1 Pedro 2:7 - Nuevo Testamento Toba Sombrero Negro

⁷ Ami jo'ne auep'iiya'a joñe'me yataqata a'uamaqachiñe da'me 'uo da'me lajo'viyaĝac let'adaic. Qalaĝaja uo'oe gaa'me jo'ne ja p'iida'a, qama'le yepaquichigui da'me 'yaĝatetedac jonaa'me nedii's jo'ne qoyedidiñe joca'li, eet'oi: “Ga'me qa' jo'ne 'yota'n jogaa'me onataĝanaĝayaqa, Male taue da'me neleguemaĝata ga'me qa' 'me t'añiyapeguet ga'me emec.”

Nuevo Testamento Toba Sur

⁷ Qaq qami' mayi qau'amqajnataxañi, nachi que'eca coma' ÿataqta huo'o qanqashiñi da lli'oxoyic; qalaxayi nam sa ishit da da'amqajnataxan, nachi ipacchiguilo naua ñiyigui'shi l'aqtaqa ñi Dios mayi 'eeta': Som coma' mayi ÿalateec co'olloxochiyi nam noÿic l'opi, somayi nachiso nagui so nllañi ca noÿic.

La'aqtaqa Ñim Lo'onatac 'Enauacna 2013

⁷ Qami' qaua'amaqchiñi Ñim Lo'onatac 'Enauacna, ỹoqo'oye ỹataqta huo'o naq naigui qanqa'eñi se'eso coma' maye qaica ca 'ena'am da lyac. Qalaxaye nam saishet da ỹa'amaqten, nache ỹo'ot dam la'aqtaxanaxac ana nere maye huetalec na la'aqtacpi Ñim Lo'onatac 'Enauacna maye 'eeta': «So coma' maye ỹo'otan co'ollaxa som ỹo'ottac añi no'onaxanaxaqui late'erai, nacheso nagui som ỹe'eguelaxa da ỹataqta nhuenec da qaỹo'ot ca nỹec.»

1 Pedro 2:7 Referans Kwoze

Mateo 21:42

Chane'eja Jesús enaac: —¿Qo'li ja auec'achiñe' daa'me nedii's jo'ne 'laqataqa ñe'me Dios? 'Uo na'me eet'oi: «Ga'me qa' jo'ne 'yota'n jogaa'me onataĝanaĝayaqa, Male taue da'me neleguemaĝata ga'me qa' 'me t'añiyapeguet ga'me emec. Dojo' ya'uo ñe'me Jaliaĝanec qama'le yataqachiñe qadoqoch'em.»

1 Pedro 2:8

Qama'le nach'e ena'am jenjo' 'naqatac laqaya eet'oi: “Nach'ena na'me qa' jo'ne en dapolegaĝa'n ga'me jiyaĝadipi, Na'me qa' jo'ne en 'naqadiñe jogaa'me.” Qa'a jogaa'me dapolegaĝa'n yajouaĝat da'me ja yoqochideta na'me 'naqataĝanaĝac. Qama'le nach'eda da'me jo'ne chiyaqayi da'me ne'uaĝanague'j.

1 Pedro 1:8

Da'me ami joote adoqopichiya joñe'me Jesucristo, mate mane'e ja auañiya, qama'le nayi auep'iiya'a joñe'me mate mane'e ja aueloi'yot. Chane'eja yataqata ami made'tape nayi, yataqachiñe let'adaic da'me adamaiqui jo'ne ja qoyaqanatet ta'le qouenate'ta qaedi qo'yaĝatetac,

Hebreos 11:31

Jañe'me Rahab jo'ne quejeguetaĝai yataqata p'iya'a joñe'me Dios joca'li, qama'le ja ueta'ñoto dia'me loeco lo'olpi da'me qoyala't ca'li, qa'a jañe'me nach'añe jo'ne yaconegueta joca'li jogaa'me lec'atenaĝanaĝanaqa ñe'me Josué, yataqata yiyamaĝate'tape jogaa'me.

Hebreos 4:11

Chane'eja da'me qo'mi, 'noota qom 'ñañaĝataq qaedi jañoĝotaq da'me jenoĝonaĝauo'o da'me 'nomataĝaiqui joñe'me Dios, qaedi qaya'te ta'le onolec jo'ne ja yenoĝoneuo'o yajouaĝat da'me que'teguelo jogaa'me jo'ne ja p'iida'a joñe'me Dios.

