1 Pedro 4:12 - Nuevo Testamento Toba Sombrero Negro

¹² Ami yaqaya'olqa, ena'te adoualiya'a ga'me anapiyenaguequi jo'ne ami novitalo, 'me ena'am ga'me dole' jo'ne ami yaviyaĝa't, da'me uotaĝa ami uañelo ga'me jo'ne ja qoyauana ca'li.

Nuevo Testamento Toba Sur

¹² Qami' ÿaqaÿadolqa, sa ishit qome da qadhualliÿa'aguet nam sa nsatta qañi'iguenataguiiqui mayi qami' novitalo da 'eeta'am da huo'otaq qami' huanguilo cam ÿapacteec sa ishit da qaÿauanapigui.

La'aqtaqa Ñim Lo'onatac 'Enauacna 2013

¹² Qami' ñauochaxau' ỹaqaỹarolqa maye qoquiitague' So Cristo, saishet da qami' ỹe'elaqche't qom qaviyeeguet na lqalaiguesat maye ỹe'eguen da qarpi'iỹaxaqui Ñim Lo'onatac 'Enauacna. Cha'aye damaye saishet da sa qaỹauanapega.

1 Pedro 4:12 Referans Kwoze

2 Timoteo 3:12

Yataqata eja da'me dojo', gaa'me jetaque uedaue da'me dojo' jo'ne jetaque quetegue joñe'me Cristo Jesús, qomle male qoyecaa'tape yajouaĝat da'me dojo';

1 Pedro 5:9

'Noota qom a'nañaĝachiyeguet nataq'aen da'me ami 'yañaqate't da'me adepi'i, qa'a yemeda naa'me aleua lael, jogaa'me jo'ne mach'e adaqayadi' nach'e ena'ama da'me 'uo da'me lachoĝode'j jo'ne ena'am da'me jo'ne ami qo'yeteque.

1 Corintios 10:13

Nataq'aen qom 'uo da'me anapiyenaguequi, anetoviñetac queda'me jiyaĝa'u laqaya' nach'e ena'am joote tadoue ga'me napiyenague'j. 'Noota ta'le auep'iiya'a joñe'me Dios, qa'a ñe'me ja yajeta ta'le ami qo'yiyeneque ga'me jo'ne ja auaqanachichi ta'le anapogaĝadeñiyeguet, dite da'me ami yanema ga'me adadiqui nataq'aen ami yanema da'me at'añaĝaqui qaedi adaloi'taguet.

1 Corintios 3:13

Qom yovita ga'me p'ategue nolo', qama'le onolqa'tape qoyauana ga'me 'lonataqa, qa'a ga'me dole' yaloĝon, nataq'aen ga'me dole' yapiyen ga'me 'lonata'j jogaa'me, qom nalo'taguet ga'me dole' uotaĝa ja naq'aeta.

1 Pedro 4:4

Qalaĝaja nayi da'me male ja aualequechiñe da'me napacalo'te ja 'noe'n q'ae'n da'me nejiyaĝauayaĝa'j jogaa'me ja p'etaqadayaqa; qo'che' jogaa'me male loualeteguet qama'le ami ye'ue'tape.

1 Pedro 2:11

Ami yaqaya'olqa, ami jo'ne aueñiya'ama jogaa'me ja 'lachaqa'tena 'me ch'e oquitalegue jenjo' aleua, ami ñachoĝodenoto da'me ena'te auauoyi ledaqa't naa'me lamaico ga'me anejiyaĝauayaĝaqui jo'ne deloiquitedapegue' da'me at'oyaĝaqui.