1 Pedro 2:6 - Nuevo Testamento Toba Sombrero Negro

⁶ Qo'che' nach'e ena'am 'yaĝatetedac naa'me nedii's jo'ne qoyedidiñe joca'li, eet'oi: “Male janañgui di'me laeñi di'me noic let'adaic jo'ne Sión Ñe'me jo'ne ena'am ga'me qa' 'me t'añiyapeguet ga'me emec, Nach'eñe jo'ne onaĝaic, mach'e yiquiyac, Qama'le ga'me jo'ne 'yamaqaten joñe'me qaya'te 'uo ga'me lepocoĝoc qomle.”

Nuevo Testamento Toba Sur

⁶ Cha'ayi naua ñiyigui'shi l'aqtaqa ñi Dios nataq'en 'eeta': Aÿim sanangui na laiñi yi Sión ca 'eeta'am ca coma' mayi nllañi ca noÿic; camayi llica'aguishic qataq ÿataqta ÿauotaxat. Qaq ca i'amaqten camayi, qaq sa ishit da n'aloxootac.

La'aqtaqa Ñim Lo'onatac 'Enauacna 2013

⁶ Cha'aye da la'aqtaxanaxac Ñim Lo'onatac 'Enauacna maye nanettalec ana la'aqtac lmalate Ñimaye 'eeta': «Aỹem da soota'a ye Jerusalén qalaq sheeta'am ca coma' maye qaica ca 'ena'am da lyac qataq nca'aguishec. Aỹem coma' maye ỹataqta nhuenec qaq da ỹo'onataxanaxac ñelletañi ca nỹec. Qaq cam Aỹem pi'iỹa'a nache camaye saishet da qaỹatenachet.»

1 Pedro 2:6 Referans Kwoze

1 Pedro 2:4

Chane'eja anichiquii'uo nayi joñe'me Qadejaliaĝanec Jesús jo'ne ena'am ga'me qa' 'me yataqata nec'aletaye. Ga'me jiyaĝadipi 'yota'n ca'li joñe'me, qalaĝaja nach'eñe jo'ne Dios liquiyac nataq'aen da'me 'uo da'me lajo'viyaĝac let'adaic.

Efesios 2:20

Da'me ami aueñiya'am ga'me lae ga'me emec let'adaic jo'ne qo'noĝotapejeguem, qama'le quetede'egue jogaa'me ledii's gaa'me paĝaguenataĝanaĝayaqa 'uaediñe jo'ne Jesús lamaĝa's nataq'aen gaa'me Dios 'laqataĝanaĝanaqa, qama'le nach'eñe joñe'me Jesucristo jo'ne ena'am ga'me qa' 'me t'añiyapeguet ga'me emec.

Marcos 12:10

Anetoviñetac ga'me jo'ne joote qoyediñe joca'li jo'ne enaac: «Ga'me qa' jo'ne 'yota'n jogaa'me onataĝanaĝayaqa, Male taue da'me neleguemaĝata ga'me qa' 'me t'añiyapeguet ga'me emec.

Romanos 10:11

Naa'me nedii's eet'oi: “Ga'me jo'ne p'iya'a joñe'me, ja qoyoqovitac joga'me.”

2 Timoteo 3:16

Qa'a yemeda naa'me Dios 'laqataqa yataqata uetedaye da'me 'lañaĝac ñe'me, nataq'aen yataqata 'uo ga'me chiyaqayi nale qodapaĝaguenataĝaneque, nataq'aen yaqanatet ta'le en qodaloĝonataĝana da'me qadepe'e, chayovida'a male qoloqochiyaĝanaĝanec ga'me jiyaĝaua qaedi male 'uo ga'me nejiyaĝauayaĝac yataqachiñe chimaqategue,

Juan 7:38

Qama'le ena'am da'me jo'ne 'yaĝate'tape jonaa'me nedii's, gaa'me jo'ne jayem p'iida'a, ga'me lai'li jogaa'me 'natetayi joga'me noĝop jo'ne chiyaqayi da'me nec'alaĝa.

Lucas 23:35

Nach'e ena'am ue'tedi ga'me jiyaĝadipi yec'atetedac; nataq'aen chayovida'alo gaa'me jaliaĝanaqa ye'uetedac joñe'me, enapega't: —Yaqanatet da'me nec'alaĝatedegue gaa'me laqaya'; 'noota da'me mach'e nec'alaĝatela't nayi, qom eja naqaeñe Liquiyac ñe'me Dios.

Mateo 12:18

“Jenjo' mach'e yalemaĝajet, Naqaena jena'me yataqachiñe yiquiyac, Nataq'aen mach'e jauotec Choqoda'me ñetotapec. Janoue ñe'me Yepaqal Qaedi 'yaĝatetapema joda'me yataqatelegue joga'me noyaqapi.

2 Pedro 3:16

Onole'tape jogaa'me jo'ne mach'e lediijel joñe'me, da'me joote 'yaĝate'tape da'me dojo', mate mane'e uo'oe jogaa'me 'laqataĝanaĝaco jo'ne 'uo da'me laqalaico ta'le qoyayate'n, qama'le jogaa'me qaya'te layatenaĝanaĝa'j nataq'aen da'me qaya'te 'lañaĝac da'me lepe'e', nach'egaua jo'ne yajaĝadiñe naa'me naajo' napaĝaguenataĝanaĝaco, qama'le nach'e ena'ama q'aen jogaa'me Dios 'laqataĝanaĝaco laqaya' da'me yajaĝadiñe, qama'le 'uo qomle da'me mach'e laviyaĝaje't.

2 Pedro 1:20

Qalaĝaja 'noota qom yataqata auayachiñe da'me dojo': queda'me qaya'te 'uo ga'me yaqanatet ta'le yachiyoĝotayi ga'me mach'e lelnataĝac da'me 'yaĝatetac naa'me nedii's.

Efesios 1:4

Ca'li maliaĝa ja di'yoq jena'me aleua, Dios joote en qo'mi liquiyaqa qaedi qolaĝague ñe'me mach'e Liquiyac Jesucristo, da'me en jajoyaqa'aguet joñe'me Dios, male yataqata ja qo'mi 'te 'nalo'te, qaya'te qanaviyaqataguec. Dios yataqata qo'mi noqopitalo,

Hechos 1:16

“Ami yaqaya'olqa, 'uo ca'li da'me youetaque ta'le yepaque'teguelo ena'uac ga'me jo'ne Dios Lepaqal yayatenaĝanaĝanec di'me David, joote yechoĝotetac daa'me nedii's jo'ne 'yaĝatetedac di'me Judas, nach'edi qodajolegue ca'li male qoyecoñe' ñe'me Jesús.

Lucas 20:17

Qalaĝaja Jesús yelochiguilo, qama'le enaac: —Qama'le ¿jach'e jogamaĝa yelo'teguet dojo' jo'ne 'yaĝatetac ga'me nedii's: «Ga'me qa' jo'ne 'yota'n jogaa'me onataĝanaĝayaqa, Male taue da'me neleguemaĝata ga'me qa' 'me t'añiyapeguet ga'me emec»?

1 Pedro 2:8

Qama'le nach'e ena'am jenjo' 'naqatac laqaya eet'oi: “Nach'ena na'me qa' jo'ne en dapolegaĝa'n ga'me jiyaĝadipi, Na'me qa' jo'ne en 'naqadiñe jogaa'me.” Qa'a jogaa'me dapolegaĝa'n yajouaĝat da'me ja yoqochideta na'me 'naqataĝanaĝac. Qama'le nach'eda da'me jo'ne chiyaqayi da'me ne'uaĝanague'j.