyalo, ñe'me Ñedios janomeguet q'aen da'me yepocoĝo jouaĝat ami jo'ne chayovida'a ñoyen, qa'a jouaĝat gaa'me qayoĝode' ami jo'ne ja yaĝadiñi gaa'me loeco jo'ne 'ye'tape nataq'aen da'me yauote ga'me ja no'en choqoda'me quetedalegue da'me nequejeguetaĝa nataq'aen gaa'me namanaĝanaĝaco 'me napaĝaguenalo.

1 Corintios 12:2

Auayachiñe queda'me ca'li maliaĝa ja auep'iiya'a ñe'me Cristo, 'uo ga'me nañoqotaĝanaĝac jo'ne nach'ega ami yauequeteda'ague da'me qaedi auep'iiya'alo jogaa'me jo'ne ch'e nequi'il 'me qaya'te 'loyaĝa'j.

Romanos 13:13

'Noota qom onaĝaic nataq'aen yoqovita ga'me jauoqo queda'me jouaqaue ga'me yoqochiñe, ena'te auec'achiya ga'me neualaĝayaĝac jo'ne ja yataĝalegue, chayovida'a da'me ena'te ami taĝayaqa nataq'aen da'me ja no'en qom 'uo joga'me jetaque yejam, laqaya da'me 'noota ta'le qaya'te qadamanaĝa jo'ne ja no'en.

Marcos 7:22

da'me ja yataĝalegue da'me louayaĝac, daa'me lepitaqataĝanaĝaco, daa'me 'lonataqa jo'ne ja 'noe'n, daa'me loqovinaĝanaĝaco, daa'me lamanaĝanaĝaco, daa'me lep'aguenataĝanaĝaco, daa'me lenaĝanataĝanaĝaco, da'me ni'yoĝodenaĝac nataq'aen da'me nechiyoĝojoĝoc.