1 Pedro 4:13 - Nuevo Testamento Toba Sombrero Negro

¹³ Nach'edata da'me ami made'tape, yajouaĝat da'me nach'e ena'am ami ua'ajopa daa'me lachoĝodeco joñe'me Cristo, qaedi nach'e ena'am najaĝaye da'me adamaiqui qom yataqachiñe di'yoq da'me 'lonaĝa joñe'me da'me yitaĝa novitequena jo' qomle.

Nuevo Testamento Toba Sur

¹³ Qaq chaqdato' qome da ÿataqta qauamaichiguiñi da qami' qanhuañiÿau'a na nque'ejnaxacpi so Cristo, yaqto' ÿataqta qami' nlaqchiguilo da qantonaxaqui qom qaualoÿa'a da lli'oxoyic qom ivita da ñi'iguelaq somayi.

La'aqtaqa Ñim Lo'onatac 'Enauacna 2013

¹³ Nachaqrato' da ỹataqta qauamaichiguiñi da ishet da qanqui'ichiñi da qoñiỹa'am da nque'eenaxac co'ollaxa So Cristo, yaqto' nataqa'en huo'o da qantonaxaqui qom ñe'eguelaq Somaye da ỹachaxan da llo'oxoyec qataq da la'añaxac.

1 Pedro 4:13 Referans Kwoze

Romanos 8:17

Qama'le queda'me joote qo'mi lec'oqo'tolqa, nach'e ena'am jaconaĝaguet qomle ga'me yaqataĝañi ca'li ñe'me Dios 'me 'yaĝatetac, nach'eda da'me ñetauanaqa'uo ñe'me Cristo qom eja jaconaĝaguet da'me qadachoĝodec qa'a jouaĝat joñe'me qaedi qom'te jouaqa'tajop joñe'me da'me 'lonaĝac.

Romanos 5:3

Nataq'aen ja jaldata da'me dojo', dite da'me nach'e ena'am ñi'yoĝodetapela't da'me uo'oe gaa'me qadachoĝodeco; qa'a jayatenaq queda'me qadachoĝodec qo'mi yanema da'me qadalo'oguet da'me qanapogaĝadenaĝac.

Filipenses 3:10

Qama'le nayi nach'edata da'me yataqata jetaque jateton ñe'me Cristo, qaedi yataqata ñauela't da'me lañoqotaĝanaĝac, nach'eda jo'ne chiyaqayi da'me nec'alijeguem ca'li joñe'me, qama'le qom 'uo ga'me yachoĝodec qomle, jetaque jena'am joñe'me ca'li yataqata qoya'uo da'me lachoĝodec, nataq'aen joda'me leleuaĝa ca'li, nach'e ena'am jetaque jena'am qomle da'me jayem,

2 Corintios 1:7

'Uo da'me qadajoĝonataĝanaĝac jo'ne t'añañe queda'me ami, qa'a naq'aeta da'me qo'mi ovita'ñoto da'me qadachoĝodeco nach'e naq'aeta qo'mi ovi'tajopa da'me male qo'mi qoloyaĝanate't.

1 Pedro 5:10

Qalaĝaja qom yenoĝodegue jogaa'me noloqo'ote da'me 'uo da'me adachoĝodequi qama'le joñe'me Dios male ami 'yañaqateneque, nataq'aen da'me en ami 'uañaĝayaqa choqoda'me ami yanema da'me jo'ne yataqatelegue. Qa'a nach'eñe ñe'me Dios 'uo da'me loqopich'i let'adaic chane'eja ami yiyaĝanalo qaedi ademii'teguet joñe'me Jesucristo qama'le ovitaue da'me jo'ne mach'e 'lonaĝa jo'ne qaya'te loiquiaqa'.

2 Corintios 4:10

Gamachaqaega jec'otaĝa, da'me qat'oyaĝac nach'e eta't jachoĝojoqotac da'me leleuaĝa ñe'me Jesús, qaedi nach'e ena'am da'me 'loyaĝac ñe'me qo'mi di'yoĝoma.

2 Timoteo 2:12

Qom ñapogaĝadenaq nayi qama'le nataq'aen qo'mi lejaliaĝa'u qomle. Qom qanemanec joñe'me nayi, qama'le ñe'me nach'e ena'am qo'mi nemaneque qomle.

