1 Pedro 3:9 - Nuevo Testamento Toba Sombrero Negro

⁹ Ena'te a'viyelaĝachiyeguet ga'me ja no'en joga'me ja no'en jo'ne ami qo'yeteque, uotaĝa ga'me anejouenaguequi, dite da'me a'viyelaĝachiyeguet da'me adichoĝodenataĝanaĝaqui, qa'a joñe'me Dios ami yiyaĝanalo joca'li qaedi auacoñiyeguet da'me mach'e lichoĝodenataĝanaĝac.

Nuevo Testamento Toba Sur

⁹ Qataq sa ishit da qavi'iguelaxachiÿa'aguet ca sa ÿaÿamaxañi, qataq ca qanshiunaguiiqui. Chaqdata da qai'añiim ca no'on ca shiÿaxaua, cha'ayi ñi Dios qami' iÿaxanalo, da yaqto' qauacoñiiguet da lqouagaxanaqtaic.

La'aqtaqa Ñim Lo'onatac 'Enauacna 2013

⁹ Da huo'o ca qami' ỹo'oteque ca qauem, nache qami' saishet da qavi'enaxachiỹa'aguet, qataq da huo'o ca qami' isheueeta'ape, nache saishet da qavi'enaxachiỹa'aguet da nataqa'en qausheuñi camaye. Nachaqrata da qanqouagaxauñiỹot Ñim Lo'onatac 'Enauacna da ỹaalec da lqouagaxanaqtaic que'eca shiỹaxaua, cha'aye Ñimaye qami' lca'agui'she da qami' ỹanema da lqouagaxanaqtaic.

1 Pedro 3:9 Referans Kwoze

Romanos 12:17

Ena'te gamachaqaega a'viyelaĝachiyeguet da'me ja no'en. Anepogoĝoiñiyapega da'me nach'e eta't a'vichi da'me 'noota nale auajoyiya'agueta gaa'me adaqayadi'.

Romanos 12:14

Gaa'me jo'ne ami yecaa'tape 'noota qom avichoĝodeñi'. Auachiyalo'te da'me 'noota nataq'aen ena'te auejoueñi'tape.

1 Ts 5:15

Auelaĝañitapema ena'uaque jogaa'me jo'ne te'me lelnataĝa'j da'me jetaque yauote lovi' joga'me laqaya, qa'a jena'me jenjo' yataqata ja no'en, dite da'me a'nañaĝachi da'me yataqata a'vichi joga'me 'noota ladic, qa'a jena'me jenjo' yataqata 'noota, da'me mach'e ami anoqopichiila't ena'uaque, nataq'aen aueñe'tema naa'me adaqayadi' jo'ne qaya'alo jo'ne neda'ña jena'me jenjo' aleua.

Mateo 5:44

Qalaĝaja ami ja'aĝatema: Adoqopichiyalo gaa'me jo'ne ami niquiya'alo, nataq'aen auajelaĝañilo'te ga'me jo'ne ami yachoĝode'tape.

Efesios 4:32

Dite da'me ami yataqatelo'te nataq'aen aueñi damichiguilo naa'me adai'lidi'; auapalaĝachi nale ga'me laviyaĝajet ga'me adaqayai, qa'a nach'e ena'am ñe'me Dios joote yapalaĝa't gaa'me mach'e qadaviyaĝaje'te, ca'li qo'mi nemelo'te joñe'me Lec'oĝot Jesucristo qaedi male qadec'alegue.

Mateo 5:39

Qalaĝaja ami ja'aĝatema da'me dojo': gamachaqaega 'uo ga'me ja no'en am 'yetec, ena'te a'viyelaĝateguet, dite da'me qom 'uo ga'me ye'uaĝan na'me adanoc 'me auayaten, nach'e ena'am auaje'tem ta'le ye'uaĝan na'me laqaya.

1 Pedro 5:10

Qalaĝaja qom yenoĝodegue jogaa'me noloqo'ote da'me 'uo da'me adachoĝodequi qama'le joñe'me Dios male ami 'yañaqateneque, nataq'aen da'me en ami 'uañaĝayaqa choqoda'me ami yanema da'me jo'ne yataqatelegue. Qa'a nach'eñe ñe'me Dios 'uo da'me loqopich'i let'adaic chane'eja ami yiyaĝanalo qaedi ademii'teguet joñe'me Jesucristo qama'le ovitaue da'me jo'ne mach'e 'lonaĝa jo'ne qaya'te loiquiaqa'.

