1 Pedro 4:2 - Nuevo Testamento Toba Sombrero Negro

² qaedi male ja que'teguelo naa'me ch'e lamaico da'me nejiyaĝauayaĝac. Nach'edata da'me male yauotac da'me jo'ne chiyaqayi da'me loequenataĝanaĝac joñe'me Dios, nayi yemeda naa'me noloqo'ote.

Nuevo Testamento Toba Sur

² da yaqto' cam taÿa'ague da qanachaalataxaqui, qanachaachiitaigui cam 'eetapeguec ñi Dios, nachi sa ishit da qau'ochi ca 'eetapeguec da qadapachiyaxaqui.

La'aqtaqa Ñim Lo'onatac 'Enauacna 2013

² Qaq damaye ỹachaxan da qaỹa'axañiiuec da qoquiitegueto naua qauema qarqopitaxanaqtaicolli', huaña nache dam ñaq huo'o qanachaalataxaqui qoquiilec da qauo'oche dam ỹataqta 'eetapeguec Ñim Lo'onatac 'Enauacna.

1 Pedro 4:2 Referans Kwoze

1 Pedro 1:14

Ena'am ga'me nec'oĝot jo'ne yoqochiyeguet da'me namaĝajoĝoc, ena'te auauoyapiye jonaa'me adamaicodi' 'me jalchi'ena ami uetauelo joca'li jona'li auatetoñi joñe'me Dios,

Efesios 6:6

Qama'le nach'ena jena'me jenjo' nach'e eta't auauoyi, ja nach'edata da'me auauoyi nale ami yec'ate'tape jogaa'me adejaliaĝanaqadi'. Da'me ami nach'e ena'am ami lalemaĝaje'te joñe'me Cristo, qama'le 'noota qom yataqata a'nañaĝachi da'me auauoyi ga'me loequenataĝanaĝac joñe'me Dios.

Romanos 6:11

Nach'e naq'aeta ami, oquiya'ae naa'me adoecodi', qama'le aueñe'tem ta'le joote adelevi, qalaĝaja oviyaue da'me lec'alaqataĝanaĝac ñe'me Dios queda'me ademii'teguet ñe'me Cristo Jesús.

2 Corintios 5:15

Chane'eja qom Cristo yeleu queda'me qo'mi nep'aĝanegueta, qama'le 'noota qom da'me qat'oyaĝac ja yitaĝa ena'am ta'le mach'ega nec'aletaye, dite ñe'me Cristo, jo'ne yeleu ca'li nataq'aen 'niyelaĝajeguem qaedi qo'mi yanema da'me qat'oyaĝac jo'ne dalaĝaic.

Efesios 2:3

Nach'e ena'am da'me qo'mi: ca'li yataqata naq'aeta da'me mach'e qanejiyaĝauayaĝac, jauoqo joga'me ch'e qadelnataĝac uotaĝa qadamanaĝanaĝac jo'ne yataqata ja no'en, qama'le yataqata jouaqatoue joga'me lalemataic ñe'me Dios, jenaqa'ama gaa'me jiyaĝa'u laqaya' jo'ne ja 'noe'n.

Romanos 6:2

¡Qa'ejo' ja naq'aeta! Qo'mi joote qadeleu da'me jachiyajaqauelo naa'me qadoeco; qama'le ¿toqoch'e maliaĝa qolaqatalo'te gaa'me qadoeco?

Efesios 4:17

Da'me jayem lamaĝajec ñe'me Qadejaliaĝanec, qama'le nayi jenjo' ami ja'aĝatema: ami jachitatatapegalo ta'le ja auadenaĝachi gaa'me jo'ne ja p'iida'a joñe'me Dios, jo'ne que'teguelo gaa'me ch'e lelnataĝaco jo'ne ja 'noe'n.

Romanos 14:7

Joda'me qat'oyaĝac chayovida'a da'me qadeleuaĝa male ja qadoqo'te, qa'a onolec joñe'me Dios yayaten ga'me ee'tec.

