1 Pedro 3:7 - Nuevo Testamento Toba Sombrero Negro

⁷ Qama'le naq'aeta da'me ami le'mi jo'ne joote a'uoñi, 'noota qom auayachiñe da'me aueloyeguet joda'me adouayaĝaqui, qama'le auañema da'me netelaĝac jo'ne mach'e loĝot, yajouaĝat da'me ja ena'am da'me 'lañaĝa'j jogaa'me yauo'. Nataq'aen 'noota qom qo'nonaĝachidegue gaa'me yauo', qa'a nach'e ena'ama da'me qoyiyaĝanalo qaedi ne'uaĝada'uo da'me nec'alaĝa jo'ne chiyaqayi da'me lichoĝodenataĝanaĝac ñe'me Dios. 'Noota qom naq'aeta da'me aueñe'teque qaedi qaya'te 'uo ga'me nauanegueta jogaa'me jo'ne mach'e anetamenaĝacodi'.

Nuevo Testamento Toba Sur

⁷ Qaq nachi 'eetec nataq'en qami' ÿallippi mayi mashi qauadoñi. Ñi 'oonolec ÿataqta naÿajnaxanaqchin da ilo'ogue da lhuaÿaxac, qataq sa ishit da ÿi'inai', cha'ayi ÿaÿaten da acamayi saqalligueme da l'añaxac, qalaxayi nataq'en nhuanau'a da nca'alaxa mayi chigoqchigui da lqouagaxanaqtaic ñi Dios da qami' ÿanema. Qaq 'eda qome da qoñiitec, yaqto' da qanatamnaxaqui saqca ca nqanaxat.

La'aqtaqa Ñim Lo'onatac 'Enauacna 2013

⁷ Qaq nache 'eetec nataqa'en qami' ỹalleppi maye mashe qauaroñi, ñi 'oonolec ỹataqta naỹateete' qataq ichoxoren aca lhua, qataq qauaỹachiñiita da saishet da 'eeta'am da qara'añaxaqui acamaye. Cha'aye nataqa'en acamaye Ñim Lo'onatac 'Enauacna ỹachaxanapeguem da nca'alaxa maye chochaq tatec. Qaq qami' da nache qoñiitec de'era, nache Ñim Lo'onatac 'Enauacna hua'axaỹa da qanqouagaxaunaxaqui.

1 Pedro 3:7 Referans Kwoze

Colosenses 3:19

Ami le'mi jo'ne joote a'uoñi, 'noota qom adoqopichiyalo naa'me adouadi', ena'te a'vichiyeque ga'me co'yaq.

Efesios 5:33

Qalaĝaja da'me dojo' 'naqatac nach'e ena'am yelo'teguet da'me noqopitaĝanaĝana't jogaa'me noua'. Chane'eja joga'me le'em, 'noota qom yataqata noqopita jaga'me loua, ena'am nale noqopitela't, qama'le jaga'me yauo, 'noota qom 'nonaĝachigui joga'me loua, yataqata lecochiya.

1 Corintios 7:3

Qama'le ñe'me jiyaĝaua 'noota qom yataqachiñe yelo'teguet jaga'me mach'e loua, nach'e naq'aeta jañe'me yauo 'noota qom yelo'teguet ga'me mach'e loua.

Mateo 18:19

“Ami jayatenaĝaneque queda'me qom ga'me auecoñediye jena'me jenjo' aleua, nach'e ena'am qoyecoñe' da'me daja' piyem, nataq'aen ga'me jo'ne auejoyitañe jena'me jenjo' aleua, nach'e ena'am da'me daja' piyem qoyejotaye ga'me.

1 Ts 4:4

'Noota ta'le yataqata auayachiñe naa'me anejiyaĝauayaĝaco, yataqata mach'e auelo'tegue ga'me auen ta'ya, 'noota ta'le aueñi yataqata ami uategayaqa, chayovida'a da'me yataqata ja ami 'te 'nalo'te.

Efesios 6:18

Nach'e eta't anetameñetapecot joñe'me Dios; nale aviyaĝañiyot joñe'me, auomachii'ta joñe'me Lepaqal qaedi nach'eñe ami netamenaĝanaĝa'n. Ena'te ami lichiguilo qama'le auajelaĝañilo'te yema ga'me Dios lec'oqo'tepi.

Efesios 3:6

Qama'le jena'me jenjo' 'lonataĝanaĝac ñe'me jo'ne yataqata ja qoyayaten ca'li, mach'e jenjo' jo'ne enaac: chiyaqayi da'me joote ye'et ca'li joñe'me Jesucristo, yema ga'me ja judiopi male yaqanate't ta'le yacoteguet jena'me nec'alaĝa, nataq'aen yacoteguet yema joga'me ca'li qo'yaĝatetac mach'e 'laqataqa ñe'me Qadet'a jo'ne yanouelo dia'me Israel laje', nataq'aen male onolec jena'me lec'oqo'tepi. Onolec da'me jauoqo da'me jaconaĝaguet jena'me jenjo' 'naqataĝanaĝac jo'ne onaĝaic.

Tito 3:7

Dios qo'mi yichoĝode'n qama'le qo'mi e'n yataqatelo'te q'ae'n. Chane'eja ya'uo yema da'me dojo' qaedi jaqanatetaq ta'le nach'e ena'am jaconaĝaguet qomle ga'me nevitaĝanatac; qo'che' 'uo da'me qo'mi uetauelo 'me qadajoĝonataĝanaĝac, nach'eda da'me 'noyaĝac 'me ja 'naidena'a.

Efesios 4:30

Ena'te aueñi totelegue joñe'me Dios Lepaqal jo'ne ja 'nalegue, qa'a naqaeñe joote ami 'yaneque da'me qoyen di'yoq queda'me ami lec'oqo'tepi joñe'me Dios. Nach'eñe jo'ne ami uetauelo chayovida'a qom yovita ga'me nolo' p'ategue qom Dios ami e'n uojotedañi.

Hebreos 1:14

Qa'a ena'uaque jogaa'me piyem laje' nach'egaua jo'ne nepaqa'li 'me t'onataĝadeuo'o joñe'me Dios, qa'a joñe'me nach'eñe jo'ne yamaĝalo'te da'me lecochiyalo joga'me jiyaĝadipi jo'ne qonec'alaĝatedegue.

1 Pedro 3:1

Qama'le nach'e ena'am da'me ami yauo' jo'ne joote a'uoñi, 'noota qom auoqochiyalo jogaa'me lelnataĝaco gaa'me adouadi', qaedi qom uo'oe gaa'me jo'ne maliaĝa ja 'yamaqate'n da'me 'naqataĝanaĝac, qama'le nach'egaua jo'ne t'amaqatenataĝa'n qomle, yajouaĝat da'me yauata da'me aniyamaĝachela't da'me ami. Mate mane'e da'me qaya'te 'naqatac ta'le domachita,