2 Corintios 4:17

'Uo ga'me qalaqa't jo'ne qo'mi 'uaĝayeta nale qalaĝaja nach'enaua uo'oe jo'ne ja let'adayaqa, nataq'aen ja nale'en uo'oe jogaa'me. Ena'am ta'le qadamaic janemaĝam joga'me qa'a Dios qo'mi e'n najaqachiguilo da'me 'lonaĝac jo'ne ja yitaĝa yem nale'en 'uo: 'lonaĝac jo'ne yataqachiñe let'adaic nataq'aen onaĝaic.

Hechos 5:41

Jogaa'me Jesús lamaĝa's yenoĝodegue, queda'ae ga'me ueteda'a gaa'me jaliaĝanaqa, yataqachiñe made'tape queda'me Dios yaje'tem da'me qoya'uo lachoĝode'j qa'a yajouaĝat da'me lenaĝat ñe'me Jesús.

Apocalipsis 1:9

Jayem Juan 'me mach'e jayem adaqayai, qama'le qo'mi nepi'iyaĝa'u da'me qademe'teguet joñe'me Jesús. Qo'che' 'uo da'me qadachoĝodec nayi, nataq'aen 'uo da'me qat'añaĝac da'me qaedi ñapogaĝadenaq, chayovida'a da'me yataqata jouaqataue da'me lejaliaĝa joñe'me Dios. Da'me jayem jonetalegue ca'li di'me comadaĝa jo'ne lenaĝat da'me Patmos, yajouaĝat da'me ja'aĝate'tape naa'me 'laqataĝanaĝaco joñe'me Dios, nach'enaua jo'ne dechoqotaĝatec joñe'me Jesús.

1 Pedro 5:1

Nayi ami jaqatalo, ami 'yaĝaicachidi jo'ne ami lajoĝola'te gaa'me p'etaqadayaqa, queda'me nach'e ena'am jayem 'yaĝaicachigui jo'ne ja'aĝatetac da'me jo'ne lachoĝodec joñe'me Cristo, qama'le nataq'aen jouetaue qomle da'me 'lonaĝa joñe'me jo'ne qo'mi di'yoĝoma jo' qomle.

Colosenses 1:24

Nayi jayem matac queda'me 'uo ga'me yachoĝodec yajouaĝat da'me ami yecochiyalo, qa'a da'me mach'e yachoĝodec ena'am ta'le en nalo'ta'ajalo q'ae'n jodaa'me qadachoĝodeco jo'ne chiyoqodayi da'me qademe'teguet ñe'me Cristo, yajouaĝat jena'me p'etaqadaiquipi jo'ne mach'e lapat.

Mateo 16:27

Qa'a jayem jo'ne yataqachiñe jayem Jiyaĝaua Lec'oĝot, qom ñovi' qama'le jayem ue'tajop da'me 'lonaĝa ñe'me Taĝadena' choqoga'me lamaĝa'spi jo'ne piyem laje'pi, qama'le jen nalo'taguet ga'me mach'e 'yetetac onolqa'tape ga'me jiyaĝadipi da'me jejeten.

Mateo 5:12

Auacoñiyeguet da'me adamaiqui, 'noota qom ami made'tapolqa, qa'a auacoñiyeguet qomle ga'me anejetenaguequi jo'ne ua'ague di'me piyem; qa'a ca'li maliaĝa ami qayaua, qanach'e naq'aeta da'me qoyecaa'tape jodia'me Dios 'laqataĝanaĝanaqa.

1 Pedro 1:13

Chane'eja 'noota qom aneloyitaye nataq'aen aniyamaĝacheta't qaedi auauoyi gaa'me at'onataqadi' jo'ne onaĝayaqa, qama'le auachiyaue yema da'me mach'e adeuataqataĝanaĝaqui da'me lichoĝodenataĝanaĝac joñe'me Dios jo'ne ami qoyanema qom yovita ga'me nolo' p'ategue qom yataqata di'yo'quena joñe'me Jesucristo.

Hechos 16:25

Qalaĝaja ca'li yedete'eguet joga'me pi'yaĝa laeñi, ca'li Pablo nataq'aen Silas cha'li netame'tape choqoda'me t'onaĝa'tape, 'nonachidegue joñe'me Dios, qama'le jogaa'me necoñetae's laqaya' naquiaĝatapegalo ca'li.

Mateo 25:34

Yem qama'le jenapegalo gaa'me jo'ne neteda'ague jena'me jayaten: «Auanaeyiquena, ami jo'ne yataqachiñe yichoĝode'n ñe'me Taĝadena'. Auacoñiyeguet ga'me joote ami qoyaditaĝat'ae'ta, joda'me nejaliaĝa jo'ne qoyaqataĝata't qaedi ami qoyanema chiyoqo'teguet ca'li yemta jena'me aleua.