1 Pedro 2:1

Chane'eja 'noota qom aĝañidiñi ena'uaque naa'me yodapecache jo'ne ja 'noe'n. Ena'te auoqovinaĝañetac, uotaĝa ta'le ja ami 'te yataĝalo'te, uotaĝa ta'le 'uo ga'me adep'aguenataĝanaĝaqui uotaĝa ga'me ade'uenaĝanaĝaqui.

Juan 7:17

Gamachaqaega ga'me jo'ne jetaque ye'et da'me jo'ne loequenataĝanaĝac ñe'me Dios, yayaten da'me yapaĝaguenataĝanaĝac ta'le chiyoqo'ot ñe'me Dios, uotaĝa ta'le ch'e yelnataĝac.

Marcos 7:21

Qa'a gaa'me p'adeuo jo'ne chiyoqodaue na'me lauel joga'me jiyaĝaua, nach'egaua jo'ne chiyoĝogueta naa'me lelnataĝaco jo'ne ja 'noe'n, da'me lequejeguetaĝa, da'me lecachaĝac, da'me lalataĝanaĝac,

Marcos 3:35

Qa'a gamachaqaega ga'me jo'ne yauo'oe daa'me jo'ne loequenataĝanaĝaco 'me yepaquetapegalo joñe'me Dios, naqaega yaqayole, nataq'aen yaqayolec, nataq'aen mach'e yat'e.

1 Juan 2:17

Qalaĝaja pa'l qom'te gaa'me jiyaĝadipi jo'ne ja 'noe'n, nataq'aen gaa'me lamaico jogaa'me; qalaĝaja gaa'me jo'ne yauo'oe daa'me jo'ne yepaquetapegalo joñe'me Dios, qama'le yataqachiñe 'uo da'me lec'alaĝa jo'ne ja pal.

Santiago 1:18

Qa'a naq'aeta da'me jo'ne mach'e lelnataĝac joñe'me, da'me qo'mi yanema da'me nec'alaĝa jo'ne chiyaqayilo naa'me 'laqataqa jo'ne ejoda, qaedi ena'am ta'le qo'mi jala jo'ne 'uaechidiñe da'me mach'e 'lonataĝanaĝac.

Hebreos 13:21

Joñe'me Dios en ami yataqatelo'te q'ae'n, qaedi oqui'tegue da'me jo'ne mach'e lelnataĝac joñe'me, qama'le qo'mi ee'teque da'me jo'ne mach'e 'lamaqatenataĝanaĝac, da'me jo'ne chiyaqayi joñe'me Jesucristo, qaedi nach'eñe joñe'me jo'ne 'uo da'me 'lonaĝa jo'ne ja yitaĝa ta'le pal. Jaja'a, nach'e naq'aeta da'me dojo'.

1 Ts 5:18

Auañem adamaiqui joñe'me Dios, qa'a nach'ena jena'me jenjo' yataqata paquetapega da'me ami, jouaĝat da'me ami p'etaqadayaqa, yataqata auep'iiya'a joñe'me Cristo Jesús.

Colosenses 1:9

Qo'che' da'me qo'mi, chiyoqotelegue jo'me nolo' ca'li ami janoma'alo, ja jaĝanaĝañi da'me ami jajelaĝanaĝalo'te nataq'aen jajelaĝanaqatapecot joñe'me Dios qaedi yataqachiñe ami yayatenaĝanaĝaneque da'me loequenataĝanaĝac, choqogaa'me yodapecache nayatenaĝanaĝaco nataq'aen gaa'me netadenataĝanaĝaco 'me ami yanema joñe'me Lepaqal.

Efesios 5:17

Chane'eja ena'te ami chiyoĝo's, dite da'me yataqata anachoĝodeñiyot joñe'me Dios, qaedi ami yaloĝonalo joga'me 'noota ta'le a'vichiye.

