1 Pedro 3:4 - Nuevo Testamento Toba Sombrero Negro

⁴ dite ga'me jo'ne p'auo, da'me uetaue na'me adai'lidi', 'me 'uo da'me 'lonaĝa jo'ne ja pal, nach'eda da'me at'oyaĝaqui 'me joĝodaic nataq'aen da'me 'uo da'me 'nemaĝac. Jenjo' jo'ne yataqatelegue, 'uo da'me lajo'viyaĝac let'adaic 'me 'yamaqaten ñe'me Dios.

Nuevo Testamento Toba Sur

⁴ Chaqdato' da ÿaañi ca saq cha'a 'otaxat mayi chochaq tateec da lyaquiaxac. Huosotta naq'en da lataxac qataq qaica camachicague't. 'Eda mayi ÿataqta huo'o naq 'enec naq'en ñi Dios.

1 Pedro 3:4 Referans Kwoze

Colosenses 3:12

Dios ami noqopitalo, nataq'aen ami yatetelo'te qaedi ovitauelo joga'me c'oqo'tepi joñe'me. Chane'eja anaviquila't da'me qaedi ami choĝodenataĝanaĝayaqa, nataq'aen ami qopitaĝanaqataqayaqa nataq'aen ami pogaĝadenaĝayaqa. Ena'te ami 'yoĝodenaĝayaqa, uotaĝa ta'le ami co'yaqayaqa.

Romanos 2:29

Ga'me yataqachiñe yataqatelegue judío le'ec nach'ega p'auo, nataq'aen da'me am netaye da'me nichaĝajoĝonaĝac mach'e loĝot na'me adauel ja naqaeda ta'le chiyaqalegue ga'me qoyediñe, dite ñe'me Dios Lepaqal. Ñe'me jo'ne naq'aeta, nach'eñe da'me niyamaĝadenataguec, qalaĝaja ja chiyaqayi ga'me ch'e jiyaĝaua dite ñe'me Dios.

Mateo 11:29

'Noota qom auacoñiyeguet jena'me yepiñejec jo'ne ami janema, nataq'aen 'noota qom jayem auayachiñe queda'me 'uo da'me ñapogaĝadenaĝac nataq'aen joĝodaic jena'me yeuel; nach'eda eeta da'me male 'nomategue jonaa'me adai'lidi'.

Tito 3:2

'Noota qom ja ja 'noe'n naa'me 'laqataqa jo'ne yachalo'te gaa'me laqaya'olqa, ja loequiaĝayaqa, nataq'aen 'noota qom choĝodenataĝanaĝayaqa, nataq'aen ja en 'te 'yoĝodenaĝaic da'me 'loyaĝa'j nale dajoya'agueta gaa'me laqaya'olqa.

Mateo 23:26

¡Am fariseo 'me qanam: 'uaeñe aviyo ga'me lauel ga'me yomaĝaiqui, qama'le nach'e ena'am yoqovita ga'me p'aye!

Romanos 7:22

Jena'me yauelyaĝac 'yamaqate'n gaa'me lamaĝajoĝonaĝaco ñe'me Dios.

2 Corintios 4:16

Qo'che' ja qadoual. Mate mane'e ga'me qadapat ena'am ta'le nemetapiñi, qalaĝaja ñe'me qadepaqal nach'e eta't nichique'tague da'me nadalaĝac.

1 Ts 4:11

A'nañaĝachela't da'me ami machidiñe, nataq'aen ademiya'a ga'me jo'ne mach'e at'onataqui, nataq'aen a'uonataĝanaĝañi naa'me adoua'adi, nach'e ena'am queda'me joote ami jamaĝalo'te ca'li.

Efesios 4:2

Ena'te ami 'yoĝodenaĝayaqa, dite da'me 'noota qom yataqata ami joĝodayaqa naa'me adai'lidi' nataq'aen da'me anapogaĝadeñi. 'Noota qom auodenataĝañetac nale, chiyaqayi da'me adoqopich'ii.

1 Pedro 3:15

Nach'edata da'me a'nonaĝachiyegui joñe'me Cristo mach'e Adejaliaĝanequi. Nataq'aen nach'e eta't aniyamaĝacheta't da'me a'uachiyegueta ena'uaque gaa'me jo'ne denataĝatapelegue da'me jo'ne adeuataqataĝanaĝaqui 'me joote ami uetauelo.

1 Timoteo 2:2

Nataq'aen anetameñilo'te nale gaa'me p'ajodaye nataq'aen jogaa'me jaliaĝanaqa, qaedi 'uo da'me qat'achaqa'yaĝac 'me 'noota, uotaĝa qo'mi yataqata machidiñe, choqoda'me 'uo da'me qadepe'e chayovida'a onaĝaic da'me qadoec.

