1 Pedro 3:16 - Nuevo Testamento Toba Sombrero Negro

¹⁶ Qalaĝaja 'noota qom aueñe'tem ta'le qaya'te adi'yoĝodiqui nataq'aen da'me ami machidiñe. Nataq'aen da'me aueñi da'me adelnataĝaqui jo'ne 'uo da'me 'nemaĝac, qaedi gaa'me jo'ne ami ye'ue'tape yajouaĝat da'me auep'iiya'a joñe'me Cristo, mach'e nepocoĝolo'te jo' qomle naa'me mach'e 'laqataqa.

Nuevo Testamento Toba Sur

¹⁶ Qataq ÿataqta qan'onaxachiila't, yaqto' da qadvilÿaxaqui ÿataqta machiguiñi, yaqto' nam sa iyacnapec da detaxaÿa da no'on qadataxaqui, souaxat da qau'amaqchiñiitac so Cristo, namayipi ishit da maichi n'aloxon souaxat naua maichi l'aqtaqa.

La'aqtaqa Ñim Lo'onatac 'Enauacna 2013

¹⁶ Qalaxaye qauacheetaigui da qarauotaxanaqtaiqui qataq da 'enec qanqa'eñi namayepi. Qataq qano'onaxacheela't qami' maye qoquiitague' So Cristo, yaqto' saishet da tatapigui da qarvilli da huo'o ca qarasouaxashechi. Yaqto' nam sa iyacnapec da detaxaỹa da no'on qarataxaqui, namayepi ishet da maiche na'aloxon souaxat naua maiche la'aqtaqa.

1 Pedro 3:16 Referans Kwoze

1 Pedro 2:12

A'nañaĝachiyec da'me 'noota qom ovitauelo jogaa'me ja p'etaqadayaqa, qaedi jogaa'me, mate mane'e uo'oe gaa'me 'laqataqa nayi da'me e'n ami laute'u, qama'le ena'am ta'le naqa'ami jo'ne te'me ja 'noe'n da'me at'onataqadi', qalaĝaja qom yauata ga'me 'noota jo'ne auauoyi qama'le 'nonaĝachidegue joñe'me Dios qom yovita ga'me nolo' jo'ne p'ategue, qom qonaloqote'n naa'me mach'e 'lonataqa onolqa'tape jena'me jiyaĝadipi.

Hebreos 13:18

Ena'te aĝañiñi da'me qo'mi auajelaĝañilo'te, qa'a jayatenaq da'me qo'mi uetauelo da'me qadelnataĝac jo'ne onaĝaic, qama'le jetaque ñiyamaĝataqatapeguet yema.

1 Pedro 2:15

Qa'a naq'aeta da'me loequenataĝanaĝac ñe'me Dios: qom auauoyi da'me chimaqachiñe, qama'le jogaa'me jo'ne qaya'te layatenaĝanaĝac nataq'aen jogaa'me chiyoĝo's qaya'te ladi'j ta'le ami dachinataĝalo'te.

Tito 2:8

nataq'aen yataqatelegue, qaedi qaya'te gamachaqaega 'uo da'me 'lenaĝanataĝanaĝac, nataq'aen qaedi 'uo da'me lepocoĝo gamachaqaega te'me qo'mi nautetapegalo, qa'a ja tayet da'me qo'mi yachalo'te ga'me ja no'en.

Mateo 5:11

“Nataq'aen ami made'tapolqa qom 'uo ga'me jiyaĝadipi jo'ne ami yejoue'tape nataq'aen ja no'en da'me ami 'yeteque, nataq'aen qom yajouaĝat da'me jayem, qama'le ami qoyedolo'te ga'me yodapecache noqovinaĝanaĝaco 'me t'aĝanataĝana'ape.

1 Pedro 2:19

Qa'a joñe'me Dios yataqata yichoĝoden ga'me jo'ne napogaĝadeneguet da'me lachoĝodec qoyen, yajouaĝat da'me jetaque yiyamaĝaden ñe'me Dios, mate mane'e da'me lachoĝodec ja chiyaqayi ga'me ja no'en ta'le ya'uo.

1 Pedro 3:21

Qama'le nach'ega ga'me noĝop male yelo'teguet da'me chilaĝanataĝanaĝac, jo'ne nach'e ena'am male chiyaqayi da'me ami qonec'alaĝatedegue. Qalaĝaja da'me chilaĝanataĝanaĝac ja naqaega ta'le yiyo na'me qado'oc, dite da'me qoyiyaĝanot ñe'me Dios qaedi en yoqovita na'me qadauel, yajouaĝat da'me qo'mi nec'alaĝatedegue joñe'me Jesucristo jo'ne 'niyelaĝajeguem joca'li.