Romanos 12:2

Male ena'te oqui'taguelo gaa'me mach'e yepaquetapegalo naa'me noloqo'ote jo'ne ovitauelo; dite da'me auadalaĝachi' gaa'me adelnataĝacodi' qaedi naqaedi da'me dalaĝaic da'me adajoĝoqui qama'le auovidiya'a da'me male auatetoñi da'me loequenataĝanaĝac ñe'me Dios, dojo' yelo'teguet ga'me jo'ne 'noota, gaa'me jo'ne adiyamaĝaqui, ga'me jo'ne yataqatelegue.

Romanos 7:4

Nach'e ena'am naq'aeta, ami yaqaya'olqa, da'me auoqochiuo'o ñe'me Cristo oviyaue da'me leleuaĝa joñe'me, qaedi oquiya'e da'me namaĝajoĝonaĝac, qama'le uoja'ega anecoñiteguet, nach'eñe ñe'me jo'ne ca'li joote yem da'me yeleu, qama'le yitaĝa 'niyelaĝajeguem. Qama'le naq'aeta da'me onaĝaic ga'me jalayaĝac 'me janemaĝam ñe'me Dios.

Juan 1:13

Chane'eja nach'egaua jo'ne yataqachiñe lec'oqo'tepi joñe'me Dios, qama'le ja naqaeda da'me ch'e nejiyaĝauayaĝa'j jo'ne chiyaqayi da'me niyidiñe q'ae'n, choqonaa'me mach'e lamaico gaa'me jiyaĝa'u, dite ñe'me Dios, nach'eñe jo'ne chiyoqodayi.

Mateo 21:31

Chane'eja, ¿jach'e ga'me ya'uo ga'me let'a loequenataĝanaĝac naa'me naajo' dojolqa? Jogaa'me 'yadeteguet: —Ñe'me 'uaeñe. Qama'le Jesús enaac: —Yataqata eja da'me dojo' jo'ne ami ja'aĝatema: jogaa'me lo'ol da'me yacoteguet jaga'me nejetenaqate di'me Roma, choqogaa'me quejeguetaĝail, ami yep'aĝatedegue da'me tadoue qomle da'me lejaliaĝa ñe'me Dios jo'ne na'ague di'me piyem.

Mateo 12:50

Qa'a gamachaqaega jo'ne yoqo'cha da'me yepaquetapega ñe'me Taĝadena' 'me na'ague di'me piyem, naqaega yanoqolec, ya'nole, nataq'aen yat'e.

Mateo 7:21

“Ga'me jiyaĝadipi jayem yiyaĝatedapega nale, enapega't: «¡Jaliaĝanec!», qalaĝaja ja yema'a't da'me tadoue joda'me lejaliaĝa ñe'me Taĝadena' 'me ne'tague di'me piyem. Gaa'me jo'ne yauote da'me loequenataĝanaĝac joñe'me, nach'egauate' gaa'me jo'ne yaqanate't ta'le tadoue.

Colosenses 4:12

Ami yamaĝalo lamaic ñe'me Epafras, mach'e lalemaĝajet ñe'me Cristo Jesús; nach'eñe jo'ne ami chiyaqauelo ca'li, qama'le nach'e eta't ami nachoĝodelo'te nale yauo'oe gaa'me netamenaĝaco, qaedi a'nañaĝachiyec da'me ami chimadichidiñe, yataqachiñe anaviquila't da'me qaedi auauoyi joda'me loequenataĝanaĝac joñe'me Dios.

Colosenses 3:3

qa'a ena'am ta'le joote adelevi, qama'le Dios joote yaqataĝata't da'me at'oyaĝaqui jo'ne dalaĝaic qaedi oñiya'ajop ñe'me Cristo.

Mateo 20:4

Qama'le dojapegue'to, enaac: «Nach'e ena'am ami auecaechiya di'me yanaĝanaqa' qaedi a'uonataĝañi, qama'le ami jejeteneque ga'me mach'e adajo'vii.» Jogaa'me eque' ca'li.