1 Pedro 3:8 - Nuevo Testamento Toba Sombrero Negro

⁸ Chane'eja, 'noota qom aueñi onolec da'me adelnataĝaqui, choqoda'me joĝodayaqa naa'me adai'lidi', nataq'aen da'me ami qopitaĝanaqataqayaqa, choqoda'me ami choĝodenataĝanaĝayaqa, nataq'aen da'me ja ami 'te 'yoĝodenaĝayaqa.

Nuevo Testamento Toba Sur

⁸ Qataq iuen da 'enauac da qoñiita ÿataqta 'oonolec da qadhuennataqai, qataq qauchoxoyiñi ca huo'o ca huetapoigui qadÿai. Ñi 'oonolec ÿataqta ÿauotec ca lÿa, 'eeta'am naq'en ca maichi lqaÿa. Qataq ÿataqta qami' choxonnataxanaxaiqa, qataq sa ishit da qami' napagaqnaxaiqa.

La'aqtaqa Ñim Lo'onatac 'Enauacna 2013

⁸ Qaq da pa'atec, qami' iuen da qoviitaigui da 'oonolec da qarhuennataqai, qataq ñi 'oonolec ỹataqta ỹauotec ca lỹa qataq qanaỹaañeta't, yaqto' nache 'eetai' da qana'ayeeta'a't. Qataq ỹataqta qami' soxoraiqa, qataq huesota da qarataxaqui.

1 Pedro 3:8 Referans Kwoze

Romanos 12:10

Ena'am da'me mach'e adanogaĝa'u gaa'me adaqayadi' da'me yataqachiñe adoqopichiyalo, 'uo da'me auepaquitapegalo nale nataq'aen nach'e eta't auaquiya ga'me adaqaya.

1 Pedro 1:22

Nayi da'me ami male auoqochiya joda'me 'naqataĝanaĝac jo'ne yataqatelegue qama'le nataq'aen da'me ami yoqovite' qaedi yataqata adoqopichiyalo jogaa'me adaqayadi'. Chane'eja 'noota qom yataqata a'nañaĝachi da'me anoqopichiyapega't onolqa'tape da'me ami.

Efesios 4:31

Aĝañiñi da'me anaucheñiya ga'me adaqayai; ena'te aualemataitac; ena'te aueloiquiitapega't; ena'te auachinataĝañilegue ga'me adaqayai uotaĝa ta'le a'uotañi nale.

Santiago 3:17

Qalaĝaja jogaa'me jo'ne ue'tajopa joda'me nayatenaĝanaĝac jo'ne chiyaqaje'ma joñe'me Dios, 'uaeñe da'me nedo'ta't yema joda'me 'loyaĝac, nataq'aen da'me joĝodaic choqoda'me onaĝaicaloec, nataq'aen choĝodenataĝanaĝayaqa nataq'aen da'me yataqatelegue ya'uo da'me lecochaĝac jo'ne onaĝaic, nataq'aen da'me ja ch'e noqovila't, choqoda'me onaĝaic joda'me ya'uo.

Efesios 4:2

Ena'te ami 'yoĝodenaĝayaqa, dite da'me 'noota qom yataqata ami joĝodayaqa naa'me adai'lidi' nataq'aen da'me anapogaĝadeñi. 'Noota qom auodenataĝañetac nale, chiyaqayi da'me adoqopich'ii.

Colosenses 3:12

Dios ami noqopitalo, nataq'aen ami yatetelo'te qaedi ovitauelo joga'me c'oqo'tepi joñe'me. Chane'eja anaviquila't da'me qaedi ami choĝodenataĝanaĝayaqa, nataq'aen ami qopitaĝanaqataqayaqa nataq'aen ami pogaĝadenaĝayaqa. Ena'te ami 'yoĝodenaĝayaqa, uotaĝa ta'le ami co'yaqayaqa.

1 Corintios 12:26

Qama'le qom onolec qadoĝojet da'me qat'oyaĝac 'uo da'me lachoĝodec, qama'le yemeda gaa'me qadoĝoje'te 'uo da'me lachoĝode'j. Nach'e naq'aeta qom ga'me lae da'me qanejiyaĝauayaĝac qoya'uo li'yoĝodic qama'le yema da'me qat'oyaĝac machiñe q'aen.

Mateo 18:33

¿Toqoch'e ja nach'e ena'am avichoĝodenec jañe'me laviyaĝajete ga'me adecochaĝaua, nach'e naq'aeta da'me am jichoĝoden?»

1 Juan 3:14

Jayatenaq queda'me jachiyajaqaue da'me neleuaĝa qama'le nayi jaĝaue da'me qadec'alaĝa; dojo' jayatenaq qa'a qadoqopitalo gaa'me qadaqaya'olqa. Ga'me jo'ne ja noqopita ga'me laqaya maliaĝa uetaue da'me neleuaĝa.

1 Corintios 1:10

Ami yaqaya'olqa, ñe'me Qadejaliaĝanec Jesucristo jayem namaĝaquena qaedi ami ñachoĝodenoto queda'me 'noota ta'le adaloi'ta't nale 'uo ga'me anenaĝachiyegue. 'Noota qom ja yodapecache naa'me ademiyapelo'te, dite ta'le ena'uaque ami ademi'ta't, nataq'aen 'noota qom ena'uaque ami onolec ga'me adelnataĝaqui.

