1 Pedro 3:11 - Nuevo Testamento Toba Sombrero Negro

¹¹ Nataq'aen 'noota qom ca'ae joga'me ja no'en Qama'le ya'uo da'me 'noota, Nataq'aen da'me yelaque da'me 'nemaĝac qama'le equegue.

Nuevo Testamento Toba Sur

¹¹ Qataq no'on da ÿaxanapec ca sa ÿaÿamaxañi. Nda'a't da i'ot ca ÿaÿamaqchiguiñi, qataq nmitaique ca nlagaxayic, qaq nachica quegue.

La'aqtaqa Ñim Lo'onatac 'Enauacna 2013

¹¹ qataq iuen da ỹo'ot ca ỹaỹamaqchiguiñi qataq ỹaxaañi da ỹo'ot ca qauem qataq huetaigui da lactapiguiñi da ỹalectaigui na laỹepi.

1 Pedro 3:11 Referans Kwoze

Mateo 5:9

“Nataq'aen made'tapolqa qomle gaa'me jo'ne 'yetedac da'me 'nemaĝac, qa'a Dios e'n lec'oqo'tolqa jogaa'me.

Hebreos 12:14

Anepogoĝoiñetapegue' da'me nach'e eta't ami uetauelo da'me 'nemaĝac, ena'uaque da'me ami, nataq'aen da'me nach'e eta't da'me ami ja 'nalo'te, qa'a qom qaya da'me qat'oyaĝac jo'ne ja 'nalegue qama'le ja jaqanatetaq ta'le jauanaĝa joñe'me Jaliaĝanec.

Romanos 14:19

Chane'eja 'noota qom jelaqaque ga'me jo'ne chiyaqayi da'me 'nemaĝac nataq'aen da'me 'nañaqataĝanaĝac 'me ja qonañaĝanañi'.

Colosenses 3:15

Nataq'aen 'noota qom da'me 'lemaĝac joñe'me Cristo yelo'oguelo naa'me adai'lidi', qa'a joñe'me Dios ami yiyaĝanalo qaedi nach'ega onolec napat ami qoyapetenegueta. Qama'le auañem da'me adamaiqui.

Romanos 14:17

Joda'me lejaliaĝa ñe'me Dios ja qoyelo'ogue joga'me niqui'yaĝac uotaĝa joga'me qoniyomigui, nach'edata da'me yataqata qoyen p'ajaye da'me qoye'et joda'me 'noota nataq'aen da'me 'uo da'me 'nemaĝac choqoda'me namaic 'me chiyoqo'ot joñe'me Dios Lepaqal.

Romanos 12:18

Qom maqachaĝa ja qalaq ga'me adaloi'taguet da'me auañema gaa'me adaqayadi', auauoyi ga'me maqachaĝa yaqanate't qaedi onolqa'tape uetedaue da'me 'lemaĝa'j.

3 Juan 1:11

Am yaqaya jo'ne am joqopita, ena'te auanaya'alo jogaa'me ja 'noe'n jo'ne qoyadenaĝa't nale, dite gaa'me jo'ne 'noote'. Qa'a joñe'me jo'ne ya'uo da'me 'noota, nach'eñe chiyaqayi joñe'me Dios, qalaĝaja ga'me jo'ne ya'uo ga'me ja no'en qamqa'me ja yateton joñe'me Dios.

Santiago 4:17

Chane'eja, ga'me jo'ne yayaten da'me ye'et da'me jo'ne onaĝaic, qama'te ja 'ye'et, nach'ega jo'ne ya'uo da'me mach'e loec.

Hebreos 13:16

Nach'e ena'am ena'te aĝañiñi da'me auauoyi da'me 'noota, nataq'aen da'me anecolaĝachiyalo gaa'me adaqayadi' ga'me youetedaque, qa'a nach'eda da'me qadajaqajec jo'ne 'yamaqaten joñe'me Dios.

1 Timoteo 6:18

Nataq'aen a'uaĝatema qaedi yauote da'me 'noota, qa'a da'me onaĝayaqa 'lonataqa ena'am ta'le yataqata neuoyaĝaco. Nataq'aen 'noota ta'le ja jemataqayaqa, nataq'aen onaĝaicaloec.

Gálatas 6:10

Qo'che', qom nach'e eta't jaqanatetaq, je'etaĝama da'me 'noota jogaa'me qadaqaya', qalaĝaja yataqachiñe p'ajaye yecochaĝalo jogaa'me jo'ne quetegue ñe'me Cristo.