Lucas 11:40

¡Yataqachiñe ami chiyoĝo's! ¡Joote auayachiñe queda'me ñe'me jo'ne ye'et ga'me p'aye, nach'e ena'am ye'et ga'me p'auo!

Santiago 1:21

Chane'eja da'me ami, 'noota qom aniyochela't, aĝañidiñi yema gaa'me jo'ne paĝachiguilo, nach'e ena'ama gaa'me etaĝaloĝoco jo'ne ja najataĝayaqa, qama'le da'me ami ooyaĝayaqa, 'noota qom auacoñiyeguet da'me dojo' napaĝaguenataĝanaĝac jo'ne joote qoyaañi, qa'a da'me dojo' napaĝaguenataĝanaĝac nach'eda jo'ne 'uo da'me lañoqotaĝanaĝac qaedi ami e'n nec'alaĝategue.

2 Timoteo 2:25

'Uo da'me lapaĝaguenataĝanaĝac jo'ne ja 'yoĝodenaĝaic yanema jogaa'me jo'ne te'me nautetapegalo, qa'a uotaĝa yaloĝolo'te ñe'me Dios qaedi 'ñemaĝadiñe, 'niyelaĝadetot joñe'me nataq'aen male yataqachiñe qoye'n yateto'n da'me eja,

2 Ts 3:12

Ñe'me Qadejaliaĝanec Jesucristo qo'mi yanema da'me lañoqotaĝanaĝac qaedi jaqataĝalo naa'me naajo' jiyaĝa'u, qama'le jamaĝajoĝolo'te da'me 'noota ta'le t'onataĝa'n, qaedi yauata ga'me nali'j.

Mateo 5:5

“Nataq'aen made'tapolqa qomle gaa'me jo'ne ja 'yoĝodenaĝayaqa, qa'a nach'egaua gaa'me jo'ne qoyanema qomle ga'me aleua jo'ne joote qo'yaĝatema.

Romanos 6:6

Jayatenaq ga'me qat'oyaĝac toijec ca'li qoyen caje'megue ñe'me Cristo ca'li qoyep'enajeguem, qaedi da'me qat'oyaĝac 'me etaĝaloĝoic joga'me qoyolaĝachigui nataq'aen male ja qolaqatalegue da'me qo'mi lelataqa daa'me qadoeco.

Lucas 16:15

Qo'che' Jesús enapegalo jogaa'me: “Ami jo'ne aueñetapela't yataqata ami chimadichidiñe nale auajoyiya'agueta ga'me jiyaĝadipi, qalaĝaja Dios yayaten queda'me yataqachiñe ja 'noe'n naa'me adai'lidi'; qa'a ga'me yi'yoĝodetedac jena'me jiyaĝadipi, nach'ega 'yotan joñe'me Dios.

1 Pedro 1:23

Qa'a da'me ami ena'am ta'le yitaĝa 'niyelaq da'me aniyiñe, qama'le nayi ja naqaeda da'me net'ayaĝac 'me ch'e qanejiyaĝauayaĝac jo'ne pal qomle, dite da'me nach'ena na'me 'laqatac joñe'me Dios, jo'ne nach'e eta't nec'aletaye nataq'aen da'me ja pal.

Colosenses 3:3

qa'a ena'am ta'le joote adelevi, qama'le Dios joote yaqataĝata't da'me at'oyaĝaqui jo'ne dalaĝaic qaedi oñiya'ajop ñe'me Cristo.

Gálatas 5:23

Qo'mi joĝodayaqa, nataq'aen jayatenaq da'me ñomata' gaa'me ch'e qadamaico. Qom naq'aeta da'me qat'oyaĝac, qama'le ja qoyouetaque ga'me namaĝajoĝonaĝac.

2 Corintios 10:1

Mach'e jayem Pablo ami ñachoĝodenoto, yajouaĝat da'me qademe'teguet ñe'me Cristo jo'ne joĝodaic nataq'aen choĝodenataĝanaĝaic, mate mane'e 'uo ga'me eetapega nale ami jouetauelo da'me yataqachiñe jayem uategaĝaic, qalaĝaja mane'e da'me jayem qaya'a qama'te ena'am ta'le jayem vichaqaic.

Mateo 21:5

“A'uaĝachem di'me noic Sión: «Auec'aten na'me Adejaliaĝanec am nec'ata. Ja 'yoĝodaq, netalegue ga'me ajena, ga'me ajenolec 'me c'oĝot jaga'me jiyac 'me nachoĝonaĝalate.»”

Romanos 1:23

qa'a jogaa'me male yaĝadiñi da'me netametedapecot ñe'me Dios jo'ne ja pal, nach'edata da'me netametapecoto naa'me lequi'ipi gaa'me qonetametapecoto 'me 'uo ga'me loiquiaqa' nale, uotaĝa gaa'me lequi'il ga'me jiyaĝaua, chayovida'alo jena'me mayodipi liqui'ipi, nanayaqapi choqoga'me yejidipi.