Mateo 25:31

“Da'me jayem jo'ne jayem Jiyaĝaua Lec'oĝot nataq'aen jayem Jaliaĝanec, qom 'ñiyelaq qama'le nachetac da'me yi'yoĝodic, nataq'aen ena'uaque jogaa'me yamaĝa's jo'ne piyem laje' jayem naequetedapegue', qama'le jonañgui jaga'me yejaliaĝaiqui jo'ne p'ajaye da'me li'yoĝodic.

Mateo 25:23

Ñe'me lejaliaĝanec enaac: «¡Yataqachiñe 'noota da'me at'onatac nataq'aen am yataqatelegue! Qama'le queda'me a'nañaĝatela't da'me aue'et ga'me jaleca, nayi jalcote ga'me am jepotaneguet. ¡Ayala, anec'ata ñe'me adejaliaĝanec qaedi am ñetonaĝaua!»

Mateo 25:21

Ñe'me lejaliaĝanec enaac: «¡Yataqachiñe 'noota da'me at'onatac nataq'aen am yataqatelegue! Qama'le queda'me a'nañaĝatela't da'me aue'et ga'me jaleca, nayi jalcote ga'me am jepotaneguet. ¡Ayala, anec'ata ñe'me adejaliaĝanec qaedi am ñetonaĝaua!»

Apocalipsis 1:7

¡A'vicheta't! ¡Cristo na'taquena qomle da'me nalegue ga'me piyem lo'oc! Qama'le yema ga'me jiyaĝadipi male yauata, Chayovida'alo jogaa'me nalatoqo't nach'e ena'am da'me yauata joñe'me; Qama'le yema joga'me jiyaĝadipi jo'ne uedalegue jena'me aleua male 'uo da'me lachoĝode'j yajouaĝat joñe'me. Chane'eja naq'aeta da'me dojo'. Jaja'a, nach'e naq'aeta da'me dojo'.

Lucas 17:30

Nach'e naq'aeta qom'te ga'me nolo' jo'ne jayem di'yo'quena, mach'e jayem Jiyaĝaua Lec'oĝot.

Marcos 8:38

Qa'a qom 'uo ga'me jayem nepocoĝolegue nataq'aen daa'me 'yaqataqa qom dajoya'agueta jena'me jenjo' jiyaĝadipi jo'ne ja jayem 'te p'iida'a, jo'ne loeco lo'olpi, qama'le nach'e ena'am da'me jayem jo'ne yataqachiñe Jiyaĝaua Lec'oĝot ñepocoĝolegue joga'me qom yitaĝa 'ñiyelaq nataq'aen da'me jayem uetaue da'me 'lonaĝac ñe'me Yet'a nataq'aen jogaa'me piyem laje' jo'ne ja 'nalo'te.

Romanos 8:18

Qa'a gaa'me qadachoĝodeco nayi da'me qat'oyaĝac qom ñaloqotenaĝaneguet da'me 'lonaĝac jo'ne jauanaĝa qomle yataqachiñe ja ena'am ga'me ñetauanaqa'uo qom'che.

2 Corintios 1:5

Qa'a naq'aeta da'me lachoĝodeco ca'li ñe'me Cristo qo'mi uetelo'te, qama'le qo'mi jouaqata'ñi' ñe'me queda'me 'uo ga'me qadachoĝodec, nach'e ena'am qo'mi uetelo'te da'me qo'mi qoloyaĝanate'tape 'me chiyaqayi ñe'me Cristo.

1 Pedro 2:21

Qa'a naqaeda da'me 'uo da'me ami qoyiyaĝanalo, qa'a ñe'me Cristo 'uo da'me lachoĝodec yajouaĝat joda'me ami, qama'le qoyaloĝon da'me nach'eñe jo'ne jetaque qoyadenaĝat qaedi qota'ya da'me ladic.

Judas 1:24

Ñe'me Qadet'a Dios 'uo da'me lañoqotaĝanaĝac qaedi ami netela'aque da'me ta'le auachiyaqaijeguem, qama'le ami nechalataĝadoue queda'me qaya'te adejamaĝataĝaqui nataq'aen ami jaqachiguilo joda'me adamaiqui qom auajoiya'aguet da'me 'lonaĝac joñe'me.