Tito 3:3

Qa'a joca'li nach'e ena'am qo'mi chiyoĝo's nataq'aen qoleguetaĝanaĝaiquipi; qadejometac ca'li nataq'aen qo'mi lecoñetae's yema gaa'me yodapecache 'me lamaico jena'me aleua. Jouaqatauelo ca'li gaa'me ja 'noe'n nataq'aen nep'aguenataĝanaĝaco, qo'mi qoniquiyatapegalo nataq'aen qo'mi quiyaĝanataqaiquipi.

Colosenses 2:10

qama'le nayi yataqata ami jaqachiguilo da'me lajoĝoc ñe'me Dios, qa'a Cristo nach'eñe laqai'j ena'uaque gaa'me nañoqotaĝanaĝaco nataq'aen nejaliaĝaco.

2 Corintios 2:16

Qalaĝaja gaa'me ja p'iida'a ñe'me Cristo, jenaqa'am ga'me laeta jo'ne dalataĝanac; gaa'me qonec'alaĝatedegue qamqa'me, jenaqa'am ga'me laeta jo'ne chiyaqayi da'me 'noyaĝac. Qama'le ¿jach'e ga'me yaqanatet ta'le yepaque'teguelo yauo'oe da'me dojo' 'nonatac jo'ne qo'mi yamaĝalo'te ñe'me Dios?

Romanos 15:31

Anachoĝodeñiyot joñe'me Dios qaedi jayem yaĝa'n jogaa'me ja p'iida'a ñe'me Dios 'me neda'ña di'me Judea, nataq'aen gaa'me qadaqaya'olqa 'me neda'ña di'me Jerusalén, yataqachiñe jalcote 'noota qom yacoteguet jana'me necochaĝanaqate jo'ne jeda'alo,

Romanos 10:21

Qama'le da'me taya'a da'me 'laqatac jogaa'me Israel c'oqo'tepi, Isaías enaac: “Yema ga'me nolo' jachetalo'te naa'me youa' ga'me noic jo'ne ja jayem 'te yoqo'cha nataq'aen ja damita.”

Hechos 26:19

“Chane'eja, am p'ajaye jaliaĝanec Agripa, ja joqoleguet ga'me jauana jo'ne chiyoĝogue di'me piyem,

Juan 4:42

Chane'eja t'aqataĝatem jañe'me yauo: —Nayi male ja nach'edata da'me jep'iyaqa joñe'me jouaĝat da'me jo'ne qo'mi a'uaĝatema, qa'a nayi mach'e qo'mi da'me jomachaĝa joñe'me, qama'le jayatenaq da'me yataqatelegue eja naqaeñe ñe'me jo'ne Lec'alaĝaiqui ena'uac ga'me jiyaĝadipi.

Lucas 20:17

Qalaĝaja Jesús yelochiguilo, qama'le enaac: —Qama'le ¿jach'e jogamaĝa yelo'teguet dojo' jo'ne 'yaĝatetac ga'me nedii's: «Ga'me qa' jo'ne 'yota'n jogaa'me onataĝanaĝayaqa, Male taue da'me neleguemaĝata ga'me qa' 'me t'añiyapeguet ga'me emec»?

Lucas 2:32

Nach'eñe ena'am ta'le yoqochiñe jo'ne yecoyadelegue ena'uaque joga'me jiyaĝadipi; nach'eñe chiyaqayi da'me qo'mi qoyi'yoĝode'tape, qo'mi Israel laje'pi jo'ne mach'e qo'mi ac'oqo'tepi.”

Lucas 2:34

Chane'eja Simeón nach'e ena'am netamelo'te jogaa'me, qama'le t'aqataĝanem jañe'me María, jo'ne lat'e ñe'me Jesús: —Cha'apega, jenjo' notolec qoyajoĝo'tague qaedi gaa'me Israel laje' uo'oe gaa'me 'uaĝadiñe nataq'aen uo'oe gaa'me ñidijeguem. Nach'eñe 'nanec, qalaĝaja uo'oe qayoĝode' jo'ne 'yota'n.

1 Pedro 2:4

Chane'eja anichiquii'uo nayi joñe'me Qadejaliaĝanec Jesús jo'ne ena'am ga'me qa' 'me yataqata nec'aletaye. Ga'me jiyaĝadipi 'yota'n ca'li joñe'me, qalaĝaja nach'eñe jo'ne Dios liquiyac nataq'aen da'me 'uo da'me lajo'viyaĝac let'adaic.