1 Timoteo 1:5

Nataq'aen joga'me paquetapega jenjo' 'yelopaĝac: 'noota ta'le noqopitetapega't onolqa'tape jogaa'me, qa'a yataqata eja 'uo da'me loqopich'i jo'ne chiyaqayi ga'me mach'e lai'li jo'ne yataqata onaĝaic, chayovida'a da'me 'uo joga'me lepe'e' jo'ne yataqata eja.

Romanos 9:1

Queda'me jep'iya'a ñe'me Cristo, male ja'aĝatetac da'me eja yataqatelegue, ja joqovinaĝatac. Uoja'eda, da'me yetadenataĝanaĝac 'me equegue ñe'me Dios Lepaqal jayem yayataĝadenec queda'me yataqachiñe eja da'me dojo'.

Hechos 24:16

Qama'le jouaĝat da'me dojo' nach'e eta't 'ñañaĝat qaedi yoqovita jena'me yeuel qama'le ja jepocoĝoguet ñe'me Dios nataq'aen gaa'me jiyaĝa'u.

Hebreos 9:14

Chane'eja qom naq'aeta da'me dojo', qama'le jalcote da'me yaguegue da'me lañoqotaĝanaĝac jaga'me letauo' joñe'me Cristo, qa'a chiyaqayi ñe'me Dios Lepaqal jo'ne nach'e eta't da'me 'uo, ñe'me Cristo mach'e nemenot joñe'me Dios, da'me ena'am ta'le najaqajec jo'ne qaya'te lejepaĝanaĝa. Chane'eja jaga'me letauo' da'me yataqata e'n yoqovite' naa'me mach'e qadai'li, nach'eda da'me jo'ne ja yaqanatet ta'le chiyaqayilo jogaa'me najaqajel toye's, qama'le nayi yataqata jaqanatetaq da'me jo'onataĝanaĝauo'o ñe'me Dios jo'ne nach'e eta't da'me nec'aletaye.

2 Corintios 1:12

'Uo da'me chiyaqayi da'me qani'yoĝodenaĝac, nach'eda da'me qadetadenataĝanaĝac qo'mi 'yaĝatema queda'me yataqachiñe ja 'nalegue da'me qadajoĝoc nataq'aen ja jauoqo 'te lale'gue jo'ne ua'ña jena'me aleua, nataq'aen p'ajaye dojo' jo'ne ami joqote'tagueta. Qo'mi ja ñajenaqa'teguet ta'le qo'mi yaue'j da'me ch'e jiyaĝaua layatenaĝanaĝac, dite da'me jep'iyaqa ñe'me Dios da'me 'uo da'me leyalaqataĝanaĝac.

2 Timoteo 1:3

Ñetamenaĝaco nale jauo'oe gaa'me noloqo'ote nataq'aen gaa'me pi'yaĝadi yataqata ja am 'te japalaĝate'ta, mac da'me yamaic janem ñe'me Dios jo'ne naqaeñe jo'onataĝatape'uo, qama'le qaya'te yelnataĝac laqaya mac da'me yataqata jen yoqovichigui jena'me yeuel, qa'a naq'aeta da'me 'lonataĝanaĝa'j dia'me yet'al joca'li.

1 Timoteo 1:19

Oquetalegue da'me adepe'e nataq'aen nach'e eta't auen onaĝaic ga'me adelnataĝac, qa'a uo'oe jogaa'me male ja yauote ga'me onaĝaic lelnataĝa'j, qama'le queda'e da'me lepe'e'.

2 Corintios 4:2

Qaya'te gamachaqaega ta'le janomaĝaguet da'me qadepocoĝo, uotaĝa joĝotaqatapiñi ga'me qat'onatac. Ja jauoqo da'me ta'le joqovinaq ga'me jiyaĝadipi uotaĝa jaeyaĝanaq da'me 'laqataĝanaĝac ñe'me Dios. Ja naq'aeta, dite da'me nach'eñe ñe'me Dios qa'naĝatoqo't queda'me onolec da'me eja ñenaĝataĝaye. Qo'che' ena'uaque qo'mi qop'eteque.

Hechos 28:22

Qama'le nayi jetaque jomachaĝa ga'me adelnataĝac, qa'a ena'uaque gaa'me ale'u lael jayatenaq ga'me qonautetapega dojo' dalaĝaic napaĝaguenataĝanaĝac.

1 Pedro 4:4

Qalaĝaja nayi da'me male ja aualequechiñe da'me napacalo'te ja 'noe'n q'ae'n da'me nejiyaĝauayaĝa'j jogaa'me ja p'etaqadayaqa; qo'che' jogaa'me male loualeteguet qama'le ami ye'ue'tape.