Gálatas 5:22

Qalaĝaja ñe'me Lepaqal ñe'me Dios qo'mi noqopitaĝanaĝaneque jogaa'me qadaqaya'olqa, nach'e eta't jouaqataue da'me qo'mi made'tape nataq'aen jouaqataue da'me qat'emaĝac da'me jouaqa'tajopa gaa'me qadaqaya'. Qo'mi e'n ñapogaĝadenaq nataq'aen qo'mi qopitaĝanaqataqayaqa, nataq'aen nach'e eta't 'noota ga'me je'etaĝaque jogaa'me qadaqaya', jep'iyaqa ñe'me Dios.

Romanos 8:6

Qama'le da'me nedo'ta't auenatetapega ga'me anejiyaĝauayaĝac 'me ch'e aleua le'ec am yaueque'tague da'me adeleuaĝa; qalaĝaja da'me qom eetapega gaa'me uo'oe jo'ne chiyaqayilo ñe'me Dios Lepaqal am yaueque'tague da'me at'oyaĝac nataq'aen da'me at'emaĝac.

Romanos 7:21

Jetadet'aguet da'me temaqaedi jetaque je'et ga'me 'noota, nach'edata ga'me ja no'en 'me jayem netaye jauana nale.

Romanos 5:1

Qama'le queda'me Dios joote qo'mi e'n yataqatelo'te, yajouaĝat da'me qadepi'iyaĝac, male 'uo da'me qat'emaĝac 'me chiyoqo'ot ñe'me Dios, qa'a na'ya q'aen ñe'me Qadejaliaĝanec Jesucristo.

Juan 17:15

Qalaĝaja ja jiyaĝanaque da'me aue'n queda'e jena'me aleua, dite da'me aueuolo'te, ena'te auaje'tema da'me ja no'en.

Mateo 6:13

Ena'te qo'mi auachalo'te da'me qanapiyenaguec, Dite da'me qo'mi auachiyoĝo'toto joñe'me ja no'en.»

Mateo 5:45

Qama'le naq'aeta da'me ami e'n di'yo't da'me ami lec'oqo'tolqa ñe'me Adet'ai 'me na'ague di'me piyem; qa'a jañe'me 'najeua ñe'me yecoyadelo'te gaa'me ja p'iida'a nataq'aen gaa'me p'iida'a; nataq'aen namaĝalo ga'me uotep gaa'me chimadichidiñe nataq'aen gaa'me ja chimadichidiñe.

Romanos 7:19

Ja jañoĝot ga'me 'noota jo'ne jetaque je'et, dite ga'me ja no'en jo'ne ja jetaque ja'uo.

Lucas 6:35

Qalaĝaja ami, 'noota qom adoqopichiyalo gaa'me adaute'udi', nataq'aen auauoyi da'me 'noota, nataq'aen a'nataĝanaĝañiyec ga'me adoĝochi qama'le ena'te auajoĝoñi'ta ta'le ami 'yiyelaĝategueta ga'me lajo'vi. Qaedi naq'aeta da'me jalcote da'me anejetenaguequi, da'me ami qoye'n lec'oqo'tolqa joñe'me Dios jo'ne napacalegue ena'uac, jo'ne nach'e ena'am nichoĝodenoqo't jogaa'me jo'ne ja yane'm da'me lamai'j joñe'me nataq'aen qaleuaĝayaqa.

Lucas 6:9

Qama'le Jesús yachimaĝatalo jogaa'me jiyaĝa'u laqaya': —'Uo ga'me ami jenateque: ¿Jach'e ga'me qoyajeta ta'le qoya'uo ga'me nolo' jo'ne niyamaqatac? ¿Qo'li qoyajeta ta'le qoye'tem ga'me 'noota jenjo' qadaqaya, uotaĝa ta'le qoye'tem ga'me ja no'en? ¿Qo'li qoyajeta ta'le qonec'alaĝategue ga'me 'loyaĝac, uotaĝa ta'le qoyapalaĝat?

Lucas 1:79

Qaedi yecoyadelo'te gaa'me jo'ne uetedaue da'me 'lalaĝa, gaa'me jo'ne t'oitedapega da'me leleuaqa', Qama'le qo'mi yauequeteda'ague di'me naq'aec jo'ne yelo'ta da'me qat'emaĝac.”

Marcos 14:7

Qa'a gaa'me choĝodache nach'e eta't ami uetauelo, nataq'aen auaqanachichi ta'le 'noota ga'me a'vichiyeque qom naq'aeta da'me adelnataĝaqui. Qalaĝaja da'me jayem ja nach'e eta't ami jouetauelo.

1 Pedro 3:12

Qa'a joñe'me Jaliaĝanec netelalo jogaa'me jo'ne yataqatelo'te Nataq'aen da'me naquiaĝanalo gaa'me netamenaĝaco, Qalaĝaja nautenalo jogaa'me jo'ne 'yetetedac da'me ja no'en.”