Romanos 8:28

Jayatenaq ñe'me Dios da'me yaqataĝata'ajalo gaa'me uo'oe 'me chiyaqayi ga'me liyamaĝa'j jogaa'me jo'ne noqopideta joñe'me, nach'egaua yiyaĝanalo joca'li joñe'me da'me jetaque nec'alaĝatedegue.

Mateo 25:34

Yem qama'le jenapegalo gaa'me jo'ne neteda'ague jena'me jayaten: «Auanaeyiquena, ami jo'ne yataqachiñe yichoĝode'n ñe'me Taĝadena'. Auacoñiyeguet ga'me joote ami qoyaditaĝat'ae'ta, joda'me nejaliaĝa jo'ne qoyaqataĝata't qaedi ami qoyanema chiyoqo'teguet ca'li yemta jena'me aleua.

Hebreos 6:14

Qama'le eetac: “Yataqata let'adaic da'me yichoĝodenataĝanaĝac jo'ne am janem qomle, nataq'aen yataqata jalcote ga'me ac'oqo'tepi jo'ne am janema.”

Lucas 18:18

'Uo ñe'me neuoyaq, yenatetac ñe'me Jesús: —Paĝaguenataĝanaĝaic jo'ne am 'noota, ¿jach'e ga'me ja'uo qaedi jaqanatet ta'le jaue da'me 'yoyaĝac jo'ne ja 'naidena'a?

Lucas 10:25

'Uo ñe'me jiyaĝaua jo'ne paĝaguenataĝanaĝaic daa'me Dios lamaĝajoĝonaĝaco, yec'ata ñe'me Jesús qaedi yapiyenec ga'me lenataĝanaĝac, qama'le enaac: —Paĝaguenataĝanaĝaic, ¿jach'e ga'me ja'uo qaedi jaqanateta da'me 'noyaĝac jo'ne ja 'naidena'a?

Mateo 19:29

Nataq'aen ena'uaque gaa'me jo'ne queda'e ga'me 'lachaqa't, uotaĝa gaa'me laqaya'olqa, uotaĝa gaa'me let'al, uotaĝa gaa'me c'oqo'te uotaĝa 'naleua, qa'a jouaĝat da'me jayem quetegue, qama'le yitaĝa uoja'ega cien 'viyelaĝalegue da'me yitaĝa qoyanema qomle, nataq'aen nach'e ena'am qoyanema da'me 'loyaĝa'j 'me ja 'naidena'a.

Romanos 8:30

Qama'le jogaa'me jo'ne chiyoqochiñe liquiyaqapi ñe'me Dios, qama'le nataq'aen yiyaĝanalo jogaa'me; nach'egaua yataqatelo'te q'ae'n; nataq'aen jogaa'me yanema da'me chimadichidiñe, nach'e ena'am netauada'uo da'me 'lonaĝac joñe'me.

Marcos 10:17

Mane'e ca'li Jesús yenoĝonegue da'me jetaque yitaĝa ec, qama'le 'uo ñe'me jiyaĝaua jo'ne naqalegoqo'ta, qama'le yejoidiñe naa'me leliquetel da'me dajoya'aguet joñe'me, qama'le enaac, da'me yenat: —Paĝaguenataĝanaĝaic jo'ne am 'noota, ¿jach'e ga'me 'noota ta'le ja'uo qaedi jaqanatet ta'le jaue da'me 'yoyaĝac jo'ne ja 'naidena'a?

Gálatas 3:14

Qo'che' da'me Dios 'yaĝatem ca'li di'me Abraham jo'ne 'nonaĝachigui qomle ñe'me, nach'e ena'am qoyeloĝonaĝachiguilo jogaa'me jo'ne ja judiopi. Chane'eja naq'aeta, qom jep'iyaqa ñe'me Cristo, nach'e ena'am jaconaĝaguet ñe'me Lepaqal, 'me Dios joote qo'mi 'yaĝatema.

Hebreos 12:17

Qama'le joote auayachiñe da'me ca'li yem da'me dojo', qama'le jetaque yaconeguet da'me nechoĝodenataguec jo'ne chiyaqayi ñe'me mach'e let'a. Temaqaedi da'me yataqata noyen, qalaĝaja male ja yañoĝot da'me nadalaĝat ga'me ee'tec da'me joote qoye'et joca'li.