Hechos 4:32

Ena'uaque joga'me p'etaqadaiquipi jo'ne jalcote nach'ega nale ga'me nometeguet nataq'aen lelnataĝa'j. Qaya'te gamachaqaega eetapega mach'e loĝot ga'me jo'ne te'me yauana, dite da'me nach'e ena'am loĝo't gaa'me jiyaĝa'u laqaya'.

1 Pedro 5:5

Nach'e ena'am da'me ami joĝodipi, 'noota qom a'nonaĝachiguilo jogaa'me 'yaĝaicachidi jo'ne 'uo da'me lejaliaqa'. Nach'e ena'ama ena'uaque da'me ami, a'nonaĝachiguilo onolqa'tape gaa'me adaqayadi' qama'le ena'te ami 'yoĝodenaĝayaqa, qa'a naa'me nedii's jo'ne joote qoyedidiñe joca'li eet'oi: “Joñe'me Dios en lauteua jogaa'me 'yoĝodenaĝayaqa, Qalaĝaja jogaa'me choĝodache lecochaĝanegueta da'me lichoĝodenataĝanaĝac.”

Hebreos 13:1

Ena'te aĝañiñi da'me anoqopichiyapega't, da'me mach'e ami naqaya'.

2 Pedro 1:7

Nach'e ena'am avichoĝodeñi' gaa'me adaqayadi' qama'le yataqata adoqopichiya ena'uac.

1 Pedro 2:17

Auañema yema da'me aviyamaĝache'tape, nataq'aen yataqata adoqopichiyalo jogaa'me adaqayadi', choqoda'me a'nonaĝachiyegui joñe'me Dios, nataq'aen auoqochiiya ñe'me Roma le'ec jo'ne nejaliaĝatelo'te yema joga'me jiyaĝadipi.

Santiago 5:11

Qa'a da'me qo'mi jenataqatapega made'tape jogaa'me jo'ne napogaĝadenegueta nataq'aen da'me 'nañaĝategueta daa'me qoye'n lachoĝodeco. Qama'le joote auomachiiya da'me napogaĝadenaĝac di'me Job. 'Uo da'me lachoĝodec joca'li, nataq'aen da'me joote auayachiñe da'me jo'ne 'yetec joñe'me Jaliaĝanec, queda'me yataqachiñe let'adaic da'me lichoĝodenataĝanaĝac, yichoĝoden ga'me jo'ne 'uo da'me lachoĝodec.

Santiago 2:13

Qa'a jogaa'me jo'ne ja yichoĝode'n gaa'me laqaya', qom 'uo da'me nec'atenague'j, qama'le nach'e ena'am da'me ja qoyichoĝode'n qomle. Qalaĝaja gaa'me jo'ne 'uo da'me lichoĝodenataĝanaĝa'j nach'egaua jo'ne 'uo da'me lomataĝanaĝa'j qom male yovita ga'me nolo' da'me male 'uo da'me nec'atenaĝanaĝac.

Filipenses 3:16

Nach'edata da'me dojo' jo'ne qoyouetaque: 'noota qom qolaqa'tegue da'me qadepe'e ladic jo'ne joote jedaqalegue.

Romanos 15:5

'Noota qom ñe'me Dios 'me chiyaqayi da'me qo'mi t'añidañe nataq'aen qo'mi loyaĝanate't ami lecochiyalo onolqa'tape da'me ami ademiyaye ga'me adelnataĝaqui, nach'e naq'aeta ñe'me Cristo Jesús,

Hechos 28:7

Di'me qoue'ta qoyoqo'ta ga'me mach'e 'naleua ñe'me jiyaĝaua 'me p'ajaye, lenaĝat Publio, jo'ne qo'mi yaconegueta nataq'aen qo'mi yelo'ogueta gaa'me tres noloqo'ote.

Hechos 27:3

Ga'me nete' laqaya jovitaĝa di'me Sidón, ua'a da'me Julio yataqachiñe yichoĝoden ñe'me Pablo, chane'eja yaje'tem da'me dejapichiyalo jogaa'me laqaya'olqa nataq'aen mach'egaua yeloteguet ñe'me.

Hechos 2:1

Ca'li yovita da'me qo'nonaĝachigui di'me nolo' jo'ne Pentecostés ena'uaque joga'me p'etaqadaiquipi cha'li nach'ega ga'me ueteda'a da'me yema'a't.

Lucas 10:33

Qalaĝaja 'uo ñe'me Samaria le'ec jo'ne nach'ega ga'me naq'aec da'me ta'ya, ca'li yauana qama'le nomeguet da'me lichoĝodenataĝanaĝac.

Efesios 4:32

Dite da'me ami yataqatelo'te nataq'aen aueñi damichiguilo naa'me adai'lidi'; auapalaĝachi nale ga'me laviyaĝajet ga'me adaqayai, qa'a nach'e ena'am ñe'me Dios joote yapalaĝa't gaa'me mach'e qadaviyaĝaje'te, ca'li qo'mi nemelo'te joñe'me Lec'oĝot Jesucristo qaedi male qadec'alegue.

Filipenses 2:3

Ena'te ani'yoĝodeñila't uotaĝa ch'e aueloiquiitapega't, dite da'me onolqa'tape da'me ami 'noota qom joĝodaic na'me lauel, qaedi nach'e eta't eetapegalo gaa'me laqaya' ta'le yataqata p'ajodaye.