1 Pedro 2:2 - Nuevo Testamento Toba Sombrero Negro

² Ena'am ga'me notolec jo'ne yemta niyiñe netaque da'me lamaic jaga'me lochi', qama'le nach'e ena'am da'me ami, 'noota qom anechiyaque da'me lamaic da'me 'laqatac ñe'me Dios, qaedi ga'me jo'ne chiyaqayi en anichiquitajeguem nataq'aen da'me 'uo da'me adec'alaĝaqui,

Nuevo Testamento Toba Sur

² Qami' qoñiita'amo' ca nogotolec chita'ague da ñiguiñi da ÿataqta qansoxochi da l'aqtac ñi Dios mayi 'eeta'am ca ÿataqta ndoteec lchi' aca nate'e, yaqto' damayi qami' nañaxa't naq'en, qataq qami' ividaxata'alo da qanca'alliiuec.

La'aqtaqa Ñim Lo'onatac 'Enauacna 2013

² Nachaqrata da qanmichiỹaique 'enauac na no'on maye itauan da saqcha'a qarca'alaqai, 'eeta'am ca nogotolec maye cheta'ague da ñiguiñi da lhuogoxo da nmitta'a na lche' aca late'e. Qaq da nache qoñiitec de'era, nache qami' no'o'n 'amqaanataxanaxaiqa, qaq Ñim Lo'onatac 'Enauacna nache qami' nca'alaxatre'c,

1 Pedro 2:2 Referans Kwoze

Efesios 4:15

Chane'eja 'noota ta'le da'me qadoqopich'i nach'ena qo'mi yaloĝo'talo qaedi nach'e eta't ja'aĝataĝatac da'me eja, chayovida'a da'me nach'e eta't ñaqaloĝodaqataje'ma joñe'me Cristo, jo'ne nach'eñe qo'mi nejaliaĝatelo'te yemeda naa'me noloqo'ote.

2 Pedro 3:18

Qalaĝaja 'noota da'me yataqachiñe auatetoñi ñe'me Qadejaliaĝanec mach'e Qadec'alaĝaiqui Jesucristo, qama'le da'me ami nichiguegue da'me adoqopich'i. ¡'Noota qom qoyauana da'me 'lonaĝa joñe'me, nayi jenjo' nolo' nataq'aen yemeda naa'me noloqo'ote, nach'e eta't ja pal! Jaja'a, nach'e naq'aeta da'me dojo'.

Marcos 10:15

Eja da'me ami ja'aĝatema, queda'me ga'me jo'ne ja yaconeguet da'me Dios lejaliaĝa ena'am da'me yacoteguet nat'olqa ñoqolqa, qama'le ja yaqanatet ta'le taue joda'me.

1 Corintios 14:20

Ami yaqaya'olqa, ena'te auadenaĝachi' daa'me lelnataĝaco jogaa'me ñoqolqa. Yataqachiñe 'noota ta'le aueñiya'ama jogaa'me 'najodolqa jo'ne ja yauote ga'me ja no'en, qalaĝaja 'noota ta'le gaa'me adelnataĝacodi' joote 'yaĝayaqa.

2 Ts 1:3

Ami yaqaya'olqa, 'noota qom yemeda naa'me naajo' noloqo'ote janemaĝam da'me qadamaic joñe'me Dios, jouaĝat da'me ami. Nach'ena jena'me jenjo' ta'le jauoqo, qa'a da'me ami male yataqata auep'iiya'a joñe'me Dios, nataq'aen da'me di'yoq yataqata anoqopich'iya't, da'me ami naqaya' onolqa'tape da'me ami.

Mateo 18:3

qama'le enaac: —Eja ami ja'aĝatema queda'me qom ja aueñiya'ama gaa'me ñoqolqa da'me anejouoqoeñi, qama'le ja auaqanachichi ta'le ayoue da'me lejaliaĝa jodi'me piyem.

Efesios 2:21

Naqaeñe jo'ne nelaĝatañe jena'me jenjo' emec qaedi ja 'uaĝañe, dite da'me en nichiquetaye, chayovida'a male yataqata tamenaĝaiqui ja 'nalegue jo'ne mach'e Qadejaliaĝanec 'lemec.

Romanos 6:4

Qa'a jouaĝat da'me nachilaĝanataĝanaĝac nach'e ena'am qo'mi ena'am ta'le jouaĝaue jaga'me napa'l lae't jo'ne qoyachaue ca'li ñe'me Cristo, nataq'aen ena'am ta'le qadeleu ca'li qaedi qo'mi qo'niyelaĝachidijeguem nataq'aen qadec'alegue qaedi jaconaĝaguet da'me 'noyaĝac dalaĝaic, nach'e naq'aeta ca'li Cristo qo'niyelaĝachijeguem, chiyaqayi da'me let'adaic lañoqotaĝanaĝac ñe'me Let'a.

1 Pedro 1:23

Qa'a da'me ami ena'am ta'le yitaĝa 'niyelaq da'me aniyiñe, qama'le nayi ja naqaeda da'me net'ayaĝac 'me ch'e qanejiyaĝauayaĝac jo'ne pal qomle, dite da'me nach'ena na'me 'laqatac joñe'me Dios, jo'ne nach'e eta't nec'aletaye nataq'aen da'me ja pal.

Mateo 19:14

Chane'eja Jesús enaac: —Auomachiyi'yalo gaa'me ñoqolqa da'me jayem nec'adeta, nataq'aen ena'te a'uoitapegueta, qa'a gaa'me jo'ne tadoue da'me lejaliaĝa ñe'me Dios nach'egaua ena'ama naajo' ñoqolqa.

Lucas 18:17

Eja da'me ami ja'aĝatema queda'me ga'me jo'ne ja yaconeguet da'me Dios lejaliaĝa ena'am da'me yacoteguet nat'olqa ñoqolqa, qama'le ja yaqanatet ta'le taue joda'me.