1 Pedro 4:16 - Nuevo Testamento Toba Sombrero Negro

¹⁶ Qalaĝaja qom 'uo da'me adachoĝodequi yajouaĝat da'me ami p'etaqadayaqa, 'noota qom ena'te adepocoqoilegue, dite da'me a'nonaĝachiyegui joñe'me Dios queda'me yataqata ami lec'oqo'tepi joñe'me.

Nuevo Testamento Toba Sur

¹⁶ Qalaxayi cam huo'o da nque'ejnaxac souaxat da quetague' so Cristo, qaq no'on da camayi sa ishit da ncoqtac. Chaqdata da ÿi'oxoden ñi Dios, souaxat da quetague' somayi.

La'aqtaqa Ñim Lo'onatac 'Enauacna 2013

¹⁶ Da huo'o ca 'oonolec da huo'o da nque'eenaxac souaxat da quetague' So Cristo, nache saishet da huo'o da la'agaxa, nachaqrata da ỹaatacot da na'achecỹaxac Ñim Lo'onatac 'Enauacna souaxat da quetague' So Cristo.

1 Pedro 4:16 Referans Kwoze

Filipenses 1:29

Joote ami qoyaje'tema ta'le ami lalemaĝaje'te joñe'me Cristo, qama'le nayi male auep'iiya'a joñe'me, uotaĝa qom 'uo joga'me qoyen adachoĝodequi jouaĝat joñe'me.

1 Pedro 4:19

Chane'eja jogaa'me jo'ne choĝodache yajouaĝat da'me yauote da'me jo'ne chiyaqayi da'me loequenataĝanaĝac joñe'me Dios, 'noota qom nach'e eta'ajalo quetedalegue da'me 'noota jo'ne 'yetetedac, qama'le yep'aĝado'ot joñe'me Dios da'me 'loyaĝac jo'ne mach'e 'lonatac, qa'a joñe'me yataqata yepaquetelegue ga'me enaac.

2 Timoteo 1:12

Qama'le nayi, nach'eda da'me 'uo ga'me yachoĝodec, yajouaĝat da'me dojo' 'yonataĝanaĝac, qalaĝaja jenjo' yataqata ja jepocoĝolegue, qa'a jayaten ñe'me jep'iya'a, yataqata jayaten da'me 'uo da'me lañoqotaĝanaĝac qaedi jayem netela, chayovida'a qom yitaĝa 'niyelaq joñe'me Jaliaĝanec.

Hechos 5:41

Jogaa'me Jesús lamaĝa's yenoĝodegue, queda'ae ga'me ueteda'a gaa'me jaliaĝanaqa, yataqachiñe made'tape queda'me Dios yaje'tem da'me qoya'uo lachoĝode'j qa'a yajouaĝat da'me lenaĝat ñe'me Jesús.

Filipenses 1:20

Ja jetaque jen lichigui nale jena'me yeuel, dite da'me qom maliaĝa jayem 'uo, uotaĝa qom male jeleu, jetaque jaco'teguet joda'me 'yañaĝac, qaedi nale jayem qoyec'atetac, male yataqata qo'nonaĝachigui joñe'me Cristo.

Hechos 26:28

Qama'le ñe'me Agripa 'yateguet: —¿Qo'li aueetapega paja'a auen jayem p'etaqadaic?

Hechos 11:26

qama'le ca'li yauana, yauega di'me Antioquía. Nach'edi ueda'a da'me uetauelo joga'me p'etaqadaiquipi, nalo'taguet onolec uo'e, yapaĝague'tape ga'me jiyaĝadipi. Nach'edi Antioquía ua'a da'me 'uaechiñe qoyenaqateneque «Cristo laje'» jogaa'me jo'ne quetegue ñe'me Cristo.

Hechos 28:22

Qama'le nayi jetaque jomachaĝa ga'me adelnataĝac, qa'a ena'uaque gaa'me ale'u lael jayatenaq ga'me qonautetapega dojo' dalaĝaic napaĝaguenataĝanaĝac.

Santiago 2:7

¿Qo'li ja nach'egaua gaa'me neuoyaĝadi jo'ne yojouetedac da'me lenaĝat jo'ne onaĝaic joñe'me Jaliaĝanec, da'me lenaĝat jo'ne joote ami qoyanema ca'li auacoñiyeguet da'me ami qonec'alaĝatedegue?

1 Pedro 2:12

A'nañaĝachiyec da'me 'noota qom ovitauelo jogaa'me ja p'etaqadayaqa, qaedi jogaa'me, mate mane'e uo'oe gaa'me 'laqataqa nayi da'me e'n ami laute'u, qama'le ena'am ta'le naqa'ami jo'ne te'me ja 'noe'n da'me at'onataqadi', qalaĝaja qom yauata ga'me 'noota jo'ne auauoyi qama'le 'nonaĝachidegue joñe'me Dios qom yovita ga'me nolo' jo'ne p'ategue, qom qonaloqote'n naa'me mach'e 'lonataqa onolqa'tape jena'me jiyaĝadipi.

1 Pedro 4:11

Qom 'uo ga'me yayaten da'me t'aqataĝan, qama'le 'noota qom 'yaĝatema gaa'me 'laqataqa joñe'me Dios. Nach'e ena'am qom 'uo ga'me laqaya jo'ne lecochiyalo gaa'me laqaya', qama'le 'noota qom yapoteneguet da'me 'lañaĝac jo'ne yanem joñe'me Dios. Yema ga'me 'noota jo'ne a'vichetac, 'noota qom a'vichi qaedi male nach'e ena'am qo'nonaĝachigui joñe'me Dios, yajouaĝat da'me nach'eñe joñe'me Jesucristo jo'ne loĝot da'me 'noyaĝac choqoda'me nañoqotaĝanaĝac jo'ne ja pal. Jaja'a, nach'e naq'aeta da'me dojo'.

1 Pedro 4:14

'Noota qom ami made'tapolqa qom 'uo ga'me ami ye'ue'tape yajouaĝat da'me ademii'teguet joñe'me Cristo, qa'a da'me 'lonaĝa ñe'me Dios Lepaqal nach'e eta't ami uetauelo.